PRAISE ON-AH KAN BIAL ATANGIN TEL DAWN

Kohhran Entu : The 31st July, 2016 (Pathianni) : Synod Worship Committee buatsaih PRAISE ON-ah kan Bial atang pawhin tel turin kan inbuatsaih hlawm ta.

Synod Music Committee chuan a vawi khat kan Pathian fak duh leh tui tur mi zawnna a neih PRAISE ON chu neih a ni dawn a. Branch KTP hrang hrang aiawh chauhva tel theih tura ruahman a ni a. Kan Bial atang pawhin tel thei tur mi kan awm nual mai a, thil lawmawm tak a ni.

Kan Bial atanga tel turte :-
Hlimen Branch atangin :-
1. Nl. Lalramnghaki @ Nghaki d/o Lalengliana
2. Tv. Michael Zotluangpuia @ Michael-a s/o R. Zothanmawia
Melthum Branch atangin :-
1. Nl. Lalzawmpuii @ Zawmzawmi d/o Lalthalawta
2. Tv. Sam Lalawmpuia @ Sam-a s/o Lalvena Sialkhen
3. Tv. Zonuntluanga @ Zawntluanga s/o Zaphunga (L)
Saikhamakawn Branch atangin :-
1. Nl. Lalngaihawmi Ralte @ Angaihi d/o R. Lalzuala
Hlimen Damveng Branch atangin :-
1. Tv. Lalrempuia @ Rempuia s/o Lalhunliana

Hlimen Vengthar Branch atang hian an tel thei dawn lo nia thu dawn a ni.

Kan hriat angin Audition hi Zone ruk (6)-a then a ni a. Heng Zone hrang hrang kan zaina tur theuhte hi Branch lamin biak pawh theih dan ruahman a ni a. Hetiangin :-
Aizawl : Mission Veng Branch – 9862044311
Lunglei : Chanmary Branch – 9862198140
Champhai : Vengthlang Branch – 9862120903
Kolasib : Diakkawn Branch – 9774916528
Serchhip : Kawnpui Branch – 9089283989
Mamit : Mamit Branch – 9612629462

Round khatnaah hian Hollow Guitar hman a ni ang a, Round hnihna atangin Keyboard leh Hollow Guitar hman phal a ni leh ang a, a hnu leh zelah chuan Music Track leh Live Music hman cho tum a ni.

Hetianga kan Bial atanga tel thei kan nei hi hma kan sawn hle mai a, thil lawmawm tak a ni. Tun hma lam chuan, “Kan tel thei dawn emaw ni le, kan tih ve chi a ni dawn emaw ni le” kan ti thin kha a ni a.

CHANCHIN TAWI
@ July 28 (Thu) zan khan Kohhran Hall-ah Branch KTP chuan ‘member  hlate pual tawngtaina’ hun an hmang.

@ KTP Diamond Jubilee min lawmpui nana Guitar Stand man tur min pek atangin Guitar Stand pakhat chah belh a ni a, tunah a thar dang a lo thleng leh ta.

@ Synod Hospital Charity Fund, Bial KTP tin pekkhawm tlingkhawm chu Rs. 1,69,833/- a ni.

@ July 31 (Pathianni) chawhnu inkhawm ban hian KTP thla tin thawhlawm chu Kohhran Committee Room-ah chhiar tur a ni a, Branch Committee Member-te kim taka kal tur a ni.

@ Ruahman lawk angin Bial Masihi Sangati Bial Zaipawl-te chu July 28 zan khan a vawi khat nana inhmukhawmin hla an zir nghal nia thu dawn a ni.

@ Kohhran Hall-a Sound System chu a ngheta dah tura ruahman a ni a; hetihrual hian, Kohhran Committee-ah dilna thlen tum a ni.

@ Kohhran Pavalai Pawl-te chu Bial Meet an neih tur leh Presbytery Meet an neih turah an zai dawn a, an inbuatsaihmek niin thu kan dawng.

THUVAWN : Gal. 6:1
“Unaute u, mi, sual engpawh a tih phawkin awm sela, thlemna ka tawk ve dah ang e tia inveng tha chungin anmahni chu thuhnuairawlh takin tungding leh rawh u.”

EDITORIAL
Rin loh tak maiin Pathianni hmasa lamah ‘ramthar lam hawi’ report leh thuchah kan ngaithla a, a man hla hle mai. Kha mi zan khan Bible Society lam rawngbawlnaa kan tih thin Certificate pawh sem a ni a, a inhmeh viau mai.
Kan Kohhranah hian ramthar lam rawngbawlna hi a tla na lutuk lo thin a, kan tualchhung lam erawh hma kan sawn ve hret hret a, ramthar lam pawh hmasawn lo chu kan ni bik lo tih erawh a lang.
Engpawhnise, kan Kohhranah hi chuan keimahni lam chânna, kan hekna lam hi chu zep thu a cheng lo, a tla na ngai lo, ‘Amen’ pawh a hlawh ngai lo!
Kan tih tel lo leh kan hekna lo tur lam, a thlawna kan dawn erawh kan tuipuiin kan ‘Amen’ tha thei thin khawp mai, thil sual chu ni chiah lo mah se, Kristian nun nghet leh puitling, hmasawn nei tur chuan heng zawng zawng hi kan paltlang a ngai a ni.
Tin, kan khawtlang nun en pawh hian chu chu thil chiang tak chu a ni. Keimahni hekna lo lam tur chu puang lo mah se, a bawhin kan bawh ruih ruih zel mai a, kan hekna leh ‘chêp’ nia kan inhriatna lam chu puang puang mah se, kan lo hre tha duh lo fo thin zuk nia!

Thu leh hla
PEK CHHUAH CHU PUN LEH ZUALNA
A rei ta deuh hlek bawk a, a pawi em lo vang chu maw! Hmanah \um khat chu nu pakhat hian, “Nangni zawng in fel \hin teh e, heti hian khawtlang leh Kohhranah in inhmang a, kan fate hi zawng, a ngaihna a awm ngang lo a ni! An tan lo \awng\aiin camping-te hi siam thei ula,” a ti a.
Pathianin hun remchang min siamsakin vanneihthlak tak maiin Kohhranin camping a buatsaih ta hlauh mai a! Chutah chuan chu nu fapa chu lo lutin lawm em emin camp pawh chu a chhuahsan ta a!
A hmaa sual avanga hliama awm kha, Pathian faka lamtual mawitute zingah tela, “Inchhirte beisei chhan i ni, retheite lawmna pawh; tlu tawhte chungah i \ha si, i zawngtu chungah pawh,” tia a’n phar darh darh mai chu(h)! Hmuh a nuamin a hringtu nu tan leh a siamtu Pathian tan phei chuan a let tam takin hmuh a va nuam dawn em!
Le! camping a zo va, follow up zo lehin rawngbawltute pawhin min kiansan ta. Imanuela (Kan hnena Pathian awm)-a chauh lo chu min chenchilhtu an awm ta lo! Kohhran pawh a hma ang bawkin a kal dan pangngaiin a kal leh ta bauh bauh va, nilai zan thupui khin tak tak chu kan chaiho leh ta a. Thalai lam pawhin kan tih dan pangngaiin – committee, hnatlang, sumtuak, hla zir lam ti lehin, “In awm em? Tirhkoh chawmna/Missionary chawmna/Thla tin thawhlawm ka rawn khawn a, in remchang thei ang em?” tiin kan lut leh ta \ak \ak hlawm a.
Chutah, tawngkam pakhat lo ri chhuak nghalin, “K|P-ho lah hi hnatlang, sumtuak, committee, thil khawn tam si!” tih ri lo chhuak leh chuan ngaihtuahna min neihtir thui hle mai!
Ni. K|P-te hi kan thawk nasa thei thin hle mai a. Chet chhuahna a tam si, in lamah leh ram lamah chhungkaw tan kan lo hnemhnantlak tawk lo a ni viau thei bawk! Thawka phitah \hahnemngaihna avangin in kan lo chhuahsan nasa thei thin hle a, a chang phei chuan kar khatah hian chhungkaw tana inhman hman loh changte pawh a awm hial ta ve ang! Hengte avang hian ânna tam tak dawngtu kan ni fo thin bawk!
Kawng dangah – Kan fate Pathian hnena an awm kan duhpui rualin nu leh pa tam tak hi chuan ‘nun tha pangngaiin nung se, chhungkaw tan theih tawpin thawk se’ tih hi kan duh dan ber ni pawhin a lang. Kan fate, suala an awm chu kan duh lo; mahse, nun dan pangngaia an lo nun leh hnu chuan nun an neih nana Ama nun hial hlantu tana theihna zawna pen chhuah leh aiin, an tha îtna chuan min hneh ta zawk a, keimahni hekna tur lam chu kan lo duh der chuang lo tih a lang thei bawk!
Dik tak chuan, kan mihlim tam takte ‘Amen’ pek pawh hi lo chik chuan, a thlawna kan dawn a khawngaihna leh, kan tana Isua Krista inpekna lam sermon chu kan ‘Amen’ hluai zel laiin, ‘pe rawh u, kal chhuak rawh u’ tih lam chu kan ‘Amen’ hlei thei lo fo! Khawngaihna sermon chuan ‘Amen’ a hlawh viau laiin Ramthar Campaign leh Bible Society Campaign lam chuan ‘Amen’ a hlawh duh ngai lo!
Hei hian kan thlarau lam nun dan leh kan duh dan pawh a tarlang chiang hle. Chànna tel lo va ringtu nun \hantir kan tum a, a theih loh a nih hi! Malsawmna dawng tur pawhin a pe tam leh chân tam apiang te’n an dawng a, chu chu ka ît ve leh lawi bawk si! Chu chu dawng ve turin kan chân phal bawk si lo! Kalna tur hre chuang lovin kan ringtu nun hi a ngaiah kan kual kan kual a, chutah zet zawng a phunchiar tawk lekin kan lo kal thui ve leh tawh si a, kan ringtu nun hi a khawngkhawbai fo ta thin a ni.
Kristian nun tih hian làwmna leh thlamuanna chauh a keng lo va, \ahna leh lungngaihna, chànna leh tawrhna pawh a keng tel vek; mahse, a pe tam apiang an lo pung (Malsawmin an awm) lawi si!

