AIZAWL SOUTH AREA MASIHI SANGATI MEET VAWI -NA

Kohhran êntu : The 23rd Oct., 2016 (Sun) : Aizáwl South Area Masihi Sangati Meet Vawi 28-na chu October 22 - 23, 2016 chhung hian Tuikhuahtlang Kohhran Biak Inah hman mek a ni. Thupui hi ‘Krista, kan nunna’ (Kolossa 3:4) a ni ang a, Speaker tur hi Pu Lalvena Hnamte, Principal, Synod Higher Secondary School a ni ang.

Vawiin Programme hetiangin :-

Dar 10:00 AM : Pathian biak inkhawm
Chairman : Pastor F. Lalrinnunga i/c Mission Veng Pastor Bial
Tantu : Pi Chameli Thapa, Tuikhuahtlang Masihi Sangati
Zaipawl : Mission Veng Masihi Sangati
Tuikhuahtlang Masihi Sangati
Thupui : ‘Krista, kan nunna’ (Kolossa 3:4)
Speaker : Pu Lalvena, Principal, Synod Higher Secondary School

Fellowship : Chawhma inkhawm ban
Hruaitu : Pu Lalchhandama Ralte, Hlimen, Area Comt. Member
Solo : Tv. Sam Lalawmpuia, Melthum Masihi Sangati

Dar 1:30 PM : Pathian biak inkhawm
Tantu : Pi Seti Maya, Melthum Masihi Sangati
Zaipawl : Hmunthar Masihi Sangati
Tlangnuam Masihi Sangati
Hlimen Pastor Bial Masihi Sangati
Thupui : ‘Krista, kan nunna’ (Kolossa 3:4)
Speaker : Pu Lalvena, Principal, Synod Higher Secondary School

Fellowship : Chawhnu inkhawm ban
Hruaitu : Pu Rinliana Khiangte, Hmunthar, Area Comtt. Member

Dar 6:30 PM : Pathian biak inkhawm
Chairman : Pu F. Lalmawia, Kulikawn, Treasurer, Area Comtt.
Tantu : Pi Silveni Hansda, Hmunthar Masihi Sangati
Zaipawl : Hlimen Masihi Sangati
Thakthing Veng Masihi Sangati
Thupui : ‘Krista, kan nunna’ (Kolossa 3:4)
Speaker : Pu Lalvena, Principal, Synod Higher Secondary School

Fellowship : Zan inkhawm ban
Hruaitu : Evan. Lalrinchhana, Kulikawn, Area Comt. Member

HRIATTIRNA
Zaipawl hla zir :
October 23, 2016 (Pathianni) zan inkhawm ban hian Kohhran Zaipawl te’n Masihi Sangati Bial Meet kan dawn tura mi zir tur a ni a. A vawi khatna tur a ni a, member a tam thei ang ber hla zir turin kan insawm a ni.

Neih thil/Thiam thil :
October 24, 2016 (Thawhtanni) zan hian KTP te’n Kohhran Hall-ah Neih thil/ thiam thil thehkhawm leh lilam hun hman leh tur a ni a. Member-te inkau lawk leh ila. Hengte avanga inkhawm hreh phah chuang lo bawk ila. Lilam tur pe tur leh chhang thei tur pawhin theih tawpin inbuatsaih bawk ila.

Advance Christmas :
Kumin Krismas dawn hian KTP te’n Advance Christmas hman leh kan tum a. Hlimawm si, hlawkthlak taka hman tum a ni.

Christmas Carol Service :
Kumin Krismas dawn hian kum danga kan tih thin ang bawkin Christmas Carol Service hman leh tum a ni.

Thla tin thawhlawm :
October thla tin thawhlawm chhiar hun atan Oct. 31, 2016 (Mon) zan inkhawm ban ruat a ni a, November thla tin thawhlawm chhiar hun atan Nov.  28, 2016 (Mon) zan inkhawm ban ruat a ni.

