Kohhran Entu: August 2016

Saturday, 27 August 2016

RAMTHAR NI MIZORAM PRESBYTERIAN KOHHRAN TANA NI PAWIMAWH BIK

Kohhran êntu : The 28th August, 2016 (Pathianni) : August 31 hi Ramthar Ni a ni a. A bîk takin kan Kohhran tân phei chuan ni pawimawh bîk tak a ni ang. I lo thlîr zau teh ang :-

August 31 hi Mizoram Presbyterian Kohhran rawn dintu Rev. David Evan Jones (D.E. Jones – Zosaphluia), Mizoram-a rawngbawl tura a lo thlen ni a nih avàng a ni. Kum 1972 Mizoram Synod Inkhâwmpui chuan, Synod Ramthar Board-in, “August ni 31, Pu Zosaphluia Mizoram-a a lo thlen ni hi Synod Ramthar Ni atan hman nise,” tia a rawtna chu pawmin kum 1973 atang khan August 31 chu Ramthar Ni atân hman tan a lo ni ta a ni.
Mizoram-a Chanchin tha rawn thlentu hmasa ber (Pioneer Missionary) Rev. William Williams chuan Khasi rama a thawh laiin Syhlet lama Mizo lung in tángte hnên atanga Mizote chanchin a lo hriatin Mizoram-a kal duhna a nei ta a. Kum 1891 March ni 20 khan Aizawl-ah a lo kal a, Mistiri leh kut hnathawka inhlawhfate hnênah Pathian thu hrilhin track-te a sem a. Mizoram chanchin hi Welsh ramah a zu sawi a, Welsh Presbyterian Mission chuan kum 1892-ah Mizoram chu Missionary tirh luhna atân a thlang ta a.
Rev. William Williams hi tirh an tum a; mahse, vànduaithlâk takin a thi ta mai si a. Mi tharte an dap leh a; Theological College-a an zirtîr chhûngin hun a lo vei hman a. Hetihlai hian Arthington-a mi tirh Rev. F.W. Savidge (Sâp Upa) leh Rev. J.H. Lorraine (Pu Buanga)-te kha an lo chhuak a. Kum 1894, January 11-ah Mizoram an lo thleng a; Welsh Presbyterian Mission tirhin Rev. D.E. Jones (Zosaphluia) hi kum 1897, August 31-ah a lo thleng ve leh ta a ni.
Mizoram Presbyterian Kohhran chuan kumin Ramthar Ni pual hian tum khat inkhâwm atân programme a siam a, thupuiah ‘Krista thuhretu nih’ (Tirhkohte Thiltih 1:6-8) tih chu a thlang.

CHANCHIN TAWI
@ Br. KTP sumtuak nana neih thil / thiam thil thehkhâwm tlawmngáia tlantute’n a man kha ngaihven nise.

@ Aug. 28 (Sun) chawhnu inkhâwm bàn hian Kohhran Committee Room-ah KTP thlatin thawhlàwm chhiar tur a ni a, member-te committee neih pah tur a nih avàngin kim taka kal nise.

@ Aug. 20 (Sat)-a KTP te’n sumtuak nana lirthei sila kan inhlawhnaah, a bul vel in neitute leh lirthei thawhtu zawng zawngte chungah làwmthû kan sawi tak meuh meuh a ni.

@ Tv. Vànlalsàilova hova KTP te’n hun kan hman tur chu October 3, 2016 (Thawhtanni) zàn a rem thu dawn a ni.

@ Keifáng Branch tlawh tura kan inbuatsaih mêk chu Keifáng Branch lam chu an remchàn thu dawn a nih rualin an Kohhran Committee lamah thu an la thlen ve leh dáwn a ni.

@ NPSS Inkhâwmpui/Meet kan hnaih ta hlê mai a, Department lam pawh theih ang angin kan tang tlâng a. Hetihrual hian, a zirtîrtu ngâi te’n an bei ngawr ngawr bîk hi a dik ber em? Kan zirtîr thiam loh pawhin lo tàwiàwm talte tum ila!

THUVAWN : Marka 1:15
“Hun chu a lo thleng ta a, Pathian ram pawh a lo hnai ta; sim ula, Chanchin tha hi ring rawh u,” a ti zêl a.

EDITORIAL
Pathian hruainain kum 2016 Beihrual Thla kan lo thleng leh dâwn ta reng mai. Pathian hnênah lawmthu i sawi ang u.
Kumin chu kan Kohhran hruaitute’n Biak In lama hun hman vek relin ruahmanna an siam a, September thla pumpui chu Biak In lama hun hmang vek thei turin i inuatsaih ang u.
Kum danga kan hman dan tlangláwn ber chu Kohhran In tina inkhawm thinte a ni a, Kristian Chhungkaw Hapta bika Kohhran In tina inkhawm te a ni bawk a; tin, tumkhat chu KTP, Kohhran Hmeichhia leh Kohhran Pavalai Pawl-te inkhawm bikah chuan an inkhawm bikah thupui awm sa kha lo zirin a dang zawng chu Kohhran inkhawm pangngaia hun hman a lo ni tawh bawk.
Hman dan tur bik a awm chuang lo naa, kan Kohhran dinhmun enin Beihrual Thla inkhawm hi tihdanglam thin a ni.
Kuminah chuan Biak In lamah vek hun hman a ni dawn a, Fellowship leh tih bik pawh awm lovin, Kohhran inkhawm tawpin a kal dawn a ni a, kan tifuh a nih chuan kan hlâwkpui leh hle turah ngai ila.
Hetihrual hian, NPSS Inkhawmpui thla a nih ve avangin zan lama hla zir tur awmte avang erawh chuan kim a har viau ang.

Thu leh hla
RAMTHAR NI THUCHAH

‘kei heta hi ka awm, mi tîr ta che’

