Hlimen the 24th April, 2016 (Pathianni) : Hlimen Pastor Bial Inkhawmpui Vawi 51-na leh Bial Golden Jubilee chu April 21, 2016 (Ningani) atanga tang khan tluang takin hman mek a ni a. April 24, 2016 (Pathianni) zan hian a tiak ang.

April 21, 2016 (ningani) :
Ruahman lawk angin Stading Commitee dar 10:00 AM-ah neih a ni a, chawhnu dar 1:00-ah Nomination Committee neih leh a ni a, tlai lamah Nomination Committee-te zanriah kilpui an ni.
Zan dar 7:00-ah report leh palai lawm inkhawm neih a ni a. Upa Rualkhuma, Hlimen-in tanna hun hmangin Kohhran tin Secretary leh Bial Secretary (Sr.) hnen atangin report ngaihthlak a ni a, Hlimen Vengthar Kohhran Zaipawl leh Bial Zaipawl te’n zaia rawngbawlna an nei.

April 22, 2016 (zirtawpni) :
Nilenga rorel neih a nih hnuin tlai lamah dawngtu Kohhran zanriah buatsaihsak chu kilho a ni.
Zan dar 7:00-ah Pathian biak inkhawm neih a ni a. Upa Lalthawmliana, Melthum hnen atangin Pathian thuchah ngaihthlak a ni a, Melthum Kohhran Zaipawl leh Bial Zaipawl te’n zaia rawngbawlna an nei.

April 23, 2016 (Inrinni) – Golden Jubilee lawm ni :

Dar 9:30 AM-ah Golden Jubilee dar vuak a ni a, dar 9:50 AM-ah Jubilee meidetna hun Upa H. Ronghaka, Synod Secretary-in hmangin dar 10:00 AM-ah Bial Chairman Pastor C. Sapkaia’n Monument hawng lehin dar 10:30 AM-ah Pathian biak inkhawm neih a ni.
He hun hi Rev. Vanlalvena, Hlimen Damveng-in kaihruaiin lawmthu sawi tawngtai rual neih a ni a. Rev. Robawiha, Vaivakawn-in Golden Jubilee Souvenir tlangzarhna hun hmangin Rev. S.R. Lalkailuaia, Dawrpui Vengthar hnen atangin thuchah ngaihthlak a ni. Jubilee Zaipawl (Kohhran tin Zaipawl infinkhawm) te’n ‘Halleluiah Chorus’ chu remin Bial Zaipawl Conductor Pu Lalrohnuna’n a kaihruai a ni.
Chawhnu dar 12:30-ah Kohhran Hall-ah Jubilee Zaikhawmpui neih a ni a, Upa Thansanga, Hlimen Damveng Kohhran-in a kaihruai.
Tlai lam dar 3:00-ah Jubilee lawmna ruai kilho a ni.
Zan dar 7:00-ah Pathian biak inkhawm neih a ni a. Bial Chairman kal chhuak Upa Vanlalzuia’n inkhawm kaihruaiin Rev. Lalramliana, Pachuau, Sr. Exe. Sexretary, Mizoram Synod hnen atangin thuchah ngaihthlak a ni a, Bial Zaipawl te’n zaia rawngbawlna hun an hmang bawk.


April 24, 2016 (Pathianni)
10:00 AM : Pathian biak inkhawm
Thupui : ‘Saltlang chhuah’ (Luka 4:18)
Sawitu : Upa Lalhmuchhuaka, Hlimen
Zaipawl : Hlimen Kohhran & Bial Zaipawl

1:00 PM : Lalpa Zanriah Sakramen
Thehtu : Pastor C. Sapkaia, Bialtu Pastor
Zaipawl : Saikhamakawn Kohhran
Inkhawm ban : Mual Inkhawm
A hmun : Hlimen Kohhran Hall
Hruaitu : Pastor C. Sapkaia, Bial Chairman
Thusawitu : Upa Zonunmawia, Saikhamakawn

7:00 PM : Pathian biak inkhawm
Valedictory Sermon : Upa Vanlalzuia, Bial Chairman kal chhuak
Zaipawl : Hlimen Damveng Kohhran & Bial Zaipawl

CHANCHIN TAWI

@ April 25 (Mon) zan hian KTP te’n Neih thil/thiam thil thehkhawm neih tur a ni a. Member-te mahni zawn theuhvah thahnem lo ngai theuh turin kan inngen a ni.

