BIAL MASIHI SANGATI TE'N CAMPAIGN HMANG MEK

Kohhran Entu : The 26th June, 2016 (Pathianni) : Bial Masihi Sangati chuan Bial chhung Kohhran tinah Masihi Sangati chung changah campaign an hmang mek.

Masihi Sangati rawngbawlna tun aia chak zawka kalpui a nih theih nan te, Bial chhung Kohhran tinah Masihi Sangati rawngbawlna ngaihhlut zual a nih theih nante theih tawkin hma an la. Tunah hian Bial chhung Kohhran pangaah Hlimen leh Melthum-ah chiah Masihi Sangati din a ni.

Masihi Sangati hi tun hma lam chuan Non-Mizo Christian Fellowship tih a ni thin a. Khatih hunlai khan Bial chhung Kohhranah ngaihhlut a hlawhin rawngbawlna nung tak neih thin a ni a, tunah hian a hming thlak a nih vang pawh ni lovin, Masihi Sangati rawngbawlna hi thi si lovin a kal hram hram a ni a. Rawngbawlna pawimawh tak a nih rualin ngaihhlut erawh a hlawh tawk lo fo.

Hemi hi hre rengin Bial Masihi Sangati hruaitute chuan Bial chhung Kohhran tinah tha thara hmalak relin campaign hi an nei ta a ni. Campaign neih hun leh hmun bakah thusawitute leh la sawi turte lo tarlang ila :-

June 12 (Sun) : Melthum – Pu Zolianchhunga, Hlimen
June 19 (Sun) : Hlimen Vengthar – Pu H. Zosiama, Melthum
June 26 (Sun) : Hlimen Damveng – Evan. Lalduhawma
July 10 (Sun) : Saikhamakawn – Upa R. Thangmawia
July 17 (Sun) : Hlimen – Upa Lalremsanga
Thusawitute hian Pathianni zan inkhawmah minute 15 zel hun an hmang a, he campaign hian Bial chhungah nasa zawka hna a thawh chhoh zel beisei ila.

CHANCHIN TAWI
@ June 26 (Pathianni) chawhnu inkhawm banah KTP thlatin thawhlawm chhiar a ni ang.

@ June 26 (Pathianni) chawhnu inkhawm bana thlatin thawhlawm chhiar zawhah Branch Committee neih nghal tur a ni a, member-te kim taka kal nise.

@ Upa Thangkima Gr.-te chuan an Group sumtuak nan Jumble Sale neih tumin an rawn khawn khawm mek a, tlawmngaih lo chhuahpui turin an ngen.

@ June 24 (Zirtawpni) chawhnu dar 1:00 khan Bialtu MLA Pu K.S. Thanga chuan Bial rawn fangin PWD EE leh PHE EE te’n an rawn tawiawm.

@ Pu Lalawmpuia w/o Ramtharnghaki (B-4)-a chu Durtlang damdawi inah hun engemaw ti chen enkawl a nih hnuah tha takin a lo chhuak. Tunah an chenna inah enkawl zui mek a ni.

@ Mizoram People Forum (MPF) chuan June 21 (Mon) khan Vanapa Hall-ah an kum 10 tlin lawmna hmangin political party aiawh te, Central YMA leh MUP aiawh te’n thu an sawi bawk. Tin, Election Commission of India atanga palai lo kal te’n thu sawina hun an hmang bawk.

THUVAWN : Sam 37:21
“Mi suaksual chuan a puk a, a pe leh thin lo va; mi fel erawh chuan mi a khawngaih a, a pe zawk thin.”

EDITORIAL
“Kan Kohhran chhung-kuaah hian engang mite hi nge kan mamawh ber?” tiin han inzat ta ila chu, kan chhanna a inang lo hlawm nual mai thei.
Mitin hian ngaihdan leh duh dan kan nei vek mai a, kan ngaihdan leh kan duh dan erawh a lo inrual lo khawp mai.
Tehfung pawh kan neiin, chu kan tehfungah chuan keimahni chu kan han indah tling phawt a, mi dang erawh chu dah tlin a lo har thin khawp mai bawk.
Chhanna hrang hrangah chuan ‘thlarau mi’ a nih a rinawm. Chutah pawh, ‘thlarau mi’ kan tehna chu a lo inang lo leh hlawm viau lo si ang!
Kan Kohhran hian kan mamawh tam tak zingah chuan – ‘Mi tak’ tih ringawt hi a ni awm e. ‘Mi tak’ tih avanga in la tak, kawng kal ding ngar ngar, tawng tam lo, chet dan pawh muang churh lam ni lovin, mahni kova lum hlenchhuak thei tur, mi chhel, mi tumruh, a saseha tlanchhe ngai lo an pawimawh ngeiin a rinawm.
Thil engemaw lo thlenga buai ve ngai lo, a harsat deuh pawha tawlh ngai lo, hmalam pan zel duh mi, khawtlang leh chhungkuaa dikna leh rinawmna vawng mi an ni deuh ber awm e.

THU LEH HLA

kohhran kalphung pela kal
– K. Lalfakawma
Kohhran tin hian kalphung kan nei vek a. Roman Catholic, Baptist, UPC leh a dangte kan awm nual mai a. Heng Kohhran hrang hrangte hian kan Kohhran kalphung pela kal hi kan duh lo vek a. Hei hi keini Presbyterian Kohhran pawh hian kan hriat a pawimawh hle.
Kan Senior Minister chatuan ram pan ta – Rev. Saiaithanga chuan hetiang hian a lo sawi tawh thin, “Presbyterian Kohhran indin dan hi a pumpui thu-ah nghet tak si, a ram leh thil awmzia rem turin emaw, a sawtna zawn vangin emaw, a remziaa kaihfan theih si a ni a. Hei hi kan chhuang hle a ni. Amaherawhchu, eng vang leh eng kawng pawha kan kaihfanna chuan Presbyterian dan tlangpui a nek leh sadai a thiah chu phal theih a ni lo. PHal zel ni sela, mumal a awm lo mai ang,” tiin.
Kohhran rawngbawl hna hi mihring remruat mai ni lovin, Pathian chatuan remruat ngei a ni tih hi kan hriat thar a pawimawh hle. Thenkhat chuan kan Kohhran kalphung hi kan nek sawr pawr pawr chang a awm thin. Presbyterian Kohhran hi hman atanga vawiin thlenga kan duh dan leh kan kalphungah hi chuan Kohhran inkhawm hi kan zah em em thin. Kohhran inkhawm chu a zahawm em avangin inkhawm lo te’n inkhawm bang tawk zawnga kalte hi kan hreh a, kan zak ngawih ngawih thin. Inkhawm tum lo te’n inkhawm tura Biak In lam hawia kal mekte tawk zawnga kalte pawh kan hreh ngawih ngawih thin. Mahse, tunah chuan zahna chang hre lo kan tam ta hle, kan inenfiah a tul tak zet a ni. Heng hi Presbyterian kalphung pela kalna chi khat a ni.
Kohhran inkhawm a awm laia khawi hmunah pawh programme dang lo siam hi kan tih ngai loh leh Presbyterian Kohhranin engtik lai maha kan duh ngai loh thil a ni. Thihna chung changa punkhawmte chu thu dang a ni a, thihna ni si lo va khuang lo tihrik tleng tlengte kha kan tih ngai loh, Kohhran duh loh zawng a ni thin. Veng thenkhatah phei chuan Biak In hnaih deuhvah khawhar in a awm pawhin Kohhran inkhawm lai chuan an thu ngawi thuap mai a, inkhawm ban veleh an zai ve leh mai thin. Thihna lam ni si lo va Kohhran inkhawm laia kan hmuh phak leh hriat phak renga programme dang lo siam hi kan Kohhran kalphung a ni ngai lo va, programme dang kan lo siam thin a nih chuan kan Kohhran kalphung kan nek sawr a, kan kal pel tihna a ni. Chuvang chuan, Kohhranhote kan inenlet fo a tul.
Kohhran thurin nena inrem lo va kal ngat phei chu Kohhran kalphung nek sawrna mai a ni lo va, Kohhran kalphung pela kalna leh thurin kalha kalna a ni a. Heng mite hi chu Kohhranin an chung chang a ngaihtuah uluk bik thin. Presbyterian Kohhrana awm mekte chuan dan bu kan neih leh inkaihhruaina chi hrang hrang kan neihte hi kan hre chiang tur a ni a, zawm ngei pawh kan tum thiin tur a ni.
General Assembly, Synod, Presbytery, Bial Inkhawmpui leh Kohhran Committee Rorel reng rengte pawh an zah tur a ni a, kan zawm ngei tur a ni. Presbyterian Kohhran kalphungah hi chuan kan Upate leh kan Pastor ter’n, “Hetiang hi chu kan kal dan tur a ni ngai lo ve,” tia dam diai maia an han sawi tawh hi chuan ‘zawm ngei ngei tur’ angah kan ngai thin. Tawngkam hraw pui pui leh a mupuia inde vak vak hi kan kal phung a ni ngai lo va, kan senior te’n aw-ki sang lo va, “Heti zawk hian kal ta ila, a va tha ver mawle,” an tih hi chuan kan zah a, zawm ngei kan tum thin. A mupuia min den hun hi nghah kher loh tur. Kohhran hmasate hunlai atangin vawiin thleng hian Kohhran nek ran mai te, Kohhran kalphung pela kal tum talhhote hi chu tifuh an la awm ngai lo va, Mizoram Presbyterian history kan thlir kir ringawt pawhin a la dik zel, a ding chang zawk chu KOHHRAN a ni zel thin.
Engvangin nge Pathianin Kohhran chu a humhalh tlat kan tih chuan, “Ama thisena din ngei a nih avangin Pathianin Kohhran chu a humhlah tlat a, a chhiat a phal ngai lo. Kan Kohhran lungphum chu Krists Isua a ni a; tui leh thisen leh thu-in a siam thar a ni.