AUGUST THLA CHANVO NEITU TUR
Meeting Chairman : Upa Lalhmuchhuaka
Khuangpu : Pu Zosiama
Tv. Siamthangpuia
Pionist : Tv. Zarzokima
Thawhlawm khawntu :
  Nl. Lalchhanhimi
Nl. Lalengzami
Nl. Lalchhanhimi
Nl. Lalengzami

KTP BUDGET
Kumin chhunga Branch KTP te’n Bial leh Central-a kan budget pek tur hrang hrang hetiangin :-
Conference :Rs.4,800 Kum 1
Bial Fund :Rs.18,000 Kum 1
Conference Sopund System :Rs.1,800 Kum 1
Missionary chawmna :Rs.1,100 Thla tin
Central :Rs.3,500 Kum 1
Heng bakah hian kan Sound System ba rulhna hi thla tin Rs.18,000/- zela rulh tur kan nei bawk! Member-te kan tan tlan deuh deuh a ngai hle.

NAUSEN BAPTIMA
July 31, 2016 (Pathianni) chawhnu inkhawmah hian nausen baptisma chantir hun neih a ni dawn a, Bialtu Pastor-in hun a hmang ang. Nausen baptisma chantir tur neite chuan Kohhran Secretary Upa Lalengliana hnenah inhriattir tur a ni. Tin, kan fate baptisma kan chantir hian, an nu leh pate inkhawm ngei tura beisei an ni a, harsatna bik tak an nei a nih chuan kan Kohhran hruaitute hnenah hriattir nise.
Tin, baptisma certificate hi a pawimawhin naupangte an zirna leh nakin zela an hman chhunzawm tur a nih tawh avangin an hming ziah dan, pianni leh thla, kum bakah an nu leh pa hming ziah dan thlenga uluk taka ziahtir nise.
bethel nei dawn
Kohhran Hmeichhia-te chuan August 2, 2016 (Thawhlehni) zan inkhawm banah Bethel neih tur a ni a, hruaitu tur hi Upa Bial 2-na atanga inruat tura tih an ni. Member a tam thei ang ber inkhawm tur leh inkhawm zawng zawngte Bethel-naa tel vek turin an sawm.
youth recreation centre
Youth Recreation Centre (YRC) puala KTP member tinin Rs. 50/- thawh tura tih chu khawn mek a ni a, August thla KTP Committee huna report pek a ngaih dawn avangin a khawntute leh lo petu member-te a rang lama ngaihven nise, tlawmngaia mahni Bialah theuh kal hram hram turin member-te kan inngen a ni.
blood donation hun sawn
Central KTP Blood Donation puala Bial KTP-in Blood Donation Camp neih tura tih October 9, 2016 (Inrinni) chu Presbytery neih lai a nih avangin a hun sawn a ni a, October 1, 2016 (Inrinni)-ah sawn a ni. A hmun tur hi kan Kohhran Hall a ni ang.

KOHHRAN ZAIPAWL
July 31, 2016 (Pathianni) zan inkhawm ban hian Kohhran Zaipawl te’n Music Video siamna tur hla zir tur a ni a, Kristian Hla Bu ken tur a ni ang. Member a tam thei ang ber hla zir turin kan insawm a ni.

PROGRAMME
Dt.31.7.2016 : Pathianni Sunday School
Tantu : Pu Chhuanvawra
Zirlai : ‘Thlarauva khah thu’
Khaikhawmtu : Pu Lalrampana

Dt.31.7.2016 : Pathianni chawhnu
Hun hman dan : Baptisma Sakramen
Thusawitu : Pastor C. Sapkaia

Dt.31.7.2016 : Pathianni zan
Thusawitu : Upa C. Zothanliana

Dt.3.8.2016 : Nilaini zan
Tantu : Pu J. Lalhlimpuia
Thupui : ‘Sual chu Pathian thuawih lohna a ni’
Hawngtu : Pu Lalrindika (B-4)

Dt.6.8.2016 : Inrinni zan
Thusawitu : Pu Lalawmpuia

KRISTIAN THALAI PAWL
Dt.1.8.2016 : Thawhtanni zan
Hruaitu : Nl. Zoramchhuani,
Committee Member
Tantu : Nl. M.S. Dawngliani,
Upa Thangkima Group
Hun hman dan : Report leh rilru sawi
Cell thuchah : Tv. F. Laltlanhlua
Special Item : Upa Rokunga Group
Bible reading : Nl. Zothanpuii (B-4)
Zai hruaitu : Tv. Lalruatkima
Musician :
  Tv. Zarzokima
Tv. Vanlalnghaka
Tv. Zonunkima
Tv. C. Lalruatfela
Thawhlawm khawntu
: Nl. Lalchhanhimi &
Nl. Lalengzami


KOHHRAN HMEICHHIA
Dt.2.8.2016 : Thawhlehni zan
Hruaitu : Pi Ramtharnghaki
Tantu : Pi Lallianpuii
Hun hman dan : Rilru sawi
Khuangpu : Pi Lalnuntluangi
Pi Lalhmingliani
Thilpek lakhawmtu
: Pi Lalramlawmi

KOHHRAN PAVALAI PAWL
Dt.4.8.2016 : Ningani zan
Chairman : Pu R. Hmingthansiama
Tantu : Pu Lalremruata
Hun hman dan : Rilru sawi


MISSIONARY THLAHNA HUN HMANG LEH DAWN
Kohhran Entu : The 31st July, 2016 (Pathianni) : Synod Mission Board chuan thawktu indaih lohna avangin Missionary a lak tawh atanga Panel list-a awmte atangin mi 10 a la thar leh ta.
Synod Mission Board hnuaia mi 10 a lak tharte hi mipa pali leh hmeichhia paruk an ni a. August 3 – 5, 2016 chhung hian Utility Room, Synod Office-ah Orientation an nei ang a, August 14, 2016 (Pathianni) chawhnu inkhawmah Zarkawt Kohhran Biak Inah thlahna hun hman a ni ang.
Heng Missionary-a lak thar lehte hi Arunachal North, Kolkata, Lucknow, Nepal, Tripura, Tlabung, Bungtlang South leh Diphu lamahte awm tura tih an ni. Tin, Aizawl khawpui chhung atangin 2 leh Aizawl pawn atangin mi 8 lak an ni bawk.
Synod hnuaia Missionary lak hian Panel list siam a ni thin a. Thawktu indaih lohna avang hian lak nawn hi a ni fo thin bawk.
– Source : Synfo, July 29 Issue No. 596


LEHKHABU TLANGZARH

KTP INKHAWM DAN
July 25, 2016 (Mon) zan KTP inkhawm dan :-
Upa Pêngthangvunga Gr. : 14
Upa Kûtdênga Gr. : 15
Upa Thangkima Gr. : 15
Upa Rokûnga Gr. : 19
Junior Gr. : –
Mi dang : –
Total : 64
Thawhlawm : 850
Mi 1 thawh dan : 13.28

NAUPANG PUAL

THLIRNA
KTP-te chuan kum 2016 – 2017 kumpuan atan ‘Pathian nena lendun’ tih chu neiin vwi hnih chu kan han zirho ta a, uluk taka kan zir chho a nih chuan kan hlawkpui hle turah ngai ila.
‘Pathian nena lendun’ hi kan tunlai khawvelah phei chuan ‘a hma aiin a let tam takin a har tawh zawk’ ti ila, kan tizual tam pui lo vang chu.
A pawimawh tluk zetin a harsa kan ti si a! Kan lendun theih lohna tura min daltu hi a let tam takin a pung tawh a ni ber mai.
Huho nunah chuan Pathian nena lendun hi thil harsa ni lo takin a lang thei a; amaherawhchu, mimal nuna kan awmna te, kan eizawnna leh kan chhungkaw nunahte hian a lo harsa fo thin.
Thalaite phei chu kan nitin nun dan leh kan kuta awm reng (Mobile Phone) nen atang phei hi chuan lendun hi a lo harsa hle mai.
Kan lan dan leh kan sawi dan hmangah chuan leng dun awm viauva kan lan laiin kan chhungril nunah erawh a tak taka lendun hi a lo har duh khawp mai.
A nihna takah chuan Kristian nun reng reng hi sawifiah emaw lam hi a ni lo fo va, a nuna nun fiah, a taka chan fiah a lo ni deuh zel. Chu chuan sawi loh tur tih lam sawi mawina ni lovin, a taka chantir fo hi a ni zawk tih lam a kawk mah a ni.

PRODUCTION STAFF

Editor : Lalkhawmawia

Jt. Editor : P.C. Lallawmzuala

David Rualtinkhuma

News Editor :

   Lallawmkimi

Siamthangpuia

A. Lallawmsanga

Cir. Manager :

  Vanlalnghaka

Zonunsanga

Zonunkima

BIAL MASIHI SANGATI AWARENESS CAMPAIGN ZO TA

Kohhran Entu : The 24th July, 2016 (Pathianni) : Hlimen Pastor Bial Masihi Sangati te’n Bial chhung Kohhran tina Masihi Sangati Campaign beihpui an thlak chu Pathian hruainain tluang takin an zo ta. Bial chhung Kohhrante hnenah leh Pathian hnenah lawmthu an sawi.

Bial chhung Kohhran tina Campaign an neih dan hetiangin :-
June 12 : Melthum Kohhran : Campaigner – Pu Zolianchhunga
June 19 : Hlimen Vengthar Kohhran : Campaigner – Pu H. Zosiama
June 26 : Hlimen Damveng Kohhran : Campaigner – Evan. Lalduhawma
July 10 : Saikhamakawn Kohhran : Campaigner : Upa R. Thangmawia
July 17 : Hlimen Kohhran : Campaigner – Upa Lalremsanga

Tun thlenga Bial chhunga hnam dang dihmun hetiangin :-
   Kohhran  In zat  Kristian   Kristian lo
1. Hlimen 21 32         67
2. Melthum 25 74 19
3. Saikhamakawn 7 1 19
4. Hlimen Damveng 5 –           14
5. Hlimen Vengthar 1 2 –
TOTAL           59 109 119

BIAL MASIHI SANGATI ZAIPAWL DIN A NI TA

Kohhran Entu : The 24th July, 2016 (Pathianni) : Hlimen Pastor Bial Masihi Sangati chuan rawngbawlna zauhvin Bial Zaipawl an din ta. Hruaitute leh member-te hetiangin :-
Director : Tv.P.C. Lallawmzuala, Hlimen
Conductor : Tv. David Lalramhmachhuana, Hlimen Damveng
Asst. Conductor : Tv.Laldinpuia Hauhnar, Melthum
Member hetiangin :-
MIPA
1. Tv. Lalremsiama Hlimen
2. Tv. Rosangzuala Hlimen
3. Tv. Babulal Hemron Hlimen
4. Tv. Anil Hasda Hlimen
5. Tv. Vohbik Israela Melthum
6. Tv. Sam Lalawmpuia Melthum
7. Tv. Rosangliana Melthum
8. Tv. Zonuntluanga Melthum
9. Tv. Lalrosiama Melthum
10. Tv. Hom Bahadur Melthum
11. Pu J. Malsawma SKK
12. Pu Vanlalfela SKK
13. Pu Lalramenga SKK
14. Pu Lalrempuia SKK
15. Pu Hmingchuanzuala SKK
16. Pu Som Gurung Vengthar

HMEICHHIA
1. Nl. K. Lalrawngbawli Hlimen
2. Nl. Lallawmkimi Hlimen
3. Nl. Vanlalhmangahi hlimen
4. Nl. Evelyn Lallawmzuali Melthum
5. Nl. Laltanpuii SKK
6. Nl. Malsawmtluangi SKK
7. Nl. Brigitte Zonunmawii SKK
8. Nl. C. Zosangliani SKK
9. Nl. Ruthi Lalmalsawmi Damveng
10. Nl. Vanlalhriati Damveng
11. Nl. Vanlalhlani Vengthar


CHANCHIN TAWI

@ Central KTP ruahman angin August 15, KTP inkhawm hunah ‘ruihhhl ngaite pual tawngtai rual’ neih tur a ni.

