VANLALSAILOVA THUSAWI TURA SAWM A NI

Kohhran êntu : The 2nd Oct., 2016 (Sun) : Branch K|P Committee hnuaia Programme Sub-Committee rawtna kal zêlah K|P inkhâwmah Tv. Vànlalsàilova, thusawi tûra sàwm a ni.
He hun kan neih theih nan a hmasa berin Kohhran Committee-ah dìlna thlen a ni a. Kohhran Committee te’n min lo remtihsak hnuah amah Vànlalsàilova biak a niin October 3, 2016 (Thawh\anni) zàn a remchàn thû dawn a ni a. He hun hi ruahman a ni ta a ni.
K|P inkhâwm mah nise, he hun hmang tur hian Kohhran mi zawng zawng kan insáwm a. K|P inkhâwm hun a nih avàng erawh chuan Pathian hnêna thilpêk lâkkhâwm chu a awm dáwn a, lo chhinchhiah ila.
Amah Sailova hi a tìr lam kha chuan Praise & Worship lam hawia kal \hìn a ni deuh a. Hun lo kal zêlah thusawina hun tam ber a hmang ta thung a. A hmáa kan lo sàwm \hìn kha chuan thusawina hun hmangin fakna hlâ kha a sa tam \hìn hlê a. Centenary Hall-a kan lo sàwm pawh khán a Album thara mi tûr kha a sa hnem hlê a nih kha.
Tûn \umah hi chuan thusawina hun a rawn hmang dáwn a. A tâwp lamah chuan hlâ pahnih/khat han sak chang chu a nei nia thu dáwn a ni.
Beihrual thlà a nih avànga K|P inkhâwm hun a awm loh hnûah October thla K|P inkhâwm hun hmasa berah he hun hi kan hmang dáwn ta a. Kohhran mipui, a tam thei ang ber inkhâwm tûra sàwm kan ni.

HRIATTIRNA
KOHHRAN PAVALAI PAWL :
October 4, 2016 (Thawhlehni) zàn dár 6:30 hian Kohhran Committee Room-ah Committee neih tûr a ni.

PASTOR SEAL :
Mizoram chhûnga Pastor Bial hrang hrang Pastor Seal (Mission hnuai tel lovin) siam zawh tawh a ni a, Synod Office-ah a lam theih e.

PALAI TUR:
Presbytery Inkhâwmpui zawh veleh Presbytery Secretary tin te’n Synod Inkhâwmpui tûra Palái nisa leh Palái thlan list (Khua/vêng, Kohhran) chiang taka ziakin Synod Office-ah a rang lama thehluh tûr a ni.

SYNOD BU, 2015 :
La lam lo tán Kohhran copy tur Synod Office-ah a lam theih e.

KOHHRAN ZAIPAWL:
October 3, 2016 (Pathianni) zàn inkhâwm bàn hian Kohhran Záipáwl te’n kumin Aizáwl Chhim Presbytery – Hmunthar Kohhran Biak Ina neih tûra kan hla rem tûr zir \an tûr a ni, member a tam thei ang ber zir tûrin kan insáwm a ni.

BRANCH KTP COMMITTEE :
October 3, 2016 (Pathianni) Sunday School Training bànah hian Centenary Hall-ah Branch K|P Committee neih lawk tûr a ni.

KOHHRAN HMEICHHIA :
October 4, 2016 (Thawhlehni) zàn inkhâwm bàn hian Biak Inah Bethel neih tûr a ni a, inkhâwm zawng zawngte kim taka kal vek tûr a ni. Hruaitu atán Upa Bial 3-na a\anga inruat tûr a ni.

THUVAWN : I Kor. 2:8
“Chu chu he khawvël rorêltute rêng rêng hian an hre lo; hria sela chuan ropuina Lalpa chu an khêngbet lo vang.”

