SEPTEMBER THLA - BEIHRUAL THLA LO CHHUAH DAN

Kohhran êntu : The 4th Sept., 2016 (Pathianni) : Kum 2016 September thla (Beihrual thla) – ‘Mizo Kristiante Rammut Thla’ tia kan sawi thin chu kan lo hmang tan leh ta. Kuminah hian hmun danga inkhâwm lovin, a tîr atanga tâwp thlengin Biak Inah vek hun hman a ni ang.

Hetia ‘Beihrual thla’ a lo thlen hian kan ngaihtuahna tizau atán ‘Beihrual Thla lo chhuah dan’ an sawi hi i lo tárlang thar leh teh ang (A sei deuh avàngin kài tâwi mai ila – Editor)

Kum 1894-ah Chanchin Tha kan dawng a, kum 1906-ah Harhna tum khatna a lo chhuak a, tum hnihna pawh kum 1913-ah a lo chhuak leh a, ringtu an pung hlê. Mahse, hun engemaw chen hnuah Harhna chu a lo reh a, Kohhran a lo nguiin a lo chak lo leh ta. Rinna kawnga an la ngheh tâwk loh avàngin han ban leh pûk pûkte a awm a, khawvêl mite’n nuihzatin, “Pathian thuawih leh aichhia chuan thál an hua a nia,” an ti thin! Mahse, mi engemaw zât rinnaa mi nghet leh rinawm an awm a, phûrna hloh mah se, thahnemngaihna hloh lovin an thawk zêl a. He Harhna hnua Kohhran han ngui leh chuan mi tam tak hnungtawlhna leh zuaina a siam mai bâkah, thawhlàwm pawhin a tuar nghâl a. 1917-a Tirhkoh tirh chhuah 7 chu thawhlàwmin a daih loh avàngin an hlawh bi chêng 10 chu chêng 8-ah tihhniam a ni a. Tichuan, ringtute intihchaktawnna leh ringlote beihna chu hnapuia neih an duh ta a ni.

Hetih lai hian, Mizoram Hmar-Chan pumpui hi Khasi Synod hnuaiah Presbytery pakhat kan ni a, kum khatah vawi hnih (March & October) Inkhâwmpui an nei thin a. March 15 – 18, 1918 Presbytery Inkhâwmpui Aijal-a neih chuan hetiangin a rêl a, “Kristian Beihrualna hi June, 1918-ah hian lo awm tan turin kan ruat a. Thla chawhma lam chu mahni Kohhranho tâna intih chakna tûr leh intih thianghlimna leh intihngah lâwkna atán kan hmang theuh ang a; tin, thla chawhnu lam chu ringlote tána hman tûr a ni ang, mi hruai hrâm tûrin. Tin, Kohhran tinin an thawh-zia dan theuh tur an ngaihtuah ang.”

Rev. Sandi-a pawhin hetiang hian hriattîrna a chhuah a (A thena zár chauh tárlang ila – Editor) Kan beihrualna hi ti tha tûr leh Pathian hming tiropui tûrin heng thil hi i ti ang u –
a) Nashatak-in tawngtâiin Pathian malsàwmna kan dîl tûr a ni. June thla hma pawhin rei fê an.
b) Kan ngaihtuah fo tûr a ni.
c) Kan in en tûr a ni. Kan rilru kan buatshaih tûr a ni. Sualna zêp ilangin malsàwmna a dâl ang. Isua hnênah fel takin kan inpe tûr a ni.
d) Engtin nge beihrualna hi kan tanpui theih ang, kan ngaihtuah tûr a ni. Tin, a tumna ber kan hre reng tûr a ni. Hapta hnih hmasa chhungin Kohhranho mi tiharh leh tithianghlim tûrin kan bei hrâm ang. Tin, chumi hnûah chuan awih lote hnêna kalin kan beirual ang. Heng thil pahnih hi kan Pathian duhzáwng a ni tih kan hria. Taima takin i ti ang u. Tin, kan Kohhranho tinin malsàwmna ropui tak an hmu ang tih kan beisei. Beihrual thatna tûr chu tawngtâiin i dîl fo ang u. (Kristian Tlángau May, 1918 : Phêk 99)