– Rev. Lalbiakhlîra

Isaia hi mi huaisen tak chu a ni phawt mai. Pathian a hmu chiang tih a lang bawk. Chuti ni suh se, he thu, “Kei heta hi ka awm, mi tîr ta che,” tih ngam chi a ni lo!
Pathianin a zàwlnei turin a ko va, Temple-ah inlàrna a hmu a. Chu chu Lal Uzia thih kum, 742 BC-ah khan a ni a. Pathianin a kohna hmun hi Temple a ni tlat mai hi a mak lo. Pathian ngainatute hian Biak In an bêl thin a, chutiang mite chu a ko duh bik ni pawhin a lang.
Inlàrnaah chuan Pathian aw chuan, “Tunge ka tirh ang a, tunge ka tân kal ang?” a ti a. Isaia chu inngaihtuah buai hauh lovin a inpe nghâl mai niin a lang a, a ropui tak zet. Kalsan tur, chàn tur, tawrh tur a tamzia a hre awm si a. Mahse, “Ka chhung te, ka eizawnna, ka sum hnâr, ka thian te, ka nuam tih zâwng..” tibuai lovin a chhâng tawp thei tlat. Keini hian engtin nge kan chhàn ve ang le?
A hnà lah chu a namai lo, huaisen ngái tak a ni. Hetihlai hian, Israel fate’n Lalpa an hnâwl a, milem pathiante an bia a, thing leh lunga siam milem pathian hnênah an inthâwi a. Ram hruaitute pawhin ram dang mite nen insiamremin chhiahte an pe a, Pathian an bêl tawh lo.
Lalpa chu Aigupta bâwi ata hruai chhuaktu a nih an theihnghilh a, Mosia leh mipui hnêna dàn a pêkte pawh an zàwm lo va. Lalpa erawh chuan amah chauh bêl turin a phût a. Chu thu chu Lalpa leh mipui hriattir turin a ko a ni. An sualte sim a, Lalpa lam hawi turin an hrilh ang a, an sim loh chuan hremna hrilh turin koh a ni a. Isaia chuan, “Kei eta hi ka awm, mi tîr ta che,” a ti a nih chu.
Tunlai kan ram dinhmun thlîr hian Lalpa ram a tlusawp mêk niin a lang a. Sawrkar hruaitute pawhin mipui hnênah Bible duh loh zû min hlui ta mai te, Lalpa mite intêlkhâwm ‘Kohhran’ sawisêla bei duh kan awm ta mai te, inkhâwm peih lo kan tam te, Pathian malsàwmna kan dawn ama rawngbàwl nana thehchhuak ui tlatte pawh ringtu zingah kan pung ta em ni? Krista rinna phatsana pâwl chhuak duh mai te, Pathian rawngbàwl hna thawh aia nihna buaipui tâwk kan tam nia langte hi a dik a nih chuan Lalpa lung a áwi dawn lo.
Zofate min hmangaih a, ramhuai hlauh tlawna inthâwi thin, thingbul lungbul be thin kan nihna ata min hruai chhuak a, rambuai laka min chhanchhuaktu hi kan theihnghilh palh ta mai em ni? Kumtin ram vâta insuan reng, ei khawp tâwk tâwk thawk chhuak thin, mikhual pawh huphurh thinte chu eizawn dàn dang tam tak min pe a, malsàwmnaa min vûrtu hi kan tlansan a remti lo.
Kan ram pâwnah pawh Krista hre lo tam tak an awm bawk a. Thawh tur hna a va tam em! Ringtute hi Lal Isua rawngbàwl hna chhunzawm tura a kohte vek kan ni a. Kan ramah Pathian ram din thar tur leh Krista hre lote hnêna hriattîr turin Lalpa’n min ko ve mêk a ni. Isaia angin Pathian aw kan hre kher lo a ni mai thei a, Bible kan chhiar chuan min kohna a va tam êm!
Ringtute hi Kristaah rawngbáwl tura chhandamte kan ni vek a. Khawvêl zawng zawnga kal a, thilsiam zawng zawngte hnêna Chanchin tha hril tura tirh leh hnamtin ami zirtîra siamtu tura a lohte kan ni vek a. Sual dova thisen chhuak khawp, nunna hlàn khawpa tang tura fuihte kan ni a. Kan dam chhung rei lote chu làwmna chhe thei lo, chatuan nunna nen khaikhin tham a nih lohzia hre chiang chunga Lalpa rawngbáwl tura siam leh din kan ni a. Amah avànga nunga che-a awm mai kan ni a. Khawvêl thil chhe theia rilru dah lo tur leh mikhual châm mai, haw leh vek tur kan nihzia thlengin kan theihnghilh palh ang e.
Chutiang hre chiangtute’n Biak In an bêl a, Kohhran an ngaisang a, an thlahthlam phal ngai lo va. Thawhchhuah theihna, hriselna, thlai thantîra malsàwmtu, muttuina, eituina, thluak fim, duhthlan theihna min petu chu Lalpa Engkimtitheia chauh a ni a sin! Chil hâka thi thut theite hian, “Kei heta hi ka awm, mi tîr ta che,” kan ti thei lo ang maw?
Zawlnei Isaia anga hna zuamawm loh tak thawk turin pên chhuak la, intihuaisen rawh. Nangmahin i thawk dawn lo. Tho leh Krista’n Petera hnenah, “Mi zui rawh,” a tih chu a chhâng a, Thlarau Thianghlimin a thuam ta a, engmah a hlau tawh lo. Mi liante pawhin an khap hneh tawh lo va, an man hnu pawhin Lal Isua khenbeh ang ni lo, a letlinga khenbeh a dil ta hial a sin! Hlauh tur kan nei ve lo.
Lalpa’n, “Tunge ka tân kal ang a, tunge ka tirh ang?” tiin min zâwt mêk. Engtinnge kan chhàn dáwn le?

SYNOD BOOKROOM NEWS
August thla chhûnga Synod Bookroom-a lehkhabu chhuak thar leh lei theihte :-
1) Bible ram mite khawsak dàn – Rs. 100/-
2) Pathian tâna alh chhuak – Rs. 150/-
3) Kalvari kawng – Rs. 30/-
4) Pathian khawngaihna mak – 50/-
5) I nakin hun ngaihtuah rawh – 40/-
6) Nun thlalêr – 80/-
7) Ethel – 150/-
8) Zalenna ram – 200/-
9) Intodelh nan vawk vulh – 120/-
10) Thingtláng hmasâwnna tur kàilàwn – 100/-
11) Mizo Tawng Grammar leh Composition – 80/-
12) Hla Thu Dictionary – 400

SYNOD RELIEF FUND
Tûn hnâia harsatna hrang hrang neite hnêna Synod Relief Fund atanga chhawmdàwlte :-
1. Chalráng – Hrawk Cancer – Rs. 5,000/-
2. Váivakàwn – Khawsak harsa – Rs. 6,000/-
3. Hlimen Dàmvêng – Che thei lo – Rs. 4,000/-
4. Tuipui ‘D’ – Khawsak harsa – Rs. 4,000/-

SEPTEMBER THLA CHANVO NEITU
Meeting Chairman : Upa Lallianzâma
Zái hruaitu :
Dt. 1 – 11.9.2016 : Pu Chhuanváwra &
Pu A. Lallàwmsánga
Dt. 12 – 18.9.2016 : Pu Vànlalchhuanga &
Pu H. Lallàwmsánga
Dt. 19 – 25.9.2016 : Pu Ramsanga & Pu Zosiama
Dt. 26 – 30.9.2016 : Pu Chhuanváwra &
Pu A. Lallàwmsánga
Pianist :
Dt. 1 – 11.9.2016 : Tv. Zárzokima
Dt. 12 – 18.9.2016 : Tv. Pàchhûnga
Dt. 19 – 25.9.2016 : Tv. Lalkhawmawia
Dt. 26 – 30.9.2016 : Tv. Lalawmpuia Hauzêl

Thawhlàwm khawntu :
1) Nl. Lalruatfeli
2) Nl. Zoramchhuani
3) Nl. Zonunmawii
4) Nl. R. Lallàwmkimi

KOHHRAN HMEICHHIA
Dt.30.8.2016 : Thawhlehni zàn
Hruaitu : Pi C. Lalbiakthuami
Tantu : Pi Laldinpuii
Thusawitu : Pi Chawngmáwii

PROGRAMME

Dt.28.8.2016 : Pathianni Sunday School
Tantu : Pu Lalthakima
Zirlai : ‘Thlarau rah’

Dt.28.8.2016 : Pathianni chawhnu
Thusawitu : Upa Lalhmuchhuaka

Dt.28.8.2016 : Pathianni zàn
Thusawitu : Upa Chalhnûna

Dt.31.8.2016 : Nilaini zàn (Ramthar Ni)
Chairman : Meeting Chairman
Thupui : ‘Krista thuhretu nih’
Sawitu : Pastor C. Sâpkáia

Dt.1.9.2016 : Ningàni zàn (Beihrual Tan zàn)
Chairman : Meeting Chairman (Pastor)
Tantu : Pi Lalsangpuii (B-6)
Thupui : ‘Kristian nundan tur – I’
Hawngtu : Pi Vànlalzawmi