EDITORIAL
Amah Lal Isua \awng\âiin, “An zà-a pumkhat an nih theihna tûrin,” tiin \hahnemngâi takin kan tán min dìlsak a.
Inpumkhatna hi Kohhranho mai ni lo, vàntláng leh chumia páwl hrang hrangte chuan kan mamawh hlê mai a; chhûngkua pawhin kan mamawh hlê.
Páwlho rêng rêng hian kan \awngkam hman langsàr tak a ni nghê nghê ang. A pawimawh rêng a ni.
Kan Kohhran chhûngah pawh hian inpumkhatna hi kan mamawh berte zínga mi a ni a, a tel lovin kan awm thei lo. A pawimawh tluk zetin neih erawh harsa tak a ni!
Inpumkhatna tel lovin páwl a kal thei ngâi lo va, he inpumkhatna hian páwl a thlungkhâwmin \ha takin a kalpui thei a.
A tlangpuiin, inpumkhatna neih loh chhan ber chu inthlahdah vàng te, mahni thû thû-a thil kalpui tumna leh mahni induhtâwkna avàngte a ni \hìn.
Páwlin kal ngaihna a hriat loh pawhin inpumkhatna chuan kal dàn min zirtír \hìn a, hmachhawp tam tak hlen chhuak tûrin inpumkhatna a ngái \hìn.
Kohhranho chak taka kal zêl tûr dai dangtu lian tak chu sual hnathawh avànga inpumkhatna hloh vang a ni fo.

AIZAWL CHHIM PRESBYTERY VAWI 38-NA HMAN A NI DAWN
Kohhran êntu : The 2nd Oct., 2016 (Sun) : Aizáwl Chhim Presbytery Vawi 38-na chu October 6 – 9, 2016 chhûng hian Hmunthar Kohhran Biak Inah hman a ni dáwn. Thupuiah ‘Thuawihna’ (I Sam. 15:22) a ni ang.

PUIPATE
Moderator : Pastor C. Sâpkáia, Hlimen
Secretary (Sr.) : Upa C. Lalbiaktluanga, Hmunthar
Secretary (Jr.) : Upa Rinzáwna, Mission Vêng
Treasurer : Upa Lathlengliana, Tlángnuam
Statistician : Upa Lalhuapzauva, Lunglêng I

October 6, 2016 (Ningàni)
Dar 9:30 AM : Finance Committee (Upa exam a awm nghâl ang)
Dar 11:30 AM : Sub-Pastoral Committee
Dar 1:30 PM : Nomination Committee

Dar 6:30 PM : Inlawmna leh report inkhâwm
|antu : Upa V. Laltlana, N. Lunglêng
Reports : Bialtu Pastor-te a\angin
Záipáwl : Mission Vêng Kohhran Záipáwl
Kulikàwn Kohhran Záipáwl
Lunglêng I Kohhran Záipáwl

October 7, 2016 (Zirtàwpni)
Dar 10:00 AM – 4:00 PM – Presbytery Rorel
Dar 6:30 PM : Pathian Biak Inkhâwm
Thusawitu : Upa Lalliansâwta, Mission Vêng
Záipáwl : Kulikàwn Kohhran Záipáwl
Hlimen Pastor Bial Záipáwl
Tlángnuam West Kohhran Záipáwl

October 8, 2016 (Inrinni)
Dar 10:00 AM – 4:00 PM – Presbytery Rorel
Dar 6:30 PM : Pathian Biak Inkhâwm
Thupui : ‘Thuawihna’ (I Sam. 15:22)
Thusawitu : Rev. Vànlalvêna, Hlimen Dàmvêng
Záipáwl : Tuikhuahtláng Kohhran Záipáwl
Kulikàwn Pastor Bial Záipáwl
Tlángnuam Kohhran Záipáwl

October 9, 2016 (Pathianni)
Dar 10:00 AM : Upa Nemngheh Inkhâwm
Fuihna leh \awng\âisakna
: Rev. Vànhnuaithanga, Kulikàwn
Záipáwl : Mission Vêng Pastor Bial Záipáwl
Hmunthar Kohhran Záipáwl
Dar 1:30 PM : Lalpa Zanriah Sakramen
|hehtu : Pastor C. Sâpkáia, Moderator
Záipáwl : Lunglêng I Pastor Bial Záipáwl
Dar 6:30 PM : Pathian Biak Inkhâwm
Thusawitu : Upa Chháwnvunga, Moderator kal chhuak
Záipáwl : Hlimen Kohhran Záipáwl
N. Lunglêng Kohhran Záipáwl
Tlàngnuam Pastor Bial Záipáwl

NOTICE BOARD- AH TAR
K|P Bible chhiar chhuah rûnpui neih tûrah, Group hrang hranga in\henin a chhiartu tûrte inruat a ni a. Hei hi Kohhran Notice Board-ah tàr a ni a, ngaihven nise.

