BIAL KTP BIBLE QUIZ HLA KUTPUI SAIKHAMAKAWN BIAK INAH

Kohhran Entu the 29th May, 2016 (Pathianni) : Bial KTP Conference-in a rel leh Bial KTP Committee-in a bawhzui angin Bial KTP Bible Quiz leh Hla Kutpui chu May 28, 2016 (Inrinni) zan atanga tan khan Saikhamakawn Kohhran Biak Inah tluang takin hman mek a ni a, May 29, 2016 (Pathianni) zan hian a tiak ang.

Vawiin programme hetiangin :-
May 29, 2016 (Pathianni)
10:00 AM : Pathian biak inkhawm
Hruaitu : Pu Zahmuaka, Fin. Secretary, Bial KTP
Thuchah : Upa C. Lalengzauva, Bial Secretary (Sr.)
Zaipawl : Kohhran tin atangin Zaipawl pakhat theuh

1:30 PM : Pathian biak inkhawm
Hruaitu : Pu Lalremruata, Committee Member, Bial KTP
Thuchah : Pu H. Zothansiama, Committee Member, Bial KTP
Zaipawl : Hlimen Kohhran & Hlimen Damveng Kohhran

Inkhawm ban Praise & Worship
Hruaitu : Tv. R. Lalhminghlua, Committee Member, Bial KTP
Praise Group Leader : Pu Rony Zodingpuia, Committee Member, Bial KTP

7:00 PM : Pathian biak inkhawm
Hruaitu : Pu Lalduhkima, Asst. Leader, Bial KTP
Thuchah : Pastor C. Sapkaia, Bial Chairman
Quiz result puan leh lawmman sem
: Upa C. Lalengzauva, Bial Secretary (Sr.)
Zaipawl : Bial Zaipawl & Saikhamakawn Kohhran

Inkhawm ban Fellowship
A hmun : Kohhran Hall
Hruaitu : Pu C. Lalnunsanga, Committee Member, Bial KTP
Inhmelhriattirna : 2016 – 2018 Bial Zaipawl Member

Solo : Tv. Lalrempuia, Hlimen Damveng Branch
Pu Reuben Vanlalenkawla, Melthum Branch

Female Voice :
  Saikhamakawn Branch
Melthum Branch
Hlimen Vengthar Branch
Group Singing : Saikhamakawn Branch

Live Band :
  Hlimen Branch
Hlimen Damveng Branch

CHANCHIN TAWI
@ Kohhran Zaipawl te’n May 30 (Mon) zan inkhawm banah Branch Diamond Jubilee-a Jubilee Zaipawl te’n hla kan rem tur zir tur a ni a, member a tam thei ang berin hla zir nise.

@ May thla thlatin thawhlawm hi May 30 (Mon) zan inkhawm banah chhiar tur a ni.

@ Diamond Jubilee pualin June 4 (Inrinni) hian Branch KTP hnatlang neih tur a ni a. Member a tam thei ang ber hnatlang chhuak tur hian kan insawm a ni.

@ Kan Branch Asst. Leader Tv. Lalchhandama pawh a mit na a dam ta a, a rawngbawlna a rawn chhunzawm leh thei ta.

@ Kan Branch Leader Tv. R. Lalawmpuia chu a tonsil zai a ni a, a tonsil hi a lo nat deuh hlek avangin dam turin hun rei zawk a la mamawh dawn a. Tunah chuan damdawi in erawh a chhuahsan tawh.

@ Branch Diamond Jubilee atan Decoration Sub-Committee te’n Hall cheiin hma an la mek a, zan lamah dar 12 pelh chang an nei ta nual mai.

I LAMAH MIN HIP RAWH

(KHB No. 266)

“Dam chhung mi hmuak apiang, i tirh nise, a nuam nge a hrehawm, engpawh nise.” : Phuahtu – Sarah Flower Adams
May 26 : He hla phuahtu hi Sarah Flower Adams a niin a unaunu Elizah Flower-i’n a thluk mawi tak hi a siam sak a. Amah hi Feb. 22, 1805 khan England Rama Essex khaw pakhat Harlow-ah a piang a. Sarah-i hi mi naran lo tak, mi thiam leh a hmu apiangte thinlung hneh thei niin an sawi. A hunlai pawha ngaisangtu ngah tak mai a ni.
Kum 1834-ah John Brydges, Inventor leh Engineer ni bawk nen an innei a. Srah-i hian lemchan a thiam hle a. England-ah hetih hunlai hian stage-a lemchan uar lai leh ngaihhlut lai a la ni a. William Shakespeare-a drama, ‘Macbeth’-ah Lady Macbeth lema changin a hlawhtlinpui nasa mai a. Amaherawhchu, vanduaithlak taka TB natnain a tlakbuak avangin a hna a chhunzawm thei meuh lo va. Thu leh hla lamah ziakin hun tam zawk a hman phah a. Hetah pawh hian a hlawhtling chho zel tho a ni.
He hla phenah hian chanchin mak, chutih rual ruala ngaihnawm viau lawi si hi a tam mai a. Chu’ng zinga sawi hmaih rual loh chu – Kum 1912, April 14-a TITANIC lawm lian pil tuma; chu lawnga Band pawlin an sak kha a ni. Chu lawng chu chutih lai vela lawng ropui ber a ni a. New York panin Atlantic tuifinriatah a kal a, mi hmingthang tam tak an chuang. Chuta chuang zawng zawng chu 2,000 aia tam an ni. Ni thum chauh an kal hman tihin zanlai a ni lek lek ta tihah hian lawng chu a ri ta vak mai a! A alh a! A mi chuangte chuan, “Engnge ni ta?” tiin ngaih tha lovin an inen nasa hlawm mai a! Ralkher dar an han ham a! Eng dang a lo ni lo va, lawng  chuan vur khal a su a, a keh a ni. Tichuan, mi chuangte chu lawng chhuatah chuan an intlar ta a. Lawng kehah chuan tui a lo lut ta huau huau mai a! An chhandamna lawng chuan a daih tak loh avangin a then chu hlauvin an phili nasa hle mai a! Chutih lai tak chuan, “I lamah min hip rawh, Aw, ka Pathian,” tih hi Band-in an han tum ta ruai ruai mai a. Mi chuangte chuan, “Kraws hrehawm pu pawhin ka lo hnai ang, ka hla sak zawngah hian, I lam hnaih ka dil ang, I lamah min hip rawh, Lalpa Pathian,” tiin hla an sa ta a!
George Orrel, Band Master (Rescue Ship) chuan heti hian a sawi, “Heng emergency thilah reng reng, lawnga chuang mipui chi-ai lutuk an lo ziaawm zawk nan Band-ho hi hla zangkhai leh mipui thlamuan thei ang tur tum tura sa tura beisei an ni thin. Hemi tum pawh hian lawng lianin vur tlang a sur tirhah chuan hla zangkhai hran hran sa vel mah se, a sawt chuang lo va, kar lovah thihnain a nang ching dawn tih hriain Band-ho chu mipuiin Pathian hla tum turin an ngen hnuah TINANIC lawng lian chu Atlantic tuipui vur zingah chuan a pil ruai ruai laiin, ‘I lamah min hip rawh Lalpa Pathian,’ tih hla hi an theih chhung chu an sa ta a,” Mi 711 chauh an dam chhuak a ni!
He hla, helai hun taka sak a ni hi a phuahtu phuah chhan emaw tih mai tur khawpa inrem a ni.
William Mckinley, mi ropui zet mai hi USA 25th President a nih mek lai khan itsiktu lak ata silaia kahhliam a nih hnuin natna khumah a mu a, a chau ngawih ngawih tih a hriat a. A nupuiin a kut a chelhsak reng laiin a chakna zawng zawng a sawrkhawm a, a hun hnuhnung a hnai tawh hle tih hre chung chuan a meng leh hram hram a. A nupui hming a rawn lam hmasa phawt a, a han ngawih leh deuh hnu chuan, “I lamah minhip rawh Lalpa Pathian,” tia hlim hmel pu chunga a thusawi hi a thusawi hnuhnung ber nia hriat a ni. Ama puala Wesminster Abbey, London-a Memorial Service an neihnaah pawh Band-ho hla tum a ni nghe nghe.
He hla lo pianchhuahna chu Genesis 28:10–22 tlawh chhana Revd. Wiloiam Fox-a’n, a sermon ziah tlip dan tur a inpuahchah nan Pathian hla tha tak tak a mamawh thu Sarah-i leh a unaunu Elizah-i hnena a hrilh atangin a ni. Sarah-i’n a phuah chhuah hian amah leh Revd. William-te lung pawh a dum hle. He hla hi vawiin thlengin mizote zingah pawh hla lar leh sak hlawh tak a la ni reng mai.
‘I lamah min hip rawh, Aw ka Pathian, Kraws hrehawm pu pawhin kan lo hnai ang; ka hla sak zawngah hian, i lam hnaih ka duh ang.”
Hetah hian mi zawng zawng te’n Pathian hmaah lungchhiatna tak kan nei vek thin a, a tum ber nia lang chu ringtute’n hrehawmna hmunah pawh Isua Krista hnung kan zui zel duhna hi a ni. Chu hmunah vek chuan chhungrilah erawh Pathian fakna thinlung min pek thin thu hi a ni.
‘Vakvai ang ni ila, ni tlak tawhin; thimin mi nang vel a, lung lukhamin; ka mumang lamah chuan, I lam hnaih ka duh ang.”
Mihringte hi kan dam chhung reilo te pawh buaina hlira hmangtute kan ni a, Pathian mi kan nih hma chuan Ama zahngaihna tawng khawp lovin vakvai ang mai kan lo ni thin. Jakoba’n a vahvaihna thlalera lung a lukham a, a mumanga vantirhkoh leh Lalpa a inlar ang hian keini pawh mumang lama Lalpa inlarna ngaitu nia Lal Isua-a innghat nun nei atan min duh.
He hla hi Pathianin thlarau lama a mite muan nan malsawm nan a hmang nasa hle a. Lalpa kan hnaih deuh deuh hian hnehna kan chan belh zual zel tih a lang a ni.
Source – www.zobawm.com