CHANVO NEITU TURTE
July thla chhunga Kohhrana chanvo neitu turte :-

Meeting Chairman :Upa Lallianzama
Khuangpu : Pu.H. Lallawmsanga
Pu.Vanlalchhuanga

Pionist : Tv.Pachhunga

Thilpek lakhawmtu :
  Nl. Jessica Lalramnghaki
Nl. Lalhriatpuii
Nl. Zothanpuii
Nl. Hmingthantluangi

YRC PUAL
Youth Recreation Centre (YRC) puala KTP member tinin Rs. 50/- theuh thawh tura tih kha bial neitute mahni bial theuh fang tan tawh ila, kum hmasa lama Branch sum tam tak sen a ngaih tawh loh nan.

GOSPEL CAMPING
June 28 – July 2, 2016 chhung hian Gospel Thunder Team te’n an Camping Centre Zuangtui-ah Gospel Camping an nei dawn a. A duh apiang lut turin an sawm. Speaker hi R. Lalramliana @ Ramtea a ni ang.
Hre chiang duh tan Phone : 9862439988 / 8731058083

SYNFOCITY

RINGTHAR NEIH ZAT

Kumin 2016 May thla thlenga Synod Mission Field hrang hranga ringthar neih tawh zat hetiangin :-
1. Arunachal East Mission Field : 38 2. Arunachal North Mission Field : 75
3. Arunachal West Mission Field : 110 4. Assam Mission Field : 29
5. Barak Area Mission Field : 164 6. Delhi Mission Mission Field : 15
7. Jharkhand Mission Field : 505 8. Karbi Anglong Mission Field : 58
9. Home Mission North Mission Field : 45 10. Home Mission South Mission Field : 154
11. Kolkata Mission Field : 332 12. Lucknow Mission Field : 109
13. Nepal Mission Field : 91 14. Patna Mission Field : 104
15. Siliguri Mission Field : 65 16. Tripura Mission Field : 651
17. Masihi Sangati : 667 TOTAL : 3,212

CAMPUS MINISTRY
June 23 & 23, 2016 hian Windsome English School, Chhinga Vengthlangah zirtirtute pual Refreshers’ Training leh zirlaite pual Retreat neih pui a ni a. June 24, 2016 (Zirtawpni) hian Blue Star Academy, Bawngkawn-eh hun an hmang leh bawk.


PROGRAMME
Dt.26.6.2016 : Pathianni Sunday School
Kristian chhungkaw thusawi tawi
: Pi Lalengzami
Bial Kohhran Hmeichhia Comtt.
Zirlai : ‘Kohhran tiak tir tana Thlarau Thianghlim hlutna’
Khaikhawmtu : Pastor C. Sapkaia

Dt.26.6.2016 : Pathianni chawhnu
Hun hman dan : Pastor Bial fan
(Lalpa Zanriah Sakramen)
Thehtu : Pastor C. Sapkaia

Dt.26.6.2016 : Pathianni zan
Thusawitu : Pi Khawlvuani
Bial Hmeichhe Chairman

Dt.29.6.2016 : Nilaini zan
Tantu : Pi Lallianpuii
Thupui : ‘Hnam thlante mawhphurhna’
Hawngtu : Pu Biakropuia

Dt.2.7.2016 : Inrinni zan
Tantu : Pu Lalchansanga
Hun hman dan : Rilru sawi

KRISTIAN THALAI PAWL
Dt.27.6.2016 : Thawhtanni zan
Hruaitu : Tv. Lalremruata Chawngthu,
Committee Member
Tantu : Tv. Laltlanhlua,
Upa Thangkima Group
Thusawitu : Pu H. Lallawmsanga,
Committee Member
Bible reading : Pu C. Zomuanpuia (B-10)
Zai hruaitu : Tv. Siamthangpuia
Musicians : Tv. Zarzokima
Tv. C. Lalruatfela
Tv. Vanlalnghaka &
Tv. Lalawmpuia Hauzel
Hla hriltu : Nl. Lallawmkimi (B-2)
Thawhlawm khawntu
: Nl. Lalbiaktluangi &
Nl. Lalngaihawmi

KOHHRAN HMEICHHIA
Dt.28.6.2016 : Thawhlehni zan
Hruaitu : Pi Nunthari
Tantu : Pi Lalnithangi
Thusawitu : Pi Zonunkimi

KOHHRAN PAVALAI PAWL
Dt.30.6.2016 : Ningani zan
Chairman : Pu Lalthianghlima
Tantu : Pu Lianhmingthanga
Thusawitu : Tv. Lalremliana

KTP INKHAWM DAN
June 20, 2016 (Mon) zan KTP inkhawm dan :-
Upa Pêngthangvunga Gr. : 16
Upa Kûtdênga Gr. : 17
Upa Thangkima Gr. : 21
Upa Rokûnga Gr. : 16
Junior Gr. : –
Mi dang : 27
Total : 97
Thawhlawm : 1,340
Mi 1 thawh dan : 14.32

THLIRNA
Ka tih dan thin angin ka phone chu la-in facebook tukverha dah tumin ka han lut a, rin aiin net a chak tha phian mai.
A awm khat nen inbox pakhat lo awmin ‘tu tak ni ang maw?’ tia ngaihtuah leh kawng leh lamah chuan ‘amah kha a ni thei mai ang em?’ tia ngaigtuah chungin ka han hawng a, ka rei..!!
“Ka zak lutuk, ka hlau, ka khur, engtin nge ka tih dawn, ka nu a . . . nih chu..! Engtin nge ka nu a nulat theih?’ tih zawhna a lo awm tuarh mai!
Sawi tur ka va han van tak em! Sualna avanga lo thleng a ni tih hre mah ila, a nu kha sual em ema ka dah chuan a rilru a nat ka hlau si! A pawi lo han tih chi a ni bawk si lo!
A message ka en tawh a ni tih hriain zawhna dang min zawt char char bawk si a!
Chhan loh theih loh a nih hnuah buh nuaihin, “Hetiang hi thil thleng fo tawh thin a ni a,” ka han ti phawt a, “Mahse, enga ti nge ka nu-ah kher kher?” tih zawhna a lo thleng leh nghal. A dang zawng chu dah tha rih phawt mai ang.
Kan rama social network lo chuangchhuak hian kan mimal leh chhungkua min va deng nasa tak em! Kan la ngaihtuah ngai lo leh ni tura kan inrin loh thlengin min deng chu a ni ta si a!
Sual chu kawngka bulah a bawk reng a ni tih hre chung siin kan finkhur duh si lo..!!

