CHANCHINBU ENKAWLTUTE PUAL WORKSHOP NEIH A NI

Kohhran êntu : The 25th Sept., 2016 (Sun) : Central K|P buaisaih ‘K|P Chanchinbu enkawltute puala Workshop ’ chu September 22, 2016 (Ningàni) khán Vánapá Hall-ah hlawhtling taka neih a ni.
He hun hmang tûra kan hruaitute duhsakna ka dawng hi a hmasain ka lâwm tak meuh meuh a ni.
CK|P General Conference vawi 56-na Champhai-a neiha pass a nih angin September ni 22, 2016 (Ningàni) khan Chanchinbu enkawltute puala Workshop chu Vanapá Hall-ah hlawhtling taka neih a ni a. He hunah hian Aizáwl khawpui chhûng leh páwn lama Chanchinbu enkawltu Branch tin aiawh mi 494 kan kal khâwm a, CK|P hruaitute leh Branch hrang hrang a\anga Usher, Refresment leh Sound Duty-te nen phei chuan mi 635 lai mai kan kal khâwm a ni.
He hunah hian thupui pahnih kan zir ho a. Chawhma lam hi dár 10:30-ah \an a ni a. CK|P Leader Rev. Zothansánga’n min hruai a, CK|P General Secretary Upa Zonunmáwia’n thupuannate a neih zawh hnuin, Synod Choir te’n hla máwi tak mai pahnih an sa a, an sak zawh hnuin kan thupui pakhat zâwk ‘Chanchinbu hmanga rawngbawlna’ tih Upa C. Lalduhawma, Mission Vêng ziah chu kan zirho nghal a, a hlawkthlâkin beng a ti var ngêi mai.  Tichuan, dár 12:30-ah chhun chawlh kan nei a, rice  tuihnái tak mai kan ei a, kan ei zawh hnuin chawhnu lam hun kan hmang leh a ni.
Chawhnu lam hi dár 1:30-ah kan \an leh a. CK|P Asst. Leader T. Upa Ngûrhmingliana’n min hruai ve thung a. |awng\âinate a hman zawh hnuin Nl. Vànlalpári, Luangmual Vengthlang chuan thiam tak maiin zái in min àwi leh a. Tichuan, kan thupui pakhat zâwk ‘Chanchinbu kal hmang’ tih  Upa Dr. B. Lalrinsánga ziah chu zirho leh nghâl a ni a, a thû mai bâkah projector-in a lem nên kan zirho bawk a, a chiangin beng a vár leh ngêi mai. Tichuan, kan han sawiho nak nak hnûin dar 4:00-ah kan hun hman chu kan duh tâwk ta a ni.
Hêng kan thupui zir pahnihte hi kan Resource Person-te thu rawn ziah a \ha bawk a, sawitu pawh kan tam malh malh hlê a, hunin min daih lo a ni ber mai! Sawitu tam tak te’n an Branch Chanchinbu kal hmang an sawi dàn a\anga kan lo chhût mai mai dàn chuan keini Branch Chanchinbu hi chu a la \ha-in, a la kal tluang hlê niin a lang.
Tin, he kan hun hmanah rê rê hian \an hun an ruahmanah kan \an chat chat a, Hall chhûng sanà en chuan minute khat paw’n kan hmá-in kan tlâi lo a ni, kan entawn atán a \ha hlê mai.
– Zonunsánga, Cir. Manager (Branch áiawh)

HUN RUAT
Ni 25.9.‘16 : Sunday School
|antu : Pi Zopari
Zirlái : ‘Thlarau Thianghlim – Welsh Thurinah’

Ni 25.9.‘16 : Pathianni chawhnu
(Nu leh pate Ni)
Thupui : ‘Nu leh pate laka
fate mawhphurhna’
Sawitu : Upa Rinngáia

Ni 25.9.‘16 : Pathianni zàn
Kristian Chhûngkaw Nî
Thupui : ‘Kristian chhûngkua’
Sawitu : Pastor C. Sâpkáia

Ni 26.9.‘16 : Thawh\anni zàn
Chairman : Upa N. Siamliana
|antu : Pu H. Lalrinmawia
Thupui : ‘Chêt dàn máwi leh \awng\ai dàn dik’
Hawngtu : Pi Zosiamliani

Ni 27.9.‘16 : Thawhlehni zàn
Chairman : Upa Vànlalzuia
|antu : Pu Láikûnga
Thupui : ‘A ram leh a felna zawn hmasak’
Hawngtu : Pi Lalrempuii (B-5)