EDITORIAL
KTP member-ah hian kan Kohhran mi kum 14 atanga kum 40 inkar, KTP inhruaina dan zawm a; thiltumte pawm mi a duh apiang tan tel theih a ni a. A tlangpuiin kan tel bawk.
Kuminah hian Junior KTP din a nih avangin KTP activity hrang hranga tel lovin, Junior KTP lama tel mi engemaw zat kan la nei bawk.
KTP rawngbawlna peng hrang hrangah hian Zaipawl rawngbawl hi thil pawimawh tak a ni a, a pawimawhna hre tak tak tur chuan a chhunga ve tel ve a ngai a ni.
Zaipawl rawngbawlna hian kawng engkimah min pui thei nia! Chu pawh chu a hre chiangtu chu a zaipawla tel thin mite bawk an ni.
Pathian biak inkhawm tih lova kan chet rual theihna ber chu Kohhran Zaipawl hi a ni a, chumi lam hawia ke pen tum erawh kan vaiin kan ni lo thung lai tak hi hma kan sawn a hun tawh hle.
Mi Branch-te chu an thiltihna kawng tinrengah an pen rual thiam a, an kal ka a dik thin a ni. Chumi kan rah thiam ve hunah chuan kan pheichheh a kal dik ve mah na! Bei nge sei run dung tih angin beiseina sang tak nen i lo thlir zel ang.

THUVAWN:
Luka 1:37
“Pathian thu chhuak reng reng thil tithei lovin a awm lo vang, a ti a.

KAN KOHHRANAH RAWN PEM
Heng a hnuaia mite hi kan Kohhranah rawn pemin Kohhran pawhin a lawmlut ta.
Durtlang Kohhran atangin :-
Pu H. Lalbiaktluanga-te chhungkua
1) H. Lalbiaktluanga s/o H. Sangthanga (L)
2) Eddie Zonunmawia s/o H. Lalbiaktluanga
3) Jenny Zohmangaihi d/o H. Lalbiaktluanga
4) Mickey Lalnuntluanga s/o H. Lalbiaktluanga
5) Zoremsangi d/o Mickey Lalnuntluanga
Hlimen Damveng kohhran atangin :-
Pu Vanlalhruaia-te chhungkua
1) Vanlalhruaia s/o Zahlira
2) Lalrinfeli w/o Vanlalhruaia
3) Lalruatsaki d/o Vanlalhruaia
4) Remsangpuii d/o Vanlalhruaia

FATU TURTE
Branch KTP Diamond Jubilee kan lawm hun {June 10, 2016 (Zirtawpni)}-a Fatu atan heng mite hi tlawmngai tura ruat leh ngen an ni :-
1) Tv. R. Lalrindika 2) Pu Lianhmingthanga
3) Pu Zoramsiama 4) Tv. Lalrinliana
5) Pu Vanmawia 6) Tv. Lalpekthanga
7) Pu Lungmuanzova 8) Pu David Vanlalhuma
9) Pu B.K. Remmawia 10) Pu Laltluanga
11) Pu Zoramthanga 12) Pu Lalthantluanga
13) Pi Saidingluaii 14) Pi Vanlaldiki
15) Pi Lalrozami 16) Pi R. Lalhmingthangi
17) Pi Lalrempuii 18) Pu Pachhunga
19) Pu Lalfakzuala
Heng eisiam tura ruatte hi zing dar 6:00-ah che chhuak tura ngen an ni a. Tukthuan pawh a hmunah eiho nghal tura ngen an ni.

THINGPUI LUM TUR
Branch KTP Diamond Jubilee lawm hun chhung (June 6 – 10, 2016) zan lama thingpui lum turin heng mite hi ruat leh ngen an ni :-
1) Tv. R. Lalrindika 2) Pu Zoramsiama
3) Pu Zairemthanga 4) Tv. Lalrinliana

BIAL KTP QUIZ- A BRANCH PARTICIPANTS

Hlimen
  Tv. F. Laltlanhlua &
Nl. K. Lalrawngbawli
Melthum :
  Tv. Sam Lalawmpuia &
Nl. Lalhminghlui
Saikhamakawn :
  Tv. Lalnunzira &
Nl. C. Zosangliani
Hlimen Damveng :
   Pu R. Lalmuanawma &
Tv. Andrew Lalnunpuia
Hlimen Vengthar :
  Pu Lalfakzuala &
Tv. Lalrinmawia
Bible Quiz-ah hian Branch aiawha telte chhan tur leh Branch member-te chhan tur a awm ang.

PROGRAMME
Dt.29.5.2016 : Sunday School
Tantu : Pi Chalchhingpuii
Thupui : “Pentikos Ni-a Thlarau Thianghlim thlen thu”

Dt.29.5.2016 : Pathianni chawhnu
Thusawitu : Pu Lalthianghlima

Dt.29.5.2016 : Pathianni zan
Thusawitu : Upa N. Siamliana

Dt.1.6.2016 : Nilaini zan
Tantu : Pi Lalfamkimi
Thupui : “Nova hnena Pathian Thuthlung”
Hawngtu : Pu Lalthuama

Dt.4.6.2016 : Inrinni zan
Thusawitu : Pu Vanlalzawna

KRISTIAN THALAI PAWL
Dt.30.5.2016 : Thawhtanni zan
Hruaitu : Nl. R. Lallawmkimi,
Committee Member
Tantu : Tv. Lalremruata Rawihte,
Upa Pengthangvunga Group
Thupui : ‘Pathian nena len dun awmzia’
Hawngtu : Tv. Siamthangpuia,
Committee Member
Bible reading : Nl. Lalruatkimi (B-7)
Zai hruaitu : Tv. Lalengkima
Musicians : 
  Tv. Lalawmpuia Hauzel &
Tv. Lalnunkima
Hla hriltu : Nl. Lalmalsawmi (B-8)
Thawhlawm khawntu
: Nl. Zoramchhuani &
Nl. Lalliantluangi

KOHHRAN HMEICHHIA
Dt.31.5.2016 : Thawhlehni zan
Hruaitu : Pi Sangkhumi
Tantu : Pi Zohmingliani
Thusawitu : Pi Laldingpuii

KOHHRAN PAVALAI PAWL
Dt.2.6.2016 : Ningani zan
Chairman : Pu H. Lalrinmawia
Tantu : Pu K. Pakunga
Hun hman dan : Sharing

JUNE THLA CHANVO NEITU
Meeting Chairman : Upa Rinngaia
Khuangpu :
  Pu chhuanvawra
Pu Zosiama
Pionist : Tv. Lalawmpuia Hauzel
Thawhlawm khawntu :
  Nl. Lalngaihawmi
Nl. Lalbiaktluangi
Nl. Zorinsangi
Nl. Lalchhantluangi

KTP INKHAWM DAN
May 23, 2016 (Mon) zan KTP inkhawm dan :-
Upa Pêngthangvunga Gr. : 25
Upa Kûtdênga Gr. : 20
Upa Thangkima Gr. : 21
Upa Rokûnga Gr. : 18
Junior Gr. : –
Mi dang : –
Total : 84
Thawhlawm : 1,070
Mi 1 thawh dan : 12.73