PRODUCTION STAFF
Editor : Lalkhawmawia
Jt. Editor : P.C. Lallawmzuala
David Rualtinkhuma
News Editor :
   Lallawmkimi
Siamthangpuia
A. Lallawmsanga
Cir. Manager :
   Vanlalnghaka
Zonunsanga
Zonunkima

BRANCH KTP COMMITTEE THUREL THENKHAT

Kohhran Entu :The 19th June, 2016 (Pathianni) : June 16, 2016 (Ningani) zan khan Branch KTP thla thar Committee neih a ni a, chuta thurel thenkhat hetiangin :-

1. August, 2016 KTP inkhawm hun remchangah Finance Campaign neih tum a ni a, thusawi turin Pastor C. Sapkaia, Bialtu Pastor ruat a ni.
2. Bial KTP Secretary hnen atangin October 8, 2016 (Inrinni) khian Bial KTP huapin kan Kohhran Hall-ah Central KTP Blood Donation Calendar zuiin Blood Donation Camp neih a nih tur thu dawn a ni.
3. Branch KTP Diamond Jubilee puala Holy Bible chhiar chhuah (Pawn lama hriat theih turin) neih tum chu Secretary te’n School chawlh hun an lo zir chiang ang a, OB te’n ruahmanna an la rawn siam ang.
4. Diamond Jubilee lawmna lamah sum tam tak hman a nih avangin Branch sum indaih lohna a lian hle a. Hemi avang hian Group tinah Special Budget Rs. 5,000/- theuh tuk leh a ni a. Hei hi kumin chhunga pek tlak tura ruahman a ni.
5. Diamond Jubilee lawmna atana pawisa dawn atanga Guitar Stand leina tur dawn chu a rang lama lei nise tih a ni.
6. Branch sumtuak nan Mission Veng Bazar phiata inhlawh dil leh tum a ni a, OB te’n lo bawhzui se tih a ni.
7. Group leh Sub-Committee kum chanve sum audit nise tih chu a hun atan July 2, 2016 (Inrinni) zan inkhawm ban ruat a ni a, a hmunah Kohhran Hall a ni ang. Auditor turin Branch sum vawngtute ruat an ni. (Thubelh – He hunah hian sum vawngtute leh a theih chuan Group Leader leh Sub-Committee Chairman-te tel theih nise.)
8. Branch Hollow Guitar Pick–Up chu a that loh thu dawn a ni a. Siamtir nise, Music Sub-Committee te’n lo bawhzui se tih a ni.
9. Branch Diamond Jubilee kan lawm zawh tak chu thlirletna hun hman a ni a. A lawmawmin hlawhtling hle-in kan inhria a; hetihrualhian, kawng tinrengah hmasawnna kan nei niin kan inhria.

YMA DAY LAWM

Kohhran Entu : The 19th June, 2016 (Pathianni) : June 15, 2016 (Nilaini) YMA Day chu Branch YMA pawhin ropui takin a lawm.
Kumin YMA Day hi a hma lam atangin Volleyball hmanga inelna buatsaihin YMA Day (June 15) chhunah final khelh a ni a, Damvea Section te’n mipa leh hmeichhiaah lawmman pakhatna an la.
June 15 zan lam programme chu Costume Nite-a hmangin YMA Hall-a leng lo khawp thalai fuankhawmin kal khawmte a thei theiin mizo incheinaa incheiin Section tin atangin International Costume Show neiin hnam hrang hrang zingah duh thlangin mipa leh hmeichhia inkawp zelin an rawn inchei a. Hemiah hian mizo leh mayan costume-a rawn inchei Buala Section te’n lawmman pakhatna an la. Tin, hemi zan hian Hlimkhawpui Budget pe tha Kapdaia Section hnenah lawmman pek an ni bawk.

CHANCHIN TAWI
@ Diamond Jubilee pual Music Video buatsaih tum chu Zaipawl enkawltute’n ruahmanna siamin hma an la mek.

@ Kumin Aizawl Chhim Presbytery, Hmunthar Kohhran Biak Ina neih turah Pathianni zan inkhawmah kan Kohhran Zaipawl chu zaia rawngbawlna nei tura ruat kan ni.

@ Kohhran Entu man tlawmngaia khawntute leh tlawmngaia latute’n a man lam hi ngaihsak deuh deuh turin kan inngen a ni.

@ June 19 (Pathianni) hi Rualbanlote Pathianni a nih angin zan lama hemi lam thupui ngaihthlak a ni ang a, rualbanlote pual thawhlawm a awm bawk ang.

@ Branch Diamond Jubilee lawmna atan Pu Rozuala-te chhungkua chuan Rs. 1,000/- min hlan a, an chungah lawmthu kan sawi rualin chhuak hmasa lamah report a lo tel loh palh avangin kan tarlang thei lo ve, ngaihdam kan dil tak meuh meuh a ni.

@ Kohhran Entu chhuak hmasa kha kan hertirna Press lamah Power Supply an neih that loh avangin a sem hunah kan sem hman lo va, ngaihdam kan dil tak meuh meuh a ni.

THUVAWN : Sam 37:4
“Lalpa chungah chuan lawm bawk rawh, tichuan, i thinlung duhzawngte chu a pe ang che.”

EDITORIAL
“Hringnun hi hruizen ang a ni a, hruizen pawh a inherh avangin a hrui hi a inlanchhawk thin a. Hetiang chiah hian hringnun pawh thim leh eng inkawp siin an inlanchhawk thin a ni.
Hetiang chiah hian pawlho leh chhungkua, Kohhran thlengin a ni. Hun harsa leh khirh tak tak tawh lai a awm a, hlimni leh lawmni pawh a lo thleng fo thin.
Naupang hlim taka kan chhaih a, an nuih awr awr chuan, “An tah a hnai kan ti thin.” Hetiang chiah hian hlimni leh lawmni kan tawh hnu lawkah hian lungngaih ni leh tah ni a lo thleng fo thin.
Chumi hrethiama lawm taka dawngsawng theite chu ‘mi puitling’ kan tihte an ni thin.
Chumi dawngsawng thiam lote chuan hringnun hi ‘lungngaih ni’-ah an ngai thin.
Kumin hian kawng hrang hranga lawmna leh hlimna, hunpui pawimawh tak tak kan hmachhawn kumin harsatna tam tak kan tawk thung thin a. Chumi avanga kan insawisel aiin engtia hmachhawn tur nge, engtin nge hma kan lak chhoh zawk ang tia ngaihtuahna fel tak kan hman thiam a tul hle. Hun harsa a thleng reng lo vang, chumi hun chu chhel taka nghak mi kan nih a tul hle.

THU LEH HLA

 RUALBANLO TE PUAL PATHIANNI THUCHAH

Mi thiamte chhut dan chuan khawvel mihring za zela panga hi rualbanlo an ni a, rualban lohna hi rilru lam chauh te, taksa leh pianphung chauhva rualban lohna te, rilru leh pianphunga rualban lohnate a awm thei a ni. Rualban lohna chhan hrang hrang a awm a : Nu-in nau a pai lai atanga fel lo awm thei atang te, piantirh lai thil awmdan leh naupan lai natna vei atang te, ei tha tlakchhamna avangte leh mizovin kan sawi thin angin, “Pian sualin tlai luat a nei lo,” an tih angin accident chi hrang hrang avangin rualban lohna a awm thei a ni.