THUVAWN
Sam 40:4
“LALPA chu a rinchhana nei a, chapote leh dawt lama pengte ngaihsak lo mi chu,
a eng a thawl e.”

EDITORIAL....
Khatia bawhchhiatnain Pathian laka mihring a tihhran hnu khán, Pathian a\anga zawhna lo chhuak chhángtu Adama leh Evi-te khan mahni thiam inchantírin, mi dang vànga tlu niin an insawi ve ve a! Dikna chen pawh a awm ang. Mahse, kha zawhna an chhànna kha an mihring lam a\anga chhuak vek zuk nia mawle!
Kan Kohhran leh K|P, kan chhungkua thlengin harsatna leh buaina, chauhna leh tlukna a lo thleng fo mai \hìn a. Chutiang hunah tak chuan, chu’ng harsatna lo thlen chhanah chuan mahni indah \ha-in, mi dangte va puh a awl \hin hlê mai a!
Kan \awngka chhuakah rêng rêng, kan Upate leh kan |halai hruaitute puh ta vak vak \hin kan awm hi ngaihtuah ngun a ngai khawp mai. “Keima thiam loh a ni e,” tia Pathian hmaa kun ta ngawih ngawih erawh kan vang hle mai thei a ni.
Kawng tam takah chuan, kan \hahnemngaihna avànga lo awm a nih theih láiin, tam zâwk hi chu keimahni tisàna a\anga lo chhuak a ni duh fo mai!
Ringtute chuan mahni kan inbûk fona tur chu, mi dangte nunah ni lovin, kan darthlalang Lal Isaua-ah ngei kan inbûk fo tur a ni dawn lawm ni?