Dt.2.9.2016 : Zirtàwpni zàn
Chairman : Meeting Chairman (Pastor)
Tantu : Pi Lianthangpuii
Thupui : ‘Kristian nundan tur – I’
Hawngtu : Tv. Lalkhawmawia

Dt.3.9.2016 : Inrinni zàn
Chairman : Meeting Chairman (Pastor)
Thupui : ‘Kristian nundan tur – II’
Sawitu : Tv. F. Laltlanhlûa

Dt.4.9.2016 : Sunday School
Tantu : Pi Rohmingliani
Zirlai : ‘Thlarau Thianghlim – Tirhkohte’

Dt.4.9.2016 : Pathianni chawhnu
Hun hman dan : Lalpa Zanriah Sakramen
Thehtu : Pastor C. Sâpkáia

Dt.4.9.2016 : Pathianni zan
Chairman : Meeting Chairman (Pastor)
Thupui : ‘Tawngtai dàn dik’
Sawitu : Upa Vànlalzuia

KRISTIAN THALAI PAWL
Dt.29.8.2016 : Thawhtanni zàn
Hruaitu : Tv. F. Laltlanhlûa
Committee Member
Tantu : Nl. Malsàwmdawngkimi
Upa Kûtdênga Group
Thusawitu : Pu Lalêngmawia
Bible reading : Nl. Lalpármawii (B-8)
Special Item : Upa Kûtdênga Group
Zai hruaitu : Tv. Lalruatkima
Musician : Tv. Zârzokima
Tv. Vànlalnghâka
Tv. Zonunkima
Tv. C. Lalruatfela
Thawhlàwm khawntu
: Nl. Lalchhanhimi &
Nl. Lalêngzámi

NAUPANG PUAL
An lohna point 7 han zawng teh. I hmuh chuan rawn thâi bial kalh rawh le.. Chhâng dik zînga vànnei ber làwmman pêk a ni ang.Chhuak hmasa làwmman dawngtu -
Lalruatmawii, Kum 10 (Bial 2-na)

KOHHRAN ZAIPAWL HLA THAR
Kohhran Zaipawl Music Video siam tura tih chu a hla thlâk a ni a, Apostol’s Creed – ‘Engkimtithei Pa Pathian’ tih leh ‘Chhandamtu hmangaihna ka hria’ tih chu Medley tur a ni a, August 28, 2016 (Pathianni) zàn inkhawm bànah zir tan tum a ni. Member a tam thei ang ber hla zir turin kan insáwm a ni.

KTP INKHAWM DAN
August 22, 2016 (Mon) zan KTP inkhawm dan :-
Upa Pêngthangvunga Gr. : 12
Upa Kûtdênga Gr. : 12
Upa Thangkima Gr. : 16
Upa Rokûnga Gr. : 8
Junior Gr. : –
Mi dang : –
Total : 48
Thawhlawm : 740
Mi 1 thawh dan : 15

THLIRNA
Vawi khat chu dàwr pakhatah hian nu pakhatin, “KTP-te hi hla in thiam lo lutuk, kan hla sak khàtte an thlanin sak ngaihna rêng rêng in hre lo mai!” min ti chiam mai a, insawifiah ve pahin thiam ang tâwkin ka chhâng ve a!
Ni. KTP-te hi Kohhran Kutke ni tura din kan ni a, kan thiltum 4 zingah a tel nghe nghe a, hmasawn tur leh zir tur kan la ngah khawp mai.
Amaherawhchu, thlirna tláng dang atangin lo thlir ve ta ila –
Dik tak chuan, a harsat chang a tam ve thin a sin! Kan Kohhran Pathian biak inkhawm hi ngun takin chhût ila, kan hla sakte hi a ngai hlir 10 bawr velah kan kual kan kual a, engtin nge kan thiam thei bik teh lul ang ni?
Hla zir han ko ila, mi thenkhat tu tute emaw in, “Zir zir a ngai a mi? Thiam sa pawh in sa seng lo a ni a. Aw tih mawi vel a tul lo, kan theih tawka kan sak mai hian Pathian a ropui zawk!” min lo ti cham chi ve bawk si a!
Heng avanga dawl mai tur chu kan ni hauh lo naa, kan tha erawh min tichak viau lo tih erawh a lang.
Kan tunlai khawvel dinhmun atanga chhut phei hi chuan a harsa ta talh talh thin hle mai a, member dinhmun atanga chhut phei chuan kan chhe telh telh chu a ni ber mai a, kawng dang dap dan kawng zawn a tha telh telh mai.
Tin, kan tui zawng chauh kan tuipui tlur hian hmasawnna min dal fo bawk.

PRODUCTION STAFF
Editor : Lalkhawmawia
Jt. Editor : P.C. Lallawmzuala
David Rualtinkhuma
News Editor : Lallawmkimi
Siamthangpuia
A. Lallawmsanga
Cir. Manager : Vanlalnghaka
Zonunsanga
Zonunkima

Saturday, 20 August 2016

SYNFO BUATSAIH PRAISE ON TELEVISION SHOW TAN A NI TA

Kohhran êntu : The 21st August, 2016 (Pathianni) : Synod Information & Publicity Department (Synfo) buatsaih – Rampum huapa Branch KTP aiawha telte inelna PRAISE ON chu District hrang hranga tan a nih hnuah Aizawl District-ah tan a ni ta. Aizawl District hi Mission Veng Kohhran Hall-ah neih a ni.
August 12 zàn atanga tan tawh kha a niin Aizawl District-ah hian August 19, 2016 (Zirtàwpni) khan tan a ni a. Kan Branch atangin Nl. Lalramnghâki d/o Lalêngliana leh Tv. Michael Zotluangpuia c/o Rohlupuii-te an tel.

Kan Branch aiawh hian member 5 tel tura ruat an nih laiin zirna avàngin member 3 hi an tel thei ta lo va, member 2 kan thawh thei ta a ni.
Kan Branch aiawha telte hi Branch chuan an kalna sensote tumsakin an zài ni hian an chhung thenkhatte bâkah Branch KTP hruaitute atangin Tv. R. Lalawmpuia, Tv. Lalchhandama leh Tv. Lalruatkima te’n an va tàwiàwm a. Report kan dawn dànin kan member pahnihte hi anmahni zâwnah an zai tha hlê a, an zai that leh that loh tak tak bâkah endiktute rilru a hneh dàn erawh result-in a la rawn tichiang dawn a ni. Result hi a ni la la-a tihchhuah a ni lo va, endiktute’n hun remchang hmasa berah an la rawn puang ang.
Tàrlan tawh thin angin PRAISE ON hi a vawi khatna a niin Branch KTP aiawha intihsiak pawh hi thil vang tak mai a ni a. Mizorama Reality Show awm tam ber hi chu mimala intihsiak a ni tlangpui a. PRAISE ON erawh hi chu a nihna takah chuan Branch inelna a ni lek lek zawk; mimalah erawh thui tak a innghat thung.
PRAISE ON Audition Round hi Aizawl District-ah chuan ni hnih a awh a. District dangah chuan ni khatah an zo vek thung a.
Audition Round-ah hian hla an duh duh an sa a, Hollow Guitar hman phal a nih angin an hmang tlangpui bawk.
Kan Branch aiawha telte duhsakna sang ber kan hlàn e.

CHANCHIN TAWI
@ August 14 (Sun) hmang khan Bial Kohhran Pavalai Pâwl Meet chu Sáikhamakàwn Kohhran Biak Inah tluang taka hman a ni.