Mizote’n rualbanlote kan hmuh dan leh kan ngaihdan hi a tha vak lo va, kan inzirtir a tul hle. Hnam changkang apiangin rualbanlote enkawl an thiam a, rualbanlote hi rilru lama ban lo an nih chuan finna zirtir theih an ni a, mi pangngai angin an zir chak lo a nih pawhin anmahni rau rauvah hma an sawn thei a, an thiamna zir theih ang ang kha anmahni inenkawl nan leh thil tangkai thawhchhuh ve nan an hmang thei a ni. Mizote hian mi ang mang lote kan bawl khaw lo fo va, mi pangngaia chhuah theihte pawh chhungkua leh khawtlangin kan en dan leh kan enkawl dan avangin mi ang lovah kan chhuah fo niin a lang.

Mi pangngai chen zan lote pawh enkawl thiam chuan mi pangngai ang maia chhuah theih leh mi an chen lohna laite pawh sawi tham loh leh pawi tham lovin a chhuah theih a, chu chu anmahni tan leh chhungkaw tan, hnam pumpui tan a tha em em a ni tih hria ila.

Pianphunga rualbanlo pawh a tul ang zela zirtir leh hmanrua nena thuamin an ruabanlohna lang lo hialin tanpui theih an ni. Khawvelah hian rualbanlo ni si mi ropui tak tak an lo chhuak fo tawh a; mitdel, zaithiam leh hla phuah thiam, vawiinni thlenga hla ropui ber ber phuahtu te; mitdel, khawvel khawmualpui zawng zawnga tlangsang berte lawn chhuak vek thei khawpa chak te, bengngawng, scientist ropui tak te, fu-ke kim lo, mi pangngaiin an tih theih loh thil ti tam tak swi tur an awm a ni.

Lal Isua khan khawvela rawng a bawl lai khan rualbanlote a khawngaihin a tidam thin a. Matthaia 10:27; 9:32-34; 15:29-31-te, Marka 7:31-35-te kan en chuan Lal Isua’n mitdel, kebai, piangsual tinreng te, zeng te, ramhuai man (rilru buai) a tihdam thute kan hmu a ni. Keini pawhin kan zinga awm rualbanlote hi kan enkawl that a pawimawh a, kan Lapa thupek pawh a ni tih i hre thar leh ang u.

Khawvel ram changkhangte chuan rualbanlote tan inzirna te, school hranpa leh infiamna, anmahni pual bikte siamin zin veivahnaah pawh a thlawna chuan theihna te, an tana remchanna chi hrang hrang an siamsak thin a. Kan ram pawhin hetiang lamah hian hma kan sawn ve hret hret a, chak zawka hma kan lak pawh a tul hle a ni.

SUM HMAN DAN

Diamond Jubilee kan hman zawh takah hetiang hi kan sum hman dan a ni :-
Refreshment : 72,690
Souvenir : 17,360
Decoration : 12,530
Zaithiamte lawmman : 11,500
Hruaitu hlui chawimawi : 5,330
Monument : 4,130
Cable TV lawmman : 4,000
Mi bik chawimawina : 3,500
Sound : 3,209
Sanitation : 1,700
CKTP hruaitute senso : 1,000
Resource Person : 1,000
Hnatlang senso : 970
Stationery : 400
TOTAL : 1,39,319

PATHIAN RAM LUH DAN
June thla Pathian Ram thilpek luh dan, May thlaa luh dan leh kan phak loh dan hetiangin :-
Pathian ram : 1,20,020 May : 1,28,490 (– 8,470)
Ramthar : 79,140 May : 83,625 (– 4485 )
Buhtham : 34,875 May : 47,535 (– 12,660)
Tualchhung : 80,690 May : 86,489 (– 5,799)
Biak In thar : 1,87,220 May : 1,92,670 (– 5,450)
Total : 5,01,945 May : 5,38,802 (– 36,857)
Thla hmasa nena khaikhin chuan hma kan sawn lo tih a langin tan kan lak lehzual a ngai a ni.

BIAL KTP HRUAITUTE'N TLAWH DAWN

June 20, 2016 (Thawhtanni) zan hian Bial KTP hruaitute’n kan Branch min rawn tlawh dawn a. Bial Secretary hnen atangin thuchah ngaihthlak a ni ang a, inkhawm banah inkhawm zawng zawngte tan thingpui in tur a awm bawk ang. A tam thei ang ber inkhawm tum ila.

PROGRAMME

Dt.19.6.2016 : Sunday School
Tantu : Pu Laldailova
Thupui : ‘Thlarau Thianghlim hnathawh kal zel’
Pawl lak dan : Mahni Pawlah theuh lak tur

Dt.19.6.2016 : Pathianni chawhnu
Thusawitu : Pu Lalnghakliana

Dt.19.6.2016 : Pathianni zan
Thupui : ‘Isua – Rualbanlote hmangaihtu’
Thusawitu : Upa C. Zothanliana

Dt.22.6.2016 : Nilaini zan
Tantu : Nl Lalengzami
Thupui : ‘Sinai Thuthlung’
Hawngtu : Pu Laltluanga

Dt.25.6.2016 : Inrinni zan
Thusawitu : Pastor C. Sapkaia

KRISTIAN THALAI PAWL

Dt.20.6.2016 : Thawhtanni zan
Hruaitu : Pu Lalrinawma Kawlni,
Committee Member
Tantu : Tv. Hosan Malsawmtluanga
Upa Rokunga Group
Hun hman dan : Bial hruaitute min rawn tlawh zan
Thusawitu : Pu Robert Lalchhuanliana,
Secretray, Bial KTP
Bible Reading : Tv Lalrampara
Solo : Pu Laltleipuia
Zai hruaitu : Tv. Siamthangpuia
Musicians : Tv.Zarzokima
Tv. C. Lalruatfela
Tv. Vanlalnghaka
Tv. Lalawmpuia Hauzel
Thilpek lakhawmtu
: Nl. Zorinsangi
Nl. Lalchhantluangi

KOHHRAN HMEICHHIA

Dt.21.6.2016 : Thawhlehni zan
A hmun : Kohhran Hall
Hruaitu : Pi Zothanpari
Tantu : Pi Lalthannguri
Hun hman dan : Bible Quiz
Quiz Master : Pi Lalrinawmi

KOHHRAN PAVALAI PAWL
Dt.23.6.2016 : Ningani zan
Hruaitu : Pu Ramsanga
Tantu : Pu Robert Lalrindika
Hun hman dan : Sharing

PRODUCTION STAFF

Editor : Lalkhawmawia

Jt. Editor : 

   P.C. Lallawmzuala

David Rualtinkhuma

News Editor : 

   Lallawmkimi

Siamthangpuia

A. Lallawmsanga

Cir. Manager : 

  Vanlalnghaka

Zonunsanga

Zonunkima

BRANCH KTP KUM 60-NA DIAMOND JUBILEE TLUANG TAKA LAWM A NI TA

 The 12th June, 2016 (Pathianni) : Pathian hruainain hun rei tak a ta kan lo nghah tawh Hlimen Branch KTP Diamond Jubilee chu ruahman lawkin June 6 – 10, 2016 chhung khan tluang takin lawm a ni ta. Pathian hnenah lawmthu kan sawi e.
    Programme tan atangin ruahman angin a tawp thlengin harsatna pakhat mah tawk lovin kan hmang thei a. Lawmthu sawina tur kan va ngah em! Kan sawi vek seng lovang. Heng a hnuaia mite hnenah hian lawmthu kan sawi mawlh mawlh e :-