@ KTP Chanchinbu enkawltute puala Workshop neih turah kan Branch aiawhin Tv. Zonunsanga chu tirh tur a ni. A kalna senso tumsak nise tih a ni.

@ Kumin Aizawl Chhim Presbytery Inkhawmpuiah kan Kohhran Zaipawl-te chuan Pathianni zan inkhawmah zaia rawngbawl-na kan nei dawn.

@ Bial Masihi Sangati Meet Vawi 2-na, kan Kohhran Biak Ina neih turah kan Kohhran Zaipawl-te chuan zaia rawngbawlna kan nei dawn.

@ August 13 (Sat) hian Branch KTP sumtuak nan lei laia hnatlang neih tur a ni.

@ Kohhran Hall-a Sound System dahte hi fix-a dah tura ruahman a ni.

@ July 28 (Thu) zan hian Branch pumpuiin ‘ruihhhlo ngaite puala tawngtai’ neih nise a ni ang.

@ Branch KTP Committee Member te’n August 4 zana member tlawhchhuah an nei dawn.

@ Upa Vanlalzuia chu Bible Socirty Campaign neiin rawngnawlin a chhuak mek


THUVAWN:
Johana 3:16
“Pathianin khawvel a hmangaih em em a; chutichuan, a Fapa mal neih chu a pe a.”

Thu leh hla

CHHANDAMNA

– P.C. Lallawmzuala

“Pathianin khawvel a hmangaih em em a; chutichuan, a Fapa mal neih chhun a pe a.” (Johana 3:16)
Mihringin a hriat thiam fiah fak theih loh chu ‘Chhandamna’ hi a ni. Khawvela Pathian thil tih mak ber chu misual hian hei tak hi hriatthiam har a ti si! Amah a inhriat chian theih loh vang leh Pathian rilru a hriat phak loh vang a ni ngei ang.
Hetianga chhandamna hre thiam thei lo mihring hi chhandam ngai chu a ni a, Chhandam a ngaih chhan chu sualin a tihchhiat vang a ni. Thurin chuan sualna leh chhiatna bawihah ama duhthlana indah niin min hrilh a. Pathianin a siam chhan tihlawhchham zawnga thlemtu thu a awih hi mihring sualna chu a ni. He sual hian mihring chu a lo tichhe hle a ni. Genesis 3:1-13-ah mihring tluk dan chiang takin kan hmu a. A thil tih chu a dik lo va, Pathian huat zawng a ni tih tuma hrilh ngai lovin amahin a hre nghal a, chuvang chuan Pathianin “Khawiah nge i awm?” tia a zawh ngai khawpin a biru ta a ni. Hei hian mihring chu Pathian hmachhawn ngam lovin a siam ta a. Pathian aiin sual lam awn zawkin rilru lama thil tha tih aiin a tha lo lam zawk ngaihtuah leh ti thinin a siam ta a ni.
Sualin mihring a tihchhiat dan hi nasa tak a ni. A tihchhiat mihring hian eng ang taka chhia nge a nih a inhre thiam thei lo va. Pathian anna hlohin sualin a thunun ta a. Hei hi mihring awm dan a nih avangin Rom 3:23-ah chuan, “Mi zawng zawngin thil an tisual tawh vek a, Pathian ropuina an chang zo ta lo a ni,” tiin a lo sawi ta hial a ni. Hei hian mihring chu thil tisual, sualin a tihsualtir, sual laka chhan chhuah ngai a nih a ti chiang em em a ni.
Hetiang taka suala tlu lut thuk hi a ni Pathianin a hmangaih em em chu. Amah leh lam hawisantu la hmangaih em em duh Pathian hi a va hlu em! Sualin a bawih tlat mihring chhanchhuak tur hian a aia chak zawk rawih a ngai a. Chu chu Johana’n, “Sakeibaknei, Juda hnama mi, Davida bulpui khan lehkhabu hawng tur leh a chhianchhiahna pasarih phelh turin a hneh ta,” tiin a sawi a. (Thupuan 5:5)
Sual thuneihna atanga mihring lak chhuak hi thil namai a ni lo. Sual hi a chak a, a phuar a na em em a ni. Sual thuneihna leh a hnathawh hneh a, a phuar mekte la chhuak turin Lal Isua a lo kal leh a (I Johana 3:8). Hei tak hian Pathianin a siam mihringte a hmangaihzia lanna chiang em em chu a ni a. Amah lo rin a, a tana inpek hi Pathian hmangaihna pawmna leh chhandama awmna chu a ni. Hmangaihtu’n a hmangaih suala tlu chhanchhuak turin a Fapa, tuar ngai zawng zawng tuarsak tur leh Diabola hnathawh tiboral a, mihring thar siam turin khawvelah a rawn tir a. Amah rin chu chhandamna a ni.
             Vantirhkohin, “Mitin ta tur,” a tih avangin mi zawng zawng hi chhandam ngai an nih a chiang a. Mi zawng zawng chhandam ngaia suala tlu an nih hi Bible sawi dan a ni. Mihring, mi nung zawng zawngin chhandam an mamawh a. Mi zawng zawng tan Lal Isua a thi a, mi zawng zawng tan a nun a pe ta. Pathianin suala tlu mihring chu a hmangaih a. Thu maia hmangaih lovin a Fapa a pe a, an tana tuartirin a hmangaihzia a lantir a. He Pathian Fapa lo rin leh Lal leh Chhhandamtua lo pawm hi chhandamna chu ani.
Chhandamna chu thim ata enga luhna; Pathian hlat thinte van khua leh tui nihna, sual thiam lohna ata ngaihdamna, bawih nihna ata zalenna tihte leh kawng dang dangin sawi a ni a. Chhamdamna hian a huap zau hle a, Pathian thinurna lak ata chhandamna hi Kristiante rilruah a langsar hle. Isua Krista chu boralte zawnga chhandam turin a lo kal a, A mite an sual lak ata chhandamtu a ni. Krista-ah chhandamna chu Pathianin mihring a rawn hlan a, mihringin rinnain a lo dawng tur a ni. Chhandamna chu sual tihbona mai a ni lo va, Pathian nena inremna, Nunna a ni.


EDITORIAL

Rawngbawlna mah nise, thil nuam lo tak mai chu – Kohhran inkhawm zai hruai hi a ni awm e.
Kan Kohhran hi kan zai sang lem lo khawp mai a, zai san pawh a har duh khawp mai. Khuangpu-in hla han la sang deuh se, nu ho thenkhatin inkhawm ban pahin, “I la sang lutuk a, kan sa thei hleinem,” an ti a, han la hniam ila, a thalai lamin, “A hniam lutuk a, a sak theih thlawt loh,” kan ti bawk si!
Kan Kohhran Pathian biak inkhawm chhunga rawngbawl-na pawimawh tak ni si, hrehawm tak ni lawi si a ni thei awm e. Mi pawisawi leh nuam lo an tih rum rum khawpa kalpui theih a nih laiin mi tana nuam ti taka rawngbawlsaktu nih theihna lai a awm bawk a.
A tlangpuiin, a lo sang deuh a nih pawha han tan deuh ‘tumna’ hi kan nei tam lo khawp mai a, hengte avang pawh hi a ni ang, ‘zai hniam reng Kohhran’ pawh lo inti ta ila, thinrim nana hman phah chi a ni lo ang.
Hmasawn tur chuan kawng engkimah tlema beih leh tan ve deuh a ngai tih hi kan hriat a tha hle. Kan awm ang anga kan tih mai theihte hi chuan hmasawnna min siam tam lo thin khawp mai.


GUITAR STAND LO THLENG
KTP Diamond Jubilee min lawmpui nana Guitar Stand man tur min pek atangin Guitar Stand kan chan chu a lo thleng ta a. Guitar Stand hi pathum dah theih a ni a, Kohhran Hall-ah dah a ni.


FINANCE CAMPAIGN
August 8, 2016 (Thawhtanni) zan KTP inkhawmah hian Finance Campaign neih tum a ni a. He huna thusawi turin Bialtu Pastor leh Bial Chairman, Pastor C. Sapkaia ruat a ni.

NEIHTHIL/THIAMTHIL THEHKHAWM
August 22, 2016 (Thawhtanni) zan KTP inkhawmah hian Neihthil/thiamthil thehkhawm leh lilam hun hman tur a ni dawn a. A hmunah Kohhran Hall a ni ang. Member-te, he huna hlan tur kan lo lei emaw, kan lo siam thei a nih chuan tun atanga lo inbuatsaih nise, a tlan tur pawhin member-te lo inbuatsaih turin kan inngen a ni.

SPECIAL ITEM
August, 2016 chhunga KTP inkhawmah Group tin te’n Special Item inneih chhawk tur a ni a, hetiangin :-
August 1 : Upa Rokunga Group
August 8 : Upa Thangkima Group
August 22 : Upa Pengthangvunga Group
August 29 : Upa Kutdenga Group


CHOIR CONDUCTORS' TRAINING ZO
July 15, 2016 khan Synod Worship Committee buatsaih ‘Recidential Chir Conductors’ Training Vawi 21-na chu Pi Zaii Hall, Synod Conference Centre, Mission Veng-ah kharna neih a ni.
Tun tum training-ah hian Pastor Bial 20 atangin mi 57an training thei a ni.