@ Central KTP atanga Letter Head thar hman tur min pêk angin a thar hman tum a ni.

@ Bial KTP êntu man hi pêk a hun tawh avàngin pêk tum a ni a, Branch sum atanga pêk rih nise tih a ni.

@ Kristian Thalai Chanchinbu man hi khawn sa bakah Branch sum atanga pêk tlâk a ni ta.

@ Tunlai hian zan lamah Senior Department te’n Meet an hman turah hla an zir thin a. Tin, zan dang hun awlah an Special Item tur an zir bawk thin.

@ Primary Department te’n tunlai hian tlai lamah Kohhran Hall an Meet an hman turah hla an zir bawk.

@ Intermediate leh Sakramen Department te’n August 21 (Sun) chawhnu hian Centenary Hall-ah hla zir leh tur a ni.
Hetihrual hian, Department dangte pawhin Meet-a mi tur hla zir tur a ni hlawm a, zirtîrtu leh zirlai zawng zawngte kim taka kal turin an inngên.

THUVAWN : Rom 4:4
“Tin, hnathawktu hlawh chu khawngaihnaa ruat
a ni lo va,bata ruat a ni zawk e.”

Thu leh hla

‘Thlarau mi tak tak chu’

– Rev. Dr. Ramêngliana

‘Thlarau mi’ an awm a; ‘ini ti thlarau mi’ an awm leh a; ‘thlarau mi nia kan hriat’ an awm a; ‘thlarau mi tak tak’ an awm bawk a, hriat fuh a har ang reng hlê. A hnuaia mi atang hian enfiah lawk teh ang u –

1. ‘Thlarau mi’ chuan hlimna aiin thianghlimna a dah hmasa thin. Hlimna leh thlarau mi nihna hi inzawm tlatin kan hre fo mai a, a hlim hlim thlarau mi emaw tih a awl. Mahse, thlarau mi dik tak chuan mimal hlimna aiin nun thianghlimna a ngai pawimawh hmasa ber thin. Thlarau chu thlarau mai mai a ni lo va, ‘Thlarau Thianghlim’ a ni si a!

2. ‘Thlarau mi’ chuan ama hlâwkna aiin Pathian ropuina tur a ngai pawimawh hmasa thin. Miin a nawmna leh chanvo tur aia Pathian ram zau zêlna tur a ngaih pawimawh hmasak chuan, “Thlarau mi a ni,” a tih theih ang. Mahni hlim leh lâwmna tur zawnga buai chûk nen chuan a inhlat hlê a ni.

3. ‘Thlarau mi’ chuan nitina Kraws pu nun a nei ngêi ngêi. Chu chu sualna dova hrehawm tuar nun a ni. Thlarau mi leh mi lo chu Kraws kawngah a fiah ber mai – mipui sângnga hrâina hmunah ni lovin.

4. ‘Thlarau mi’ chuan Pathian thlîrna atangin thil engkim a thlîr thin. Pathian Fapa lo lan chhan ber chu Diabola hnathawh tih boral a ni a. Thim leh êngin inzawmna an neih loh avàngin Krista leh Beliara pawhin inzawmna an nei lo. Chu chu Pathianin thil engkim a thlîr dàn a ni. Tisa mi chuan ama taksa nawmna leh hlimna a dah pawimawh hmasa ber thin a. Pathian thlîrna nen chuan danglam tak a ni. Khawvêl thil enjoyment leh Krista rilru hi a inmilna hmuh tur a awm lo a ni.

5. ‘Thlarau mi’ chuan dik lo taka nun aia chuan dik taka thih a thlang thin. Tisa mi inhnemna chu, “Mite pawh eng an ni bik chuang lo,” tih a ni a. I nun nena i teh rûn rûn chhûng chuan i tisual tan tihna a ni ang.

6. ‘Thlarau mi’ chuan amahin hniam phah dâwn mah se, mi dangte sàn zêlna a dâl ngâi lo; mahni inphatin mi dangte tân a thawk hial zâwk a ni. Hei hi thlarau mi zepui pawimawh êm êm a ni. Mahni in-promote nâna mahni chakna hmangte hi ‘thlarau mi’ an ni ngai lo. Mite dâwm kâng a, mite mawina thlentute hi, “Thlarau mi,” an ni thin. Mi dang chàwimàwi hi Thlarau Thianghlim zia a ni si a.

7. ‘Thlarau mi’ chuan lei tehfung hmang lovin, chatuan tehfung a hmang. Lal Isua’n leia ro khâwl lo va, vàna ro khâwl tura a zirtîrna kha a pawm thiam a, a hmaa thil awm rêng rêng chatuan tehnain a teh thin. Tûn hun hlimna mai hi a buaipui ngai lo va, tûn atanga chatuan hi a nun kaihruaitu a ni.

Editorial........

“Kan vêng chu inchàwi-màwi kan thiam lo, insawisêl chiah kan thiam,” tiin kan chênna vêng ngêi chu a nihna nia kan hriatin kan tlangàupui fo thin; dik pawh a dik mai thei.
Zirlai pakhat chuan, “He note hi ka thiam hlei thei dêr lo,” tiin thiam tuma zir lovin, a thiam theih loh thû sawi sawi ta se la, hma a sâwn phah ang em? Sâwn phah lo vang. Mahse, a thiam theih loh thu sawi sawi lo va, thiam tuma a zir chuan, thiam hun a la nei ngêi ngêi ang.
Hetiang chiah hian ‘inchàwimàwi’ kan lo thiam lo a nih pawhin sawi sawi lovin, inchawimawi thiam tumin zir ve mai ila, rei a ni lo vang; kan thiam êm êm ang.
Tunah kan member pahnih rampum huapa inelna PRAISE ON-ah telin an theih ang tâwkin an zirin an va tel ve a. Engnge an mamawh ber ni ang? Tawngtàipuina leh lo lawmpuina a nih a rinawm.
“An va tel ve a, eng ruai an ni lovang,” emaw, “Kan Branch ve chu, engmah kan ni leh chuang lovang,” tia kan lo phun kan lo phun a nih chuan ‘inchàwimàwina kawngah’ hmabâk kan la ngah hlê tihna a ni dawn a. Chutiang ni lo va, theih tâwpa lo tanpui ve dàn kan zawn hi ‘inchàwimàwina’ a ni.

NPSS lâng camp

KOHHRAN ZAIPAWL
August 21, 2016 (Pathianni) zàn inkhâwm bàn hian Kohhran Zaipâwl te’n Music Video siamna tur hlâ zir leh tur a ni a, Kristian Hla Bu ken tur a ni ang. Member a tam thei ang ber hla zir turin kan insâwm a ni.

SYNOD RELIEF FUND
Tûn hnaia harsatna tâwk Chite Vêng, Màmit Hmunsàm leh Lunglei-ahte Lung tha lo, Accident, In chim, Kal leh zunkawnga lungte awm avàngtein Synod Relief Fund atangin chhawmdàwlna Rs.24,000/- chu chhungkaw 4 hnênah hlan a ni.

PRAISE ON RESULT
Aizawl District-a PRAISE ON neih mêk a nih laiin District dangah chuan zawh tawh a ni a, result hetiangin :-
Lunglei Zone – 8 an tling
Màmit Zone – 9 an tling
Kolasib Zone – 25 an tling
Sêrchhîp Zone – 26 an tling
Champhái Zone – 26 an tling

INTER BRANCH BIBLE QUIZ
Saron Vêng Branch KTP-te chuan Inter Branch KTP Bible Quiz an buatsaih dawn a. He hunah hian Branch KTP pawh tel ve tum a ni a, Branch aiawha tel turte Evangelical Cell-in an an la ruat ang.