I. Thilpek min petute :-
    1) Bial KTP – Citation
    2) Mission Veng Branch KTP – Citation & Minute Book
    3) Melthum Branch KTP – Citation
    4) Saikhamkawn Branch KTP – Citation
    5) Hlimen Damveng Branch KTP – Citation
    6) Hlimen Vengthar Branch KTP – Rs. 1,000/-
    7) Pi Rohmingliani, Hlimen – Rs. 600/-
    8) PHE, Chhimphei Section – Rs. 1,000/-
    9) Pu Robert Lalchhuanliana, Melthum – Rs. 4,000/-
    10) Pi Biakveli, Hlimen – Rs. 300/-
    11) Pi Challianthangi, Aizawl Venglai – Rs. 3,000/-
    12) Pu Lalthantluanga, Hlimen – Rs. 1,000/-
    13) Pi Laltlanchhungi, Ramhlun ‘S’ – Rs. 500/-
    14) Upa Thansanga, Hlimen – Rs. 200/-
    15) Hlimen Kohhran Hmeichhia – Rs. 2,000/-
    16) Hlimen Kohhran Pavalai Pawl – Rs. 500/-
    17) Pi Roneihthangi, Ramhlun ‘N’ – Rs. 3,000/-
    18) Prof. Tlanglawma, Khatla – Rs. 1,000/-
    19) Hlimen Branch YMA – Rs. 1,000/-
    20) Upa Zotawna tu leh fate – Tea Urn & Rs. 1,500/-
    21) Pi Vanlalliani, Hmunthar – Rs. 500/-
    22) Pi Lalrinkimi, Edenthar – Rs. 500/-
    23) Pu R. Laltanpuia, Hlimen – Rs. 1,000/-

II. Cable TV : Tin, a tir atangin a tawp thlengin ETV (LPS) leh CCVISION (ZONET) Cable Network te’n kan programme zawng zawng min cover sak vek a, an chungah lawmthu kan sawi e.

III. Biak In hualtute : Diamond Jubilee lawm hun chhung leh inbuatsaih chhunga Biak In leh Hall hual veltu chhungkua zawng zawngte chungah lawmthu kan sawi a, zan rei tak tak thlenga thawm ri neia inbuatsaih ngaih laite a lo awm a. Chumi avanga harsatna kan lo siam a nih chuan ngaihdam kan dil e.

IV. Chanvo neitu : Jubilee lawm hun chhunga mimal leh zaipawl, Sub-Committee-a chanveo neitu leh Kohhran Committee-te chungah lawmthu kan sawi bawk e.


CHANCHIN TAWI

@ June 12 (Sunday) chawhnu inkhawm ban hian Kohhran Pavalai Pawl te’n Pu Hautluanga, Vengthlang-te Inah Fellowship neih tur a ni. Hruaituah Pu H. Lalrammawia a ni ang.

@ YMA Day, 2016 lawmna atan Branch YMA-in Volleyball Tournament a buatsaih mek chuan a vawrtawp a thleng dawn ta. YMA Day (June 15) tak hian Final khelh a ni ang. Zanah function hlimawm tak buatsaih an tum.

@ Hlimen Pastor Bial Kohhran Pavalai Pawl te’n Falkawn Damdawi In tana thutthleng an dah chu a phurh nan Pu Thanthuama’n an motor phal takin a hmantir thu-ah Bial Kohhran Pavalai Pawl te’n lawmthu an sawi.

@ June 16 (Ningani) zan dar 7:00 hian Branch KTP June thla Committee neih tur a ni a, kohna sem a ni dawn tho va, kohna hmu lo palh kan awm a nih chuan hei hi kohnaa ngaih tur a ni ang.

@ June 20 (Thawhtanni) zan hian Bial KTP hruaitute’n kan Branch min rawn tlawh dawn a, Bial Secretary Pu Robert Lalchhuanliana hnen atangin Pathian thuchah ngaihthlak a ni ang.


‘KRISTIAN, KAL FIMKHUR RAWH HLAUHAWM A HNAI.!

    Kum 1911-ah khan Bobby Leach chu  khuang ang taka siam, thilbel chhunga chuangin khawvel tuikhawhthla hmingthang Niagara Falls-ah a inlenthlaktir a. A fimkhur em avangin pem pawh nei mang lovin a chhuak a.
    Kum tam tak hnuah Bobby Leach chu New Zealand kawtthleng pakhatah serthlum hawng a rap a, a ke ruh a tliak a. Damdawi Inah an dah pawhin a pun a reh thei lo va, a thih phah ta a.
    Niagara tuikhawhthla sang lutuk atanga a inlenthlaktir khan a dam a, serthlum hawng rah phalh vangin a thi thung a ni. Hlauhawm lova a ngaih hmunah a fimkhur lo va, a thih phah ta!
    Thlemna hlauhawm takah kan tlu lo a ni thei e. Mahse, hlauhawma lang lo thil te tak te avangin kan tlu thei tlat. Hlim nia kan ngaih, hlauhawm lo va kan ngaih thlemnate hi ringtute’n kan tlukpui fo...!!
Kristian, kal fimkhur rawh, Hlauhawm a hnai..!!


ISUA HMINGA HNATHAWH
    Isua nena hnathawh hi lo neih angin an tehkhin :-
    1) Chi tuh : Bible zir te, sawma pakhat pek te, retheite hnena thilpekte leh inkhawmte hi rinna chi tuhna a ni a, kan hnathawhnaah pawh kan thiam china a tha thei ang bera kan chi tuhna a ni, kan mawhphurhna a ni bawk. A hlawhtlinna erawh chu khawngaihnaah a innghat thung.
    2) Thlai tui leih : Thlai chi tiahtirtu leh thantirtu chu Pathian a ni. Heng hun chhung hi tui leih hun a ni a, nghah erawh a ngai. Isua nena hna kan thawh hian, kan hmaa tihturte ti zel chunga nghah a tul hun a awm. Kan tih theih bak erawh chu Pathiain kutah kan dah a ni. Pathian ringa hna kan thawh mai hian lungkham nei lovin kan nghak a, Pathian chunga lawmin Amah kan fak a, hei hi chakna hnar a ni.
    3) Hnih thlawhfai : Heng chapona te, itsikna te, elrelna te, ngaihdam theih lohnate hi Isua nena hnathawh tibuaitu hnim thlawh fai turte an ni. Heng hi Pathian ralthuam hrang hrang hmangin a tihfai theih a ni.
    4) Lei thaa chawm : Lei tha chu finna, chawpchilha tihtur kan tih leh tih loh tur hriatthiam hi a ni. Finna hi thlarau thilpek a ni a, Pathian hnena dil tur a ni. Finna mawi ber pakhat chu Pathian remtih zawng a ni em tih hi a ni. I thiltih chu Pathian remtih zawng a ni tih i chian chuan i rilru a hahdam ang. I chian loh erawh chuan i rilru a hahin i mangang fo ang. (Source : Rev. Lalthanmawia)


EDITORIAL

    Um..hun rei a ta tawh Hlimen Branch KTP Diamond Jubilee chu kan lo hmang zo ta, lawmthu sawina tur tam tak zingah erawh hmasawnna tur kan va la ngah tak em!
    Kan Kohhran hi kan inring tawk lutuk nge kan inngaihsak tawk lo? KTP Diamond Jubilee-ah meuh chuan an mal tlat lek lek thin chang a awm zauh zauh mai!
    Kan Kohhran hian chin dan danglam tak mai kan neih chu, Kohhran hnuaia Fellowship hrang hrang awmte hi kan inthlauh thla lek lek a, eng-i-lo thil tihna kawngah kan intawiawm thiam deuh deuh hi a tul ta hle niin a lang.
    Tin, KTP member 420 vel awmna atanga khatiang ang zat chiah member kan kalkhawmte kha ngaihtuahna tithuitu a niin mut mawh hnar mawha nei pawh lo awm se, tu’n kan dem thei lo vang!
    Hringnun hi inzir reng rengin kan hmang tluan thin a ni a, chu kan inzir zelna chuan min tihmasawnin chakna thar pawh kan lo nei deuh deuh zel thin a ni a, inzir ngai tawh lo khawpa tha leh finga kan inngaih chinah chiah hian kan lo tawlh hnung leh dawrh thin.