THU LEH HLA
zàwlnei intite thupuanah
engah nge i chî-ài fo lêm ang le?
– Rev. Zonunsánga
i/c Tuipuibàri Bial
History-a Harna a lo thlen tawhnate thlìr hian tûnláia zàwl thupuan awm ta nuaih nuaih te, Pathian pakhat ring leh be \heuh \heuh kan thupuan inkawkalh tak tak awm lawi si te hi thil mak leh thil thar a ni lêm lo ve. Inlàrna tih te, chhiatna lo thleng tur tih te, thim thuahhnih tih te, Social Network hrang hrangah kan hmu fo mai a. Hmân atâ tawh zàwl thupuan hian mi \henkhat a tibuai ve \hìn. Puang theia pui kan tam em lah tak a ni!
Chhiatna hrang hrang (Natural calamities) te, râwng taka inthah te, páwngsual te, bomb puakte hi mi sualte hremna nise, mi felte pawhin an tuar ve tho si a. Engtin nge ni dáwn? News en \hìn tán hêng hi khawvêlah hian nitin a thleng reng tih hrilh kan ngái lo ve. Khawvêlah hian kumhlun tur tumah kan awm lo. Kan awm a, kan kal bo leh mai \hìn. Isua neitu tán hlauh tur a awm em ni? Pathian hian kan sual chuan min hrem ang tih hi tute emaw zàwlnei (?) min puansak kher a ngái em ni? Bible-ah kan hmu vek a lâwm. Joba, pánin a bawm khah chhan kha a tihsual leh a chapo vàng a ni lo. Mi sualte tán chuan thim thuahhnih mai a ni hleinêm, hremhmun a sin awm zâwk! Thim thuahhnih hi kan hlau ve lo, Pathiang erawh kan ring.
Hetiang kárah hian mihlim changsáng raja-ho hian, “Thlarau Thianghlim i sawisêl ang e,” an ti leh ringawt \hìn. Hêng hruai ngìl tumna hi, ‘Thlarau Thianghlim sawisel’ Bible-in a tih hi a ni hauh lo! ‘Thlarau Thianghlim sawisêl’ nge hlauhawm ang, ‘a lang apiang pawm’ tih hi ngaihtuah ngâi deuh a ni. Pathian hnênah inkawltìr la, zâm suh. Engpawh lo thleng sela, Pathian i nei a lâwm. Luang thli chhêm nghìn ang maia nghìng leh dual \hìn tur pawh a ni lo. Engah nge Pathian nei lote anga zirtírna danglam lakah i nghìn fo lêm ang le?
Hêng kárah hian Kohhranho te’n kan tehna chu Bible a ni fo. Hêng boruak hrang hrang vàng tak hian a lâwm ‘Bible chauh’ (Sola Scripture) an lo tih rêng ni. Hêng vàng hi a lâwm, “Kohhran Aw hi Pathian aw a ni e,” kan tih \hin. A puang thei apiang awih zêlna rau suak \helh nána ‘hemi chin hi aw’ tih hi a rau tâwk viau \hìn. Isua hi min tlantu a nih bâkah kan Zàwlnei leh Puithiam Lalber a ni a. Kan tih tur te, tih loh turte leh a hniak hnunga kan zui theih nán ziakin, ringtu hmasate’n min lo dah \hat sak. Bible aia rau zâwk a awm thei lo va; Bible chauh hi rinna leh thiltih kan teh dáwna dik lo thei lo chu a ni reng a ni. Pathian thu hi sawi \haihna, inrîkrâpna tur ni lovin, kan rin phawt chuan kan damna tur, kan chhandamna kawng leh Pá hnên min thlen tur a ni. Kan rin loh erawh chuan hremna chu kan pumpelh hauh lo vang. Khawngaihna kawng hawn lai hian Lalpa i hnaih zêl ila.
Zàwlnei chu Kohhran hi a ni. Thuthlung hlui hunah Pathianin zàwlneite hmangin a mite hnênah a inpuang \hìn. Zàwlnei te’n an lalte hnênah huaisen takin Pathian duh dàn an hrilh \hìn. Chu chuan ram a khalh a, an lalte kal sual tur te, ramin a tihsualte Pathianin zàwlnei hmangin a hriattír \hìn. Chu zàwlnei hna chu Kohhrante hian kan thawk chhunzawm a, kan ti zêl ang. Kohhran hian, “Rorêltute hi Pathian ruat an ni,” tiin vawiin thlengin kan la inzirtír \hìn. Rorêltute pawh chutiang taka ‘Pathian ruat’ an ni tih mipui te’n an pawm theih nán inenfiah fo kan ngái ve bawk.
Kohhran chuan zàwlnei hnà chhunzawmin kan ram tán theih tâwpin \awng\âina nên \an kan la zêl ang. Chutihrual erawh chuan, zàwlnei hnà thawktute thuràwn la duh lo va, mahni \ha tihna lam Pathian tihtír nia ngaihna hi kalsualna chi khat a ni tih kan hriat a \ûl. Hmasang kan thlahtute hnêna kawng tinrênga inpuang a, a rawngbáwltu serhhrante hnêna thusawi \hín kan Pathian tho kha vawiin hian kan Pathian a la ni reng a. Kohhran hian zàwlnei hnà a thawk zêl dáwn. A thawh loh hun hunah a nihna a hloh bawk ang.

KEIMAHNI
SUNDAY SCHOOL ZIRLAI
October 16 : Pathianni Sunday School zirlái turte :-
Beginner : Nova
Primary : Samuela
Junior : David Livingstone-a
Intermediate : Nicea Thurin
Sakramen : Pathian biak awmzia
Senior : Tihdam
Puitling : Thlarau Thianghlim leh nun dan tha

NPSS PATHIANNI CHAWHNU INKHAWM PROGRAMME

A hun : October 23, 2016 (Pathianni) chawhnû
Hruaitu : Tv. Lalchhandama, Chairman
Hun hman dan : Beginner, Primary leh Junior Department
chin tan hun hman a ni ang.
Thilpêk lâkkhâwm a ni bawk ang.