SYNOD RELIEF FUND
Tun hnaia harsatna hrang hrang neite hetiangin Synod Relief Fund atanga pek a ni :-
1. N.E. Khawdungsei – Tui tla hlum
2. Tlunvel Vengthar – Thlipui tuar
3. Khawhnai – Thli-in huan thlai a tihchhiat
4. Baktawng Venghlun – Thlipui tuar
5. Sihphir – Dam lo/rethei

HNARUAK DIL THEIH
Synod Hospital-ah Staff Nurse (Post 4) a ruak a, diltu chu GNM/ B. Sc. (Any recognised University) a ni tur a ni a. August 18, 2016 (Ningani) tlai dar 5:00 thleng dilna thehluh theih a ni ang a, dilna form hi Synod Office atangin lak chhuah theih a ni ang. August 24, 2016 (Nilaini) dar 10:30 AM-ah interview neih tur a ni ang. Dilnaah hian Kohhran leh lehkha bakah thiamna lehkha (A pawimawh awma lang leh document pawimawh kan neih ang ang) thil tel tur a ni. Diltu chu kum 18 – 35 inkar a ni tur a ni. Hlawh chu Synos Pay Scale zui a ni ang.


PROGRAMME

Dt.24.7.2016 : Pathianni Sunday School
Tantu : Pu Lalngaihzuala
Zirlai : ‘Ringtu thlarau nun – Indona’
Pawl lak dan : Mahni Pawl-a theuh lak tur

Dt.24.7.2016 : Pathianni chawhnu
Thusawitu : Upa Lallianzama

Dt.24.7.2016 : Pathianni zan
Thusawitu : Pu Lalthianghlima

Dt.27.7.2016 : Nilaini zan
Tantu : Nl. Lalroliani
Thupui : ‘Sual chu Pathian dan bawhchhiatna a ni.’
Hawngtu : Pi Lalrinzuali

Dt.30.7.2016 : Inrinni zan
Tantu : Pi Lallianmawii
hun hman dan : Rilru sawi

KRISTIAN THALAI PAWL
Dt.18.7.2016 : Thawhtanni zan
Hruaitu : Nl. Lalchhanhimi,
Committee Member
Tantu : Nl. Baby Lalmalsawmi,
Upa Pengthangvunga Group
Thupui : ‘Pathian nena len dun –
Mimal nunah’
Hawngtu : Tv. Vanlalnghaka,
Committee Member
Bible reading : Nl. Lalkhawngaihi (B-3)
Zai hruaitu : Pu H. Lallawmsanga
Pionist : Tv. R. Lalnunkima
Thawhlawm khawntu
: Nl. Zothanpuii &
Nl. Hmingthantluangi

KOHHRAN HMEICHHIA
Dt.26.7.2016 : Thawhlehni zan
Hruaitu : Nl. Lalnipuii
Tantu : Pi Lalsawmliani
Thusawitu : Pi Laltanpuii
Khuangpu : Pi Saidingluaii
Pi Zothanpari
Thilpek lakhawmtu
: Pi Lalthannguri

KOHHRAN PAVALAI PAWL
Dt.28.7.2016 : Ningani zan
Chairman : Pu Lalthazuala
Tantu : Pu Laikunga
Thusawitu : Pu Lalhmangaiha

BUHFAITHAM CHUNGCHANGA HRIAT ATAN
Secretary
Kohhran Hmeichhia

Buhfaitham hi chhungkaw tin te’n Pathian hnena thilpek rawngbawlna hlu leh pawimawh tak a ni a. Synod ta a niin Kohhran Hmeichhia te’n enkawlna hna an thawk a ni. Chuvang chuan chawlkar tina hralh dan pawh hi mumal taka duan a ni a, a leitute leh hralhtute’n kan hriat thar leh atan khan han tarlang a ni.

1. Upa Bial tin vawngtute’n thlatin a inchhawkin hmun thumah hralh thin a ni. Hralhtute’n dik leh fel taka tih hi kan mawhphurhna  ni.
2. Inrinni tlai dar 2:30  atangin lei tur te’n hming ziah tan tur a ni a. Hemi hunah hian a hralhtu tur pawh hralhna hmunah a awm hman ngei tur a ni. A leitu turin a hralhtu phalna ni lo leh a hun hmain hming a ziak tur a ni lo, a ziak a nih pawhin pawm sak a ni lo ang.
3. Leitu turin mahni ngei kalin hming a ziahtir tur a ni a, mi dang chah emaw, inziah sak phal a ni lo. Dar 3:00 PM thlengin hming ziahtir theih a ni a, hemi hnu lam leh chu pawm a ni lo vang. Dar 3:00 PM-ah lei turte hming lama tawngtainain hlan nghal tur a ni. Hemi hun nang lo chu hming ziak mah se, paih leh a ni thin.
4. Chhungkaw pakhat atangin pakhat aia tamin lei phal a ni lo.
5. Kar tin Inrinni zing karah khawn thin a ni a, a khawntu tura ruat te’n eng emaw rokhawlhna avanga kan khawn hman dawn lo a nih chuan Bial neitute hriattir thin ni se.
A chunga kan han sawite khi Buhfaitham leitu te, hralhtute leh khawntu te’n zawm theuh i tum ang u.

KTP INKHAWM DAN
July 18, 2016 (Mon) zan KTP inkhawm dan :-
Upa Pêngthangvunga Gr. : 11
Upa Kûtdênga Gr. : 15
Upa Thangkima Gr. : 19
Upa Rokûnga Gr. : 13
Junior Gr. : –
Mi dang : –
Total : 58
Thawhlawm : 600
Mi 1 thawh dan : 13.01

THLIRNA
Internet hmasawnna chuan a tha lam leh chhe lamin min thuai nawk nawk mai chu a ni a, kan awm hmun atangin khawvel tukverhah kan dak lawp lawp a, dan theih a ni si lo chu a ni ber.
Hei hi mi tam tak te’n hmasawn nan leh hriatna tihzau nan kan hman rualin mi thenkhatte hi chuan chhiat nan kan hmang ve tan mek bawk a.
Khawvel tukverha dak tih taka thil engkim hi hmun leh hmunah kan hmuin kan hre nghal vek mai a, lirnghing thei emaw, thlipui lo thawk thei leh kan ram chhungah ngei pawh thil tha leh tha lo thlengin kan lo hre pawh zung zung thei ta a, tam takah a lawmawm rualin kan hriat zauhna chuan hlauhna tam tak min siam changte pawh a awm ve bawk thin.
Tin, zirtirna leh thu tha leh tha lo thlengin kan mit leh bengin a hmua a hriat theih avangin chu chu mi thenkhatte’n remchangah kan lo la ve mek bawk a, mi tam tak chu kan hruai dik theiin kan hruai sual thei bawk.
Heng zawng zawngah hian kan Kohhran thurin pakhatna – Bible chungchang hi tehna pawimawh bera kan neih fo a tul tih kan hriat thar leh a tha hle mai. Chuti a nih loh chuan kan tana tha awm taka lang hi bo nan leh chhiat nan kan hmang palh hlauh ang e.

THUPHA CHAWINA
Tun Kohhran Entu chhuaka tarlan tur hian chhuak hmasa lama mi, milem ziak tura kan
intih chu a ngai kan lo tinawn palh hlauh mai a, ngaihdam kan dil e.

CHHUAK LEH TURAH
Biak In leh a kawtzawl lem rawn ziak rawh le. Rawng leh penzil khan rawn chei tawh lo ula, a riruang chauh rawn ziah nise, pencil-a kan rawn ziah zawh hnuah pen-in fiah takin rawn chhui nawn leh nise, thla lo lakin a fiah zo lo tlat. Tin, kan paper hman hi inches 7 leh inches 9 aia hlai lovah rawn ziah theih hram nise. Nu leh pate’n kan fate lo enpui theih i tum ang u. Kan milem ziahte hi a lem entawn leh keimahni irawm chhuaka ziahte pawm vek a ni a, a thla lak erawh pawm a ni lovang.

PRODUCTION STAFF
Editor : Lalkhawmawia
Jt. Editor : P.C. Lallawmzuala
David Rualtinkhuma
News Editor : Lallawmkimi
Siamthangpuia
A. Lallawmsanga
Cir. Manager :
   Vanlalnghaka
Zonunsanga
Zonunkima

HLIMEN PASTOR BIAL KOHHRAN PAVALAI PAWL MEET VAWI 3- NA

Kohhran Entu : The 17th July, 2016 (Pathianni) : Hlimen Pastor Bial Kohhran Pavalai Pawl Meet Vawi 3-na chu August 13 – 14, 2016 chhung hian Saikhamakawn Kohhran Biak Inah neih a ni dawn a. Thupui hi ‘Tho la, i Pathian ko rawh’ (Jona 1:6) a ni ang a, Speaker tur hi T. Upa C. Zairemmawia, Sihphir a ni ang. Programme hetiangin :-

August 13, 2016 (Inrinni)
7:00 PM : Pathian biak inkhawm
Chairman : Pu Laltluanga, Treasurer, BKPP
Tantu : Pu Lalthanliana Ngente, Saikhamakawn Kohhran
Thupui I : ‘Tho la, i Pathian ko rawh’
Speaker : T. Upa C. Zairemmawia
Zaipawl : Combine Choir (Hlimen & Hlimen Vengthar KPP)
Hlimen Damveng KPP

August 14, 2016 (Pathianni)
10:00 AM : Pathian biak inkhawm
Chairman : Pu K. Vanlalsanga, Vice Chairman, BKPP
Tantu : Pu C. Lalremlala, Melthum Kohhran
Thupui II : ‘Tho la, i Pathian ko rawh’
Speaker : T. Upa C. Zairemmawia
Zaipawl : Saikhamakawn KPP
Melthum KPP

1:30 PM : Pathian biak inkhawm
Chairman : Pu Lalthantluanga, Fin. Secy., BKPP
Tantu : Pu Lalramlawma, Hlimen Damveng KPP
Thupui III : ‘Tho la, i Pathian ko rawh’
Speaker : T. Upa C. Zairemmawia
Zaipawl : Hlimen Pastor Bial Zaipawl
Solo : Nl. Lalduhsaki, Durtlang
Nl. Baby Malsawmtluangi, Chawnpui
Trio : Ruthi, Zoremi & Tetea
Chawhnu inkhawm ban zaikhawm
A hmun : Sunday School Hall, Saikhamakawn Kohhran
Hruaitu : Pu Thanthuama, Comtt. Member, BKPP

7:00 PM : Pathian biak inkhawm
Hruaitu : Pu T. Lalrinthanga, Chairman, BKPP
Thupui IV : ‘Tho la, i Pathian ko rawh’
Speaker : T. Upa C. Zairemmawia
Solo : Nl. Lalduhsaki, Durtlang
Nl. Baby Malsawmtluangi, Chawnpui
Trio : Ruthi, Zoremi & Tetea
Zaipawl : Saikhamakawn Kohhran Zaipawl

CHANCHIN TAWI

@ Kan Kohhran Pavalai Pawl-te chuan Tv. Biakropuia, Kapdaia Section dam lo kan nan Rs. 2,670/- an hlan.