THUVAWN : Kolossa 2:14
“Batna lehkha thupeka ziak, kan chunga awm, min dodal thina chu a tlaibo tawh si a, chu ngei chu Kraws-a khengbetin a la kiang ta a.”


SYNOD BOOKROOM

(book news)
    A hnuaia lehkhabute hi Synod Bookroom-ah lei theihin a awm ta :-
1. Theology of Mission – Rev. Lawmsanga
2. Hermon Daifim – Rev. Zoremthanga
3. Thlarau nun chawmtu – Lalngaiha Ralte
4. Eden-ah i kir ang u – B.T. Nghinglova
5. Robert Arthington – L.L. Rokhum
6. Ka chanchin – H.T Sangliana
7. Kristian nun – Chhawnmawia
8. Vullai chul hnu – Darrokima
9. Mizo chanchin – B. Lalthangliana
10. Mizo tawng Dictionary – Remkunga
11. Mi ropuite kam chhuak – Nawlchunga Chinzah
12. Dan hi tehfung dik a ni – Robert Hrangdawla
13. Mizoram GK, Mimi Edition – Lalhmachhuana Zofa
14. Mizo tawng i hmang dik leh ang u – Isaac Zoliana
15. Hnahthel – Kaphleia Memorial Trust

            Synod Info. & Publicity
            Phone : 0389 - 2314648


HNA RUAK DIL THEIH

    1. Mizoram Synod hnuaia Women Centre leh Presbyterian Bible School-a thawk turin Peon Cum Chowkidar hna pakhat ve ve, class VIII pass chin, kum 18 – 35 inkar tan dil theih a ni. Standard application Synod Office General Administration Department atanga lak chhuah tur a ni ang.
Last date    :    June 23, 2016 (Ningani) dar 5:00 PM
Screening Test    :    June 25, 2016 (Inrinni) dar 10:30 AM
Interview    :    June 29, 2016 (Nilaini) dar 10:00 AM
    Hriattur dang chu Aplication Form-ah kim changin thil tel a ni e.
    2. Mizoram Synod hnuaia Women Centre-ah Contract Basis-a thawk tur, Superintendent pakhat (Hmeichhia) Graduate chin (Thoelogical Degree nei duhsak bik an ni ang), kum 30 – 40 inkar tan dil theih a ni. Standard Form, Synod Office Gen. Administration Departmeng atang la chhuakin June 23, 2016 (Ningani) dar 5:00 thleng thehluh theuh a ni.
Screening Test    :    June 25, 2016 (Inrinni) dar 10:30 AM
Interview    :    June 29, 2016 (Nilaini) dar 10:00 AM

            Sd/-
            ( REV. LALRAMliana )
            Sr. Exe. Secretary
            Synod Office : Aizawl


CHHAWMDAWLNA PE

    Tun hnaia harsatna hrang hrang neite hnenah Synod Relief Fund atangin chhawmdalna hetiangin pek a ni :-
1. Teirei Forest-a dam lo/rethei chhungkaw 1 hnenah Rs. 4,000/- an hlan.
2. Zohmun khuaa thli leh rialin a tihchhiat chhungkaw 4 hnenah Rs. 14,000/- an hlan.


PROGRAMME

Dt.12.6.2016    :    Sunday School
Tantu    : Pu T. Sangzuala
Thupui    :    ‘Penticos hnua Thlarau Thianghlim hnathawh’
Pawl lak dan    :    Mahni Pawlah theuh lak tur

Dt.12.6.2016    :    Pathianni chawhnu
Thusawitu    :    Pu Thanthuama

Dt.12.6.2016    :    Pathianni zan
Thusawitu    : T. Upa N. Zokunga
Tawngtairual    :    Rampum huap tawngtairual

Dt.15.6.2016    :    Nilaini zan
Tantu    :    Pi Laldinpuii (B-3)
Thupui    :    ‘Pathiam hnam thlan – Israel-te’
Hawngtu    :    Tv. Lalremliana

Dt.18.6.2016    :    Inrinni zan
Thusawitu    :    Pu Vanlalchhuanga


KRISTIAN THALAI PAWL

Dt.13.6.2016    :    Thawhtanni zan

Hruaitu  :    Tv. Zoramthara,
      Committee Member

Tantu    :    Tv. Laldawngliana,
        Upa Kutdenga Group

Thusawitu    :    Tv. P.C. Lallawmzuala,
        Asst. Secretary

Bible Reading    :    Nl. Zosiampari

Spl. Prog.    :    Diamond Jubilee thlirletna

Zai hruaitu    :    Tv. siamthangpuia

Musicians    :  
        Tv.Zarzokima
        Tv. C. Lalruatfela
        Tv. Vanlalnghaka
        Tv. Lalawmpuia Hauzel

Thilpek lakhawmtu
    :    Nl. Lalngaihawmi
        Nl. Lalbiaktluangi

Hla hriltu    :    Nl. Lallawmkimi (B-2)


KOHHRAN HMEICHHIA

Dt.7.6.2016    :    Thawhlehni zan
Hun hman dan    :    Rampum huap chawnghei tawngtai
        (World Day of prayer)
June thla khuangpu
    :    Pi Vanlalchhuangi & Pi Lalzawni
Thilpek lakhawmtu
    :    Pi Vanlaldiki


KOHHRAN PAVALAI PAWL

Dt.9.6.2016    :    Ningani zan
Hruaitu    :    Pu Laltlanliana
Tantu    :    Pu Laltluanga
Thusawitu    :    Pu B.K. Remmawia

PRODUCTION STAFF
Editor    :    Lalkhawmawia
Jt. Editor    :
            P.C. Lallawmzuala
            David Rualtinkhuma
News Editor    : 
            Lallawmkimi
            Siamthangpuia
            A. Lallawmsanga
Cir. Manager    : 
           Vanlalnghaka
            Zonunsanga
            Zonunkima

BRANCH KTP KUM 60-NA DIAMOND JUBILEE LAWMNA JUNE 6 – 10, 2016

Kohhran Entu : The 5th June, 2016 (Pathianni) :  Kum 1956, June ni 10 (Pathianni) chawhnua Hlimen Branch KTP din a nih tirh atanga kan kum 60-na (Diamond Jubilee kan lo thleng dawn ta. Branch KTP Committee chuan phak ang tawkah ropui taka lawm nise a ti a. Programme kimchang pawh hetiangin ruahman a ni :-

June 6, 2016 (Thawhtanni) :
Dar 7:00 PM : Pathian biak inkhawm (Jubilee hawnna inkhawm)
A hmun : Biak In
Hruaitu : Tv. Lalkhawmawia, Branch Treasurer
Tantu : Nl. Zoremtluangi, Branch Committee Member
Jubilee hawnna &
Souvenir tlangzarh : Upa Lallianzama, Kohhran Represent (2016)
Zaipawl : Jubilee Zaipawl
Thuchah : Upa N. Siamliana (Kan Kohhrana lawi mek, Leader Sr. ber)
Guest Artists : One In Christ
Hla hriltu : Nl. Lalmalsawmi
Inkhawm ban : Jubilee Meidet
Meidettu : Tv. R. Lalawmpuia, Branch Leader

June 7, 2016 ( Thawhlehni) :
Dar 7:00 PM : Group pual inkhawm
A hmun : Kohhran Hall
Hruaitu : Pu H. Lallawmsanga, Leader, Upa Rokunga Group
Tantu : Tv. Lalruatfela, Fin. Secretary, Upa Thangkima Group
Thuchah tawi : Pu Lalrinawma Kawlni, Asst. Leader, Upa Kutdenga Group
Hla hriltu : Nl. C. Lalhriatpuii
Solo : Nl. Lalthansangi, Upa Pengthangvunga Group
Sand Art : Upa Rokunga Group
Live Band : Junior Group
Shadow Dance : Upa Rokunga Group
Shortplay : Upa Kutdenga Group
KTP Hlimthla : Upa Pengthangvunga Group
Mit titlai : Upa Thangkima Group