THLIRNA
Inkhawm dan a lo ri a, biak in lam pawh zai thawm a lo ri nghal tlak tlak a!
Dan ngaitein an hla sak chu ‘thiam sa’ bawk leh ‘tuipui lam hla bawk’ a lo ni a, a tha viau e, hlim hi a hlu.
Inkhawm tan hma zawng chu hla lar leh thiam zawng hlir mai sa-in kan ri tluk tluk a, kan va tui tak em! Hetiang hi thleng reng mai se!
Chairman chuan hla lak lawh (inkhawm hun chanve vela sak chi hi) sa turin hla a han thlang a! Rin loh daih maiin khuang muang (Solfa hla) thlangin chu pawh kan sak khat deuh mai a rawn thlang a, lam a rem ta hauh loh mai bakah kan thiam lo hlawm hle.
Ka han hawi a, mi thenkhat chu hla bu keng miah lo ka hmu ta tlat mai! Keng chung pawha kan thiam loh chu ken loh phei chuan thiam a har awm hi ka tia!
A aia chik zawkin ka han en a, hla bu keng lo chuan sak ngaihna a awm miah lo chu thuhran, sak tumna a awm lo emaw ni zawk ni?
Kan Kohhran hi hman atang tawhin hla ngai hlirah kan kual kan kual a. YMA thlengin chhiatni thilah pawh hian kan thiam sa lamah kan kual nasa hle a, kan sa hne lek lek zawk emaw ni hial ni?
Hetiang a nih chuan hma han sawn a va’n har dawn tak em! Kan tuipui tur lam ringawt kan nawr vak nge kan la tih ngai loh thil lamah kan suk zawk dawn le? Hmasawnna nei tur chuan kan la dah ngai lo lam kan hawi a ngai thin.

PRODUCTION STAFF

Editor : Lalkhawmawia

Jt. Editor : P.C. Lallawmzuala

David Rualtinkhuma

News Editor :

   Lallawmkimi

Siamthangpuia

A. Lallawmsanga

Cir. Manager :

   Vanlalnghaka

Zonunsanga

Zonunkima

BIAL KTP BIBLE QUIZ HLA KUTPUI HMAN A NI DAWN TA

Kohhran Entu the 22nd May, 2016 (Pathianni) : Bial KTP Conference-in a rel leh Bial KTP Committee-in a bawhzui angin Dt. 28th – 29th June, 2016 chhung hian Saikhamakawn Kohhran Biak Inaah Bial KTP Bible Quiz leh Hla Kutpui hman a ni dawn ta. Programme hetiangin :-

May 28, 2016 (Inrinni)
7:00 PM : Pathian biak inkhawm

Hruaitu : Tv. Lalkhawmawia, Leader, Bial KTP

Tantu : Nl. F. Lalrintluangi, Saikhamakawn Branch

Report : Pu Robert Lalchhuanliana, Secretary, Bial KTP

Zaipawl : Melthum Kohhran & Hlimen Vengthar Kohhran

Thuchah tawi : Pu Jeff Lalhmingsanga, Treasurer, Bial KTP

Inkhawm ban Bible Quiz Competition
A hmun : Kohhran Hall
Hruaitu : Pu Lalhlimpuia, Committee Member, Bial KTP
Quiz Master : Nl. Mimi Zohmingmawii, Asst. Secretary, Bial KTP

May 29, 2016 (Pathianni)
10:00 AM : Pathian biak inkhawm

Hruaitu : Pu Zahmuaka, Fin. Secretary, Bial KTP

Thuchah : Tv. R. Lalawmpuia, Committee Member, Bial KTP

Zaipawl : Kohhran tin atangin Zaipawl pakhat theuh

1:30 PM : Pathian biak inkhawm
Hruaitu : Pu Lalremruata, Committee Member, Bial KTP

Thuchah : Pu H. Zothansiama, Committee Member, Bial KTP

Zaipawl : Hlimen Kohhran & Hlimen Damveng Kohhran

Inkhawm ban Praise & Worship
Hruaitu : Tv. R. Lalhminghlua, Committee Member, Bial KTP

Praise Group Leader : Pu Rony Zodingpuia, Committee Member, Bial KTP

7:00 PM : Pathian biak inkhawm
Hruaitu : Pu Lalduhkima, Asst. Leader, Bial KTP
Thuchah : Pastor C. Sapkaia, Bial Chairman

Quiz result puan leh lawmman sem
: Upa C. Lalengzauva, Bial Secretary (Sr.)

Zaipawl : Bial Zaipawl & Saikhamakawn Kohhran

Inkhawm ban Fellowship
A hmun : Kohhran Hall

Hruaitu : Pu C. Lalnunsanga, Committee Member, Bial KTP

Inhmelhriattirna : 2016 – 2018 Bial Zaipawl Member

Solo : Tv. Lalrempuia, Hlimen Damveng Branch
Pu Reuben Vanlalenkawla, Melthum Branch

Female Voice : Saikhamakawn Branch
Melthum Branch
Hlimen Vengthar Branch

Group Singing : Saikhamakawn Branch

Live Band : Hlimen Branch
Hlimen Damveng Branch

Musical Skit : Hlimen Branch

Branch aiawha bible quiz-a tel turte :-
Hlimen Br. : Tv. F. Laltlanhlua & Nl. K. Lalrawngbawli

Melthum Br. : Tv. Sam Lalawmpuia & Nl. Lalhminghlui

Saikhamakawn Br. : Tv. Lalnunzira & Nl. C. Zosangliani

Hlimen Damveng Br. : Pu R. Lalmuanawma & Tv. Andrew Lalnunpuia

Hlimen Vengthar Br. : Pu Lalfakzuala & Tv. Lalrinmawia

Quiz kal hmang :-
@ Branch tin aiawha ruatte tan hetiangin zawhna a rawn kal ang :-
1) a) Question & Answer
b) A karawl dahkhah
c) A dik ber thlan chhuah 
     d) Audio (Zaipawl leh Solo atangin )
e) Visual (Bible Film) 
     f) A bung leh chang hriat

2) Branch pumpuia chhan tur (Mipui) atan zawhna leh chhanna pahnih theuh siam a ni bawk ang.

CHANCHIN TAWI

@ Kohhran Zaipawl te’n May 22 (Sun) zan inkhawm banah Kohhran Hall-ah hla zir leh tur a ni a. Thahnem ngaiin member a tam thei ang berin zir i um ang u.

@ Kohhran Committee-in Kohhran Hall hman dan ruahmanna a siam chu KTP inkhawmah puan chhuah tum a ni.

@ Bible Quiz leh Hla Kutpui, Saikhamakawn Kohhrana kan neih turah kal nan Bus pakhat hman nise tih a ni.

@ Diamond Jubilee Monument hawngtu atan Upa R. Thangkhuma, Hmunthar chu ruat a ni.

@ Diamond Jubilee Musician atan Tv. M.S. Dawngliana ruat thar a ni.

@ May thla thlatin thawhlawm chhiar hun atan May 30 (Mon) zan inkhawm ban ruat a ni.

@ Branch sum tuak nan thiam thil/ neih thil thehkhawm leh lilam neih tum a ni a. Programme Sub-Comtt. te’n rua-hmanna an lo siam ang.

@ Diamond Jubilee pualin Branch Committee Member te’n sum leh pai mahni remchan ang an thawhkhawm ang.

THU LEH HLA 
PATHIAN ROPUI

– Papuia Khawlhring

Aw, ropui ber! I rorel dan hi hriatthiam theih rual a ni lo va, mihring finna hian i remruat dan chu a chhui phak mawlh lo! Varhparh arsite an zaikhawm a, Pathian fate zawng zawng an au lai khan, leilung nghahchhan i phum a; fel leh rem takin a len lam bi-te chu i thliah a, a chung zawl tehna thlengin i zam a; nghet taka an din theih nan a kila lung chu i phum si a!

Tuipui chu chhul atanga alo chhuah lai  khan a tawk chinah chiah i lo khar hnan a, a silhfen atan chhum i siam a, a tuam puanah thim chhah tak i dah bawk a, a chim chin turte chu i siam a, a danna leh a kharna turte thlengin i siam a. “Heti thleng chauh hian lo kal la, pel hauh suh, tah hian fawn vel la, tawp rawh,” i ti a ni.

Arsite khi an hunbi-ah tak i hruai chhuak a, zangkhuate chu an zinkawngah i hruai a. A ni, vante chu leiah hian thu i neihtir a, mawi takin Sirukte khi i phuarkhawm a, rem takin Chhohreivungte pawh khi i tlar si a. Ni leh Thla khawpui khi i din a. A hun theuhve par turin pangparte chu i siam a, khawvel hi i ropuina chu a ni.