DIAMOND JIBILEE HMANPUI DAWN
Sàmtláng Branch-in an Branch KTP Diamond Jublee hmanpui tura min sàwm angin telpui nise tih a ni a, lawmpui nan Citation leh Rs. 1,500/- hlan nise tih a ni. Branch aiawhin Tv. R. Lalawmpuia, Pu A. Lallàwmsanga, Tv. P.C. Lallàwmzuala leh Tv. Vànlalnghâka-te kal tura ruat an ni.

SOUND FIX- A DAH
Kohhran Hall-a Sound System awmte hi Fix-a dah tum mêk a ni a. Hmá lo la turin Pu A. Lallàwmsanga, Tv. Lalkhawmawia, Pu Lalrinawma Káwlni leh Tv. Vànlalnghâka-te ruat an ni.

YOUTH RECREATION CENTRE
Ruihhlo ngáite enkawlna leh chhawmdàwlna zêlna te, Camping leh tul dang atana hman atana buatsaih Youth Recreation Centre (YRC) Building sakna tur KTP Member tinin kan thawh tur Rs. 50/- chu khawn mêk zêl a niin khawn zawh tep a ni tawh a. Bial neitute’n mahni Bial-ah kan la khawn bâkte khawn leh zêl tura ngen kan ni.

PROGRAMME

Dt.21.8.2016 : Pathianni Sunday School
Tantu : Pi Lalfakzuali
Zirlai : ‘Khawngaih rawngbawl hnà’
Dt.21.8.2016 : Pathianni chawhnu
Thusawitu : T. Upa N. Zokûnga
Dt.21.8.2016 : Pathianni zàn
Thusawitu : Pu Thanthuama
Dt.24.8.2016 : Nilaini zàn
Tantu : Pi Rohlupuii
Thupui : ‘Sual man chu thihna a ni’
Hawngtu : Tv. R. Lalawmpuia
Dt.27.8.2016 : Inrinni zân
Tantu : Pu Lalramthanga
Hun hman dàn : Rilru sawi

KRISTIAN THALAI PAWL
Dt.22.8.2016 : Thawhtanni zàn
A hmun : Kohhran Hall
Hruaitu : Pu A. Lallàwmsanga,
Secretary
Tantu : Tv. Lalpêkhlûa,
Upa Rokûnga Group
Hun hman dàn : Neih thil/thiam thil thehkhâwm
Lilámtu : Tv. Lalêngkima &
Pu Lalrinawma Kâwlni
Bible reading : Nl. Lalremruati (B-7)
c/o Thanthuama
Zai hruaitu : Tv. Lalruatkima
Musician : Tv. Zârzokima
Tv. Vànlalnghâka
Tv. Zonunkima
Tv. C. Lalruatfela
Thawhlàwm khawntu
: Nl. K. Lalràwngbawli &
Nl. Zoremtluangi

KOHHRAN HMEICHHIA
Dt.23.8.2016 : Thawhlehni zàn
Hruaitu : Pi Lalrinawmi
Tantu : Pi Zohlunsangi
Thuzir : Central atanga zirtûr pêk sa
Thupui : 1. ‘Rilru put hmang dik inzirtîr’
2. ‘Sex chungchang inzirtîrna’
3. ‘Eitur him inzirtîrna’
Zirtîrtu : Pastor C. Sâpkâia
Khuangpu : Pi Lalnuntluangi
Pi Lalhmingliani
Thilpêk lakhâwmtu
: Pi Lalramlàwmi

KOHHRAN PAVALAI PAWL
Dt.18.8.2016 : Ningani zàn
Chairman : Pu Lalthuama
Tantu : Pu Zoramthanga
Thusawitu : Pu Lalhunthara

NEIH THIL /THIAM THIL THEHKHAWM
August 22, 2016 (Thawhtanni) zan hian KTP inkhawmah neih thil / thiam thil thehkhâwm leh lilàm neih tur a ni a, Kohhran Hall-ah neih tur a ni ang. Member-te lilàm tur pe tur leh tlan tura lo inbuatsaih nise. Dár hmasa dár 6:30-ah a ri ang a, dár nawn a awm lovang a, dár 7:00-ah tan mai tur a ni ang.

BIBLE CHHIAR CHHUAH
Branch KTP Diamond Jubilee puala Holy bible chhiar chhuah (Páwn lama hriat theih turin) rûnpui neih tur chu ruahmanna a kal mêk a. October 10, 2016 (Thawhtanni) zàn inkhawm bàn hian hawnna neih a ni ang a, hemi atang hian inchhiarchhâwka chhiar chhuah vek tur a ni a. A chhiar turte hi Secretary te’n an la rawn ruat dawn a ni.
Zan lamah inkhâwm zànin inkhâwm bàn atanga chhiarin zàn dár 10:00 thleng chhiar thin tur a ni ang a, inkhâwm loh zàn chuan chhûn lama chhiarte kha zan lama chhiar tur te’n an chhunzawm thung dáwn a ni. Zîng lamah zîng tawngtâi inkhâwm bàn atanga chhiar tur a ni ang.

SEPTEMBER THLA
Kan ti nek nek a, September thla kan lo chuangkai dawn hnai ta. KTP inkhâwm a awm dawn lo va, Kohhran inkhâwm veka hun hman tur a ni ang.

THLIRNA

Tûnlai chu fur lai a ni a, khua a hnawngin a chang chuan rin loh takin a tha leh em em lawi si a. Tha tura kan rin laiin an lo tla leh vak thin bawk a.
Mi ramte angin kan power line-te hi lei hnuaiah phûm ve a la ni thei rih lo va. A changkang ber pâwl pawh cable-a tuam a la ni rih a, zia chu a ziaawm tawh khawp mai.
Thawktu indaih lohna avàngin vêng tinah power lam duty indah vek theih a ni lo va, kan veng hi kan vannei a, thawktu pahnihin min uap thei a, a làwmawm hlê mai.
Kan khawsakphung hi ‘power supply’-ah thui tak a innghatin hun reilote chhûng a awm loh pawhin kan buai thei thin hlê mai a, changkànna chi khat a ni.
Hmasâwnna tur kan la ngah êm avàng leh kan khâwlte duh anga a la changkàn tâwk loh avàngin power supply off-a hnathawh ngaih hun a la tam thin khawp mai a, dawhthei taka kan lo nghah a ngai thin.
Hetiang hunah hian a theih ang anga mipuite hnêna information pek thin hi a hlu hle-in a hriat. Power supply a awm lo va, a chhan kan inzâwt a, hna an lo thawk dáwn a lo ni a. Inrin lâwkna awm miah lo va nilênga a awm loh thin phei chuan nunphung a khaihlak lek lek a ni ber mai.
Hetiang hun a lo thlen dâwn hian engtin emawa inhrilhlâwk dàn zawn ni ta se, kan nunphung a khaihlak lo deuh ang tih a rinawm.

KTP INKHAWM DAN
August 15, 2016 (Mon) zan KTP inkhawm dan :-
Upa Pêngthangvunga Gr. : 13
Upa Kûtdênga Gr. : 15
Upa Thangkima Gr. : 15
Upa Rokûnga Gr. : 10
Junior Gr. : –
Mi dang : –
Total : 53
Thawhlawm : 1,190
Mi 1 thawh dan : 22.45

PRODUCTION STAFF
Editor : Lalkhawmawia
Jt. Editor : P.C. Lallawmzuala
David Rualtinkhuma

News Editor :
Lallawmkimi
Siamthangpuia
A. Lallawmsanga

Cir. Manager :
Vanlalnghaka
Zonunsanga
Zonunkima

SYNFO BUATSAIH PRAISE ON TELEVISION SHOW TAN A NI TA

Thu leh hla

Editorial........