Ni 28.9.‘16 : Nilàini zàn
Chairman : Meeting Chairman
|antu : Nl. Zorinsangi
Thupui : ‘Sawisêl chìn loh tûr’
Hawngtu : Nl. Lalnípuii

Ni 29.9.‘16 : Ningàni zàn
Chairman : Upa Rinngáia
|antu : Nl. K. Lalrawngbáwli
Thupui : ‘Mi chunga tih tûr’
Hawngtu : Pu Lallàwmzuala Rálte

Ni 30.9.‘16 : Zirtàwpni zàn
Chairman : Meeting Chairman
|antu : Nl. Lallàwmkimi (B-2)
Hun hman dàn : Beihrual thlìrlêtna

THUVAWN 
“Kei leh ka chhûngte erawh hi zawngin LALPA rawng a nia kan bàwl dáwn ni,”a ti a.”

Editorial........
Hlimen Pastor Bial Naupang Sunday School Inkhâwmpui a zawh hnûah Senior Meet pawh kan lo zo leh ta. Hêng hun min hruai thlenga tluang taka min hmantîrtu kan Pathian hnênah làwmthû i sawi ang u.
Kan hriat angin kan Bial hi \hen kan nih tâk hnû hian kan kal dàn hi kan sâwi danglam hret hret zêl a, hmasâwnna chi khat a ni ngêi tûrah ngái ang.
Hetia sâwi danglam a nih tâk hnûa ngaihtuahna tithui êm êm chu – Senior Meet, Pathianni zàn inkhâwm awm ta lo hi a ni awm e.
Sawinaah chuan zan lam programme siam hi ‘tleirawl tán a him lo’ tih a ni àwm e, kan tûnlái khawvêlah chuan a dik hlê ang.
Amaherawhchu, he Meet hi hmang tûr chuan a hmá zan tam lo inbuatsaih a ngái a. Zan 20 dáwn chhuah a ngái a, chu chu ‘him’ kan tihpui leh tho niin a lang! Hriatthiam a har hret!
Tin, zan lam hi him lo va kan hriatpui a nih chuan Meet pwh hi inrinni zàn a\anga \an lovin, Pathianni chawhmá leh chawhnûah neihpui ila, inrinni zàn neihpui tho sia Pathianni zàn hi an tán ‘him lo’ tlata hriatna hi thil mak ang reng tak chu a ni!