PATHIAN RAM LUH DAN
October Pathian Ram thilpek luh dan hetiangin :-
Pathian ram : Rs. 1,09,305/-
Ramthar : Rs. 80,360/-
Buhfaitham : Rs. 40,155/-
Synod-a lut belhkhawm : Rs. 2,29,820/-
Tualchhung : Rs. 80,700/-
Biak In thar : Rs. 1,82,365/-
Tualchhunga sum belhkhawm : Rs. 2,63,065/-
A vaia belhkhawm : Rs. 4,92,885/-
Thwhtu In zat : 272

BIBLE CHHIAR CHHUAH ZO TA
Branch K|P Diamond Jubilee puala páwn lama hriat tura Holy Bible chhiar chhuah beihpui thlâk chu zawh a ni ta. Hemi avanga harsatna tawk palh kan awm a nih chuan thupha kan chawi a, dawhthei taka min ngaithlatute chungah lawmthu kan sawi mawlh mawlh a ni.
Rs. 2,000/- hlan
Branch YMA hnuaia Ruihhhlo Do Committee hnenah a tul apianga hman turin Branch KTP chuan Rs. 2,000/- kan hlan.
receptionist & Traffic
Masihi Sangati Bial Meet kan dawn turah Reception Counter-a duty turin heng mite hi ruat an ni :-
1. Tv. R. Lalawmpuia 2. Pu A. Lallawmsanga
3. Nl. Lalchhanhimi 4. Nl. Lalengzami
Tin, Traffic & Security turin heng mite hi ruat an ni :-
1. Tv. Lalkhawmawia 2. Tv. F. Laltlanhlua
3. Tv. Lalchhandama 4. Pu Lalrinawma Kawlni
5. Tv. Lalruatfela (B-8) 6. Pu David Rualtinkhuma
7. Tv. Lalrohlua 8. Tv. Lalrammawia
9. Tv. P.S. Lala 10. Tv. Lalrampara
11. Tv. C. Lalrinpuia

CAMPING PUALIN
Kan Kohhranin Gospel Camping kan neih turah KTP-te ngen kan nih angin KTP inkhawm zan apiangin Gospel Camping pual tawngtairual hman tura ruahman a ni.

HUN RUAT
KOHHRAN
Ni 23.10.2016 : Sunday School
|antu : Pi Zothansiami
Zirlái : ‘Thlarau Thianghlim leh nun dan tha’

Ni 23.10.2016 : Pathianni chawhnû
Thusawitu : Upa Chalhnuna

Ni 23.10.2016 : Pathianni zàn
Thusawitu : T. Upa N. Zokunga

Ni 26.10.2016 : Nilàini zàn
|antu : Pi Lalremruati (Remtei)
Thupui : ‘Retheihna leh harsatna’
Hawngtu : Tv. Lalremliana

Ni 29.10.2016 : Inrinni zàn
Hun hman dan : Hlimen Pastor Bial
Masihi Sangati Meet

KRISTIAN THALAI PAWL
Ni 24.10.2016 : Thawh\anni zàn
A hmun : Kohhran Hall
Hruaitu : Pu H. Lallawmsanga
Committee Member
|antu : Tv. Amos V.L. Hruaitluanga
Upa Penga Group
Hun hman dan : Nrih thil/ thiam thil thehkhawm
Lilamtu : Tv. Vanlalnghaka
Nl. Zoramchhuani
Thuchah : Tv. Lalruatkima,
Committee Member
Bible Reading : Nl. Zotluangpuii (B-3)
Zái hruaitu : Tv. Lalêngkima
Musicians : Tv. R. Lalnunkima
Tv. Vànlalnghâka
Tv. Lalawmpuia Hauzêl
Tv. C. Lalruatfela
Thilpêk lakhâwmtu
: Nl. Lalruatfeli (B-5)
Nl. R. Lallawmkimi

SOUND DUTY
Hlimen Bial Mahihi Sangati Meet kan Kohhranin kan dawn turah heng mite hi sound duty tura ruat an ni :-
1. Tv. Vanlalnghaka
2. Tv. Lalengkima
3. Tv. Vanlalruatsanga
4. Tv. Zonunsanga
5. Tv. C. Lalruatfela
6. Tv. Zonunkima