SYNOD RELIEF FUND
Tûnkár liam ta chhûng khan Synod Relief Fund a\angin \anpuina hetiangin pêk a ni :-
1. Dàwrpui, Aizáwl – Lung thisen zám \ha lo
Chhûngkaw 1 hnênah Rs. 5,000/-
2. Chawlhhmun, Aizáwl – Khawsak harsa
Chhûngkaw 1 hnênah Rs. 5,000/-
3. Chawlhhmun, Aizáwl – Truck-in In a hnâwlchhiatsak
Chhûngkaw 1 hnênah Rs. 5,000/-
4. Hmunpui khua – Cancer
Chhûngkaw 1 hnênah Rs. 2,000/-

THLA TIN THAWHLAWM
September thlà K|P thlatin thawhlàwm luh dàn :-
Bial 1-na : Nl. Zoremtluangi Bial : Rs. 1,220/-
Bial 2-na : Tv. Lalremruata Chawngthu Bial : Rs. 4,360/-
Bial 3-na : Tv. F. Laltlanhlûa Bial : Rs. 3,650/-
Bial 4-na : Nl. Lalchhanhimi Bial : Rs. 1,220/-
Bial 5-na : Tv. Zárzokima Bial : Rs. 1,090/-
Bial 6-na : Tv. Siamthangpuia Bial : Rs. 2,300/-
Bial 7-na : Tv. Lalêngkima Bial : Rs. 1,160/-
Bial 8-na : Tv. Vànlalnghâka Bial : Rs. 1,060/-
Bial 9-na : Nl. R. Zonunmáwii Bial : Rs. 1,910/-
Bial 10-na : Nl. Lalruatfeli Bial : Rs. 1,070/-
Bial 11-na : Tv. Lalchhandama Bial : Rs. 660/-
                                   Total : Rs. 19,700/-

CHANVO NEITU TURTE
October thla chhûnga Kohhran inkhâwma chanvo neitu tûrte hêng mite hi an ni :-
Meeting Chairman : Upa Lallianzáma
Khuangpu : Tv. Siamthangpuia
Pu Chhuanváwra
Pianist : Tv. Zárzokima
Thawhlàwm khawntu : Nl. Lalrintluangi
Nl. Laltlanmáwii
Nl. R. Lallàwmkimi (B-2)
Nl. Lalruatfeli (B-5)

PHOTO MANIA

INKHAWM TAN HUN SAWN HMA
October thlà a\ang hian zan lam Pathian biak inkhâwm hi dár 6:00-ah dár hmasa a ri ang a, dár 6:30-ah dár nawn a ni tawh ang.

COUNCELLING CENTRE HMUN SAWN
Mizoram Synod, Family & Councelling Centre-in Chanmary-a Councelling Centre an neih chu remchàn zâwkna avàngin Bâwngkàwn-ah an sawn. Councelling Centre hi Bâwngkàwn Pastor Quarters hlui, Bâwngkàwn Bethel Bial Pastor-in a luah tâk chungah siam a ni.

Hun ruat
KOHHRAN
Ni 2.10.2016 : Sunday School
|antu : Pi Zachhûngi
Zirlái : ‘Thlarau Thianghlim – India ram
Presbyterian Kohhran Thurinah’

Ni 2.10.2016 : Pathianni chawhnu
Thusawitu : Upa C. Zothanliana

Ni 2.10.2016 : Pathianni zàn
Thusawitu : Upa Lalêngliana

Ni 5.10.2016 : Nilaini zàn
|antu : Pi R. Lalhmingthangi
Thupui : Sualna avàngin mihring chu chhandam ngái a ni’
Hawngtu : Pi Lalramlàwmi

Ni 8.10.2016 : Inrinni zàn
Thusawitu : Pi Zothanpári

KRISTIAN THALAI PAWL
Ni 3.10.2016 : Thawh\anni zàn
Hruaitu : Tv. R. Lalawmpuia,
Leader
|antu : Pu Malsàwmtluanga,
Upa Rokûnga Group
Thusawitu : Tv. Vànlalsàilova,
Dàwrpui
Bible Reading : Tv. Zonunsánga (B-2)
Zái hruaitu : Tv. Lalêngkima
Musicians : Tv. R. Lalnunkima
Tv. Vànlalnghâka
Tv. Lalawmpuia Hauzêl
Tv. C. Lalruatfela
Thilpêk lakhâwmtu
: Nl. Lalrintluangi
Nl. Laltlanmáwii
Nl. R. Lallàwmkimi (B-2)
Nl. Lalruatfeli (B-5)