Hemi tuma an hman dàn Láihnawka khua Lungsum leh Lalzîka khuate chuan an report a, a ngaihnawm hlê (Kristian Tlángau Sept. 1918 : Phêk 172, 180). Aizawl hmuna an hman dàn report Sandi-a Sâp leh Liangkháia-te ziak atangin hêngte hi la chhuak ila (A thena zár chauh – Editor):-

“....June ni khat zàn atang khán inkhâwm kan lo tan ta a, Pathianin mal min shàwm shak a.....Pathian thuawih lo ho kan bei tan ta a. Mi lian deuhin mi lian deuh an bei a, mi tê deuhin mi tê deuh kan bei a, nulain nula, tlangválin tlangvál..mahni tum tâwk theuh kan bei a. Pathianin chakna min pêk avàngin tumahin hlau lo leh zak lo leh ning hauh lovin kan bei theuh a...”

Khaw hrang hrang atanga Beihrual vànga hming pe thar mi 344 an ni (Kristian Tlángau – Oct. 1918 : Phêk 194-195).

Hetianga June, 1918-ah hlawhtling taka an hman avàngin October, 1918-a Champhái Hmunhmêltha khuaa Presbytery chuan, “Beihrualna hi awm leh sela kan ti tláng a, kum 1919 September a ni ang, a tih dàn tûr chu hmâna mi ang bawk khán a ni ang,” tiin a rêl leh a (Presby. Oct. 1918 No. 11). Ringtute’n thahnemngái taka an tawngtâina leh an beihna chu Pathianin mal a sàwm a, kum 1919-ah chuan Harhna tum thumna a lo thleng leh ta nghê nghê a nih kha.

Kum 1918-ah June; 1919 leh 1920-ah September, 1921-ah January, 1922 – 1924-ah April thlàahte hman thin a ni a. Mumal taka September thlà kan hman hi 1912 atangin a nih hmêl e (Presby. Oct. 1920, Oct. 1921 No. 33, Asssembly 1925 : January, No. 18).

Standing Committee thurêl angin kum 1973 atangin ram pum huap thuzir bîk siam tan niin a lang. “Kan Kohhran kumtin Beihrual hi fel zâwka kan tih theih nán Beihrual programme ram pum tán siam ila, kan subject chu ‘Insûmna’ lam thu nise,” (SC - Dt. 28.8.1973 No. 7). Mizoram buai avàngin ram pum huap zir tûr siam loh tum a awm a, hêngah hian mahni Kohhran remchàn anga buatsaih leh hman a ni.

Hapta hmasa ber Ramthar Haptá hi 1981 atanga hman tan a ni a, Hapta lina Kristian Chhûngkaw Haptá hi 1983 atanga hman tan a ni.

Aizawl West Presbytery-in Beihrual thla hman dàn tihdanglam a rawtna chu 2001 Synod chuan tha tiin SEC bawhzui tûrin a dah a (2001 Synod Gen. 5). Questionaire-te siama ngaihdàn hrang hrangte lâkkhâwm a nih hnuah tihdanglam dàn tûr hetiang hian rêl a ni :-
1) Beihrual thla hi September thlàah hmang zêl ila.

2) Tualchhung Kohhranin remcháng leh tha a tih angin Biak In leh In lama hman pawlh thin a ni ang.

3) Thupui hi rampum huapin Synod-in a la siam zêl ang a; amaherawhchu, a thupui leh Bible cháng tàrlan bâkah a kaihhruaina thuziak hi tûna kan hman lái aia tâwi fel zâwka siam tûr a ni ang.

4) Mahni Kohhran tán tangkái leh sâwt zâwka hmang duhte tán zau zâwka zalenna pêk a ni ang.

