HLIMEN PASTOR BIAL

SENIOR DEPARTMENT MEET VAWI 41-NA TLUANG TAKA HMAN MEK A NI

Kohhran Entu : The 18th Sept., 2016 (Sun) : Hlimen Pastor Bial Senior Department Meet Vawi 41-na chu Sáikhamakàwn Kohhran Biak Inah September 17, 2016 (Inrinni) zàn atang khán hman tan a ni a, September 18, 2016 (Pathianni) hian a tiak ang.
September 17, 2016 (Inrinni) zàn khán report inkhâwm neih a ni a, Sáikhamakàwn leh Hlimen Vêngthar Senior Department Záipáwl zái ngaihthlâk a nih bakah Kohhran Thurin No. 8-na sawirual a ni bawk.

Vawiin Programme hetiangin :-

Dár 10:00 AM : Pathian biak inkhâwm
Chairman : Pastor C. Sâpkáia, Bial Chairman
Thupui : ‘Thalaite leh Information Technology’
Sawitu : Pu Lalêngmawia, Hlimen
Záipáwl : 1) Hlimen Senior Department
2) Mêlthum Senior Department
Combine Choir : Senior Department pumpui
(KHB No. 17 – Kan Pathian kulhpui nghet a ni)
Conductor : Pu Lalrinthanga Sàilo, Mêlthum

Dár 1:00 PM : Pathian biak inkhâwm
Chairman : Pastor C. Sâpkáia, Bial Chairman
Thupui : ‘Thalaite leh Information Technology’
Sawitu : Pu Lalêngmawia, Hlimen
Záipáwl : 1) Hlimen Dàmvêng Senior Department
2) Bial Záipáwl

Chawhnu inkhâwm bàn Fellowship
A hmun : Sáikhamakàwn kohhran Hall
Hruaitu : Pu Lalrohnûna, Hlimen Dàmvêng
Items : Kohhran tin Senior Department atangin 1 theuh

NOTE : Pathianni chawhmá leh chawhnu inkhâwmah thilpêk lâkkhâwm a ni ang a, chawhma inkhâwma mi hi Bial Treasurer hnênah a lût ang a, chawhnu inkhâwm thilpêk lâkkhâwm chu a thlengtu Kohhran pual tûr a ni ang.

HUN RUAT
Ni 18.9.‘16 : Sunday School
Tantu : Pi R. Zothanpári
Zirlái : ‘Thlarau Thianghlim – Wesminster thurinah’
Ni 18.9.‘16 : Pathianni chawhnû
Chairman : Meeting Chairman
Thupui : ‘Dàn rangkachak’
Sawitu : ‘Upa Rinngáia
Ni 18.9.‘16 : Pathianni zàn
Chairman : Meeting Chairman
Thupui : ‘Hmêlmà neih loh tûr’
Sawitu : ‘Upa N. Siamliana
Ni 19.9.‘16 : Thawhtanni zàn
Chairman : Upa Chalhnûna
Tantu : Pu Laltlanliana
Thupui : ‘Kristian chhûngkaw din pawimawhna’
Hawngtu : Pi Laldingpuii
Ni 20.9.‘16 : Thawhlehni zàn
Chairman : Upa Lalhmuchhuaka
Tantu : Pu Zolianchhûnga
Thupui : ‘Kristian chhûngkua leh fanaute’
Hawngtu : Pi Lalremchhûngi
Ni 21.9.‘16 : Nilàini zàn
Chairman : Meeting Chairman
Tantu : Pi Vànlalhriati
Thupui : ‘Chhûngkaw rorêlna fel a pawimawh’
Hawngtu : Tv. P.C. Lallàwmzuala
Ni 22.9.‘16 : Ningàni zàn
Chairman : Upa C. Zothanliana
Tantu : Pi Lalchungnungi
Thupui : ‘Chhûngkaw nunhona \ha’
Hawngtu : Nl. Mimi Zohmingmawii
Ni 23.9.‘16 : Zirtawpni zàn
Chairman : Upa Lalêngliana
Tantu : Tv. Lalruatfela
Thupui : ‘Kristian chhûngkua leh thilpêk’
Hawngtu : Pu Zosiama
Ni 24.9.‘16 : Inrinni zàn
Chairman : T. Upa N. Zokûnga
Thupui : ‘Nitin chhûngkuaa Pathian biakho’
Sawitu : Pu Lalremmawia

THUVAWN : Ephesi 3:16
“Pa, lei leh vana chhungkaw tinreng hming chawi chhan hmaah chuan ka thingthi thin a.”