Ram pilrila Sakeibaknei riltam tan chaw i buatsaihsak a, ral leh lama Sakhi nauvei i buaipui a, Tuivawkte tualchaina tur thlengin i duang a, an dam khawchhuah nan tlang leh ruam; tui leh phaitual hnim i pe a. Rah tlante rah tlan tur i rahtir a, thli leh ruah laka an himna tur thlengin i dinsak a. Tuifinruat mawnga thilnung te ber thlengin i thlahthlam ngai si lo. I lo ropui ma’nge!

Hringnun pawh hi i remruatna a ni a, nun kawng hi i duan a ni. Hlimna min pek i duh rualin, tah min zirtir tel a. Hlawhchhamna hmunah i hlawhtlinna min hmuhtir leh lawi si thin! Beiseina hlutzia kan hriat fiah theih nan kan beidawn i phal a, hah taka thawk tura thu min chhiah chungin, “Thawkrim leh phurrit phurte kan hnenah lo kal rawh u....” tiin chawlhna min buatsaihsak leh a, i lo ropui ma’nge!

Ni, che thei lo va an phuarbeh che a, an khenbehna che Kraws kha i thiltihtheihna chu a ni a, ropui lo taka i thihna kha thihna ropui ber a ni lawi si! Ropuina zawng zawng kal sana i tlawmna kha a lo ropui ma’nge!

Tlang chhipah hahdam tak leh thlamuang taka thlifim nui ri mawi kan hriat theih nan, kawng chho pal tlang turin min ti a. Harsatna chauh hi sual tur kan ni lo va, hlawhchhamnate pawh hi sual tur kan ni tih kan hriat theih nan nangin hlawhtlinte chu i dah si!

Benga hriatna mai chuan ka hre tawh thin che a; mahse, tunah zawng ka hmu ta che! Theipui thing par vul dawn lovin, grep hrui rah dawn lo mah se, Lovin eitur chhuah dawn lovin; ran in ata ran rualte bo vek dawn mah sela, ka lawm zel ang Lalpaah chuan, ka chhandamna Pathianah chuan ka lawm cheu dawn a ni.

EDITORIAL
Kohhran Committee chuan ‘Kohhran Hall hman dan’ a ruahman thar ta a, Kohhranho te’n kan zawm tlan zel a pawimawh dawn a ni.
Nia, Kohhran Hall kan hman dan leh enkawl an te, a chhunga bungrua eng-i-lo vel kan hman dan pawh hi ngaihtuah tham chu a ni ta reng a ni.
Kohhran thil chu Pathian thil a ni tih kan hriat a tha hle. Tin, ‘mahni ta anga en tur’ kan intih mek laiin kan duh duha mahni ta anga kan siksawia kan phuahkhawm kual vel erawh a rem chuang si lo. A awmzia takah chuan mahni ta anga uluk taka enkawl a tul tihna lam a ni.
Kan Kohhran hi kan zau em em mai a, kan Upate lah hi an zaidam mah mah emaw ni zawk ni? Kan Hall piahah kan Biak In chen hian kan duh duhin kan cheibawl chu a ni ber mai!
Mahni ta anga enin, mahni ta bil a ni lo tih hre reng chung siin, Pathian thil, Kohhran thil a ni tih hriaa uluk taka enkawl leh zah taka enkawl hi Kohhran mite tih tur pawimawh tak a ni tih he Hall enkawl dan tur siam thar atang hian kan hriat dawn leh fo a tul hle.

THUVAWN :
Rom 4:4
“Tin, hnathawktu hlawh chu khawngaihnaa ruat
a ni lo va,
bata ruat a ni zawk e.”

SOUND DUTY:
Branch KTP Diamond Jubilee kan lawm chhunga sound duty turin Tv. Zonunsanga, Tv. Vanlalnghaka, Tv. Vanlalruatsanga leh Pu David Rualtinkhuma-te ruat an ni.

HNATLANG
Diamond Jubilee pualin June 4, 2016 (Inrinni) hian Branch hnatlang koh a ni a. Member a tam thei ang ber hnatlanga chhuak turin kan insawm lawk a ni.

BLOOD DONATION
Central KTP Calendar zuiin Bial huapa thisen pek neih a ni leh dawn a. A hun atan October 8, 2016 (Inrinni) a ni ang. Hemi chungchangah hian Durtlang Blood Bank-te pawh biak pawh an ni tawh a ni. Thisen pekna hmun tur hi kan Kohhran Hall a ni ang.

BIAL ZAIPAWL BUDGET
Bial Zaipawl form budget atana ruahman ` 1,20,000 atangin ` 96,000 hi Bial Standing Committee-in a tum ang a, a la chuang zawng ` 24,000 hi Bial KTP tum tur a ni a. Heta tang hian ` 10,000 hi Bial KTP sum atanga pek a nih leh hnuah a la bang zawng ` 14,000 hi Branch tinin kan intum sem leh dawn a. Kan Branch pawhin ` 4,500 budget kan nei a ni.

THLATIN THAWHLAWM
June, 2016 & July, 2016 chhunga KTP thlatin thawhlawm khawn turin heng mite hi ruat an ni :-
Upa Bial 1-na : Tv. Lalruatkima
Upa Bial 2-na : Tv. R. Lalawmpuia
Upa Bial 3-na : Nl. Lalengzami
Upa Bial 4-na : Nl. R. Lallawmkimi
Upa Bial 5-na : Pu H. Lallawmsanga
Upa Bial 6-na : Tv. Lalkhawmawia
Upa Bial 7-na : Pu Lalrinawma Kawlni
Upa Bial 8-na : Nl. K. Lalrawngbawli
Upa Bial 9-na : Tv. P.C. Lallawmzuala
Upa Bial 10-na : Nl. Lalruatfeli
Upa Bial 11-na : Tv. Lalchhandama

MUSICAL SKIT
Bial KTP Bible Quiz leh Bial Hla Kutpui kan hman turah Live Band-te an inbuatsaih nasa tawh hle a. Musical Skit neih turah chanvo neitute pawh an inhmukhawm tan ta. Item hlawhtling tak an neih kan duhsak e.

JUMBLE SALE..!!
Kohhran Hmeichhia-te chuan an sum tuak nan Jumble Sale neih tumin hma an la mek a. Hetihrual hian, Upa Thangkima Group KTP-te pawhin an Group sum tuak nan tho Jumble Sale hi neih an tum a. Chhung tinah hma an la rawn la dawn a. Kan thawmhnaw mamawh tawh vak loh emaw, kan hak tam tawh vak lohte thlengin an la rawn khawn kual dawn a, tlawm lo ngaihpui turin Kohhran Hmeichhia leh Group KTP-te hian an ngen.

PROGRAMME
Dt.22.5.2016 : Pathianni Sunday School
Tantu : Pi Laltanpuii
Zirlai : ‘Thlamuantu Thlarau Thianghlim hnathawh’
Pawl lak dan : Mahni Pawlah theuh lak tur

Dt.22.5.2016 : Pathianni chawhnu
Thusawitu : Upa Rinngaia

Dt.22.5.2016 : Pathianni zan
Thusawitu : Upa Lallianzama

Dt.25.5.2016 : Nilaini zan
Tantu : Pu Lalthantluanga
Thupui : ‘Sualna avanga Pathian hremna hmasa – Tuilet’
Hawngtu : Pi Vanlalchhuangi

Dt.28.5.2016 : Inrinni zan
Tantu : Pu B.K. Remmawia
Hun hman dan : Rilru sawi

KRISTIAN THALAI PAWL
Dt.23.5.2016 : Thawhtanni zan
Hruaitu : Tv. F. Laltlanhlua,
Committee Member
Tantu : Tv. P.S. Lala,
Upa Kûtdênga Group
Thusawitu : Pu Lalrinawma Kawlni
Committee Member
Bible reading : Nl. Hmingthantluangi (B-4)
Zai hruaitu : Tv. Lalengkima
Musicians : Tv. Lalawmpuia Hauzel &
Tv. Lalnunkima
Hla hriltu : Nl. Lalmalsawmi (B-8)
Thawhlawm khawntu
: Nl. Zoramchhuani &
Nl. Lalliantluangi

KOHHRAN HMEICHHIA
Dt.24.5.2016 : Thawhlehni zan
Hruaitu : Pi Lalrinfeli
Tantu : Pi Sapliani
Thusawitu : Nl. Lalnipuii

KOHHRAN PAVALAI PAWL
Dt.26.5.2016 : Ningani zan
Chairman : Pu Vanmawia (B-5)
Tantu : Pu Zoramkalsiama
Hun hman dan : Pu Lalthuama

KTP INKHAWM DAN:
May 16, 2016 (Mon) zan KTP inkhawm dan :-
Upa Pêngthangvunga Gr. : 19
Upa Kûtdênga Gr. : 23
Upa Thangkima Gr. : 19
Upa Rokûnga Gr. : 16
Junior Gr. : –
Mi dang : –
Total : 77
Thawhlawm : 1,060
Mi 1 thawh dan : 13.77