KOHHRAN HMEICHHIA
Ni 4.10.2016 : Thawhlehni zàn
Hruaitu : Pi Lal\anpuii
|antu : Pi Rozámi (B-10)
Hun hman dàn : Rilru sawi
Thilpêk lakhâwmtu
: Pi Zoramchhani
Khuangpu : Pi Lalruaii
Pi Lalzawni

KOHHRAN PAVALAI PAWL
Ni 6.10.2016 : Ningàni zàn
Chairman : Pu Lalhmangaiha
|antu : Pu Ramsánga
Hun hman dàn : Sharing & Beihrual thlìrlêtna

PRESBYTERY AGENDA
Kumin Aizáwl Chhim Presbytery, Hmunthar Kohhran Biak Ina kan neih tûra Agenda (General) tûrte hêngte hi a ni :-
1. “Pastoral Ministry en\hatu Commission siam ni rawh se.”
– Mission Vêng Bial
2. “Synod Hospital dinhmun hi zir chian a, a \ûl angin siam \hat ni rawh se.”
– Kulikàwn Bial
3. “Internet hmanga Synod-in rawng kan bàwlna hi changtlung zâwka kalpui ni rawh se.”
– Lunglêng I Bial
4. “Presbytery pêm Upa lehkha hi Synod-in form siam rawh se.”
– Lunglêng I Bial
5. “Tlángnuam Vengthlang Biak In sak dìlpuina Tlángnuam South Kohhran a\angin.”
– Tlángnuam Bial

NOTE : Agenda-te hi Pastor Bial Inkhâwmpui kal tlanga Presbytery-a  thehluh \hin a ni.

THLIRNA..!!
Kum 2016 Beihrual thlà (September thlà) chu kan lo hmang ral leh ta. Pathian min hruainaah lawmthû i sawi mawlh mawlh ang u.
Kumin kan Beihrual chhûnga Ramthar Hapta, Kristian Chhûngkaw Haptá leh hun danga thupui kan zirte a tha thei hlê mai a, inkhâwm pawh kan inkhâwm tha hlê mai. Kan hlâwkpui hlê tûrah ngái ila.
“Kan thupui a va’n tha tak, a va’n sawi tha tak, ka hlâwkpui tak tak,” kan tih thinte hi a hlâwkna tak tak chu kan nunah a lang chhuak ngêi ngêi tûr a ni.
Pathianni hmasa zàna kan Pastor thusawiah khán, “Biak In chhûngah chauh thlarau mi ni lovin, thlarau mi-na tak tak chu a páwn lamah a ni tûr a ni,” tihte khân ‘Amen’ hlawh lo mah se, kan mamawh berte zínga mi a rawn sawi chhuak chiang hlê.
Ni. Kan tuipui tak tak hi chu kan ‘Amen’ duh fo thìn a. ‘Amen’ tih hian tawngká-a ‘Amen’ tih ngawt a ni lo va, kan thinlungin a lo lâk luh ang chi rêng rêngte hi a ni vek mai!
A tlangpui thû-in, kan tih tel lo, a thlàwna kan dawn tûr leh kan dawn ang chi zawng zawng hi ‘Amen’ a awl hlê.
Kumin kan zirláite hi keimahni atanga pêk chhuah, mihring lam dànah chuan ‘chànna lam hawi’ a ni vek mai a, kan ‘hlâwkpui’ tak tak a nih chuan kan nunah a rah a chhuak ngêi ngêi ang.

NAUPANG PUAL

HMANG CHANG
“Tawngtâi láiin maimit-chhìn tûr,” tia inziah fakna, dàn anga neih thin a awm lo na a, kan tawngtâi chuan kan maimitchhíng thìn. Tleirâwl zíngah tawngtâi láia men chíng kan awm a, kan men na nâ nâ chuan rilruah thil dang a lo awm thìn a. Maimitchhìn thin tûr a ni.

PRODUCTION STAFF
Editor : Lalkhawmawia
Jt. Editor : P.C. Lallawmzuala
David Rualtinkhuma
News Editor : Lallawmkimi
Siamthangpuia
A. Lallawmsanga
Cir. Manager : Vanlalnghaka
Zonunsanga
Zonunkima