Editorial........
Hlimen Pastor Bial Naupang Sunday School Inkhâwmpui (Meet) chu kan lo hmang zo ta. Tûnah hian Senior Department te’n Meet an hmang mêk bawk.
A vawi khat nán NPSS Intihsiak Inkhâwmpui chu Meet-a kalin ‘intihsiak boruak rit tak’ kha awm tawh lovin, zalên taka Inkhâwmpui nuam leh hlimawm tak hman a ni.
A lan dànah chuan hetianga kal hi TIH CHHUNZAWM ZêL TLâK niin a lang.
Kohhran tin thiam dàn en chuan kum dang ai chuan tlêm chuan KAN INTHLAHDAH DEUH niin a lan rualin, thiam lo bîk nih duh lohna avàngin kan tang tláng êm êm tho si a!
Pathianni chawhnu lama ITEM neih dàn erawh uluk zâwka ngaihtuah nawn leh a tha hlê. Naupangte talent hâichhuahna thûk zâwk kan neih theih nán biak In chhûnga hun hmang tawh lova HALL PROGRAMME-a hman dàn kawng zawn ni ta se, tûn aiin hmá kan sâwn zâwk ang em?
Engpawhnise, kan tih apiang hi Pathian ropuina tûr hlîra tih ni zêl se, chu chu a tak taka kan hmasâwnna tûr a ni. Tisa taka hmasâwnna hi chuan nun ro tak siin hun a hman theih a, Pathian Thlarau zârah erawh nun hlimawm hmasâwnna a keng.