DAWN VE TEH
CVJAC te’n chhan hrang hrang avanga nawrh an huaihawt chuan Zoram khawvel min deng chhuak mek chu a ni a. A nawrtu lama tan emaw, a nawrna lama tan emaw pawh thil nuam tak a ni lem lokhawp mai!
Permit min petute thu awih a ngaih laiin, line min petute thuawih a lo ngai bawk si a, engtin ngen kan tih tak ang?
Social Network lam han thlir ila, Zoram mipuite kan ngaihdan a phir hle tih a lang reng bawk nen!
He thil hi ka rilruah a lo lang zawk mai a. Sawrkar lam thu kan awih a ngaih laiin Line min pe theitute thuawih a lo ngai bawk si a, lal pahnih rawngbawl kawp a lo ngai ta!
Ka harh zawk mai! Kan Bible chuan lal pahnih rawng tuma’n kan bawl a phal lo va, pakhat zawk zawk thlang turin min duh a ni.
Rilru fel tak, ngaihtuahna fel tak min pe a. Kawng dik leh tha chu harsa mah se, kal tlang a ngaih thu te, kawng nuam leh zau chu kal lo nuam viau pawh nise, a tawpah thihna a thlen thu leh, chu kawng pahnih zawh tum pawh chuan a tawpah thihna tho min thlen thu min zirtir a ni a.
He kan ram chhunga harsatna tawk mek hian lal pahnih rawngbawl kawp harsat thu min zirtir chhuak ta hlauh mai a. Hrehawm voai mah se, ka ngaihtuahna erawh a kal ding ta hle mai!

PRODUCTION STAFF

Editor : Lalkhawmawia

Jt. Editor : P.C. Lallawmzuala

David Rualtinkhuma

News Editor :

   Lallawmkimi

Siamthangpuia

A. Lallawmsanga

Cir. Manager :

   Vanlalnghaka

Zonunsanga

Zonunkima

BIAL  KTP BIBLE QUIZ
LEH HLA KUTPUI HMAN A NI DAWN

Kohhran Entu the 15th May, 2016 (Pathianni) : Bial KTP Conference-in a rel leh Bial KTP Committee-in a bawhzui angin Dt. 28th – 29th June, 2016 chhung hian Saikhamakawn Kohhran Biak Inaah Bial KTP Bible Quiz leh Hla Kutpui hman a ni dawn ta. Programme kimchang zawk chu chhuak leh lamah tarlan kan tum dawn nia.

He Meet atan hian kan Branch pawh theih tawkin kan inbuatsaih mek a. Kan Branch atanga Quiz-a tel turte Tv. F. Laltlanhlua leh Nl. K. Lalrawngbawli-te an ni ang. Bible Quiz hi I & II Korinth kan intihsiak dawn a. Bible Quiz atan hetiangin ruahmanna siam a ni :-

1) Branch tin aiawha ruatte tan hetiangin zawhna a rawn kal ang :-

a) Question & Answer

b) A karawl dahkhah

c) A dik ber thlan chhuah

d) Audio Round (Zaipawl leh Solo atangin )

e) Visual (Bible Film)

f) A bung leh chang hriat

2) Branch pumpuia chhan tur (Mipui) atan zawhna leh chhanna pahnih theuh siam a ni bawk ang.

Bible Quiz-ah hian Projector kal tlanga tih theih tum a ni a. Zawhna reng reng Projector-a lo lang tur (Power Point hmangin)-a ruahman a ni.

Hla Kutpui kan hman tur (Hei hi kan Branch Agenda a ni nghe nghe!)-ah hian Branch tinin Hlapui pakhat leh hla pangngai (Hlapui pahnih kan neih theih chuan duhthusam) kan rem dawn a. Keini Branch pawhin Hlapui pakhat leh hla pangngai rem turin kan inbuatsaih mek.

Tin, Music reng reng a theih chin chinah LIVE-a tih theih tum a ni a. Kohhran Zaipawl kan neih tura hla pakhat zawk hi LIVE-a rem tum a ni. Tin, kum danga kan la tih ngai loh dan angin Pathianni chawhma inkhawmah Branch tin (Branch 5 te’n) zaipawl kan nei vek ang.

Fellowship lamah LIVE BAND leh MUSICAL SKIT nei turin kan inbuatsaih mek a. LIVE BAND hi an zir mek a. Musical Skit pawh kar leh chhovah zir tan an tum nia thu dawn a ni. LIVE BAND leh MUSICAL SKIT chanvo neite’n Kohhran Zaipawl hlazir zawh lamah emaw, zir loh zanah emaw tih tum zel nise; tin, kan zirna hi thenawmte tan a bengchhen theih vangin zan lamah dar 10:00-ah chuan laklawh viau mah ila, tih tawh loh hram nise.

Tin, Kohhran Zaipawl Member hi kan la thahnem tawk loh avangin thahnemngai zual zel ila. KTP Member nisi, hla zirnaa tel loh hi thil zahthlak takah ngai bawk ila, hma kan sawn zel ngei ang. Chu chu Hla Kutpui Agenda-a kan neih chhan pawh a ni a. Ahenda-a neitu Branch berin ningnel taka kan tih leh si chuan a fel loh mai bakah kan thinlungah hian Bial neitu kan ni tih in hre reng bawk ila. Bial chhung Branch-te entawntlak ni zel tura i inbuatsaih ang u.

CHANCHIN TAWI

@ Kohhran Zaipawl te’n May 18 (Sun) zan inkhawm banah Kohhran Hall-ah hla zir leh tur a ni a. KTP member tawh phawt chu hla zir tur hian kan insawm a ni.

@ Bial Zaipawl Term thar chu hmalak tan mek a ni a. Tunah hian Form thar tur an buaipui mek.

@ Synod Revival Meet neih turah June 4 (Sat) zan hian kan Bial Zaipawl te’n zaia rawngbawlna an nei dawn.

@ Kohhran Zaipawl Convener thar atan Tv. Lalkhawmawia ruat thar a ni.

@ Senior Department Asst. Leader atan Pu Lalrinawma Kawlni ruat thar a ni a, zirtirtuah Tv. Hosan Malsawmtluanga ruat thar a ni bawk.

@ Upa Rokunga Group Asst. Leader atan Pu Lalrindika chu ruat thar a ni.

@ Chanchinbu man khawntute’n kan khawn chin chiang taka ziakin Circular Manager Tv. Zonunsanga hnenah in report tur a ni. Tin, kan khawn bakte khawnin kan khawn thawhte pawh a list nen thehluh nise.

EDITORIAL

Vawiin 2016 Penticos Ni Pathian hruainain kan lo thleng leh ta. Kohhranhote, Kohhran Entu buatsaihtu chuan chibai kan buk che u a, he hun hi hlawk taka hmang turin duhsakna kan hlan a che u.

Lal Isua, a thawhleh atanga ni 50-naa Thlarau Thianghlim a lo thlen hian thil danglam tak tak a awm nual a, kan hre vek awm e. Chu thil danglam lo thleng aia pawimawh zawk chu – Thlarau Thianghlim lo thlengin zirtirte leh an bul vela mite hmuha ‘danglamna nasa tak’ a thlen kha a ni awm e.

An zirtirtu ber a awm tak si lovah chuan hlau leh ti em em in, a rukin an inkhawm a ni a. Chutih lai tak chuan Thlarau Thianghlim lo thleng chuan huaisenna pe-in hlauvin an awm leh tawh lo va; “Kan thil hmuh leh hriatte hi sawi lovin kan awm thei lo,” an ti ta hial a nih kha!

Vawiinah hian he Penticos Ni lo thleng hian kan nunna a tharin hna thawk leh se; huaisenna te, rinawmna te, chhelna te, hmangaihna te, thatna leh ngilneihna te, dawhtheihna te, mi dangte tana nun duhna te, thiangthlimnate a tharin min hrinchhuahsak sela, Penticos tak tak kan hmang a lo ni reng ang.

THUVAWN : Tirh. 2:4

“An zain Thlarau Thianghlimin an khat ta vek a, Thlarauvin a tawngtir ang zelin tawng dangin an lo tawng ta a.”

THU LEH HLA 

PENTICOS HNATHAWH

(Tirhkohte Thiltih 4:20)

“Keini zawng thil kan hmuh leh hriatte kha

sawi lovin kan awm thei lo.”

Kum 2016 Penticos Pathianni Pathianin min hruai thleng leh ta. Pathian hnenah lawmthu i sawi mawlh mawlh ang u.