5) Kan Kohhran hmalâkna pawimawh – Kristian Chhûngkua, Ramthar leh vàntláng nun siamthatna (Social concern) lam thilte hi hlamchhiah loh tûr a ni ang.

HUN RUAT
Ni 04.08.‘16 : Sunday School
Tantu : Pi Rohmingliani
Zirlai : ‘Thlarau Thianghlim -
Tirhkohte thuvawnah’

Ni 04.08.‘16 : Pathianni chawhnu
Hun hman dàn : Lalpa Zanriah Sakramen
Thehtu : Pastor C. Sâpkáia

Ni 04.08.‘16 : Pathianni zàn
Chairman : Meeting Chairman
(Pastor)
Thupui : ‘Tawngtâi dàn dik’
Sawitu : Upa Vànlalzuia

Ni 05.08.‘16 : Thawhtanni zàn
Chairman : Upa N. Siamliana
Tantu : Pi Rozami (B-9)
Thupui : ‘Evangelism awmzia’
Hawngtu : Pu Lalrinchhana

Ni 06.08.‘16 : Thawhlehni zàn
Chairman : Upa Vanlalzuia
Tantu : Pi Thanmawii
Thupui : ‘Direct Evangelism hmanga rawngbàwlna’
Hawngtu : Pu Vànlalhruaia

Ni 07.08.‘16 : Nilàini zàn
Chairman : Meeting Chairman
Tantu : Pi Lalawmpuii (B-2)
Thupui : ‘Indirect Evangelism hmanga rawngbàwlna’
Hawngtu : Pi Zonunkimi

Ni 08.08.‘16 : Ningàni zàn
Chairman : Upa Rinngáia
Tantu : Nl. Lalrinawmi Renthlei
Zirlái : ‘Mithiam zâwkte cho chhuak tûra hmalâk’
Hawngtu : Tv. Lalchhandama

Ni 09.08.‘16 : Zirtàwpni zàn
Chairman : Upa Chalhnûna
Tantu : Tv. Lalrampâra
Thupui : ‘Missionary-a chhuak turte inbuatsaihna tha neih’
Hawngtu : Pi Sângkhûmi

Ni 10.08.‘16 : Inrinni zàn
Chairman : Upa Lalhmuchhuaka
Thupui : ‘Thawktu training tha zâwk neihpui zêl’
Sawitu : Pu N. Zonunmawia

THUVAWN : Rom 13:10
“Hmangaihnain vêngte a tikhawlo ngâi lo va; chuvàngin, hmangaihna hi dàn zawh famkimna a ni.”

EDITORIAL
“Hetia kan tih dàn pangngâi ang pêt pêta kan tih ringawt hi awmzia a awm lo,” kan ti fo thin a, kan thahnemngaihna aw-ka a nih rualin ‘tih dàn pangngâi’ tih hi kawng hnihin a sawi theih ang.
A kawng khatnaah chuan – Amah kan Lal Isua ngei pawh, “A tih dan pangngâiin Pathian biak inah chuan a lût a,” tih kan hmu a. Helai thu hi chu kan hnial tha ngam mang lo vang. Pathian biak leh thiltih zawng zawng hi ngâia nei thei ve tur khawpa kan nuna behtir tlat hi a Pathian thuawihzia hle mai tih kan pawm ngam a tha. A páwng a puia lo ngaih tisa ngawt hi a fel lo thei.
A kawng hnihnaah chuan – Hmasâwn tum chuang miah lo, ngâia nei ve hrim hrim, kawng dang leh tha zâwk dap tum lo hi ‘tih dàn pangngâi’ a ni thei bawk ang. He thil erawh hi chu a hlauhawm letling hlê bawk a. Ngâia kan lo neih thil, a hlâwkna leh thatna pawh ngaihtuah chuang lo, tih ve hrim hrima lâwm êm êm a awm theih bawk ang.
Hêng tih dàn pangngâi kawng hnih atang hian kan thatpui tur zâwk ngaihtuaha ngâia nei thei khawpa Pathian thuawih kan nih hi a tha hlê a ni. Mahse, ngâia neih naràn erawh a hlauhawm hle thung si!