Thû leh hlâ
KRISTIAN CHHUNGKUA

Kristian Chhûngkaw pawimawhna hi sawi uar thiam tâwk a har hlê. Tute pawh mai hian chhûngkaw hlim leh lungrual, kan neih phâk tâwka lungáwi leh dik nih chu kan duh \heuh ang. Chutiang chhûngkua chu nih erawh a har hlê a, \an lâk dàn pawh kan thiam tâwk lo niin a lang \hin. Kan ram hi han thlír ila, chhûngkaw inrêlbàwlna fuh tâwk loh avànga harsatna leh mangannain a tlâkbuak chhûngkaw tam tak an awm a, sum leh pái leh khawvêl thila chhâwk zângkhài chî an ni lo. Chuvàngin, khawvêl piah ram, vàn hmun ropuia chhûngkua kan kim nán mai bâkah; he kan dam chhûng atân hlei hlei hian Kristian Chhûngkaw \ha leh nghet kan mamawh a ni.
Tute nge Kristian Chhûngkua? : |um khat chu Lal Isua’n thû a sawi láiin a nu leh unau te’n hmuh an rawn tum a; nimahsela, mipui an tam êm avàngin Isua bul an thleng thei lo. “I nu leh unau te’n pawnah an nghâk che,” tia an han hrilh chuan, “Hêng Pathian thû hriaa awihte hi ka nu leh unaute an ni e,” tiin Lal Isua’n a lo chhâng a ni. Pathian thû hria a, awih a, zàwmtute hi Lal Isua’n, “Ka chhûngte,” a tih chu an ni. Krista thu ringa awihtu chhûngkua hi Kristian Chhûngkaw dik chu an ni.
Tunge mawh phur? : Kristian Chhûngkaw din tûr hian chhûngkaw member tinte kan pawimawh. Pa \ha leh nu \ha an pawimawh tluk zetin fa \ha kan nih pawh a \ûl. Kohhran leh khawtláng tána \angkái tak, in chhûng khura hman tlâk leh mang si loh a awm theih. Lal Isua Chanchin\ha hi kan nun hmang ngêiin kan chhûngkuaah hril thei ila, chu chu dah hmasa ber bawk ila, kan chhûngkua kan hlim ang.
Dr. APJ Abdul Kalam kha, “Engtin nge India rama corruption nasa lutuk hi kan tihreh theih ang?” tiin an zâwt a. “Naupang tê tê-te hmang chauhva nuai bo theih a nih ka ring,” tiin a chháng.
Kohhran hmalâknain Kristian Chhûngkaw Campaign kan nei \hìn a, a sâwtin hmá pawh kan sâwn phah hlê. Chutihrualin, ‘Tui baw hnu a ruh theih loh’ tih ang deuhvin siam \hat a harsa tawh, sak chin a awm ve thei. Vawina naupang leh \halai, chhûngkua la din tûr leh din mêkte hnênah hian Kristian Chhûngkaw din pawimawhzia leh khawvêl siam\hatna tûra hmanraw \angkái ber a ni tih kan tuh a \ûl, chu mawhphurhna chu vawina puitlingte hian kan lâk ngam a ngái a ni.
Engtinnge kan din ang? : Lal Isua ring a, a thû zàwmtu nih hi Kristian Chhûngkaw dinna tûra lungphûm pawimawh ber a ni a, hei lo hi chu kawng dang rêng a awm lo. Tûn hi kan hmalam hun siam lâwkna tûra hun \ha a ni ang chiahin hun kal tawh siam\hatna tûrin vawiin hi hun rangkachak a ni.
Chanchinbu pakhatah hian chhûngkaw din tûra nupui/pasal \ha zawn a pawimawhzia leh zawn dàn dik leh \ha hrang hrang an ziak a. A thla lehah chuan, “Chutia mi \ha leh mi \ha chauh an inzawn a, an inneih zêl chuan, mi \ha lote hian tute nge kan neih ve tâk ang?” tiin zawhna an rawn zâwt lêt a, chutah tak chuan hmangaihna a pawimawh a ni,” tiin an chhâng lêt ve leh a.
Kristian Chhûngkaw dik tak din tûr chuan nupui/pasal zawn kawngah kan fîmkhur a \ûl hlê rêng a, Pathian ráwn chunga thiltih hi a tlo ber fo. Chutihlaiin, tû chhûngkua mah hi mi \ha leh fel awmkhâwm kan ni bîk lo a, tlin pawh kan tlin hek lo. Mi fel lote hian Krista zárah Kristian Chhûngkaw nghet tak kan din thei a, kan thlen chin a\anga hmasâwnna tûra rilru dik kan put hi a pawimawh ber lái chu a ni.
Vawiina kan chhûngkaw dinhmun hi thlîr ila, engnge kan thlen chin? Tih fuh leh tih sual nei lo kan awm lo vang. Kristian Chhûngkua tih hi chhûngkaw sawisel bo ai mahin hmangaihnain nghet taka a phuarkhâwm chhûngkua rilruah lang sela, a duhawm hlê. Chu chhûngkua ngêi chuan Pathian malsàwmna an dawng ang. Pathian chu hmangaih a ni si a.

KEIMAHNI
DIAMOND JUBILEE HMANPUI
September 24, 2016 (Inrinni) khán Tlángnuam Branch K|P kum 60-na (Diamond Jubilee) lawmpui tûra sàwm kan nih angin kan Branch aiawhin Nl. Mimi Zohmingmáwii leh Treasurer Tv. Lalkhawmáwia-te an kal, Jubilee lawmpuina thuziak frame sà chu Branch hmingin an hlàn
Hetihrual hian September 26, 2016 (Thawh\anni) hian Sàmtláng Branch K|P Diamond Jubilee lawmpui tûrin kan Branch sàwm kan ni a. Branch aiawhin Tv. R. Lalawmpuia, Leader; Pu A. Lallàwmsánga, Secretary; Tv. P.C. Lallàwmzuala, Asst. Secretary leh Tv. Vànlalnghâka, Committee Member-te an kal ang. Sàmtláng Branch pawh lawmpuina hlan tum an ni.