Vawiin Penticos a lo thlen hian, Kohhranho te’n Penticos lo thlena thil ropui tak tak, zirtur kan neihte atangin he thu bik hi ngun takin i lo zirho leh teh ang.

An zui Lal Isua ber a awm ta si lo va, hlau leh fimkhur takin zirtirte a rukin an inkhawm thin a. Isua thawhleh atanga ni 50-naah chuan Thlarau Thianghlim chu zirtirte hnenah lo thlengin hlau leh thlabar em ema awm thin kha an lo huaisen a, a ruka inkhawm bansanin Isua chanchin chu huai takin an puang a ni tih kan hre theuh awm e.

He thu-ah hian engnge zir tur kan neih? Thlarau Thianghlim zarah huaisen taka chanchin tha an hril piah lamah thil mak tam tak an ti a ni tih kan hria a. Isua chanchin lo chu sawi tur an hre tawh lo va, “Keini zawng thil kan hmuh leh hriatte kha sawi lovin kan awm thei lo.” tia an sawi lai tak hi kan zirho thar leh tur chu a ni.

Vawiinah hian Kohhranhote hian engnge kan tuipui, engnge kan sawi peih, engnge an atchilh em em? Thalaite pawhin eng hian nge kan nun min ei a, engnge nuam kan tih, engnge kan thlakhlelh? Chu zawhna chu kan chhan dan a inang lo nuaih hlawmin a rinawm. Mahse, dik tak chuan, tirhkohte’n Isua chanchin an buaipui ang hi chu kan hlat leh tawh viauvin a rinawm.

Matthaia 12:34-ah chuan, “Thinlunga khat liam chu ka-in a sawi thin a sin,” a tih angin kan tuipui ber chu chanchintha hi a ni lem lo niin a lang. Hei hian, ‘englai pawhin chanchintha sawi reng tur’ tihna lam chu kawk chiah lo pawh lo ni se, chanchintha dang kan ngah ta lutuk hian kan thlarau lam nun hi chu min vaw chhia tih a chiang reng mai!

Kan ti ti duh zawng hi ngun taka chut chuan – mi that lohna lai, mi che sual, mi dik lohna tarlan; malsawmna an dawn pawha lawmpui aia chu malsawmna an dawn chu ‘khawia mi nge’ tia dik lo leh felhlel lam atanga an dawn a nih dan tur lo suangtuah pui; mahni inhaivur duhna avanga mi chanpual tur laksak hnialna awm miah lo! Sawi tur a va tam em!

He thu phei hi chu thalaite zingah a lar hle. Kan incheina, kan thil neih, kan engkim mai hi kan inteh vak vak a, sawtna awm chuang si lovin mi hriat lohvin kan lo na ve em em a! Mahni leh mahni kan intihah thlawn mai mai niin a lang! Chumai a ni lo, kan hmuh tlin lohte neih ang it ve avanga chhungkuaa harsatna kan thlen phei chu sawi lo va lumah dah ang!

Heng zawng zawng lo chhuahna chu – Buaipui tur Isua aiah tisa thil, chanchintha aiah kan nawmna tur thil kan ngaihtuah luat avanga lo thleng thin a ni.

Thlarau Thianghlim hi kan nei lo a ni lo va, kan chang ve lo pawh a ni lo. Mahse, chu kan chan chuan kan nunah Lalna a chan reng loh avangin  tisana chuan kan nunah thu a rawn sawi a. Mahni aia mi dangte tha zawka ruatna aiin mi dangte aiin mahni tha zawkah kan ruat a, kan nun chu tisanain a lo khat ta thin zawk a lo ni.

Vawiin Pentisoc Ni hian kan nunah a tharin hna rawn thawk leh se, “Thlarau Thianghlim leh keini’n,” tia rawng kan bawl leh theih nana min puitu lo ni se. Bukna dik lo – Mi dangte leh Lal Isua ni tawh lovin bukna dik tak – Keimahni leh Lal Isua-ah theuh inbuk thar leh ila. Mi dik lohna hailan aiin kan dik lohna a lo langsar zawk ang a. Mi dangte tana malsawmna kan lo ni reng thin dawn a lo ni.

TUAL UPA THLANG

Bial Inkhawmpuiin min remtihsak angin kan Kohhran chuan Tual Upa kan thlang ta a. Bial Inkhawmpuiin mi 4 thlan min remtihsak laiin pakhat – Pu N. Zokunga kan hmu. Heti hian Kohhran Upa kan lo neih tawh sate leh kan Pastor nen Kohhran Committee Member 10 kan nei a. Bial nei thei 9 kan neih laiin Upa Bial erawh 11 kan nei thung!

INBUATSAIH

     Bial KTP Bible Quiz leh Hla Kutpui atan kan inbuatsaih mek a, zan lamah hla zir thin a ni. Hetihrual hian, Branch Diamond Jubilee atan Junior KTP pawhin an chanvo hlen ngei tumin an inbuatsaih mek bawk.

HUN SAWN

Chhuak hmasa lamah khan Branch Diamond Jubilee Dar vuak leh Monument hawn kha June 10, 2016 (Zirtawpni – Branch Diamond Jubilee Ni) chawhma inkhawm ban tih a ni a. Branch Committee chuan he programme pahnih hi chawhma inkhawm ban ni lovin, chawhma inkhawm hi dar 10:30-ah tan tur a ni a. Hemi hmaa neih turin ruahmanna a siam thar.

TAWNGTAI INKHAWM (re-post)

Branch KTP chuan kan veng chhunga chhiat tawk emaw, Kohhran chhungkuaa chhiat tawk an awmin tawngtai inkhawm a neih thin chu kumin (2016) atang hian KTP Member, chatuan ram min pansan an awmin, tawngtai inkhawm neih thin nise, member thi ralna hun hman ni tawh zawk se a tih chu kan han tarlang nawn leh a ni.

JUMBLE SALE

Kohhran Hmeichhia-te chuan an sum tuak nan Jumble Sale an nei dawn a. May, 2016 chhungin Kohhran chhungtinte hnenah an rawn khawn dawn a, tlawmngaia lo pe turin an ngen

THIL ZUAR DAWN

Upa Thangkima Group-te chuan an Group sum tuak nan Lapua an rawn zuar dawn a, tlawmngaia lo dawr turin Kohhranhote an ngen.

Upa Pengthangvunga Group-te chuan an Group sum tuak nan May 17 (Tue) zan hian Zampher leh Kamchha an rawn zuar dawn a, tlawmngaia lo dawr theuh turin Kohhranhote an ngen.

SALTANG CHHUAH

Kumin Bial Inkhawmpuiin bial Golden Jubilee denchhena ‘Saltang chhuah dan kawng zawn’ lama hma lak nise a tih chu a tam thei ang ber tawngtaina hman nise. Kumin ‘ber’ thla lamah Gospel Camping neih nise tih a ni.

MUSIC ADMISSION

June – July, 2016 atan Synod Worship Committee-ah Tonic Solfa leh Staff Notation zir theih a ni a. Hre chiang duh dan Kohhran Notice Board-ah tar a ni.

PROGRAMME

Dt.15.5.2016 : Penticos Pathianni chawhma

Thupui : ‘Thlarau Thianghlim –

Damna thlentu’

Sawitu : Upa Lalengliana

Dt.15.5.2016 : Penticos Pathianni chawhnu

Thupui : Thlarau Thianghlim –

Huaisenna thlentu’

Sawitu : Upa Lalhmuchhuaka

Dt.15.5.2016 : Penticos Pathianni zan

Thupui : Thlarau Thianghlim –

Inhmangaihna thlentu’

Sawitu : Pastor C. Sapkaia

Dt.18.5.2016 : Nilaini zan

Tantu : Tv. Lalrammawia

Thupui : ‘Sualnain a nghawng kal zel’

Hawngtu : Pi Lalramlawmi

Dt.21.5.2016 : Inrinni zan

Thusawitu : Pu H. Ralkapthanga

KRISTIAN THALAI PAWL
Dt.16.5.2016 : Thawhtanni zan

Hruaitu : Nl. Lalrinhlui,

Committee Member

Tantu : Tv. Vanlalruatsanga,

Upa Thangkima Group

Short Sermon : 1) Nl. Zoramchhuani,

Committee Member

2) Tv. Zarzokima,

Committee Member

Bible reading : 
Nl. Hmingduhawmi (B-3)

Zai hruaitu : 
Tv. Lalengkima

Musicians : 
   Tv. Lalawmpuia Hauzel &

Tv. Lalnunkima

Hla hriltu :
Nl. Lalmalsawmi (B-8)

Thawhlawm khawntu

: Nl. Malsawmkimi &

Nl. Vanlalhruaii

KOHHRAN HMEICHHIA

Dt.17.5.2016 : Thawhlehni zan

Hruaitu : Pi Lalthakimi

Tantu : Pi Lalawmpuii (B-3)

Thusawitu : Pi Lalnuntluangi

KOHHRAN PAVALAI PAWL

Dt.19.5.2016 : Ningani zan

Chairman : Pu Lalchansanga

Tantu : Pu Lianhmingthanga

Hun hman dan : Sharing

REFRESHMENT & BANNER

Branch Diamond Jubilee lawm huna Group pual programme neih hunah Refreshment leh Banner atan Group tinin ` 500/- theuh thawh tur a ni a. Group tinin a hma lama thawhkhawm nise. Refreshment hi Group tin Treasurer-te kutah a awm ang a, Banner hi Tv. Vanlalnghaka leh Nl. R. Zonunmawii-te kutah dah a ni. Group tin te’n sum hi Nl. Zoremtluangi, Upa Pengthangvunga Group Treasurer hnenah thehluh nise.