Beihrual Programme

September 5, 2016 (Thawhtanni) zan
Tantu : Pi Rozami (B-9)
Thupui : ‘Evangelism awmzia sawi zauna’
Hawngtu : Pu Lalrinchhana

September 6, 2016 (Thawhlehni) zan
Tantu : Pi Thanmawii
Thupui : ‘Direct Evangelism hmanga rawngbawlna’
Hawngtu : Pu Vanlalhruaia

September 7, 2016 (Nilaini) zan
Tantu : Pi Lalawmpuii (B-2)
Thupui : ‘Indirect Evangelism hmanga rawngbawlna’
Hawngtu : Pi Zonunkimi

September 8, 2015 (Ningani) zan
Tantu : Nl. Lalrinawmi Renthlei
Thupui : ‘Mithiam zawkte chochhuak tura hmalak’
Hawngtu : Tv. Lalchhandama
September 9, 2016 (Zirtawpni) zan
Tantu : Tv. Lalrampara
Thupui : ‘Missionary-a chhuak turte inbuatsaihna
tha neih’
Hawngtu : Pi Sangkhumi

September 10, 2016 (Inrinni) zan
Hun hman dan : Sermon leh tawngtai rual
Thupui : ‘Thawktu training tha zawk neihpui zel’
Sawitu : Pu N. Zonunmawia

Sept. 11, 2016 (Pathianni) chawhma & chawhnu
Hun hman dan : NPSS Inkhawmpui (Primary Dept.)

September 11, 2016 (Pathianni) zan
Thupui : ‘In unaute indonaah kalin’
Sawitu : Upa Lallianzama

September 12, 2016 (Thawhtanni) zan
Tantu : Pi Lalthanzuali
Thupui : ‘Kristian nun dan tur - III’
Hawngtu : Pu R. Hmingthansiama

September 13, 2016 (Thawhlehni) zan
Tantu : Pi Lalzawni
Thupui : ‘Lei chi nih tur’
Hawngtu : Pi Chawngmawii

September 14, 2016 (Nilaini) zan
Tantu : Pi Vanlalchhungi
Thupui : ‘Khawvel eng nih tur’
Hawngtu : Tv. Pachhunga

September 15, 2016 (Ningani) zan
Tantu : Pi Zoramthari
Thupui : ‘Mi laka rilru put dan tur’
Hawngtu : Pi Saidingluaii

September 16, 2016 (Zirtawpni) zan
Tantu : Pu Malsawmtluanga
Thupui : ‘Tlukna thlen thei thil’
Hawngtu : Pu K. Pakunga

September 17, 2016 (Inrinni) zan
Hun hman dan : Sermon leh tawngtairual
Thupui : ‘Chhechham loh tur’
Sawitu : Tv. Lalawmpuia Hauzel

September 18, 2016 (Pathianni) Sunday School
Tantu : Pi R. Zothanpari
Zirlai : ‘Thlarau Thianghlim – Wesminster thurinah’

September 18, 2016 (Pathianni) chawhnu
Thupui : ‘Dan rangkachak’
Sawitu : ‘Upa Rinngaia

September 18, 2016 (Pathianni) zan
Thupui : ‘Hmelma neih loh tur’
Sawitu : ‘Upa N. Siamliana

September 19, 2016 (Thawhtanni) zan
Tantu : Pu Laltlanliana
Thupui : ‘Kristian chhungkaw din pawimawhna’
Hawngtu : Pi Laldingpuii

September 20, 2016 (Thawhlehni) zan
Tantu : Pu Zolianchhunga
Thupui : ‘Kristian chhungkua leh fanaute’
Hawngtu : Pi Lalremchhungi