THU LEH HLA

PATHIAN FAKNA

Mizo Kristiante hian ‘PATHIAN FAKNA’ hi kan ngái pawimawhin kan dah sáng hlê mai a. Amah faka ding mai pawh ni lo, bán phar meuha làmtuala chhuakte phei chu kan in chibai lâwp lâwp thin a ni. He ti taka Pathian fakna duh ram ni si, kan nun dàn leh kan ram inrêlbàwlna dawhkàn (Politics) thlenga bawlhhlawhna tinrêngin thûk taka zung a la kaih fo thin mai hi chu ngaimawh tham a tling tak zet zet tawhin a lang.
Kan Kristian Hla Bu tìr lamah pawh Bible thû, “Engkim thaw thei tawh phawt chuan Lalpa chu fak rawh se,” tih kan tárlang hial a ni a. Chu chuan a sawi bâkah pawh a ziak thleng thlengin Pathian fak kan ngaih pawimawhzia a tárlang chiang hlê a ni. Pathian fak tûr hian eng nge pawimawh hmasa ber ang le? Kan chhànna, dik tak tak vek siin; a inang lo hlawm hlê mai thei a ni!
Kan bultanna atán – Lal Davida Pathian fak dàn khán bul i’n tan dáwn teh ang : Jerusalem-ah Pathian Báwm lûk luh a nih dáwn khán lal Davida chuan a lal thuam inbel chu hlîpin puithiam kawr a inbel tih kan hre thei a. Mi thenkhat te’n, saruaka láma kan chhuah mai pawh hi Bible kan zir chian deuh chu a ngái àwm e! Davida hian eng vànga lal thuam a inbel chu hlîp a, puithiam kawr inbel ve ringawt nge maw a nih le? Israel lal ni tûra hriak thih a nih láiin puithiam ni tûra hriak thih chu a ni lo chiang mai a! Entîr a nei ngeiin a rinawm. I lo chhui chhin teh ang.
Davida lal thuam chu lei lam inthuamna a ni a, puithiam inbelna thawmhnaw chu vàn thuam (tiin sawifiah mai ang) a ni a. Thuthlung hluiah chuan puithiamte kal tlang lovin Pathian a biak pawh theih lo va, thuthlung tharah chuan Puithiam Lalber Isua Krista zárah, khawi hmunah pawh, englái pawhin, kan awm leh kan nihna ang angin Pathian a biak pawh theih a ni. Pathian fak leh chawimáwi turin kan lei thuam inbel chu hlîpa vàn thuama inthuam kan lo ngái reng a lawm le? Kan tisana hmanga Pathian kan dàwrna hi a rintlâk loh va, Isua thisen zára vàn khua leh tui nihna, vàn thuama kan inbelna chauh hi Pathian tana rimtui nih theihna kawng awm chhun chu a ni.
Tin, Zoram Kohhran tin deuh thaw hian màichàm hmáah hmun zau tâwk Pathian fakna tûr hmun kan dah âwl thin a, a hman pawh kan hmang rim hlê mai. Mi tam tak chuan, hetah chauh hian Pathian fak kan tum thin hi kan tihsual lian tak pakhat chu a lo ni! Làmtual a nih ang ngêia Pathian faka kan han thên kual dalh dalh mai hi chuh, tû mit mah kan tikham ngâi lovang. Amaherawhchu, a faktute hian kan páwn lam nundàn hmanga kan faka thinlungpu mi kan nihna tûr lam kan hlamchhiah thin avàngin làmtuala kan fakna hian awmzia a lo nei tam lo thin khawp rêng a ni.
Kan nitin nundàn hian kan Kristianna hi min eichhiatsak a, Pathian ram thantîrtu nih aiin a tiawngrawptu kan lo ni fo thìn zâwk a lo ni! Tûnlai khawvêl bua leh hmasâwn tawh tak sî kârah hi chuan kan nundàn hmanga Pathian fak leh chàwimàwi aia thusawi ring a awm tam kher lo vang! Kan inthenawm khawvênna kawngah te, kan gas lâkna leh tui lo thlen te, kan sumdàwnna, kan sawrkár hnathawhna engilo zawng zawngah hian Pathian faktû thinlungpu mizia han lantîr ilang chuan, tûn aiin kan ram hi a kal dik zâwk ang mawle! Kan Kohhran tin leh kan ram politics thleng pawhin a nghawng ngêiin a rinawm.
Pathian fak tih hian - bán phara làmtuala chhuah hi kan thinlungah a lang ber fo thîn a. Hei hi chu Pathian faka làmna kawng khat chauh a ni. Chu aia pawimawh zâwk leh thûk zâwk chu kan thinlung hian Pathian fak se, chumi chu kan nundàn hian rimáwi lo tumsak se, kan bula mite tán chu rimáwi chu rimáwi a lo ni thìn ang a. Kan sawia kan tih thin tam tak hian, mite thinglungah nungin, thûk zâwkin bu a khuar ngêi ang.

BIBLE CHHIAR CHHUAH
October 10, 2016 (ThawhTanni) zàn atangin KTP te’n Branch Diamond Jubilee puala páwn lama hriat theih tûrin Holy Bible chhiar chhuah neih tûr a ni a. Inkhâwm bàn atanga chhiar tûr a ni ang. Zan lamah dár 10:00 thleng chhiar tûr a ni a, inkhâwm zàn a nih chuan inkhâwm bànah chhiar thin tûr a ni ang.

VANLALSAILOVA SAWM A NI
Hun rei tak atanga kan lo tum lâwk tawh angin October 3, 2016 (Thawhtanni) zàn hian Branch KTP inkhâwmah thusawi tûrin Vànlalsàilova sàwm a niin a remchàn thû dawn a ni a. KTP member bâkah Kohhran mipui a tam thei ang ber inkhâwm tûrin kan insáwm a ni.

TLANGNUAM BR. DIAMOND JUBILEE
Tlângnuam Branch KTP-te chuan September 24-a an Branch Diamond Jubilee lawmna tûrah kan Branch-te min rawn sáwm a. Min sàwm ang hian telpui nise, lawmpuina thuziak frame sâ hlan nise tih a ni a. Branch aiawhin Fin. Secy. Nl. Mimi Zohmingmawii leh Treasurer Tv. Lalkhawmáwia-te kal tûra tih an ni.