NPSS lâng camp

Kohhran Hmeichhe hmalâknain August 16 & 17, 2016 chhûng khân Naupang Lâng Camping buatsaih a ni a. Camp-a lût an thahnem hlê nia thu dawn a ni. He Lâng Camp-ah hian Speaker hi Pu Lalêngmawia, Josua Ministry Speaker a niin Director hi Upa Lalhmuchhuaka, Asst. Superintendent (NPSS) a ni.

KOHHRAN ZAIPAWL
August 21, 2016 (Pathianni) zàn inkhâwm bàn hian Kohhran Zaipâwl te’n Music Video siamna tur hlâ zir leh tur a ni a, Kristian Hla Bu ken tur a ni ang. Member a tam thei ang ber hla zir turin kan insâwm a ni.

SYNOD RELIEF FUND
Tûn hnaia harsatna tâwk Chite Vêng, Màmit Hmunsàm leh Lunglei-ahte Lung \ha lo, Accident, In chim, Kal leh zunkawnga lungte awm avàngtein Synod Relief Fund a\angin chhawmdàwlna Rs.24,000/- chu chhungkaw 4 hnênah hlan a ni.

PRAISE ON RESULT
Aizawl District-a PRAISE ON neih mêk a nih laiin District dangah chuan zawh tawh a ni a, result hetiangin :-
Lunglei Zone – 8 an tling
Màmit Zone – 9 an tling
Kolasib Zone – 25 an tling
Sêrchhîp Zone – 26 an tling
Champhái Zone – 26 an tling

INTER BRANCH BIBLE QUIZ
Saron Vêng Branch KTP-te chuan Inter Branch KTP Bible Quiz an buatsaih dawn a. He hunah hian Branch KTP pawh tel ve tum a ni a, Branch aiawha tel turte Evangelical Cell-in an an la ruat ang.

DIAMOND JIBILEE HMANPUI DAWN
Sàmtláng Branch-in an Branch KTP Diamond Jublee hmanpui tura min sàwm angin telpui nise tih a ni a, lawmpui nan Citation leh Rs. 1,500/- hlan nise tih a ni. Branch aiawhin Tv. R. Lalawmpuia, Pu A. Lallàwmsanga, Tv. P.C. Lallàwmzuala leh Tv. Vànlalnghâka-te kal tura ruat an ni.

SOUND FIX- A DAH
Kohhran Hall-a Sound System awmte hi Fix-a dah tum mêk a ni a. Hmá lo la turin Pu A. Lallàwmsanga, Tv. Lalkhawmawia, Pu Lalrinawma Káwlni leh Tv. Vànlalnghâka-te ruat an ni.

YOUTH RECREATION CENTRE
Ruihhlo ngáite enkawlna leh chhawmdàwlna zêlna te, Camping leh tul dang atana hman atana buatsaih Youth Recreation Centre (YRC) Building sakna tur KTP Member tinin kan thawh tur Rs. 50/- chu khawn mêk zêl a niin khawn zawh tep a ni tawh a. Bial neitute’n mahni Bial-ah kan la khawn bâkte khawn leh zêl tura ngen kan ni.

PROGRAMME

Saturday, 6 August 2016

SYNFO BUATSAIH PRAISE ON TELEVISION SHOW TAN A NI DAWN TA

Kohhran êntu : The 7th August, 2016 (Pathianni) : Synod Information & Publicity Department (Synfo) chuan Kohhran ràwngbàwlna pawimawh tak pakhat zâia ràwngbàwlna kawnga hmasâwnna atân leh Kohhran programme hrang hranga thinlung taka Pathian faka zâi thei an lo pun zêl theih nân ‘PRAISE ON’ TV Show, Mizoram pum huapa Branch KTP Solo intihsiakna a buatsaih dâwn ta.
KTP Branch tin (A tel duh Branch) atangin zaithiam tak tak an rawn inlâr dâwn a. Branch ruat lo chu mimala tel a rem lovang. Intihsiakna làwmman atân pakhatna Rs. 80,000/-, pahnihna Rs. 40,000/-, pathumna Rs. 20,000/- leh Consolation Prize (Top Ten tling chin) Rs. 5,000/- a ni ang.
He Show-ah hian Round 4 : Audition (First) Round, Second Round, Third Round leh Final Round a awm ang a. Audition Round hi Lunglei, Sêrchhîp, Màmit, Kolasib, Champhái leh Aizawl-ah te neih a ni ang a. Round dang zawng hi chu Aizawl-ah vek tih tur a ni ang. Audition Round-ah hian Mizo hla, an duh ber sak tur a ni ang a, thunawn nei a nih chuan chang hnih leh a thunawn sak tur a ni ang a, thunawn nei lo a nih chuan chang thum thleng sak tur a ni ang. Zai rem nan hian Acoustic Guitar pakhat hman theih a ni ang.
District hrang hranga Audition Round neih hun tur leh buaipuitu turte hetiang hian ruahmanna siam a ni :-
Thlengtu Hming pek theih hun Zai hun
Lunglei Chanmary Branch July 30, 2016 August 12, 2016
Serchhip Kawnpui Branch July 30, 2016 August 16, 2016
Champhai Vengthlang Branch July 30, 2016 August 12, 2016
Kolasib Diakkawn Branch July 30, 2016 August 16, 2016
Mamit Branch July 30, 2016 August 16, 2016
Mission Veng Branch, Aizawl July 30, 2016 August 19-20, 2016
Branch hrang hrangte anmahni Branch remchanna berah an tel thei ang a, Audition-a tel turte hian a buaipui tura ruat KTP Branch-te hnenah hming pek luh tur a ni. September 6-9, 2016 chhungin Second Round neih tura ruahman a ni a, Second Round atang hian Hruaina êng TV Channel-ah Live Telecast a ni ang. Second Round-ah hian Mizo hla pakhat a tluanin sak tur a ni ang a, Keyboard leh Guitar hman theih a ni ang a, Guitar chauh emaw, Keyboard chauh emaw pawh hman theih a ni ang. Second Round result hi September 10 (Inrinni) zanah Hruaina êng Channel-ah puan tur a ni ang a, mi 50 luhtir tur a ni ang.
October 5, 6, 7, 2016-ah Third Round neih leh a ni ang a, he Round-ah hian mahni duh ber Mizo hla pakhat sak tur a ni a, Music Track hman tur a ni ang. Music Track hi mahni emaw, mahni awmna Branch emaw in tum tur a ni. Third Round result hi September 10 (Inrinni) zanah Hruaina êng Channel-ah puan a ni ang a, Final Round lut turin mi 10 thlan chhuah a ni ang.