@ Bial Golden Jubilee Banner, Main Gate leh thil danga chei vel hi Pu Andrew Lalrinchhana (B-1) leh Pu Lalbiaksanga (B-6)-te kutchhuak a ni. Hetiang mi talent nei kan awm hi kan vannei hle.

@ Bial Inkhawmpui atana Usher tura ruatte, vawiin Pathianniah chuan a duty tur bik inruat tawh lovin, Usher atana ruat zawng zawngte kim taka duty vek tur a ni. Pathianni bikah chuan duh duh kawr hak tur a ni ang a, kan puan bih tur chu puan plain a ni ang. Mipa inthuam dan tur chu mahni neih ang ang a ni thung ang.

@ April 26 – 30, 2016 chhung hian Agape Gospel Rhema Team leh Hlimen Isua Krista Kohhran tang kawp chuan Chhandamna Camping an buatsaih dawn a. He Camping-ah hian kan Kohhran atanga lut duh kan awm a nih chuan a duh apiang tan a luh theih a.

BIAL INKHAWMPUI ROREL TLUANG TAK ZAWH A NI

Hlimen the 24th April, 2016 (Pathianni) : Hlimen Pastor Bial Inkhawmpui Vawi 51-na Rorel chu tluang tak zawh a ni ta. Rorel palai pawh an kal tha hle.

    April 22, 2016 (Zirtawpni) khan (Bial Golden Jubilee lawm a nih bawk avangin Inkhwmpui Rorel hi zirtawpni-ah neih a ni) nilengin kan Kohhran Biak Inah rorel neih a ni a. Kumin Rorel Ni hi sawrkar chawlh a nih loh avangin rin phak bakin rorel palai an kal tha hle, Pathian malsawmna a ni.
Palai te’n thahnemngai tak ro an rel hnuin hetiangin passed a ni :-

1) Kum 2017 Bial Inkhawmpui chu April 21 – 23, 2017-ah Saikhamakawn Kohhran Biak Inah neih a ni ang.
2) Rorel Agenda hrang hrangte rel a ni a. Kan tarlang vek seng lo vang. Kan hriattur pawimawh zual Rorel Agenda General 7 awmah hengte hi kal zel tura tih a ni :-
a) Bial bu kan siam thin tih tawp rawtna chu la kal zel tura tih a ni.
b) Pastor Quarters hnuai luah theiha siam tura hmalak
c) Bial Golden Jubilee denchhena thlarau saltang chhanchhuah dan kawng Kohhran tinin zawn
d) Hlimen Kohhran Tual Upa 4 thlan dilna remtihsak

EDITORIAL

Kumin chu kan ti tlut tlut a ni ber mai! A bikin thalaite kan hah tlang hle tawh tih kan chetziaah a hriat theih.
  Inkhawmpui, March thlaah KTP General Conference, April thlaah Bial Inkhawmpui kan dawng a.
Heng bakah hian hma-chhawp – May thlaah Bial KTP Musical Meet, June thlaah Branch KTP Diamond Jubilee!
KTP a din tirh atanga hetiang ang taka programme kan ngah leh hman zawn hi thil vang tak a ni ang.
Thalaite pawh kan hahin kan rim tawng hle a, a chang phei chuan kan ti mai mai ni berin a hriatna lai a awm!
Amaherawhchu, hetiang hun hmang leh tawng theia kan awm hi kan chhut chiang ngai em? He hun hmang thei lo mi engzat nge mual min liamsan awm tawh ang? Tin, he hun hmang thei lo mi engzat nge lo la awm tur?
Pathian malsawmna kan dawn a ni tih hriaa thahnemngai taka kan kova innghat kan hlen hi kan timakmawh, kan kova innghat tlat a ni tih kan hriat thar leh thin a pawimawh hle.

MAY THLA CHANVO NEI TURTE

Meeting Chairman : Upa N. Siamliana
Zai hruaitu : 1) Pu Ramsanga
2) Pu Vanlalchhuanga
Pianist : Tv. Lalkhawmawia

Biak in gallery tukverh chhia!
April 22, 2016 (Zirtawpni)-a Bial Inkhawmpui Rorel chhun chawlh laiin khua a lum avanga kan Biak In chhung boruak tihzangkhai nana Biak In chung Gallery tukverh hawn chu thliin a chhemin a inhlap keh chiam mai a. He a keh hi kawngpuiah tla thlain thing them leh darthlalang a darh chiau mai a!
Kha ti taka mipui tam leh zi nuaih nuaih karah, mi kal thawl lai taka rawn tle keh leh tumah hliam awm lo va kawngpui chara rawn tla tawp mai kha a va’n mak tak em! Mihrign vanneihna piahah min vengtu Pathian malsawmna a ni! Lawmthu i sawi mawlh mawlh ang u!