September 21, 2016 (Nilaini) zan
Tantu : Pi Vanlalhriati
Thupui : ‘Chhungkaw rorelna fel a pawimawh’
Hawngtu : Tv. P.C. Lallawmzuala

September 22, 2016 (Ningani) zan
Tantu : Pi Lalchuungnungi
Thupui : ‘Chhungkaw nunhona tha’
Hawngtu : ‘Nl. Mimi Zohmingmawii

September 23, 2016 (Zirtawpni) zan
Tantu : Tv. Lalruatfela
Thupui : ‘Kristian chhungkua leh thilpek’
Hawngtu : Pu Zosiama

September 24, 2016 (Inrinni) zan
Hun hman dan : Sermon leh tawngtairual
Thupui : ‘Nitin chhungkuaa Pathian biakho’
Sawitu : Pu Lalremmawia

September 25, 2016 (Pathianni) Sunday School
Tantu : Pi Zopari
Zirlai : ‘Thlarau Thianghlim – Welsh Thurinah’
September 25, 2016 (Pathianni) chawhnu
Thupui : ‘Nu leh pate laka fate mawhphurhna’
Sawitu : Upa Rinngaia

September 25, 2016 (Pathianni) zan
Thupui : ‘Kristian chhungkua’
Sawitu : Pastor C. Sapkaia

September 26, 2016 (Thawhtanni) zan
Tantu : Pu H. Lalrinmawia
Thupui : ‘Chet dan mawi leh tawngtai dan dik’
Hawngtu : Pi Zosiamliani

September 27, 2016 (Thawhlehni) zan
Tantu : Pu Laikunga
Thupui : ‘A ram leh a felna zawn hmasak’
Hawngtu : Pi Lalrempuii (B-5)

September 28, 2016 (Nilaini) zan
Tantu : Nl. Zorinsangi
Thupui : ‘Sawisel chin loh tur’
Hawngtu : Nl. Lalnipuii

September 29, 2016 (Ningani) zan
Tantu : Nl. K. Lalrawngbawli
Thupui : ‘Mi chunga tih tur’
Hawngtu : Pu Lallawmzuala Ralte

September 30, 2016 (Zirtawpni) zan
Tantu : Nl. Lallawmkimi (B-2)
Hun hman dan : Beihrual thlirletna
NOTE : Chairman hi inchanchhawk tur a ni dawn a. Hmun a tlem avangin kan tarlang tel ta lo mai a. Phek hma lamah erawh kar tluan tarlan hunah tarlan tel thin a ni ang.

NPSS MEET
September 11, 2016 (Pathianni) hmang hian Hlimen Pastor Bial Naupang Sunday School (NPSS) Meet chu hman a ni dawn ta. Department tinte Meet neihna hmun tur hetiangin :-
Beginner Dept. : Hlimen Vengthar Kohhran Biak In
Primary Dept. : Hlimen Kohhran Biak In
Junior Dept. : Hlimen Damveng Kohhran Biak In
Inter. & Sak. Dept. : Melthum Kohhran Biak In
Hetihrual hian, Senior Department pawhin September 17-18, 2016 chhung hian Saikhamakawn Kohhran Biak Inah Meet an hmang dawn bawk.
zaipawl hla zir
Kohhran Zaipawl te’n September 4, 2016 (Pathianni) zan inkhawm ban hian Kohhran Hall-ah hla zir tur a ni a. Thahnemngaihna avang leh induhsakna avangin hlazir tur lehkha pek kan ni a. Hla zir tura sawmna dawng zawng zawngte kim taka kalkhawm turin kan inngen tak meuh meuh a ni.
sound rem fel
Kohhran Hall-a Sound System dahho chu a ngheta dah tum mek a nih laiin dah mai theih a la ni lo deuh a, hemi avang hian hmun khat dah rih a ni a. A hmangtute pawhin kan hman zawhah thiaha dah tha leh tura ngen kan ni.
teachers’ Day-ah sound
Presbyterian English Medium School, Hlimen te’n September 5-a Teachers’ Day an hman turah Sound System an hman remtihsak an ni a. Operator mi 2 lawmman erawh tum tura beisei an ni.
biak in sound box
Biak Ina Sound Box lian pahnih chu a chhiat thu hriat a nih rualin siamtir lehnghal a ni a. A part thar pahnih thlak a ni. Kan Sound-te hi tun aia dimdawi zawka kan enkawl deuh deuh a ngaiin a rin leh zawih thu-ah pawh a awm tawk kan hriat deuh deuh a ngai niin a lang.
lirthei sil man
KTP te’n sum tuak nana lirthei kan silsakte, a man la pe kim lo kan awm a, a rang lama pe turin kan inngen nawn leh e.
lilamna chhan man
KTP sum tuak nana neih thil/thiam thil thehkhawm kan neiha lilamna chhangtute’n a man lam ngaihsak ila, kan remchan hunah Treasurer hnena thehlut tura ngen kan ni.