Final Round hi October 25 & 27-ah neih a ni ang a, October 28 (Zirtawpni) zanah result puan a ni ang. Final Round-ah hian hla pahniha intihsiak tur a ni ang a, hla pakhat Music Track, hla khat Live Music-a tih tur a ni ang. October 25 (Thwhlehni) zanah Music Track hmanga intihsiak a ni ang a, October 27 (Ningani) zanah Live Music hmanga intihsiak a ni ang. Live Music hmanga intihsiak hunah hian House Band an awm ang. Music Track hmang hian mahni hla duh ber sak tur a ni a, Live Music-ah hian Kristian Hla Bu-a mi sak tur a ni ang. Arrangement mahni duh dan takin tih theih a ni ang.
Final Round lutte hi team hnihah thenin, anni enkawl tur hian Mentor team siam tum a ni. October 28 (Zirtawpni) zanah Final Result puan a ni ang.
Kan Branch atanga tel turte hi Nl. Lalramnghaki d/o Lalengliana leh Tv. Michael Zotluangpuia s/o R. Zothanmawia-te an ni ang. Anni pahnih hi Branch KTP pawhin theih tawpin a tawiawmin a tul ang apiang a buaipuisak mek zel a ni. Tin, kan Branch mai bakah kan Bial atang pawha tel turte an awm a, kan tawngtaina lamah pawh lo hre zel ila.
Hetiang rampum huap Reallity Show-a kan tel thei hi a lawmawmin eng dinhmunah pawh lo ding ila, hma kan sawn tawh hle tihna a ni. “Eng ruai kan ni lovang,” tia lo ralkhat thlir ringawt hi simin kan theihna zawn zawnah lo tawiawm thei zel ila, tun aiin hma kan sawn zawk ngei ang.

CHANCHIN TAWI
@ August 4 (Thu) zan khan Branch KTP Committee Member-te chuan Bial insiamin ‘member tlawh chhuah hun’ an hmang.

@ Aug. 11 (Thu) zan dar 7:00 hian Kohhran Committee Room-ah Kohhran Hmeiche Committee neih tur a ni.

@ YRC puala KTP member tinin Rs. 50/- thawh tura tih chu khawn mek zel a ni a, bial neitute mahni bial uluk zawka fan zel nise.

@ Senior Department Meet hman turah zan lamah hla zirtan leh tawh tum a ni a, zan dar 7:00-a tanin dar 8:30-ah ban thin tum a ni. Hei hi zirlai leh zirtirtute bakah nu leh pate pawhin lo hriatpui nise.

@ KTP inkhawm thawhlawm kan thawh hian a hlui lutuk leh hman theih loh thawh lo hram ila, kan neih tawk a nih chuan thuhran nise.

@ Praise On neih tura kan member tel turte tan form lakchhuahsak an ni tawh a, hei hi Branch lamin thehluhsak leh tum an ni a. Tin, Branch dangte ang bawka a zirna lamah pawh kan tawiawm a ngaiin kan zirpui a la ngai dawn a, Music Sub-Committee-te pawh lo inkau lawk ila.

THUVAWN
Johana 3:30
“Ani chu tlatlum tur a ni; nimahsela, kei erawh chu láng tur ka ni.”

HLIMEN PASTOR BIAL
Kohhran Pavalai Pawl meet vawi 3-na hmang dawn ta

Kohhran êntu : The 7th August, 2016 (Pathianni) : Hlimen Pastor Bial Kohhran Pavalai Pawl Meet Vawi 3-na chu August 13 – 14, 2016 chhung hian Saikhamakawn Kohhran Biak Inah neih a ni dawn ta. Thupui hi ‘Tho la, i Pathian ko rawh’ (Jona 1:6) a ni ang a, Speaker tur hi T. Upa C. Zairemmawia, Sihphir a ni ang.
Programme hetiangin :-

August 13, 2016 (Inrinni)
7:00 PM : Pathian biak inkhawm
Chairman : Pu Laltluanga, Treasurer, Bial Kohhran Pavalai Pawl
Tantu : Pu Lalthanliana Ngente, Saikhamakawn Kohhran
Thupui I : ‘Tho la, i Pathian ko rawh’
Speaker : T. Upa C. Zairemmawia
Zaipawl : Combine Choir (Hlimen & Hlimen Vengthar KPP)
Hlimen Damveng KPP &
Melthum KPP

August 14, 2016 (Pathianni)
10:00 AM : Pathian biak inkhawm
Chairman : Pu K. Vanlalsanga, Vice Chairman, Bial Kohhran Pavalai Pawl
Tantu : Pu C. Lalremlala, Melthum Kohhran
Thupui II : ‘Tho la, i Pathian ko rawh’
Speaker : T. Upa C. Zairemmawia
Zaipawl : Saikhamakawn KPP &
Hlimen Pastor Bial Masihi Sangati Zaipawl

1:30 PM : Pathian biak inkhawm
Chairman : Pu Lalthantluanga, Fin. Secy., Bial Kohhran Pavalai Pawl
Tantu : Pu Lalramlawma, Hlimen Damveng Kohhran
Thupui III : ‘Tho la, i Pathian ko rawh’
Speaker : T. Upa C. Zairemmawia
Zaipawl : Hlimen Pastor Bial Zaipawl
Solo : Nl. Lalduhsaki, Durtlang
Nl. Baby Malsawmtluangi, Chawnpui
Trio : Ruthi, Zoremi & Tetea

CHAWHNU INKHAWM BAN INKHAWM
A hmun : Sunday School Hall, Saikhamakawn Kohhran
Hruaitu : Pu Thanthuama, Comtt. Member, Bial Kohhran Pavalai Pawl

7:00 PM : Pathian biak inkhawm
Hruaitu : Pu T. Lalrinthanga, Chairman, Bial Kohhran Pavalai Pawl
Thupui IV : ‘Tho la, i Pathian ko rawh’
Speaker : T. Upa C. Zairemmawia
Solo : Nl. Lalduhsaki, Durtlang
Nl. Baby Malsawmtluangi, Chawnpui
Trio : Ruthi, Zoremi & Tetea
Zaipawl : Saikhamakawn Kohhran Zaipawl

EDITORIAL
Kohhran hnuaiah hian Fellowship pali dingin a lian zual chu Kohhran Hmeichhia leh KTP-te hi a ni awm e. A dang leh chu Masihi Sangati leh Kohhran Pavalai Pawl-te an ni leh bawk a.
Heng Fellowship dinte hi din ve hrim hrim lam ni lovin, Kohhran tana tangkai tura din leh rawngbawl tura chhandam intelkhawm bakah Kohhran tha tichak tura dinte an ni.
Inkaihhruaina fel tak chu KTP leh Kohhran Hmeichhia-te hian an nei a, kalphung fel tak neiin engkim tih a ni thin a. Engemaw chen chu Masihi Sangati pawh hian neiin Kohhran Pavalai Pawl erawh a dinna a la rei lo bawk a, KTP leh Kohhran Hmeichhia-te ang emin inkaihhruaina dan a la tam lo zawk.
Heng Fellowship-te hian tualchhung leh Bial chhung leh Bial pawn lam thleng pawhin thil tih kan nei thin a. Chu kan thil tihna kawngah chuan kan men deuh deuh a tul hle.
Kohhranho tan a him em, a tha em tih ngaihtuah hi a lo pawimawh khawp mai. Kan duh ang anga ro rela khawsa ngawt tur kan ni lo tih hriaa kan nu leh pa (Kohhran) zai ngaia kan kal thiam deuh deuh hi a tulin chu chu kan zir zel a pawimawh hle.

KOHHRAN ZAIPAWL
August 7, 2016 (Pathianni) zàn inkhâwm bàn hian Kohhran Zaipâwl te’n Music Video siamna tur hlâ zir leh tur a ni a, Kristian Hla Bu ken tur a ni ang. Member a tam thei ang ber hla zir turin kan insâwm a ni.