KOHHRAN AIAWH PALAI

Kumin Bial Inkhawmpui-in a rel angin kan Kohhran aiawha Bial leh Presbytery bakah Synod-a chanvo nei tur leh palai turte :-
1. Bial Standing Committee (2016 – 2017)
1) Upa N. Siamliana
2) Upa Lalhmuchhuaka
3) Upa C. Zothanliana

2. Bial Nomination Committee (2017)
1) Upa Rinngaia

3. Bial Sunday School Committee (2016 – 2017)
1) Upa Vanlalzuia
2) Pu A. Lallawmsanga

4. Presbytery Standing Committee Member (2016 – 2017)
1) Upa Rinngaia

5. Presbytery Palai tur (2016)
1) T. Upa N. Zokunga
2) Pu Zosiama
3) Pu Lalnghakliana
4) Pu Saikapkunga
5) Pu R. Hmingthansiama
6) Nl. Mimi Zohmingmawii

6. 2016 Synod Inkhawmpui Palai tur
1) Upa Lalhmuchhuaka
2) Upa Lallianzama

FELLOWSHIP AIAWH

Kum 2016 Presbytery-a Bial Kohhran Hmeichhe aiawha palai turin Pi Lalhluani, Bial Hmeichhe Vice Chairman, Melthum leh Pi Lalchhingpuii, Bial Hmeichhe Treasurer, Saikhamakawn-te ruat an ni.
Tin, Bial KTP aiawha Presbytery-a palai turin Pu Robert Lalchhuanliana, Bial KTP Secretary, Melthum leh Pu John Vanlalpeka, Bial KTP Committee Member, Hlimen Damveng Branch-te tirh an ni ang.


PROGRAMME

Dt.24.4.2016 : Pathianni chawhma
Hun hman dan : Bial Inkhawmpui

Dt.24.4.2016 : Pathianni chawhnu
Hun hman dan : Bial Inkhawmpui

Dt.24.4.2016 : Pathianni zan
Hun hman dan : Bial Inkhawmpui

Dt.27.4.2016 : Nilaini zan
Tantu : Pu Lalramenga
Thupui : ‘Mihring hmasa Evi leh Adama tlukna’
Hawngtu : Pi Lalrempuii (B-5)
Report : Hlimen Pastor Bial Inkhawmpui leh
        Bial Golden Jubilee

Dt.30.4.2016 : Inrinni zan
Tantu : Pi Lalremruati (Remtei)
Hun hman dan : Rilru sawi leh tawngtai rual

KRISTIAN THALAI PAWL
Dt.25.4.2016 : Thawhtanni zan
Hruaitu : Tv. Lalkhawmawia, Treasurer
Tantu : Nl. Lallawmkimi, Upa Rokunga Gr.
Hun hman dan : Neihthil/thiamthil thehkhawm leh
lilam
Lilamtu tur :
Tv. F. Laltlanhlua &
Nl. R. Zonunmawii, C/M

Short Sermon :
Tv. Lalremruata Chawngthu, C/M

Bible reading :
Nl. Lalchhantluangi (B-4)

Zai hruaitu :
Tv. Lalruatkima

Musicians :
Tv. Zarzokima &
Tv. Vanlalnghaka

Thawhlawm khawntu
: Nl. Lalruatfeli &
Nl. Remlalmuani

KOHHRAN HMEICHHIA
Dt.26.4.2016 : Thawhlehni zan
Hruaitu : Pi Vanlalchhuangi
Tantu : Pi Zohlunsangi
Thusawitu : Pi Lalsawmi

KOHHRAN PAVALAI PAWL
Dt.28.4.2016 : Ningani zan
Chairman : Pu Lalthuama
Tantu : Pu Lalhunthara
Thusawitu : Pu R. Hmingthansiama