@ Aizawl Chhim Presby-tery Kohhran Pavalai Pawl Meet chu Mission Veng Kohhran Biak Inah August 6 & 7 hmang khian hman a ni dawn. Kan Kohhran Pavalai Pawl-te pawhin fakna hla an sa ang.

@ Aizawl Chhim Presby-tery Kohhran Pavalai Pawl Meet-ah Hlimen Vengthar Kohhran Pavalai Pawl-te chu an tam loh avangin kan Kohhran Pavalai Pawl hmingin an tel ve ang.

@ Upa Thangkima Group-te chuan an Group sumtuak nan Jumble Sale an nei a, thilpek petute leh hnatlanga chhuak zawng zawngte chungah lawmthu an sawi.

@ Upa Thangkima Group-te chuan July 19 (Tue) zan hian Group pual Bethel neih an tum.

@ Upa Rokunga Group-te chuan July 25 (Mon) tlai dar 6:00-a tan turin Group pualin chawanghei tawngtai neih an tum. Hemi zan hian tawngtaina hman zawhah KTP inkhawma tel nghal tura inbuatsaih turin member-te an ngen.


THUVAWN : Gen. 4:7
“Thil i tih that chuan lawm i hlawh dawn lo vem ni? I tih that loh erawh chuan sual chu kawngka bulah a bawk reng a ni.”


EDITORIAL
Eng ang pawhin a sak theih na chungin kan Kohhran Pathian biak inkhawma kan zai dan hi chu tleme her rem a tul ta niin a lang.
Lengkhawm hla (Khuang hnih) a nih chuan sak dan phung pangngai a awm a, chu chu a soprano (a Air)-a sak hi a ni mai a, solfa hla (Khuang khat) a nih chuan nula lamte hi lo soprano vek lovin, a contralto (alto) kan thiam chuan sak a tha thin khawp mai.
Mipa thenkhat pawh hi a air-in kan sa thup thup mai a, fakna a nih miau avangin a tha vek mai. Amaherawhchu, mipa hi lo bass ham hamin, a then te’n lo tenor bawk ila, fakna hla (a bikin solfa) hi mawi leh ropui takin kan sa theiin a rinawm.
A part mawina hi a ropui berna ni lo mah se, heng zawng zawnga ropui ber tur chu Lal Isua a ni tih chu hre tho mah ila, part mawi taka pek hian Lal Isua ropuina a nep chuang lo tih leh zai a mawiin sak a nuam em em mai a, Kohhran Zaipawl pawh hian hma kan sawm phah ngeiin a rinawm.
Mipa aw lian mang khenga sak vak vak phei hi chu Opera-te a nih ngawt loh chuan a mawi lo leh lek fo. Part pe-in han ti thum ham ham ila, solfa lamah hma kan sawn ngei ang.


THU LEH HLA
PAWN LAMAH VE THUNG..!!
(Genesis 4:7a)
“Thil i tih that chuan lawm i hlawh dawn lo vem ni? I tih that loh erawh chuan sual chu kawngka bulah a bawk reng a ni.”

Ka tih dan thing pangngai angin ka phone chu lekin facebook lam chu ka han hawi leh a. Rin aia net a chak phian avangin ka lut nghal zat thei. Vanneihthlak takin inbox pakhat a lo awm a; lawm si, phur tak siin, ‘Tu tak ni ang maw? Amah kha a ni thei ang em (Amah chu tunge ka hre chuang lo!)’ tia ka han en nak chuan, “Ka hlau..ka khur..ka tlanchhuak..engmah ka ngaihtuah thei lo..tinge..tinge..” tih message lo awm chuan min tiphu chiang hle mai! Chhan ngaihna reng ka hre lo! A message ka en a ni tih hriain zawhna ngai bawk chu mi zawt leh ta tlut tlut mai a! A chhan ka han zawt chiang ta..chutiang hunah chuan tupawhin khawngaihna leh lainatna thinlung an nei nghal vek ang..!
Kan ram Kristian lo luh hnu lawkah Kristian tam tak kan lo pun phahna ‘harhna’ chi hrang hrangin kan ram min tuam thin a, Pathian malsawmna a thlawna kan dawn liau liau a ni. Tun hnai lawkah pawh Kelkang harhna chuan Mizoram chhung leh ram pawn lam thleng pawhin min tuam a, a kal lo nih phei chu ‘nuam lo’ tak a ni lek lek zawk..!
Chutianga Thlarau Thianghlimin a awmpui mai tawk lo va, a chena a chenchilh nun leh ram neitute zingah hian sualna hian tinge thuk taka bu a khuar theih le? Mi dangte’n an dawn ve ang Chanchintha dawngtu ni ve tho siin, tinge kei ve hi? Hei leh chen hi ti ve tawh nia ka inhriat laiin tinge kal ngaihna reng hre lo va ka hawi ka hawi bik le, tinge mi rin lah ka hlawh theih bik miah loh le, tinge kan tluk reng bik mai le?
Chhanna tam tak a awm thei ang. Kan Kristianna leh kan thlarau mi-na hian Biak In pawn lam a thleng pha lo fo thin a, chu chuan mi dangte kangkai tur min hmehmihsak a, keimahni nun nen lam thi reng siin, nung hmingpu-in kan lo awm thei tlat nia!
Huho nuna thlarau mi viau, mal tlat huna lo danglam leh thin, Biak In leh lamtual lamah chuan a aia ‘thlarau mi’ awm thei chuang lo khawpa mawia kan awm laiin chu’ng chu kan pelh hunah kan nun dan thin pangngai bawka nung lehin tumah leh engmah pawisak kan lo nei leh tawh thin lo fo thin. Engtin nge kan than tehlul ang ni?
Heti zawng hian thlir chhin teh ang : Biak Ina kan kal hian, eitur zawngin lut ta ila; kan puar ta maw tihah pawn lama kan Kristianna lantir turin inkhawm hi bang ta thin bawk ila, tun aiin kan ram leh chhungkua, mimal nun pawh hi a danglam fo lo maw? Pa pakhat chuan, “Ka sawrkar hna thawh hi Pathian hna ka thawhna chi khat a ni e,”  a ti. Pawmsak lo kan awm mai thei. A awmzia takah chuan – Dik tak leh rinawm taka hna a thawh thin vang a ni. Mi tam tak chu kan Kristianna hian kan nitin nun dan hmasa a tidanglam thei lo fo thin. Hei hi chu Kristianna zia tur niin a lang lo.
Mawlte tein, kan thlarau mi-na chu gas lakna hmunah te; tui semna hmunah te (tunah chuan sem a tam ta vak lo zawk a); BPL leh AAY nih loh ngamna te; thil, a nihna baka hlep leh hralh kawngah te; hunbi neia hnathawk kan nih chuan tan hun leh ban hun ngaih pawimawhna kawngahte leh a dang tam takah lantir thin tlang ta ila, kan nun hi sawi danglamin a awm ngei ang a, kan Kristianna pawh hian hma a sawn ngei lo maw?
“A pawi lo,” kan tih hi a lo pawi tawk lek zawk fo thin (thil zawng zawngah ni lovin). Kan mimal nun theuhvah hian ‘A laiah Isua’ awm se, Biak Inah chauh ni lo, pawn lamah zawk thlarau mi na chang hre thar ta zawk ila, vawiina harsatna leh buaina tam tak hi kan tan ‘harsatna leh buaina’ a ni lo thei tlat a ni! Isua avangin.


PATHIAN RAM LUHDAN
July thla Kohhran Pathian ram luh dan hetiangin :-
Pathian ram : ` 1,19,070
Ramthar : ` 79,515
Buhfaitham : ` 37,185
Tualchhung : ` 84,300
Biak In thar : ` 1,70,115
Total : ` 4,90,185


BRANCH KTP COMMITTEE
July 21, 2016 (Ningani) zan dar 7:00 hian Kohhran Committee Room-ah Branch KTP thla thar Committee neih tur a ni a, kohna sem a ni dawn tho va hmu lo palh kan awm a nih chuan hei hi kohnaa ngaih tur a ni ang. Lehkha thehluh tur nei chuan a hma lamin Secretary hnena thlen nise.


ULUK ZAWKIN 
Kohhran Hall-ah hian Sound System changtlung zawka dah belh zel a niin Musical Instrument pawh a hma aiin kan nei changtlung zawk a, hei hi tun aia dimdawi zawka kan enkawl a tul hle. A hmangtute pawhin kan hman zawhah fel taka dah leh turin kan inngen nawn leh a ni.


BRANCH TLAWH DAWN
Bial KTP hruaitute chuan a thawh hnih nan July 18, 2016 (Thawhtanni) zan hian Melthum Branch an tlawh dawn a, Bial Zaipawl te’n zaia rawngbawlna an nei ang. Bial KTP hruaitute Nl. Mimi Zohmingmawii, Asst. Secretary hnen atangin Pathian thuchah ngaihthlak a ni ang. Bial Committee-te kim taka kal turin an inngen.


CHANCHINBU MAN
Kohhran Entu man tlawmngaia khawntute khan kan khawn hmabak khawnin kan khawn tawhte Cir. Manager Tv. Zonunsanga hnenah thehluh nise. Tin, tlawmngaia min lo laksaktute pawhin a man hi min lo ngaihtuahpui hram hram turin kan ngen a che u.


LA FEL TAWK LO
KTP Computer chu CPU lamah fel lohna a la neih avangin duh angin a hman tlak tawk lo va, Kohhran Entu Editorial Board te’n an lo enfel leh dawn a, remchang hmasa berah siamin hman tlak a nih leh ngei kan beisei.