KOHHRAN ZAIPAWL HLA ZIR
September 25, 2016 (Pathianni) zàn inkhâwm bàn hian Kohhran Záipáwl te’n Kohhran Hall-ah hla zir leh tûr a ni a. Member a tam thei ang ber hla zir tûr hian kan insáwm a, a la zir lo tam tak kan awm a, inthlahrung hauh lo va zir tûrin kan insáwm tak meuh meuh a ni.

THLA TIN THAWHLAWM
September 25, 2016 (Pathianni) chawhnu inkhâwm bàn hian K|P thla tin thawhlàwm (September thlà) chu Kohhran Committee Room-ah chhiar tûr a ni a. Branch Committee neih nghâl tûr a nih avàngin member-te kim taka kal tûra ngen an ni.

BLOOD DONATION
Central K|P Blood Donation Calendar zuia Bial K|P-in Blood Donation Camp a buatsaih tûr chu October 1, 2016 (Inrinni)-ah neih a ni dáwn ta. Branch K|P member, a tam thei ang ber thisen pe tûrin kan insáwm tak meuh meuh a. Branch Committee, thla tin thawhlàwm khawntute’n mahni Bial khawn pahin zawh chhuaha sàwm tûr a ni a, hmaih loh hrâm nise. September 25, 2016 (Pathianni) thla tin thawhlàwm chhiar hunah report pêk tûr a ni ang.

DAM LO KAN
Kan member pui Nl. Ethel Zotluangpuii d/o Lalzárzoliana chu September 18, 2016 (Pathianni) zàn khán kan hruaitu thenkhat te’n Branch aiawhin an kan.
Hetihrual hian, kan member pui Tv. Lalruatfela s/o Lalthantluanga chu Durtláng Damdàwi In a\anga lo chhuakin a dam zêl nia thu dawn a ni a. Amah hmasâwn hlê mah se, Branch aiawha kan tura tih a nih angin kan hruaitute’n hun remchángah an la kan leh dáwn nia thu dawn a ni.

HNATLANG
Bial K|P Blood Donation neih tûrah September 30, 2016 (Zirtàwpni) zàn inkhâwm banah Branch K|P te’n kan Kohhran Hall singsa-a hnatláng neih tûr a ni. Member a tam thei ang ber kal nise.

LAWRKHAWM
SYNOD RELIEF FUND
Fund a\angin \anpuina hetiangin pêk a ni :-
1. Tuipui khua – Cancer
Chhûngkaw 1 hnênah Rs. 4,000/-
2. Sêrchhîp Field Vêng – Cancer
Chhûngkaw 1 hnênah Rs. 4,000/-
3. Salem Vêng, Aizáwl – In chhe vek
Chhûngkaw 1 hnênah Rs. 6,000/-
4. Salem Vêng, Aizáwl –Leimin hnâwl
Chhûngkaw 1 hnênah Rs. 4,000/-
5. Tlûngvêl Vêngthar – Leimin hnâwla thí
Chhûngkaw 1 hnênah Rs. 20,000/-
6. Tlûngvêl Gate Vêng – Leimin hnâwla thí
Chhûngkaw 1 hnênah Rs. 20,000/-
7. Tlûngvêl Vêngthar – Mi in luah chim
Chhûngkaw 1 hnênah Rs. 5,000/-
8. Zuangtui – In chhe vek
Chhûngkaw 1 hnênah Rs. 6,000/-
9. Hmunchêng Kohhran – Bungraw kàng
Chhûngkaw 1 hnênah Rs. 20,000/-
10. Hmunchêng khua – In kàng vek
Chhûngkaw 1 hnênah Rs. 6,000/-
Belhkhâwm – Rs. 95,000/-

SYNOD REVIVAL TEAM FEH CHHUAK
Kumin Beihrual thla chhûng leh October thla huam (September 17 – October 6, 2016) hian kan Synod Revival Team 19 te’n Kohhran 19-ah rawngbàwlna an neiin an la nei zêl dáwn. An rawngbàwlna neih tawhah boruak a \ha-in Kohhranho te’n thlarauva harhtharna duhawm tak tak an dawng zêl nia thû dawn a ni.

CKTP – sàmtláng branch-ah
Sàmtláng Branch K|P te’n Diamond Jubilee an lawm tûrah Central K|P-te an sàwm angin CK|P aiawh mi 2 leh Mizoram Synod Choir te’n September 26, 2016 (Thawh\anni) khian an kal ang.
Hetihrual hian, Sàmtláng Branch Diamond Jubilee lawmpui tûr tho hian kan Bial K|P Secretary Pu Robert Lalchhuanliana leh Pu Lalrohnûna, Committee Member-te an kal dáwn bawk.