PATHIAN RAM LUH DAN 
May, 2016-a Pathian ram luh dan hetiangin :-

Synod-a lut : Pathian ram : ` 1,28,490/-

Ramthar : ` 83,625/-

Buhfaitham : ` 47,535/-

Total : ` 2,59,650/-

Tualchhung-a lut : Tualchhung : ` 86,489/-

Biak In thar : ` 1,92,670/-

Total : ` 2,79,159/-

Grant Total : ` 5,38,809/-

Thawhtu In zat : In 283

Comment : Tun tum Pathian ram thawhlawm hi kan la thawh hnem ber tum a ni a, thawhtu In zat pawh a tam ber tum a ni. Pathian hnenah lawmthu i sawi ang u.

KTP INKHAWM DAN

May 8, 2016 (Mon) zan KTP inkhawm dan :-

Upa Pêngthangvunga Gr. : 20

Upa Kûtdênga Gr. : 17

Upa Thangkima Gr. : 18

Upa Rokûnga Gr. : 17

Junior Gr. : –

Mi dang : –

Total : 72

Thawhlawm : 976

Mi 1 thawh dan : 13.55

BEISEINA

2015-ah 1st Mizoram Badminton League-ah Hlimen chu pakhatna kan ni a. Hemi kum vek hian Krismas puala verng chei lawmman kan lo dawng tawh bawk a. Tunah Under 17 Football-ah pakhatna kan ni leh a. A hmain Under 14-ah pawh pakhatna kan lo ni tawh bawk.

Heng hi thangtharte hriat tura a hohova kan lannate a ni a, thil ropui tak a nih piahah kan veng tan chuan mellung pawimawh tak a ni.

Kan tawngkauchheh taka, “Keini Hlimen ve hi zawng,” tia keimahni leh keimahni kan invuakna hruaihrual paih thlaa, “Kan thei ve a ni,” kan tihna rilru chauh hian min khaichhuak dawn a, chumi hrui zawk chu kan vawn tlat chuan tun aia sangah hian kan la chuang thei reng a ni tih kan hriat thar leh a tha hle.

Mite’n Hlimen chu, “Lehkha thiam khua, serthlum tamna khua, inkhel thiam khua,” min tih thin pawh, “Zu tamna khua/veng,” min ti thin ta kha a ni a. Mahse, tunah chuan, “Inkhel thiam veng, veng chei mawi ber,” min tih ve hial tak hi mawle.

Heng zawng zawng lo chhuahna chu kan Pathianin min hmangaih a, mite hmuhsit leh endawng veng kan nih duh lovin kan phu lovin min chawisang a ni tih i theihnghilh lo ang u. Kan dinhmun hlu taka min chawisangtu kan theihnghilh chuan a hma aia rah duhawm lo zawk a chhuak ngei ang..!

PRODUCTION STAFF

Editor : 

Lalkhawmawia

Jt. Editor :

P.C. Lallawmzuala

David Rualtinkhuma

News Editor :

    Lallawmkimi

Siamthangpuia

A. Lallawmsanga

Cir. Manager :

   Vanlalnghaka

Zonunsanga

Zonunkima

Kohhran Entu : The 8th May, 2016 (Sun) : Bial Inkhawmpui-in min remtihsak angin leh inthlanpuitu pawh min pek angin May 8, 2016 (Pathianni) chawhma inkhawmah Tual Upa (Kohhran Committee Member) tur kan thlang dawn ta.

I. Inthlanpuitu :-
Bial Inkhawmpuiin min pek angin heng mite hi min inthlanpuitu turte an ni :-
1. Pastor C. Sapkaia, Bialtu Pastor
2. Upa C. Lalengzauva, Hlimen Damveng
3. Upa Ch. Lallianzuala, Hlimen Vengthar
4. Upa Lallawmchhunga, Saikhamakawn
II. Thlan zat tur :-
Bial Inkhawmpuiin min pek angin mi 4 thlan chhuah tur an ni ang.
III. Thlan theih lohte :-
Tual Upa kan thlan turah hian heng a hnuaia mite hi thlan theih lohte an ni :-
1. Pastor C. Sapkaia
2. Upa N. Siamliana
3. Upa Rualkhuma
4. Upa Rinngaia
5. Upa Lalhmuchhuaka
6. Upa Chalhnuna
7. Upa C. Zothanliana
8. Upa Lallianzama
9. Upa Lalengliana

IV. Thlan tur mite :-
A chunga tarlan tih loh kan Kohhran mi, Kohhran Dan zawhkim, Kohhran thununna tawk lo an ni tur a ni.

V. Thlangtu turte :-
Kohhran Dan zawhkim zawng zawngin thlan tur a ni.

VI. Inthlanna hmun tur :-
Biak Inah a ni ang a, Sunday School a awm avangin zirlaite khaikhawm zawhah Biak In lamah Naupang Sunday School zirtirtu zawng zawngte leh Senior Department zirlai zawng zawngte pawh inthlang tura chhoh vek tur a ni ang.

VII. Tual Upa atana tling theite :-
Thlangtu zawng zawng vote hmun thuma thena hmun hnih tal an hmu tur a ni.

VIII. Term :-
Tual Upa term hi kum 3 chhung a nih angin kum 3 chhung atana thlan an ni.

IX. Tlingte puan hun :-
Thlan tlinte chu chawhnu inkhawmah an hming puan thin a ni.

X. Thil dangte :-
Thlangtu zawng zawngte’n pen ken vek nise, an hming puma ziah vek nise. Fiamthuna leh thiante bakah chhung leh khat induhsakna chi a ni lo tih hriat a tha. Tawngtaina nen uluk taka thlan zawk tur a ni ang.

CHANCHIN TAWI
@ Kohhran Zaipawl te’n May 8 (Sun) zan inkhawm banah Bial Inkhawmpui-a hla rem tur zir tan tur a ni a, member a tam thei ang ber kal i um ang u.

@ Branch sumtuak nana Neih thil/Thiam thil kan tlante, tlawmngaia tlantu te’n a man lamte ngaihsak lehzual turin kan inngen e.

@ Branch KTP ma-mawhna avangin Electric Guitar (Lead Guitar) chu PRO HUB atangin ` 9,000/- in lei a ni ta. Hemi rual hian a ah-na chu ` 900/- in lei tel nghal a ni bawk.

@ May 3 (Tue) zan khan 2016 – 2018 Bial Zaipawl-te chuan a vawi khat nan kan Kohhran Hall-ah inhmukhawmin inhlan-tharna leh inhmelhriattirn hun an hmang a, kan Bial KTP hruaitute’n hun an hmanpui.

@ Tunlai hian kan Kohhran Hall hnung lamah Branch KTP Diamond Jubilee leh Hla Kutpui atan Live Band an inbuatsaih chho mek a, an zir ngawrh hle.

@ Kan Joint Editor Pu David-a chuan eizawnna leh a tula hman turin PICK UP thar hlak a lei ta. Kan lawmpui hle.