NEIH THIL/THIAM THIL
Branch sumtuak nan October 24, 2016 (Thawhtanni) zàn hian neih thil/thiam thil thehkhâwm leh lilàm hun hman leh tûr a ni a, member-te lo inbuatsaih ila. Hêng thil lilám tûr hian Nl. Zoramchhuani leh Tv. Vànlalnghâka-te ruat an ni.

THLATIN THAWHLAWM KHAWNTU TUR

October, 2016 leh November, 2016 thlàa KTP thla tin thawhlàwm khawn tûrin hêng mite hi ruat an ni :-
Upa Bial 1-na : Tv. Siamthangpuia
Upa Bial 2-na : Nl. Mimi Zohmingmáwii
Upa Bial 3-na : Nl. Lalêngzámi
Upa Bial 4-na : Nl. Zoramchhuani
Upa Bial 5-na : Pu H. Lallàwmsánga
Upa Bial 6-na : Tv. Lalkhawmáwia
Upa Bial 7-na : Pu Lalrinawma Káwlni
Upa Bial 8-na : Nl. K. Lalrawngbáwli
Upa Bial 9-na : Nl. Zonunmawii
Upa Bial 10-na : Nl. Lalruatfeli
Upa Bial 11-na : Tv. Lalchhandama

KEIFANG BRANCH TLAWH
Kumin November 26 & 27, 2016, Pathianni hmang hian Keifáng Branch KTP-te tlawh tum an ni a. Anni lam pawh an lo remcháng hlauh mai a, a làwmawm hlê. Hemi atán hian Branch pahnih OB Whatsapp Group siam a ni a, programme an lo ruahman ang a, programme ruahman fel a nih hunah Branch pahnih pum huapin Whatsapp Group lam pawh siam leh tum a ni.

SYNOD RELIEF FUND
Tûnkár liam ta chhûng khan Synod Relief Fund atangin tanpuina hetiangin pêk a ni :-
1. Váivakàwn Vêngthlang – Khawsak harsá
Chhûngkaw 1 hnênah Rs. 4,000/-
2. Hunthar – In chhia
Chhûngkaw 3 hnênah Rs. 18,000/-
3. Hunthar – In luah chhuahsan
Chhûngkaw 6 hnênah Rs. 24,000/-


PRESBYTERIAN KALPHUNG ZIRHO
Central KTP atanga thupui zir tûr ‘Presbyterian kalphung zirho’ tih chu a bu peihfel a ni tawh a. K|P Office-ah lei theih a ni.

SAMTLANG BR.DIAMOND JUBILEE
Branch KTP pawh sàwm kan nih ang thovin Sàmtláng Branch Diamond Jubilee lawmpui tûrin Bial KTP pawh sàwm an ni a. Lawmpuina thuziak fram sa hlan an tum.

BLOOD DONATION
Central KTP Blood Donation Calendar zuia Bial KTP-in Blood Donation Camp a buatsaih tûr chu October 1, 2016 (Inrinni)-ah tih chian a ni ta a. Branch KTP member, a tam thei ang ber thisen pe turin kan insáwm tak meuh meuh a. Branch Committee, thla tin thawhlàwm khawntute’n mahni Bial khawn pahin zawh chhuaha sàwm tûr a ni a, hmaih loh hrâm nise. September 25, 2016 (Pathianni) thla tin thawhlàwm chhiar hunah report pêk tûr a ni ang.

KRISTIAN THALAI MAN
Kum 2017 atang chuan Central KTP chanchinbu – Kristian Thalai chu kum khat atán a man hi Rs. 60/- ni tawh lovin, Rs. 70/- a ni tawh dáwn a. A la tûrte hi kum thar tìr January 11, 2017 ral hmáa report vek tûr a ni.

YOUTH RECREATION CENTRE
Central KTP-in, Youth Recreation Centre (YRC) puala KTP member tinin Rs. 50/- thawh tûra tih chu November, 2016 ral hmáin Bial Treasurer kal tlanga thehluh tûr a ni dáwn a. La khawn kim lote pawh a chak thei ang bera mahni bialah theuh fehchhuak leh tûra ngen kan ni.