THLA TIN THAWHLAWM LUH DAN
July thla KTP thla tin thawhlawm kan khawnte luh dan hetiang hi a ni :-
Bial 1-na : Tv. Lalruatkima : Rs. 1,530/-
Bial 2-na : Tv. R. Lalawmpuia : Rs. 5,500/-
Bial 3-na : Nl. Lalêngzami : Rs. 4,630/-
Bial 4-na : Nl. Lallawmkimi : Rs. 1,170/-
Bial 5-na : Pu H. Lallàwmsanga : Rs. 1,520/-
Bial 6-na : Tv. Lalkhawmawia : Rs. 1,220/-
Bial 7-na : Pu Lalrinawma Kawlni : Rs. 1,820/-
Bial 8-na : Nl. K. Lalrawngbawli : Rs. 930/-
Bial 9-na : Tv. P.C. Lallawmzuala : Rs. 860/-
Bial 10-na : Nl. Lalruatfeli : Rs. 860/-
Bial 11-na : Tv. Lalchhandama : Rs. 510/-
Total : Rs. 20,550/-

KTP HNATLANG
August 13, 2016 (Inrinni) hian KTP te’n Branch sumtuak nan Serlui hnâra Pu Lalbiakzama (b/o Lalsangbera)-te tuikhuah tur laia hnatlang neih tur a ni a, member a tam thei ang ber hnatlang turin kan insawm a ni. Hnatlang tur te’n lei laihna hmanrua kan neih ang ang thawhchhuahpui tur a ni a, chaw fun tur a ni bawk ang; chawhmeh chu Branch-in a tum dawn a ni. Zing dar 9:00-ah venglaiah chhuah khawm tawh tur a ni ang.

THUSAWI TUR
August 29, 2016 (Thawhtanni) zan hian kan member pui Pu Lalengmawia chu KTP inkhawmah thusawi tura ruat a ni a. Ani hnen atang hian Pathian thuchah bakah rawngbawlna report (India ram aiawha mi pahnih thlanchhuaha a training-a a zinna) ngaihthlak a ni ang.

DIAMOND JUBILEE LAWM DAWN
Kum 2006-a kan Bial atanga indang ta Lungleng I Pastor Bial chhunga Branch pakhat – Samtlang Branch chuan September 26, 2016 (Thawhtanni) hian an Branch dincham vawi 60-na (Diamond Jubilee) an lawm dawn.
He Diamond Jubilee lawmpui tur hian Central KTP hruaitute bakah Mizoram Synod Choir-te pawh an sawm.

INBUATSAIH TAN DAWN
Naupang Sunday School leh Senior Department Meet a lo hnai leh ta a, Department tinin hma an la leh tan ta. A dawn hnaia beih vak ngai lovin, tun atangin inbuatsaihna hi an kalpui mek a. Nu leh pate pawhin kan naute lo hriatpui ila. Naupang Sunday School lam hi kum danga intihsiak ang khan a kal dawn lo va, Meet hman a nih tawh dawn avangin kum dang ai chuan a hahdam deuh tawh turah ngai ila. Tin, zirtirtute tanrual a ngai hle tih hriain mahni Department-ah theuh tang tlang ila.

PROGRAMME
Dt.7.8.2016 : Pathianni Sunday School
Tantu : Pi Lalchawii
Zirlai : ‘Thlarau thilpêkte – I’
Pâwl lâk dàn : Mahni Pâwlah theuh lâk tur

Dt.7.8.2016 : Pathianni chawhnu
Thusawitu : Upa N. Siamliana

Dt.7.8.2016 : Pathianni zàn
Thusawitu : Upa C. Zothanliana

Dt.10.8.2016 : Nilaini zàn
Tantu : Pu Lalhmingmawia
Thupui : ‘Sual chu thil tha lo tih a ni’
Hawngtu : Pu Hrângchhuana

Dt.13.8.2016 : Inrinni zân
Tantu : Nl. Sânghlîri
Hun hman dàn : Rilru sawi

KRISTIAN THALAI PAWL
Dt.8.8.2016 : Thawhtanni zàn
Hruaitu : Nl. Mimi Zohmingmawii,
Treasurer
Tantu : Tv. Malsàwmsanga,
Upa Pêngthangvunga Group
Hun hman dàn : Finance Campaign
Thusawitu : Pastor C. Sâpkáia,
Bial Chairman & Bialtu Pastor
Special Item : Upa Thangkima Group
Bible reading : Nl. Malsàwmkimi (B-5)
Zai hruaitu : Tv. Lalruatkima
Musician : Tv. Zârzokima
Tv. Vànlalnghaka
Tv. Zonunkima
Tv. C. Lalruatfela

Thawhlàwm khawntu
: Nl. K. Lalràwngbawli &
Nl. Zoremtluangi

KOHHRAN HMEICHHIA
Dt.9.8.2016 : Thawhlehni zàn
Hruaitu : Pi Laldinpuii
Tantu : Pi Vanlaldiki
Thusawitu : Pi Zazâwni
Khuangpu : Pi Lalnuntluangi
Pi Lalhmingliani
Thilpêk lakhawmtu
: Pi Lalramlàwmi

KOHHRAN PAVALAI PAWL
Dt.11.8.2016 : Ningani zàn
Chairman : Pu Thanthuama
Tantu : Pu B.K. Remmawia
Hun hman dàn : Pu Lalthianghlima

KTP INKHAWM DAN
August 7, 2016 (Mon) zan KTP inkhawm dan :-
Upa Pêngthangvunga Gr. : 17
Upa Kûtdênga Gr. : 19
Upa Thangkima Gr. : 20
Upa Rokûnga Gr. : 17
Junior Gr. : –
Mi dang : –
Total : 74
Thawhlawm : 1,842
Mi 1 thawh dan : 24.89

NAUPANG PUAL

THLIRNA
Hla siamtu chuan, “Harsatna tawk lo rawngbawltu awm maw?” a ti vawng vawng mai a!
Hringnun hi siamtu Pathian hian nuam ti taka chen a, a bik takin thalai kan nih lai phei chuan a chena chen tak tak min phalsak a; mahse, kan chunga roreltu chu Amah Pathian a ni tih erawh hre reng turin min hrilh thung.
Hetiang chiah hian, kan hringnun pawh hi chen tura zalenna kan neih rual hian, kan chunga roreltu chu Amah chu a ni a; chubakah, hlim reng tura duan erawh kan ni lem chuang lo niin a lang.
Buhhawp ringawta enkawl naupang chu a lo thanlen hnu pawhin buhhawp chauh eitur a ni tawh lo ang bawkin, thil hrám leh hrawmhraw deuh pawh a ei chang a awm thin, chu chuan amah a tithanglian a, mi puitlingah a siam ta zawk thin a ni.
Tin, mi, rinna kawnga a thanlen dawn apiangin harsatna leh thlemna a tuar hnem thin a, a tuar chhuah meuh chuan, mi dang tan malsawmna ni tura koh a ni tih a lo inhre chiang tawh a, mi dang tan malsawmna a lo ni thin. Krista avanga tuar a nih ngat phei chuan a leta tam malsawmna a dawng ngei ngei thin a, a tuar chhuah loh erawh chuan a hma aia nasa zawkah a let leh fo thin!

PHOTO MANIA

PRODUCTION STAFF
Editor : Lalkhawmawia
Jt. Editor : P.C. Lallawmzuala
David Rualtinkhuma
News Editor :
Lallawmkimi
Siamthangpuia
A. Lallawmsanga
Cir. Manager :
Vanlalnghaka
Zonunsanga
Zonunkima