GUITAR STAND
KTP Diamond Jubilee min lawmpui nana Guitar Sand man tur min pek atangin Guitar STand hi chah mek a ni a, NET lamah harsatna kan tawh avangin lo thleng tura rinah a lo thleng hman lo va, tunah hian buaipui leh mek a ni.


YOUTH RECREATION CENTRE
KTP Youth Recreation Centre (YRC) pualin KTP Member tinah Rs. 50/- zel rawn khawn a ni leh dawn a, Bial insiam a niin bial neitute pawhin kan Bial theuh fang tan ila. Nikum lamah Branch sum tam tak hmanga hnawhkhah a nih avangin kuminah chuan hei hi awm tawh lo heam tura Bial tina tan lak nise.


PROGRAMME
Dt.17.7.2016 : Pathianni Sunday School
Tantu : Pi Lalzikpuii
Zirlai : ‘Thlarau Thianghlim leh Baptisma’
Pawl lak dan : Mahni Pawl-a theuh lak tur

Dt.17.7.2016 : Pathianni chawhnu
Thusawitu : Upa Vanlalzuia

Dt.17.7.2016 : Pathianni zan
Thusawitu : Upa Rinngaia

Dt.20.7.2016 : Nilaini zan
Tantu : Tv. Lalengkima
Thupui : ‘Sual chu Pathian laka helna a ni’
Hawngtu : Pi Lalhmingliani

Dt.23.7.2016 : Inrinni zan
Thusawitu : Pi Lalrinawmi


KRISTIAN THALAI PAWL
Dt.18.7.2016 : Thawhtanni zan
Hruaitu : Nl. R. Zonunmawii,
Committee Member
Tantu : Nl. Lalrintluangi,
Upa Thangkima Group
Thusawitu : Tv. Lalengkima,
Committee Member
Bible reading : Nl. Jenny Zomuankima (B-2)
Zai hruaitu : Tv. Vanlalnghaka
Pionist : Tv. R. Lalnunkima
Thawhlawm khawntu
: Nl. Jessica Lalramnghaki &
Nl. C. Lalhriatpuii


KOHHRAN HMEICHHIA
Dt.19.7.2016 : Thawhlehni zan
Hruaitu : Pi Lalzawni
Tantu : Pi R. Zothanpari
Thusawitu : Pi Lalhmingliani
Khuangpu : Pi Saidingluaii
Pi Zothanpari
Thilpek lakhawmtu
: Pi Lalthannguri


KOHHRAN PAVALAI PAWL
Dt.21.7.2016 : Ningani zan
Chairman : Tv. Lalremliana
Tantu : Pu Lalrindika
Hun hman dan : Sharing


THIAM THIL/NEIH THIL THEHKHAWM
Branch KTP sumtuak nan Thiam thil/Neih thil thehkhawm leh lilam hun a lo hnai leh ta. A hun tur la chiang lo mah se, kan la nei leh dawn a. Hemi atan hian theih tawpin lo inbuatsaih ila. Lilam tur tha tawk lo nei tur leh tlan thei tura lo inbuatsaih turin member-te kan ngen a che u.


DIAMOND JUBILEE PUAL BIBLE CHHIAR CHHUAH
Branch KTP Diamond Jubilee puala pawn lama hriat theih tura Holy Bible chhiarchhuah programme hman tur chu OB Meeting chuan October 10, 2016 (Thawhtanni) zan inkhawm ban atanga hhiar hawnna neih tan nise a ti aa.
Kum danga chuan inkhawm leh Committee leh programme pawimawh bik dangte tih lohvah chuan chatlak awm miah lova chhiar thin a ni a. Tun tumah chuan zan lama dar 10:00 thleng chhiarin a dang chu chhun lama chhiar tum a ni a, kum dang aiin kan chhiar hun chhung hi rei zawk tura ngaih a ni. Member-te lo inkau ila. A chiar inchhawk dan tur leh Group insiam dan tur chu Branch Committee-in a la ruahman dawn a ni.
Hetihrual hian, mimala Holy Bible chhiar chhuakte hnenah kum tawpah lawmman atan Holy Bible tha hi pek tum a ni bawk.


NIHLIAP NGAIHVEN
Fur khua a ni a, kan inkhawm leh Kohhhran thila kan pen chhuahna kawngah Biak In leh Hall velah Nihliap kan keng deuh fur thin a. Kan haw dawna theihnghilh kan awm pawha kan dahna hmunah ngei kan lam leh theih nan mahni nihliap ngei chauh hawn thin ila, kan chiang lo a nih pawhin kan hawn kha kan ta lo a nih chuan dah leh thin ila, a tha hle.


KTP INKHAWM DAN
July 11, 2016 (Mon) zan KTP inkhawm dan :-
Upa Pêngthangvunga Gr. : 20
Upa Kûtdênga Gr. : 12
Upa Thangkima Gr. : 20
Upa Rokûnga Gr. : 19
Junior Gr. : –
Mi dang : 2
Total : 73
Thawhlawm : 935
Mi 1 thawh dan : 12.80

NAUPANG PUAL

THLIRNA
Thil sual ni hauh si lovah chuan kan Pathian biak inkhawma fakna hla bu ken na chang kan hre lo leh, ken tumna kan nei lo hi thil ngaimawhawm ve tak chu a ni tan ta.
“Hla an hril tho va, ken a ngai em ni?” kan ti a ni thei. A dik viau mai. KTP inkhawmah phei chuan hla hril hi engemaw bik tak a nih loh chuan tih tawh loh tum a ni nghe nghe a. Hei pawh hi a chhan berah chuan hla bu ken kan tum lo tual tual nia ngaihna vang a ni.
Kan Kohhran hi hla kan hre tlem em em a, mi veng/kohhrana kan va inkhawm changin an hla thiam thu kan hawn a, thiam tumna pawh kan nei chuang lo va, kan thiam lohvin zah na chang kan hre hek lo, ‘a van kai chaw lo em mai’ kan ti ni fa hmiang!
Hla thiam tam leh tlemin kan thlarau lam nun tihniamin tisang dawn lo mah se, thiam tam lama hmasawn tura tan kan lak hi a pawimawh em em a ni tih kan hriat thar a tha hle mai.
Kan thiam zawng an thlanin namen lovin kan uar a, kan thiam loh an thlanin thiam tumna pawh nei lovin kan lo ding kawisawi vel mai mai bawk a. Hei hi Kohhranho kal hmang tur niin a lang lo. Kan hriat loh leh kan thiam loh thiama zir zela hmasawn hi Pathian Kohhranho zia a ni a, kan tuipui lam thlur bing vak ringawt pawh hi a dik ber lo fo. Hmasawn kan ngai a ni.

THLAI THAR THAWHLAWM
July 17 (Pathianni) hi thlai thar thawhlawm kenkhawm hun a ni a, inkhawm ban lamah lei theih a ni ang.

PRODUCTION STAFF
Editor : Lalkhawmawia
Jt. Editor :
   P.C. Lallawmzuala
David Rualtinkhuma
News Editor :
    Lallawmkimi
Siamthangpuia
A. Lallawmsanga
Cir. Manager :
  Vanlalnghaka
Zonunsanga
Zonunkima

BRANCH KTP DIAMOND JUBILEE  ZAIPAWL MUSIC VIDEO

Kohhran Entu : The 3rd July, 2016 (Pathianni) : Kum 1956-a din Branch KTP chuan kum 2016-ah Diamond Jubilee lawm a ni a. Hemi pual hian Kohhran Zaipawl Music Video siam tum a ni.
Branch KTP Committee chuan, “Diamond Jubilee (June 10)-a lawm ni mah se, kumin hi kan kum 60-na kum a nih avangin Jubilee hnu lamah Jubilee pual Music Video hi siam nise,” a tih angin ruahmanna siam tan a ni a. ‘Ber’ thla lamah chuan a tak hmuh inbeisei ila.
A vaiin Music Video atan hian Rs. 23,000/- a ruahman a. Heng bakah hian mimal inhuamna (ei leh in, kal velna leh a dangte), beiseina sang tak nei chungin ruahmanna hi a siam ta a ni.
Music Video siam tur hi Kristian hla bu No. 347-na ‘Hrahawmna le buaina piah saw’ tih a ni a. Zaipawl enkawltute’n a hal sak dan tur piahah sound track thleng an la rawn ngaihtuah dawn a. Hla zir hun pawh an kutah a awm ang.
Kumin hi KTP te’n activity kan neih tam kum a ni a. Hemi avang hian hun engemaw ti chen kan chawl chho ang a, Music Video siam dawnah chuan kan vaiin theih tawp kan chhuah a la tul dawn a ni. Tin, Music Video hi siam mai mai theih a ni lo va, tawngtaina nen a tam thei ang ber kan tan a ngai dawn a ni.

BIAL KTP HRUAITU BIAL FAN PROGRAMME BUL TAN CHHO TA

Kohhran Entu : The 3rd July, 2016 (Pathianni) : Bial KTP hruaitute’n kum 2016 atana Bial chhung Branch tin tlawh chhuah programme an ruahman chu kan Branch atanga tanin kumin chhungah a khat tawka programme siamin hmalak tum a ni.
Bial hruaitu Branch tlawh hi tunhma lam chuan bial KTP Conference-ah agenda-a lo luta, pass a nih hnuah Bial KTP Committee-in ruahmanna a siam thin kha a ni a. Amaherawhchu, kum 4/5 vel atang kha chuan Bial KTP Committee thuneihnaa kalpui a ni ta a. Kuminah pawh hian Bial Conference-in a rel ang ni lovin, Bial KTP Committee-in a rel angin Bial hi fan a ni ta a ni.
Programme hmasa berah kan Branch tlawh a ni a. Bial Secretary Pu Robert Lalchhuanliana hnen atangin Pathian thuchah tha tak mai kan ngaithla a, a hnu leh lamah pawh sermon sawi hlawh tak a ni.
Branch tlawh hi thla tin neih a ni ang a, thawhtanni zan vawi thumna zelah hun hman a ni ang. Kum dangah chuan a tawp lam emaw, a lai hawl emaw kan ni thin a, kuminah chuan a bul tanna kan ni ta thung. Hetihrual hian, Bial hruaitute lo kal zan hian inkhawm kan tha lo hle mai a, member-te kawng engkimah kan tan deuh deuh chu a ngai niin a lang.


CHANCHIN TAWI

@ Presbyterian Hindi Bible School, Bawngkawn-ah zir duh tan dil theih a ni. Hre chiang duh tan Synod Office-ah zawhfiah theih reng a ni.