PATHIANNI ZANAH VE VE
October Pathianni vawi 2-na hmanga Aizáwl Chhim Presbytery, Hmunthar Kohhran Biak Ina neih tûrah kan Kohhran Záipáwl-te chu Pathianni zàn inkhâwmah záia rawngbàwlna nei tûra ruat kan ni a. Hetihrual hian, Masihi Sangati Area Meet, October 30, 2016 hmanga ka dawn tûrah Pathianni zànah bawk záia rawngbàwlna nei tûra ruat kan ni.

ADAPTOR LEI
Branch KTP Keyboard leh Performance Pad Adaptor-te chu a chhiat avàngin a thar lei nise tih a ni a, lei fel a ni tawh. Hêng kan hmanruate hi dim dâwi zâwka enkawl zêl i tum ang u.

BLANKET SUK REM TI
Upa Thangkima Group te’n an Group sumtuak nán Blanket sûk an dìl chu Branch Committee chuan a remtihsak.

DAMLO KAN
Kan member pui Nl. Ethel Zotluangpuii d/o Lalzárzoliana leh Tv. Lalruafela s/o Lalthantluanga-te chu Branch KTP-in kan nise tih a ni.

A MAN REMCHAN NISE
Kan Kohhran êntu tlàwmngáia min lo lâksaktute’n a man min lo ngaihtuahsak ula, a khawntute pawhin a man khawn lam ngaihsak zêl ila.
Tin, Branch sumtuak nána neih thil/ thiam thil thehkhâwm lilàm chhángtute pawhin kan chhànna man lamte ngaihven deuh deuh zêl tûrin kan inngên tak meuh meuh a ni.

HLA ZIR LEH TAWH ILA
September 18, 2016 (Pathianni) zàn inkhâwm ban hian Kohhran Záipáwl te’n kan Music Video siam tûra mi hlâ zir leh tawh tûr a ni a. Member-te a tam thei ang ber hla zir tûr hian kan insáwm tak meuh meuh a. A bîkin lehkha pêkte phei chu kim taka kal tûr a ni ang. Kan hla sak tûr hi Kristian Hla Bu-a mi mah nise, a copy hi sem tho tûr a ni ang.

Thlìrna..!!
Kan mamawh berte zînga mi mah nise, neih tuma kan phêt buai dàn erawh ngaihtuah nawn tham a tling hlê mai!
A tûka lo thlen beisei a nih avàngin a hmá zàn dár 10:30 vêlah chuan Gas bûr inkhâwng rì a lo awm ral ral mai a, ngaihtuah buai miah lo pawha hriat theih chu – ‘Gas bur an lo intlar lâwk a ni maw’ tih a ni!
Kan intlar lâwk kha kan tihsualna a awm pawhin a lang lo! Mahse, a tûk khua a lo vár a; kan mamawh dàn inchen vek si kha, chhûngkaw khat atanga bûr hnih lo lâk phêt tum te, point danga kan lâk hnû pawha point danga lâk leh kan tum hrâmnate kha!
‘Kristian nun’ leh ‘duhàmna’ hi a inmil thei ngang lo a ni, dik tak chuan! Duhàmna hi a ni lâwm ni kan Bible pawhin, “Milem biakna nên ang khat,” a lo tih kha!
Duh tâwk nei lo hringnun  kan nihna chhuanlama hman chì a ni lo vang! Kan Kirstianna hian kan nun hi a tidanglam tûr a ni a, kan piantharna hian kan nun a sâwi danglam ngêi ngêi tûr a ni!
Danglamna tel lo Kristianna, nun hahchàwl lo thlarau mi na hi kan ram hian a ken tel ni si; a mamawh lêm loh tak thil a ni!
Hawh u, danglam ngam ringtu, mi dang tána insêngso thei thlarau mi nih i tum fo zâwk ang u.


NAUPANG PUAL

PRODUCTION STAFF
Editor : Lalkhawmawia
Jt. Editor : P.C. Lallawmzuala
David Rualtinkhuma
News Editor : Lallawmkimi
Siamthangpuia
A. Lallawmsanga
Cir. Manager : Vanlalnghaka
Zonunsanga
Zonunkima