DAM LO KAN
Upa Thangkima Group te’n an Group hruaitu Tv. Lalruatfela s/o Lalthantluanga, Durtláng Hospital-a awm chu hruaitu \henkhat te’n Group aiawhin an han kan. Tv. Ruatfela hi tûnah dam takin a lo chhuak leh ta bawk.

VANLALSAILOVA HOVIN
October 3, 2016 (Thawh\anni) zàn hian Tv. Vànlalsàilova hovin kan Kohhran Biak Inah hun hman a ni dáwn a. Ani hnên a\ang hian sermon ngaihthlâk a ni ang. Kohhran member a tel duh apiang sàwm kan ni e.

NAUPANG PUAL

ROLL-A THUN THAR DUH TAN
Electoral Roll Revision neih mêk a ni a. Roll-a thun thar duh emaw, thlalâk dah \ha duh emaw, hming thlâk duh emaw kan awm a nih chuan October 14, 2016 ral hmáa ngaihven tûr a ni.
Roll-a thun thar duh tán – Kum 2017, January ni 1 hma lam zawnga piangte tán Roll-a thun thar theih a ni a. Kum 2017, January ni 1 chiaha kum 18 tling tûrte pawh a huam tel chiah chiah tihna a ni. Hre chiang duh tán Pu C. Zothanliana leh Pu H. Lallàwmzuala hnênah zawhfiah theih a ni ang.

CHHIATNA LIAN THAM THLENGLO
Tûnlai ruah sur tam avàngin vêng chhûngah chhiatna lian tham engmah a thleng lo nia thû dawn a ni a. Hmun \henkhatah leimin tlêm tlêm chu a awm nia hriat a nih rualin hêng hian vêng mipui tán harsatna a thlen lo nia thû dawn a ni.

POWER SUPPLY MUMAL LO
Fûr khuain min la kiansan loh avàngin tûnlai hian vêng chhûngah Power Supply duh ang takin a mumal lutuk lo a. Hemi thû-ah hian thawktute’n theih tâwp an chhuah a, vêng mipuite; phun mai lo va dawhthei tak zâwka thawktute theih ang anga lo \àwiàwm zâwk tûrin an ngên.

THLIRNA..!!
“Kohhranho tâ chu kan tâ a ni,” tih hi kan thinlung hian a la lût mah mah nge, a la lût lo mah mah zâwk?
Kan Kohhran hian, rawngbàwlna pêng hrang hrang a nei teuh mai a, a vâi hian Kohhranho tâ a nih rualin chuta láwite tâ vek chu a ni.
Amaherawhchu, mi thenkhat chuan kan ta chei leh lutuk a, keimahni hlâwkna tûr lama lo keuh luh kan hreh lo thin hi a manganthlâk chang a tam mai.
Engemaw tihah pawh hian Kohhran bungrua hi lâk chhuah a rem loh mai bâkah, kan Biak In chhûnga thutthlêng awm ngêi pawh hi Kohhran Committee remtihna tel lo chuan tih sawn pawh a rem lo a nia!
Zir tûr hi kan va la ngah thìn tak êm! Mahse, hre lo va thiam awm ang taka awm ai chuan, thiam lovin hre lo ngam ila, a mifingzia zâwk!
Kan tâ a nih láiin mi dangte tâ a ni tih hi thinlung takin hre chiang thìn ila chu tûn aiin kan dimdâwi mai piah lamah kan duh ang angin kan lek chhuak lo thìn tûr hi a nia!
A chhûnga enkawl lamah pawh kan harh deuh deuh a ngáiin a lang.  Tûnah phei hi chuan kan Kohhran bungruate hi a man a tovin tûnláia a tha ber ber chi kan hmang pha tawh a ni a, hêngte hi lo chhe ta vek se, nei leh tûr chuan hun leh sum leh pái tam tak sên a ngái tawh dáwn a, i fimkhur zêl ang u.

PHOTO MANIA

HMANG CHANG
Kan Kohhran Hall kawtah hian a mamawhte tána in tûr tui thianghlim tha tak dah a ni a, hman pawh kan hmang tangkai. Amaherawhchu, mi thenkhat, mimal thila lo va la thìn kan awm a. Hei hi tih hauh loh tûr a ni a. Inkhâwm leh Kohhran programme thila hman tûra tih a ni.