June 7, 2016 ( Nilaini) :
Dar 7:00 PM : Pathian biak inkhawm
A hmun : Biak In
Hruaitu : Tv. P.C. Lallawmzuala, Branch Asst. Secretary
Tantu : Tv. Lalengkima, Branch Committee Member

Thusawitu : Pu Zonunsanga, Treasurer, Central KTP
Zaipawl : Mission Veng Bial Zaipawl (Thusawitu rawn hruai tur)
Hla hriltu : Nl. Lallawmkimi
Inkhawm ban : Inpawlhona
A hmun : Kohhran Hall
Hruaitu : Tv. F. Laltlanhlua, Branch Committee Member
Thupui : ‘Kristianna leh tunlai khawvel ( Thalaite-ah)’
Resource Person : Pu Lalengmawia, Hlimen

June 9, 2016 ( Ninganni) :
Dar 7:00 PM : Fakna inkhawm
A hmun : Kohhran Hall
Hruaitu : Pu A. Lallawmsanga, Branch Secretary
Tantu : Nl. Lalruatfeli, Branch Committee Member
Hla hriltu : Nl. Lalmalsawmi
Solo : 1) Nl. Zoramchhani, Chanmary (Guest Artist)
2) Tv. Lalhmingliana @ Bethlehem (Guest Artist)
3) Tv. Andrew Laltlankima, Kolasib (Guest Artist)
4) Nl. Lalruatdiki, Hlimen
5) Pu Laltleipuia, Hlimen

June 10, 2016 ( Zirtawpni) – Golden Jubilee ni :
Dar 9:30 AM : Monument hawn
Hawngtu : Upa R. Thangkhuma, Hmunthar (O.B. hlui Senior)
Jubilee dar vuak : Monument hawn zawh hian Jubilee Dar vuak a ni ang.
Dar 10:30 AM : Pathian biak inkhawm
A hmun : Biak In
Hruaitu : Tv. Lalchhandama, Branch Asst. Leader
Thupui : ‘Pathian nena lendun’ (Mika 6:8)
Sawitu : Rev. H. Zothansanga, Leader, Central KTP
Zaipawl : Jubilee Zaipawl & Bial Zaipawl
Hla hriltu : Nl. C. Lalhriatpuii

Dar 12:00 Noon : Thingpui ruai

Dar 1:00 PM : Hruaitu chawimawi
A hmun : Kohhran Hall
Hruaitu : Nl. Mimi Zohmingmawii, Branch Fin. Secretary
Chawimawina : Hruaitu chawimawi turah hian Branch O.B lo ni tawh
min la dampuite leh tuna hruaitu (OB)-te
Hlantu : Pastor C. Sapkaia, Bialtu Pastor
Solo : 1) Nl. Lalramnghaki
2) Nl. Zothanpuii
Thusawi tawi : Pi Rohmingliani (5 Mins)
Thusawi : Hruaitu hluite atangin (5 Mins. zel)

Dar 3:30 PM : Diamond Jubilee ruai theh

Dar 7:00 PM : Pathian biak inkhawm (Jubilee kharna inkhawm)
A hmun : Biak In
Hruaitu : Tv. R. Lalawmpuia, Branch Leader
Thusawitu : Pastor C. Sapkaia, Bial Chairman
Zaipawl : Jubilee Zaipawl & Bial Zaipawl
Hla hriltu : Nl. Lallawmkimi

CHANCHIN TAWI

Zaipawl : Kohhran Zaipawl te’n June 5 (Pathianni) zan inkhawm banah Branch Diamond Jubilee-a Jubilee Zaipawl te’n hla kan rem tur zir tur a ni a, member a tam thei ang berin hla zir nise.

pakhatna : Bial KTP Bible Quiz, Saikhama-kawn Kohhran Biak Ina neih zawh takah kan Branch chuan lawmman pakhatna kan la hlauh mai. Lawmmanah hian Koh-hranho hman tur chi Dekchi lian tha tak chu Branch aiawhin Tv. Lalchhandama, Asst. Leader-in a dawng.

volleyball : YMA Day, 2016 lawmna atan Branch YMA chuan Volleyball Tournament a buatsaih mek a, member te’n an hlut hle.

diamond jubilee pual : Branch Committee member te’n Diamond Jubilee puala kan remchan ang ang thawh-khawm tur tih kha mahni remchan hunah theuh Fin. Secy. Nl. Mimi Zohmingmawii hnenah thehluh theuh tur a ni.

souvenir : Diamond Jubilee puala Souvenir buatsaih chu Diamond Jubilee hawn zan inkhawm ban atangin Reception Counter-ah Rs. 50/- in a lei theih ang.


EDITORIAL

Pathian hruainain KTP te’n kan kum 60-na (Diamond Jubilee) hial kan lo thleng ta. Min lo hrethiam teh u! Tun Kohhran Entu chhuak pawh heti lam hlir a ni mai!
Kum 2006-a Golden Jubilee kan lawm khan, ‘Dam rei nghah thil’ nia kan ngaih chu kan lo hmang dawn chu a ni ta reng mai! Min hruaitu kan Pathian hnenah lawmthu kan sawi mawlh mawlh a ni.
Kum 60 chhung teh mauh mai Pathian hruaina dawnga Hlimen Branch-in kan kum 60-na hial kan lo lawm thei hi a ripui tluk zetin inenfiahna tur erawh tam tak kan nei!
Tisa thilah pawh kum 60 chu ‘an puitling’ tur a ni ringawt! Vawiina KTP-te hi kum 60 mi hmel kan pu em? Kum 60 chuan thil tam tak a paltlang tawhin zir tur pawh a zir ve fe tawh turah ngai ila. Vawiina KTP-te hian zir zawh tawh kan nei ngei ‘kal zirtir ngai KTP’ kan ni tih kan inenfiah a tul hle.
Hlim taka kum 60-na lawm e ti lo chuan nausen ang maia chaw barh chawp ngai kan la nih fo chuan kan kum pungin kan rilru a thang lo tihna a ni ang a, rilru kim lo kan ni ang..!!


Thuvawn : Mika 6:8
“Aw mihring, tha chu a entir tawh che a ni; LALPA’N a phut che chu engnge ni? Dik taka tih leh khawngaihna ngainat leh i Pathian hnena thuhnuairawlh taka lendun a ni lo vem ni?

CHANVO NEI TUR
Branch KTP Diamond Jubilee kan lawm hun {June 10, 2016 (Zirtawpni)}-a Fatu atan heng mite hi tlawmngai tura ruat leh ngen an ni :-
1) Tv. R. Lalrindika 2) Pu Lianhmingthanga
3) Pu Zoramsiama 4) Tv. Lalrinliana
5) Pu Vanmawia 6) Tv. Lalpekthanga
7) Pu Lungmuanzova 8) Pu David Vanlalhuma
9) Pu B.K. Remmawia 10) Pu Laltluanga
11) Pu Zoramthanga 12) Pu Lalthantluanga
13) Pi Saidingluaii 14) Pi Vanlaldiki
15) Pi Lalrozami 16) Pi R. Lalhmingthangi
17) Pi Lalrempuii 18) Pu Pachhunga
19) Pu Lalfakzuala
Heng eisiam tura ruatte hi zing dar 6:00-ah che chhuak tura ngen an ni a. Tukthuan pawh a hmunah eiho nghal tura ngen an ni.