THLA TIN THAWHLAWM
August thla, KTP thlatin thawhlawm luh dan hetiangin :-
Bial 1-na : ` 7,610/-
Bial 2-na : ` 4,050/-
Bial 3-na : ` 4,210/-
Bial 4-na : ` 1,290/-
Bial 5-na : ` 1,070/-
Bial 6-na : ` 990/-
Bial 7-na : ` 2,000/-
Bial 8-na : ` 930/-
Bial 9-na : ` 2,000/-
Bial 10-na : ` 820/-
Bial 11-na : ` 620/-
      Total : ` 25,590/-

THLIRNA
Kum 2016 Beihrual hun chu kan tan chho leh ta mawp mawp mai. Inkhawm pawh kan la ziaawm hle.
Kumin Beihrual thupui hi RAMTHAR HAPTA tih loh chu ‘Kristian Nun’ a ni tawp mai a, KRISTIAN CHHUNGKAW HAPTA-ah pawh chu thu tho chu kan la zir dawn a, kan hlawkpui tak tak a nih ngai chuan Beihrual zawh hian  a lang ngei tur a ni.
Kawng leh lama thlir chuan a thu hi a KHAL en em mai a, AMEN pek a lo harsa deuh a nih pawhin inhrethiam tlang ta mai ila!
Kristian Nun bul dik tak chu a hriat leh sawi lam ni lovin, ‘nun’ a nih ang ngeia a taka chantir leh lantir a ni a, a harsa hle reng a ni.
Mihring lama thlir phei chuan ‘channa hlir’ ti ila, kan tisual tam pui lovang! Chumi a nih avang chuan AMEN a harsa kan ti fo thin!
Kan nitin nuna kan Kristianna ber kan lantir loh chuan engtikah nge kan lantir chuan ang? Biak Inah chuan kan tha tlangpui vek a, kan rilru pawh a tha-in sual lam ngaihtuah pawh a lo harsa deuh ang; mahse, kan chhuak chiah tihah kan Kristianna tak tak chu a lo lang dawn chauh a ni.
Kumin hi kan zir fuh a nih chuan kan veng leh Kohhran chu a nuam zual ngei turah ngai ila, chuti a nih loh chuan kan thuzir khan kan nunah awmzia a nei chuang lo tihna a ni thei ang.


NAUPANG PUAL
An inan lohna point 6 han zawng teh. I hmuh chuan rawn thâi bial kalh rawh le.. Chhâng dik zînga vànnei ber làwmman pêk a ni ang
Chhuak hmasa làwmman dawngtu -
Isak-a, Kum 6 (Bial 8-na) (Chhang dik pahnih chiah an awm)

PRODUCTION STAFF
Editor : Lalkhawmawia
Jt. Editor : P.C. Lallawmzuala
David Rualtinkhuma
News Editor :Lallawmkimi
Siamthangpuia
A. Lallawmsanga
Cir. Manager :Vanlalnghaka
Zonunsanga
Zonunkima