BIAL BUHFAITHAM ZIAKTU
Kum 2016 – 2017 Bial Buhfaitham ziaktu atan heng mite hi ruat an ni :-
Secretary : Pi Lalhmangaihsangzuali, Saikhamakawn
Asst. Secretary : Pi Zonunsangi, Hlimen Damveng

2017 BIAL INKHAWMPUI PUIPA TURTE
Chairman :
Upa R. Lalngena, Saikhamakawn

Secretaries :
Upa C. Lalengzauva (Sr.), Hlimen Damveng
Upa H. Vanlalrenga (Jr.), Melthum

Treasurer :
Upa Lalengliana (Synod sum), Hlimen
Upa Sangzarliana (Bial sum), Hlimen Vengthar

BIAL MASIHI SANGATI OFFICE BEARERS
Chairman : Upa Lalremsanga, Melthum
Vice Chairman : Pu Zolianchhunga, Hlimen
Secretary : Tv. Laldinpuia Hauhnar, Melthum
Asst. Secretary : Tv. P.C. Lallawmzuala, Hlimen
Treasurer : Nl. K. Lalrawngbawli, Hlimen
Fin. Secretary : Upa R. Thangmawia, Hlimen Damveng
Ex-Officio : Pastor C. Sapkaia, Bialtu Pastor
Pu Lalduhawma, Evangelist, Masihi Sangati

ZANRIAH EITUR
Bial Inkhawmpui kan dawn mekah Kohhran chhung tinte, Pathianni tlaia mikhual lo dawngsawng thei tura inbuatsaih nise. Tuna mikhual nei tawh sate pawhin a tul dan anga neih belh lo inhuam turin kan inngen tak meuh meuh a ni.

KTP INKHAWM DAN
April 11, 2016 (Mon) zan KTP inkhawm dan :-
Upa Pêngthangvunga Gr. : 18
Upa Kûtdênga Gr. : 20
Upa Thangkima Gr. : 20
Upa Rokûnga Gr. : 21
Junior Gr. : –
Mi dang : 1
Total : 80
Thawhlawm : 1,960
Mi 1 thawh dan : 24.5


DAWN TISEI
Darthlalang keh..!!
Thahnemngai takin palai te’n ro an rel mek a. Dawngtu Kohhran lam pawh theih tawka inbuatsaihin chhun lama palaite eitur siamin an tul hle.
Hemi ni hi khua a lum em avangin Biak In tukverh chu hawn a chakawm hle a; mahse, hawn ngam a ni lo : namen lovin thli a thaw si a!
Bial Chairman-in chhun chawlh leh luh leh hun palaite hnena rawnin chhun an chawlh ta!
Dawngtu Kohhran thingpui leh a hmeh, palaite tana an lo buatsaih chu Hall leh pawn hmun remchangah an chang tlang mek a. Hetihlai tak hian Upate thurawn angin Biak In chhung boruak tihdaih nan Biak In Gallery tukverh thenkhat chu hawn a ni a. Boruak pawh tlemin a danglam ta, chawhnu rorel a nuam deuh ang chu maw..!
Chutia palai te’n chhun chawlh an hman lai chuan an chhuakin an lut sup sup mai a, thli lah a thaw na em em mai lehnghal a! Biak In Gallery tukverh hawnte chu a inthen hlah hlah reng a, palai thenkhatte chuan khar mai a tha lawm maw an tih laiin a rawn ri thuai a, thing them leng leh darthlalang keh chuan dangtu nei lovin kawngpuiah a rawn tle keh chuaih mai! Mi tan tam nen, tumah zuk deuh lo va maw le!
A thing them tla chu enchian a niin a lo mawih deuh tawh a. Chuvanga rawn tla thla ta a ang, darthlalang chu kawngpui tualchara tla a nih avangin a keh lo thei lo! Thil mak a ni lo.
Thil mak tak zawk chu, kha ti taka palai tam leh vei tamna laia tla si, an kal thawl lai taka rawn tla-a tumah hliam lo va kan awm kha Pathian min venna a ni kan ti lo thei lo! Thil dangdai ni lo mah se, thil mak chu a ni na meuh mai!

PRODUCTION STAFF

Editor : Lalkhawmawia
Jt. Editor : P.C. Lallawmzuala
David Rualtinkhuma
News Editor : Lallawmkimi
Siamthangpuia
A. Lallawmsanga
Cir. Manager : Vanlalnghaka
Zonunsanga
Zonunkima