Branch KTP Diamond Jubilee lawm hun chhung (June 6 – 10, 2016) zan lama thingpui lum turin heng mite hi ruat leh ngen an ni :-
1) Tv. R. Lalrindika 2) Pu Zoramsiama
3) Pu Zairemthanga 4) Tv. Lalrinliana

Diamond Jubilee huna Biak In leh Hall programme-a chanvo nei tur dangte :-
Zai hruaitute :
                1) Pu H. Lallawmsanga (Convener)
2) Tv. Siamthangpuia
3) Tv. Lalruatkima
4) Nl. Lallawmkimi (B - 4)
5) Nl. Zoremtluangi
6) Nl. K. Lalrawngbawli
Musicians :
                1) Tv. Lalawmpuia Hauzel
2) Tv. Zonunkima
3) Tv. C. Lalruatfela
4) Tv. Lalremsiama
Sound Duty :
                1) Pu David Rualtinkhuma
2) Tv. Vanlalnghaka
3) Tv. Vanlalruatsanga
4) Tv. Zonunsanga

THLATIN THAWHLAWM
May thla chhunga KTP thlatin thawhlawm luh dan hetiangin :-
Bial 1-na Nl. Zoremtluangi Bial – ` 5,590/-
Bial 2-na Tv. Lalengkima Bial – ` 2,280/-
Bial 3-na Tv. Siamthangpuia Bial – ` 6,740/-
Bial 4-na Nl. Zoramchhuani Bial – ` 1,290/-
Bial 5-na Tv. Zarzokima Bial – ` 1,130/-
Bial 6-na Tv. F. Laltlanhlua Bial – ` 890/-
Bial 7-na Tv. Lalremruata Chawngthu Bial – ` 2,065/-
Bial 8-na Tv. Vanlalnghaka Bial – ` 1,010/-
Bial 9-na Tv. P.C. Lallawmzuala Bial – ` 1,380/-
Bial 10-na Tv. Zoramthara Bial – ` 1,090/-
Bial 11-na Tv. Lalchhandama Bial – ` 840/-

Total – ` 24,305/-

PROGRAMME

Dt.5.6.2016 : Sunday School
Tantu : Pi Nunthari
Thupui : ‘Zirtirte hnena Thlarau Thianghlim pek thu’
Pawl lak dan : Mahni Pawlah theuh lak tur

Dt.5.6.2016 : Pathianni chawhnu
Thusawitu : Upa C. Zothanliana

Dt.5.6.2016 : Pathianni zan
Thusawitu : Upa Lalengliana

Dt.8.6.2016 : Nilaini zan
Branch KTP Diamond Jubilee lawm avangin programme siam a ni lo.

Dt.11.6.2016 : Inrinni zan
Tantu : Pi Zoramnghini
Hun hman dan : Rilru sawi

KRISTIAN THALAI PAWL
Dt.6.6.2016 : Thawhtanni zan
Diamond Jubilee lawmna programme siam a ni tawh a, phek 1-na lamah tarlan a ni.

KOHHRAN HMEICHHIA
Dt.7.6.2016 : Thawhlehni zan
Branch KTP Diamond Jubilee lawm avangin programme siam a ni lo.

KOHHRAN PAVALAI PAWL
Dt.9.6.2016 : Ningani zan
Branch KTP Diamond Jubilee lawm avangin programme siam a ni lo.

BRANCH TLAWH DAWN
June 20 (Thawhtanni) zan hian Bial KTP hruaitute chuan kan Branch min rawn tlawh dawn a. He hunah hian Bial Secretary Pu Robert Lalchhuanliana hnen atangin Pathian thuchah ngaihthlak a ni ang a, Bial Zaipawl te’n zaia rawngbawlna an rawn nei ang.

LAWMTHU SAWINA
Bial KTP Bible Quiz leh Hla Kutpui hman zawh takah Member zawng zawngte chungah Branch Committee chuan lawmthu a sawi mawlh mawlh a. A bik takin Quiz-a Branch aiawhtute vangin lawmman pakhatna kan ni hlauh bawk a, kan va lawm em!
Tin, Branch aiawha Fellowshipa chanvo neite leh zaipawl member zawng zawngte leh chhimtu zawng zawng bakah man tlawm taka bus min hmantirtu Pu Lalhmingmawia chungah Branch Committee chuan lawmthu a sawi mawlh mawlh a ni.
Sd/-
( A. LALLAWMSANGA )
Secretary

REVIVAL MEET
June 5 (Pathianni) hmang hian Bungkawn Kohhran Biak Inah Synod Revival Meet hman a ni dawn a, tunah hian bul tan a ni tawhin June 4 (Inrinni) zan hian a vawi khat nan kan Bial Zaipawl te’n zaia rawngbawlna an nei. chanchin buatsaih lai hian an dinhmun kan hre hman lo.

JUBILEE PUAL BIBLE CHHIAR CHHUAH
Branch KTP Diamond Jubilee pualin pawn lama hriat theih turin Holy Bible chhiar chhuahna hun hman a ni leh dawn a, a hun tur hi rel a la ni lo. Hetihrual hian, KTP member a duh apiangin Holy Bible hi mimalin chhiar chhuah theih a ni ang a, a chhiar chhuakte hnenah kumin kum tawpah lawmman pek leh tum a ni.

SAWMNA
Branch Diamond Jubilee lawmna programme chhungah Kohhranhote a tam thei ang berin min tawiawm tur leh Pathian bial inkhawm lamah tan min lakpui turin kan sawm tak meuh meuh a che u.
A bik takin June 8 (Nilaini) zan hian Central KTP Treasurer-in Pathian thuchah a rawn sawi ang a, Mission Veng Bial Zaipawl te’n zaia rawngbawlna hun an rawn hmang bawk ang. Tin, Jubilee lawm Ni, June 10 (Zirtawpni) hian Central KTP Leader-in Jubilee thupui ‘Pathian nena lendun’ tih a rawn sawi dawn bawk a. Kohhranhote’n min hlutpui turin kan sawm tak meuh meuh che u a ni.
Sd/-
( A. Lallawmsanga )
Secretary
KTP INKHAWM DAN
May 30, 2016 (Mon) zan KTP inkhawm dan :-
Upa Pêngthangvunga Gr. : 19
Upa Kûtdênga Gr. : 21
Upa Thangkima Gr. : 19
Upa Rokûnga Gr. : 21
Junior Gr. : 1
Mi dang : –
Total : 81
Thawhlawm : 1,080
Mi 1 thawh dan : 13.33

THLIRNA 

Vawikhat chu tlangval pakhat hian zu a rui a, a zu rui chu a pa-in a lo hria a. A tukah a zui lo rehin a fapa hnenah chuan aw dam diaiin, “Mama, zu ruih hi a tha lo tih ka sawi fo tawh a, i u-te pawh ka zilh fo tih i hre tho si a! Nang leh zelin i ti ang maw?” a han ti dap dap mai a!
Chu tlangval chuan chu a pa aw dam diai leh ngenngawl tak si, hmangaihna aw-ka ni bawk si chu nek lui ngam lovin zu chu a lo thlah hlen phah ta!
He tlangval hian a lo mamawh ber chu ‘tiang aiin hmangaihna aw-ka’ tih a chiang hle. Tiang hmanga enkawl ni ta se, a thlah zui ang em? A runluih phah ang em? Nge a sim zui tho ang?
Mi tam tak hi chu ‘hmangaihnaa aw-ka dam diaia enkawl ngai chi’ kan nih laiin mi tam tak hi chu ‘hmangaihna tiang hmanga enkawl dam chi’ kan ni thung.
Nu leh pate, Kohhran leh ram hruaitute pawh hian kan enkawlte hi eng ang mi nge an nih, engtia tih chi nge, engnge an ei duha an duh loh, engnge than nan an mamawha puitlin nan hmanrua eng ang nge an duh tih hre lovin, tha nia kan hriatin kan fahin kan barh mawlh mawlh a, kan khawlo zo ta ni berin a lang.
Kan Bible chuan, “Naupang chu a kalna awm kawngah zirtir ula,” min ti a. Kan naute hi an kalna awm kawng hriatpui leh ngaihven hi kan tihmakmawh a ni a. Chumi hre lo va kan arkhawthimdai ve mai a nih chuan..??

PRODUCTION STAFF
Editor : Lalkhawmawia
Jt. Editor :
P.C. Lallawmzuala
David Rualtinkhuma
News Editor :
   Lallawmkimi
Siamthangpuia
A. Lallawmsanga
Cir. Manager :
   Vanlalnghaka
Zonunsanga
   Zonunkima