@ Synod Hospital, Durtlang chuan GNM zir tru a la leh dawn a. Dilna form hi July 30, 2016 thleng lei theih a ni. Form leh prospectus man Rs. 200/- ken tur a ni ang. Dilna Form thehluh hun hi July 30, 2016 thleng a ni ang a, Principal Office, Synod Hospital, Durtlang-ah thehluh tur a ni ang. Hre chiang duh tan a chunga form thehluhna turah zawhfiah theih reng a ni.

@ Tun hnaiah Synod Relief Fund atangin harsatna hrang hrang avangin chhawm-dawlna Rs. 12,00/- pek chhuak a ni.

@ July 3, 2016 (Pathianni) hi Health & Hospital Sunday a nih angin Synod Hospital-a thawkte, hmun hrang hrang 13 (Aizawl leh Aizawl pawnah)-ah sawmna an dawn angin thusawina hun hmangin an fehchhuak.

@ Br. KTP Refreshment Sub-Committee atan Tv. Zo -nunsanga, Tv. Vanlalnghaka leh Tv. R. Lalnunkima-te ruat thar an ni.

@ Kohhran Hmeichhia te’n thawhlehni zan inkhawm banah Bethel neih tur a ni a. Hruaitu tur hi Bial 1-na atanga inruat tur a ni ang.

@ Kohhran Pavalai Pawl te’n July 5 (Thawhlehni) zan dar 7:00 hian Kohhran Committee Room-ah July thla Committee neih tur a ni a, kim taka kal turin member tinte ngen an ni.


THUVAWN :
Sam 39:7
“Tin, LALPA, tunah eng nge ka nghah le? Nangmahah a ni, ka beiseina awm chu.”


EDITORIAL

Kan Kohhran (Presbyterian) kalphung hi ‘Upate Rorelna’ tih a ni a. Thuthlung Thara Kohhran hmasate kal hmang zuia ti kan ni a. Fuh pawh a la fuh hle.
Inkhawmpui Rorel hmanga kal kan nih laiin chumi bawhzuina kawngah pawh chuan Committee thu-a kal kan ni a. Mi thenkhatte’n, “Lal Isua pawh lo kal dawn se, ‘Kan han Committee phawt ang e,’ kan ti ang,” tia Kohhran kal hmang seltute an la awm leh thin : kan kohhranah chuan!
Mi pahnih khat thu-a kal kan nih lohna chauh hi kan Committee thinna a ni tih kan hriat thar leh a tha hle. Tin, Kohhran hmasate’n, “Thlarau Thianghlim leh keinin,” an tih ang chiah kha vawiin thlenga kan la zui chu a ni.
Chutihrual chuan, ‘ni tlata inhriatna’ hian min zui thuk ta khawp mai a. Rorelna Maicham khata ngaihtuah theih a nih laia mahni duh thu-a kalpui tumna erawh chuan hmun lo luah ve phet a tum fo thin. Chu chu hnawl ngam a ngai tan ta.
Mitinin, mahni ta chauh en lo va; mi dang ta pawh en tura min zirtirna hi kan Kohhran ze laipui tak a ni a, chumi kan vawn ngheh phawt chuan kan Bible thu-a kal kan ni reng ang.


THU LEH HLA

Rev. Liangkhaia chanchin

Tun tum chu ‘thu leh hla huang’ a nih angin Mizo Kristian zinga mi Pastor nemngheh hmasak ber REV. LIANGKHAIA chanchin hi lo tarlang teh ang. – Editor

Kum 1884 chu Mizo hnam history-ah engtikah mah theihnghilh a ni tawh ngai lo vang : Arsi tlak kum a nih avangin chhinchhiah reng tur a ni a. Liangkhaia pian kum a nih avangin chhinchhiah tlat tur a ni bawk.
‘Liangkhaia’ tih hi a pianpui hming chu a ni bik hauh lo va, a pa hi pasaltha a ni a; a sak hawn ve te chhuangin a fa hmingah Hrangchina a sa a. A pian hnu tuk thum tukah Mizo danin arte hring bana thaawi tur a ni a. An puithiam hman chu pa phawk deuh mai hi a lo ni kher a. Mite tih dan ang lo takin arte chu a nghawngah a hling a, liang hmawrah chuan a khai ta tlat pek a, mite chuan mak an ti hle a! “In tih dan a mak em mai, naute pawh chu a hmingah Liangkhaia tih ngei tur a ni ang, “ an ti a. Hrangchina chu Liangkhaia a lo ni ta.
A pa chu Thanghluta a ni a, a nu chu Hauzachhingi a ni. Liangkhaia chu Saihum-a an awm laia piang a ni. Sentlangah an pem a, 1889 vailen lai khan an khua chu an hal darhsak vek a, khawthar kaiin Thingkhuangah an awm leh a. Kum 3 lek hnuah Lungdaiah an pem leh ta a ni.
Kum 14 mi a nihin a pa-in 1898 khan a tihsan a, a nu leh a farnu pahnih mai an nih avangin an tan khawsak a har dawn si a, a pa unaute’n Ziallungah an hruai ta a ni. Ziallunga an awm la hian ziak leh chhiar a zir tan ve ta a, a tui zawng tak a lo ni a. Lungphekah lungnova ziak tanin pensila mau phel chhung lama ziakin a inzir ve zel a. School a awm lo chungin a taimakna leh a tumruhna avangin 1901 khan khawchhiar thei khawpin a thiam thei a ni.
1904 khan Zawnginah an pem a, kum 5 an awm a. Chutih lai hun chu a lehkha zir nasat ber hun a ni hial awm e. Mahnia inzir a niha vangin beih nasat pawh a ngai viau reng a, chhiarkawp bute pawh chu a tih dan tur kaihhruaina zul zuiin a inzir zel mai a ni. Amah hi lehkhathiam thei tak mai a lo ni a, Zawngina an awmlai phei chuan a thiante pawhin fing an ti hle a, Zawngin khuaa tlangval fing berah an sawi ta hial reng a ni.
Naupang lian lo tak mai a ni a, a kum rualpuite aiin a te fak bik hle thin. A taksa a tet em avangin kum 20 a tlinin thingnawi fawm pawh a awl chauh a ni awm e.
1908 khan Lower Primary Exam turin Aizawl a pan ve ngawt mai a, School pawh kal miah lo. Thingtlang mi lehnghal zirtirtute chuan an lo ring lo hle mai a; mahse, amah a inhre chiang a, mi luhlul, tumruh leh paukhauh deuh mai a ni bawk a, a huphurh lo hle. Exam hma ni 10 vel emaw chu School a kal ve zawk awm e. An han exam mai a, pakhatna a ni der mai! Mite’n mak an ti hle! Hemi tuma exam tura a lo kal hian a thlen in te’n Isua chanchin bu an neih chu a chhiar thin a, ngaiahnawm a tiin mittui tla hial khawpin a rilru a khawih a, chuta tang chuan ringhlel hauh lovin Isua zuitu a ni hlen ta!
An khua a haw chuan an lalin a lo ngaithei lo nasa mai a, Pathian thu an awih avang chuan a thian pa Tumbila nen an la chuan na fe fe-in tum thum a vel a, a khawih na deuh a ni ang; Liangkhaia phei chu a dar vei lam a that loh phah a, a dam chhungin a dik loh hlen phah ta nghe nghe a ni. An lalin, “Ka thah hma che u hian tlanbo vat mai rawh u, khuaa awmah pawh ka duh nek lo va che u,” a tih avangin Mizorama Biak In dinna hmasa ber Zokhawsangah an pem ve ta a ni. Zokhawsangah hian 1907 khan Biak In a ding a ni. Heta an awm lai hian an tangkai hle a, nuam pawh an ti hle a ni.
1909-ah Zosaphluia kutah baptisma a chang a, a hming tak Hrangchina tiin baptisma hi a chang a ni. Chuti chung chuan a thih ni thlengin Liangkhaia a ni ta tho tho.
1910 – 1012 chhung khan Tirhkoh hna a zir a, a zir chhung hian a thiam ber a ni tluan parh a ni. Tirhkoh hna a zsir chhung hian kum tin thla khat chhung Pathian thu sawiin a zin chhuak thin a, Mizoram hi a fang chhuak hman deuh thaw a ni. 1911-ah tam a lo tla a, khawsak a harsa hle mai a, chumi avang chuan a farnute leh an makpate nen an nu hovin Aizawlah an pem a, Mission Vengah an khawsa ta a ni.
1913-ah Zosaphluia’n Pathian thu zir tura a tih tlat avangin Cherra-ah a liam thla ve ta a.  Mizo zir hmasa dangte an lo chhuah tawh si avangin amah maiin hmelhriat loh karah a zuk khawsa ve ta a. A zir tirh lam chuan a buai ve deuh a; mahse, tlema a’n man hnu chuan a phur chho ta viau
va. Kum 1-na tawpa an han exam chuan pahnihna a ni ta hial a ni. Chuta tang chuan a awm chhung zawngin pakhatna a ni ta ngar ngar a ni. Zai lam tui mi tak a lo ni a, Cherra-a a awm lai hian tlai ban hnuah Tonic Solfa a zir thin a, Elementary, Junior leh Intermediate Certificate a dawng hman a, Mizo zinga a hmasa ber a ni. Chu a Solfa thiamna chu hmang tangkaiin Mizo Kristian hla tha tak tak a phuah a, a hla phuahte leh a lehlin 31 lai Kristian hla bu-ah hian a awm nghe nghe a ni.
April 13, 1917-ah Ngurchhuanin nen an innei a, fa pakhat Biakliana an nei hman a. Anupui chuan a thihsan leh ta mai a. 1924 khan a nupui nau Ngurliani chu nupuiah a nei ve leh ta thung a, ani nen hian fa 11 lai an nei a ni.
Pastor atan nemngheh a nih hnu hian hmun hrang hrangah a thawk kual a, 1958 khan a pension a. Mahse, Aizawl Theological College-ah rawih zui a ni a, 1971 thleng khan a thawk a ni.
1978 kum tir lamah a tlu sual palh a, a tap tawm ta reng a, a tha leh tan viau tihin nat lawk pawh awm lovin; tawng lo leh che lovin a lo awm ta thut a! Kar khat lai chutianga awm hnu chuan June 27, 1979 zan dar 8:40-ah a thi ta a ni. A tukah Mission Veng Biak Inah Synod Moderator Rev. Lalruma’n a vui a, Mission Veng thlanmualah an phum ta a ni.
Rawngbawlnaa thahnemngai tak, thusawi thiam zet mai a ni a. Zoram dung leh vang mai bakah Reng ram leh Kawl ram thlengin a fang a ni. A hming pawh a thlang hle. Tum khat pawh Kawl ram a fan tumin pawih pakhatin, “Uai, ‘Liangkhaia’ an tih hi Paula rual lai tur emaw ka ti a, a va la naupang em!” a ti hial a ni!
Thusawi lama hmingthang mai a ni lo va, ziak lam pawh a thiam hle. A danglamna tak chu vawi khat a ziah tawh hi a ziak nawn leh ngai tawh lo a ni. Kohhran tana lehkhabu tangkai tam tak a ziah bakah thuziak dang a ngah hle. Mizo hnam chanchin chhuina lam lehkhabu engemaw zat a ziak a, ‘Mizo Chanchin I & II’ chu a lehkhabu zinga mi hriang hlawh ber a ni hial awm e. Mizo History ziaktu hmasa ber a ni.
Arsi chanchin, ngaihnawm tak, Mizo Pa chhut dan tarlang thei a ziak bawk a. Hetiang chi lehkhabu hi tunlai thlengin kan la neih belh lo a ang hle. A lehkhabu ziak leh lehlin hi 30 vel a tling a ni. Liangkhaia hian a hawl zau hle; Pathian thu, History, Culture, Astronomy, Education, hla lam a khawih kim viau. Mizo thu leh hla lama hmasawnna rahbi pawimawh tak zinga pakhat a ni ngat mai. Hengte avang hian Mizo Academy of Letters chuan a thih hma lawk March 24, 1979 khan Mizo Academy Award a pe a, Certificate leh Tangka Rs. 1,000/- a dawng nghe nghe. Mizo Academy Award dawng hmasa ber a ni.
Academy Award Certificate-ah chuan ti hian a inziak a, “Rev. Liangkhaia hi thu leh hla lama Mizote min kaihruai thintu a ni a, a lehkha ziakte hian kawng tam takah kan hnam min thantir a, Mizo Hristory leh Mizo Arsi chanchin hriat dan a ziakte phei hi chu sulsutu tak meuhvah kan ngai a; chuvangin, Mizo Academy of Letters chuan Rev Liangkhaia hi 1979 Academy Award kan pe a ni.” tiin.
Kohhran hruaina kawngah mi hmantlak tak a ni a, Assembly/Synod Moderator-ah tum li lai a tang nghe nghe a, a thih hnu hian 1979 Synod Bu-ah ti hian a chanchin an ziak nghe nghe, “Khawmpui leh Committee thu a zahthiam a, Kohhran phuntu leh chawmtu; Zoram Kohhran ban zinga pakhat chu a ni ngei mai,” tiin. Kohhran ban bakah Zorate Literature ban zinga pakhat chu a ni ve ngei mai!