NAUPANG PUAL

LAWRKHAWM
SYNOD RELIEF FUND
Tûnkár liam ta chhûng khan Synod Relief Fund a\angin \anpuina hetiangin pêk a ni :-
1. Khawpuar – Thing tla
Chhûngkaw 1 hnênah Rs. 4,000/-
2. N. Khawdungsei – Khawsak harsa
Chhûngkaw 1 hnênah Rs. 4,000/-
3. Cherhlun – Pumpui na
Chhûngkaw 1 hnênah Rs. 4,000/-
4. Hunthar – Chhul Cancer
Chhûngkaw 1 hnênah Rs. 4,000/-
5. Awrpuara Veng – In kang ral vek
Chhûngkaw 1 hnênah Rs. 6,000/-
6. Chanmary West Hmar Veng – In chhia
Chhûngkaw 2 hnênah Rs. 12,000/-
7. Bungtlang South – Kal zai ngai
Chhûngkaw 1 hnênah Rs. 4,000/-
8. Hruiduk – In chhe vek
Chhûngkaw 1 hnênah Rs. 6,000/-

PRAISE ON FINAL
Tunkar chho mai October 25 & 27 hian PRAISE ON chu Final neih tum a ni ta a. Top 10 chinin Final Round hi tum hnih, Bungkawn Kohhran Golden Jubilee Hall-ah an nei ang.
A zan khatna hi Music Track hmangin an intihsiak ang a, a zan hnihnaah Live Music hmanga intihsiak a ni thung ang.
He zan hnih intihsiak atang hian Judge te’n result an siam dawn a ni. Result hi October 28, 2016 (Zirtawpni) zanah Bungkawn Kohhran Golden Jubilee Hall-ah result puan a ni ang a. Mizoram Synod Choir leh he PRAISE ON-a pakhatna chu zai tura ruahmanna hi siam a ni.

HRISELNA HUANG
STROKE
STROKE hi Oxygen tlakchham vanga rang taka thluaka Cell lo thi hi a in a. A chhan chu - Thisen kal in block emaw, thluaka thisem zam chat vang emaw a ni thei a ni. Tawng lamahte harsatna an nei thin a, chau leh taksa khing zengte a thlen thei a ni.
Stroke lo awm chhante :-
1. Ischemic Stroke : Hei hi lar ber a ni a, 100-a 85 hi Stroke neiho hian Ischemic bik hi an vei nia ngaih a ni. A chhan chu thisem zam block-tu awm vang leh zim lutuk vangte a ni thei a. Kan taksaa thau a lo tam chuan kan thisen zam pangngai taka kal tur kha lo tibuaiin Ischemic Stroke hi a lo thleng thin a ni.
2. Hemorrhagic Stroke : Hei ve thung hi chu lung atanga thisen zam, thluaka kal turte kha pawp (leak) emaw, kehchhia vang emaw a ni. Heng hian thluaka Cell-te a tichhe thin a ni. Heng vang hian chauh thut te, nikhaw hre lova awmnate a thlen thei a ni.
3. Transient Inchemic Stroke : Hei hi Ischemic Stroke nen khan an inang deuh reng a, a lo awm chhan chu thisen khang emaw, keh chhiat emaw vang a ni.
Eng mite nge Stroke nei duh bik?
1) Mei zu thin leh zu in thin te
2) Zunthlum sang te
3) BP sang te
4) Thau
5) Thisena Choleslerd sang te
6) Awm awl, exer la ngai lo lutuk te
7) Rilru chawl hahdam thiam lo te
Engtin nge i inven ang?
1) Zuk leh hmuamah fihlim rawh
2) Ei leh inah fimkhur, thau tamna lam ei tlem
3) Regular takin exercise la thin ang che.
Source – Godkar

PHOTO MANIA

Production Staff
Editor : Lalkhawmawia
Jt. Editor : P.C. Lallawmzuala
David Rualtinkhuma
News Editor : Lallawmkimi
Siamthangpuia
A. Lallawmsanga
Cir. Manager : Vanlalnghaka
Zonunsanga
Zonunkima