CHANVO NEITU TURTE

July thla chhunga Kohhrana chanvo neitu turte :-

Meeting Chairman : Upa Chalhnuna
Khuangpu : Pu Vanlalchhuanga
Pu H. Lallawmsanga
Pionist : Tv. Pachhunga
Thilpek lakhawmtu : Nl. Jessica Lalramnghaki
Nl. Lalhriatpuii
Nl. Zothanpuii
Nl. Hmingthantluangi
“Chhuak hmasaah khan kan tihsual avangin kan han tarlang nawn leh a ni, ngaihdam kan dil e.”
– Editor & Staff


THLA TIN THAWHLAWM

June thla KTP thla tin thawhlawm, Upa Bial tin atanga luh dan hetiangin :-
Bial 1-na Tv. Lalruatkima – ` 1,530/-
Bial 2-na Tv. R. Lalawmpuia – ` 4,675/-
Bial 3-na Nl. Lalengzami – ` 4,430/-
Bial 4-na Nl. Lallawmkimi – ` 1,090/-
Bial 5-na Pu H. Lallawmsanga – ` 1,410/-
Bial 6-na Tv. Lalkhawmawia – ` 850/-
Bial 7-na Pu Lalrinawma Kawlni – ` 2,220/-
Bial 8-na Nl. K. Lalrawngbawli – ` 1,000/-
Bial 9-na Tv. P.C. Lallawmzuala – ` 1,000/-
Bial 10-na Nl. Lalruatfeli – ` 10,10/-
Bial 11-na Tv. Lalchhandama – ` 630/-
                       TOTAL – ` 19,845/-


REDUCTION SALE..!!

July 4 – 9, 2016 chhung hian Synod Bookroom hrang hrangah Reduction Sale neih leh a ni dawn a. Bungrua 5% – 80% inkar discount a ni ang. Zing dar 8:00 – tlai dar 5:00 thleng dawr theih an ni dawn a, hmang tangkai turin mi zawng zawng sawm an ni.


GOSPEL CAMPING

Synod Revival buatsaih Gospel Camping chu July 5 – 10, 2016 chhung hian Synod Revival Camping Centre, Neihbawih-ah neih leh tur a ni a, Speaker atan Pu R. Lallungmuana, Hebron Revival Team a ni ang.Camp lut duhte chu mahni Kohhran Secretary hnenah in report tur a ni. Registration Fee Rs. 100/- ken tel tur a ni ang. Camp-a lut turin a duh apiang sawm an ni.


PROGRAMME

Dt.3.7.2016 : Pathianni Sunday School
Tantu : Pi Lalrempuii (B-7)
Zirlai : ‘Paula’n Thlarau Thianghlim a sawi dan’
Pawl lak dan : Mahni Pawl-a theuh lak tur

Dt.3.7.2016 : Pathianni chawhnu
(Health Sunday)
Thupui : ‘Zunthlum leh thisen sang’
Sawitu : Upa Lallianzama

Dt.3.7.2016 : Pathianni zan
(Hospital Sunday)
Thupui : ‘Damna kim – Isua’
Sawitu : T. Upa N. Zokunga

Dt.6.7.2016 : Nilaini zan
Tantu : Pi Lalnuntluangi
Thupui : ‘Hnam thlante hlawhchhamna’
Hawngtu : Pi Lalsawmi

Dt.9.7.2016 : Inrinni zan
Thusawitu : Pi Lalruaii


KRISTIAN THALAI PAWL

Dt.4.7.2016 : Thawhtanni zan
Hruaitu : Tv. Zarzokima,
Committee Member

Tantu : Tv. Vanlalthazuala,
Upa Kûtdênga Group

Hun hman dan : Br. Finance & Gr. Secy. report
Rilru sawi
Cell thuchah : Tv. Lalrammawia

Bible reading : Nl. Vanlaldiki (B-9)

Zai hruaitu : Pu H. Lallawmsanga
Pionist : Tv. R. Lalnunkima

Thawhlawm khawntu
: Nl. Jessica Lalramnghaki &
Nl. C. Lalhriatpuii


KOHHRAN HMEICHHIA

Dt.5.7.2016 : Thawhlehni zan
Hruaitu : Pi Saihmingthangi
Tantu : Pi Hundangi
Hun hman dan : Rilru sawi
Khuangpu : Pi Saidingluaii
Pi Zothanpari
Thilpek lakhawmtu
: Pi Lalthannguri


KOHHRAN PAVALAI PAWL

Dt.7.7.2016 : Ningani zan
Chairman : Pu Lalrindika (B-4)
Tantu : Pu Lalthuama
Hun hman dan : Sharing


KTP INKHAWM DAN

June 27, 2016 (Mon) zan KTP inkhawm dan :-
Upa Pêngthangvunga Gr. : 10
Upa Kûtdênga Gr. : 18
Upa Thangkima Gr. : 16
Upa Rokûnga Gr. : 13
Junior Gr. : –
Mi dang : –
Total : 57
Thawhlawm : 770
Mi 1 thawh dan : 13.50


THLIRNA

Hmanni chu, “Mahni veng chhung a lawm,” tiin Zophei-a Lalsavunga Park (LAD Park an tih bawk) chu ka han kal ve a. Remchangah la-in, “Thlate pawh la ve ila,” kan ti a, thianho chuan kan inphur chhuak ta a.
An sawi ka lo hriat lawk tawh ang ngeiin tlawhtu an lo tam mai a, duty Tv. P-a ka han zawh chuan, “Vawiin chu an tlem ni tak a nih hi,” a ti a, tam ka lo tih rilruk nen, an tam ni phei chuan a va pui awm mep mep ve le!
Chutah chuan mi chi hrang hrang ka han hmu a, vai hnathawk thlengin. Nawm-chen duh avanga kal te, hun khawhral nana kal te, chhungkua nena kal te chenin kan kim hle.
Bur leh eng ilo fahran pawh a let phung mai a. “A va’n tawp awm em em,” tih mai tura mawi a nih laiin felfai tak taka khawsa engemaw zat ka hmu bawk a.
Mi tam tak te’n kan thil tih a chhe lai kan inhmuhsak viau laiin a tha lai erawh kan inhmuhsak duh lo fo erawh a lo tha lo khawp mai. Kan veng park hi tlawhtu an la pung zel dawn a, mi tha tam tak awm laiin tha lo tak tak thlengin kan la mikhual dawn tih a chiang reng.
Tunah chuan veng tlawhpawh tak kan nih tawh a, park tlawh leh ar insualtir tura lo tleh phei an ni a, tlawhtu ngah chuan changkanna leh tawpna a keng tel tih hriaa tun aia fim zawka kalpui dan awm se.

Naupang pual chhuak leh turah  chuan School leh a kawtzawl lem rawn ziak rawh le! Pencil chauh hman tur a ni ang a, rawnga rawn chei a ngai lo vang. Mahni gaihtuahna hmangin a ziah theih ang a, a lem entawn pawhin a ziah theih ang. A thla lak erawh pawm a ni lo vang. Kan naute lo enpuia a awmzia lo hrihfiahsak nise. Blank Paper-ah rawn ziak se, lawmman pakhatna lemziah hi tarlan a ni thung ang.
Chhuak hmasa lawmman dawngtu - Lalhriatzuali (Kum 10)

PRODUCTION STAFF

Editor : Lalkhawmawia
Jt. Editor : P.C. Lallawmzuala
David Rualtinkhuma
News Editor  :
   Lallawmkimi
Siamthangpuia
A. Lallawmsanga
Cir. Manager :
   Vanlalnghaka
Zonunsanga
   Zonunkima