THU LEH HLA

KOHHRAN HOTU
Kan Kohhran hruaitu (Tual Upa) kan thlan turah hian Kohhranhote’n fimkhur taka inthlanna kan kalpui a ngai dawn niin a lang. Term neih mah nise, Kohhranho enkawlna hna thawk tur chuan ngun taka ngaihtuah a, Pathian rawn chunga kan thlan a tul hle.
Kan Bible pawh hian Kohhran hruaitu (Hotu) tur chungchang hi a sawi hnem hle mai a. A vaiin tarlang seng lo mah ila, Kohhran hruaitu (Hotu) thlan leh an nihna tlema zawng tarlang ila :-
1. Tirhkohte Thiltih 6:3 – “Chutichuan unaute u, in zingah Thlarau leh fina khat mi hmingtha hlir pasarih thlang rawh u, annni chu heng thil reltu atan hian kan siam ang.”
2. Tirhkohte Thiltih 6:5 – “Chu’ng thu chuan mipui zawng zawng chu a tilawm a; tichuan, Stephana, rinna leh Thlarau Thianghlima khat nen, Philipa nen, Prokora nen, Nikanora nen, Timona nen, Parmena nen, Nikola, Judate saphun Antiokei khuaa mi nen an thlang a.”
3. Tirhkohte Thiltih 20:28 – “Pathian Kohhranho, ama thisena a leite chu chawm turin nangmahni leh in hote zawng zawng chungah chuan fimkhur rawh u, Thlarau Thianghlimin an chunga hotuah a siam che u hi.”
4. I Timothea 3:1 – “Tupawh Kohhran hotua tan duh chuan hnathawh tha a duh a ni,’ tih hi a dik a ni.”
5. I Timothea 3:2 – “Chutichuan, Kohhran hotu chu sawisel bo, nupui pakhat nei, insum thei, rilru dik tak, mi fel, mi lawm dan thiam, zirtir thiam.”
6. I Timothea 3:3 – “Uain ruih hmang lo, mi verlh hmang lo, mi nunnem ni zawk tur, kawhmawhbawl lo, tangka sum ngaina lo.”
7. I Timothe 3:4 – “Zahawm taka fate kilkawia mahni inchhung khawsak rel fel thiam mi ni tur a ni.”
8. I Timothea 3:5 – “Miin ama in chhung khawsak mah a rel fel thiam si loh chuan Pathian Kohhranho engtin ngen a enkawl theih ang?”
9. I Timothea 3:6 – “Ring thar mi ni tur a ni lo, chutilochuan chapovin a awm ang a, diabola thiam loh channa chu a chang ve dah ang e.”
10. I Timothea 3:7 – “Chu’ng lo pawh chu pawn lama mite fakin a awm bawk tur a ni, chutilochuan sawichhiata awmin diabola thangah a awk dah ang e.”
11. I Timothea 3:8 – “Chutiang bawkin Kohhranho rawngbawltute chu mi zahawm an ni tur a ni; kamtam te, uain heh te, hlepna bawlhhlawha duham mite an ni tur a ni lo.”
12. I Timothea 3:9 – “Chhia leh tha hriatna thiangin rinna thuruk chu pawm ni an ni zawk tur a ni.”
13. I Timothea 3:10 – “Tin, chungte pawh chu fiahin awm hmasa rawh se, chumi hnuah sawiselbo an lo nih chuan Kohhranho rawngbawl lam hna thawk rawh se.”
14. I Timothea 3:12 – “Kohhranho rawngbawltute chu an fate leh anmahni in chhung khawsak rel felin nupui pakhat nei ni rawh se.”
15. I Timothea 3:13 – “Kohhranho rawngbawl lam hna thawk tha tawhte chuan dina tha tak leh Krista Isuaa rinna kawngah chuan huaina nasa tak an insiam si thin a.”
16. Tita 1:6 – “Tupawh sawisel bo, nupui pakhat nei, fate Pathian thu ring, nawmsak bawl lutuk kawnga sawisel hlawh lo.”
17. Tita 1:7 – “Kohhran hotu chu Pathian sum enkawltu a nih avangin sawiselbo ni tur a ni; mi tihmawh, thin ram, uain ruih hmang, mi velh hmang, hlepna bawlhhlawha duham mi ni tur a ni lo va.”
18. Tita 1:8 – “Mi lawm dan thiam, tha lam duh, rilru dik tak, mi fel, mi thianghlim, insum thei mi ni zawk tur a ni a.”

EDITORIAL
DUHSAKNA
Kan hriat angin kan Kohhran chuan Tual Upa chu kan thlang dawn chu a ni a. Thenkhat chuan engah teh vak mah kan ngaih loh laiin thenkhat chuan kan la thutak hle a. Mitin kan thuhmun loh fo avangin chu chu thil awm turah ngai ila.
Kohhran hotu nih leh hruaina hna hi thil pawimawh tak a nih piahah a ril hle mai a. In duhsakna chi a ni em tih pawh ngun taka ngaihtuah a ngai ta. Political Party anga mahni thiante leh lainate duhsakna chi pawh niin a lang lo!
Kohhranho hruaina hna hautak tak mai hmachhawn tur an ni a, rilru fima ngaihtuah chunga tawngtaina nena kan thlan hi a tul hle.
Induhsakna avanga thahnem loh ngaih em em hi thil finthlak ber a nih loh rualin mi fing tan phei chuan a tiha tih chi a ni hauh lo bawk! Fiamthu taka lak a, uangthuang taka thlan phei chu thil tih loh tawp turte zinga mi a ni.
Mi kan duhsakte chu hna hautak thawk turin kan ti lo va, tawngtaisakna piahah thilpekte kan pe hial thin zawk a ni. Thlan tlin an lo nih hnuah erawh duhsakna an mamawh hle thung.

THUVAWN : Galatia 6:1
“Unaute u, mi, sual engpawh a tih lai phawkin awm sela, .....“Thlemna ka tawk ve dah ang e,”....chutiang mi chu thuhnuairawlh takin tungding leh rawh u.”

PCI GENERAL ASSEMBLY
April 27 – May 1, 2016 chhung khan PCI General Assembly Vawi 42-na chu Mawsynram Presby. Kohhran, KJP Synod Sepngi-ah neih a ni a. Palai 787 kalin Mizoram Synod atangin palai 573 an kal.
Kum 2018 PCI Biennial General Assembly chu Biateram Synod-a Fiangpui-ah neih a ni ang. Puipa turte :-
Moderator : Rev. Lalramliana Pachuau, Mizoram Synod
Secretary (Sr.) : Rev. B.B. Lamin, KJP Synod Mihngi
Secretary (Jr.) : Rev. H.L. Marsing, Ri Bhoi Synod
Treasurer : Rev. H.N. Wallang, KJP Synod Mihngi
Statistician : Rev. Lalsangloma, Biateram Synod
Administrative Secretary-te :-
1) Rev. V.L. Luaia Hranleh, Mizoram Synod
2) Rev. G.S. Lyttan, KJP Synod Sepngi
3) Rev. Rolianthanga Lalsim, Biateram Synod

PCI STATISTICS
Kumin PCI General Assembly neih zawh taka PCI Statistics hetiangin :-
1. Synod – 9
2. Provisional Synod – 1
3. Presbytery zat – 132
4. Pastor Bial zat – 597
5. Kohhran zat – 3,210
6. Branch Church zat – 1,103
7. Minister zat – 1,030
8. Pro. Pastor zat – 141
9. Upa zat – 11,004
10. Mission Worker zat – 2,838
11. Dan zawhkim zat – 8,07,108
12. Baptisma chang, dan zawhkim lo – 4,19,473
13. Member zawng zawng zat :-
Mipa – 6,83,339
Hmeichhia – 7,22,442
Total – 14,05,781

GROUP BUDGET PE
Kumin chhunga Group Budget atana ruahman        ` 13,000/- chu rawn pe kan awm nual a, hetiangin :-
1. Upa Rokunga Group – ` 13,000/-
2. Upa Thangkima Group – ` 10,000/-
3. Upa Pengthangvunga Group – ` 13,000/-

PROGRAMME
Dt.8.5.2016 : Sunday School
Tantu : Pi Dengkungi
Thupui : “Thlarau Thianghlim laka sualnate”
Tual Upa Thlan

Dt.8.5.2016 : Pathianni chawhnu
Thusawitu : Upa Ch. Lallianzuala

Dt.8.5.2016 : Pathianni zan
Thusawitu : Pastor C. Sapkaia

Dt.11.5.2016 : Nilaini zan
Tantu : Pu Lalhmangaiha (B-4)
Thupui :”Mihring tluknain Pathian anna a khawih dan”
Hawngtu : Pu Lallawmzuala

Dt.14.5.2016 : Inrinni zan
Tantu : Pu H. Lalrinliana
Hun hman dan : Rilru sawi

KRISTIAN THALAI PAWL
Dt.9.5.2016 : Thawhtanni zan
Hruaitu : Pu David Rualtinkhuma,
Committee Member
Tantu : Nl. Lalhmingchuangi,
Upa Thangkima Group
Thusawitu : Nl. Mimi Zohmingmawii,
Finance Secretary
Bible reading : Nl. Vanlalhruaii (B-5)
Zai hruaitu : Tv. Lalengkima
Musicians : Tv. Lalawmpuia Hauzel &
Tv. Lalnunkima
Hla hriltu : Nl. Lalmalsawmi (B-8)
Thawhlawm khawntu
: Nl. Zoramchhuani &
Nl. Lalliantluangi

KOHHRAN HMEICHHIA
Dt.11.5.2016 : Thawhlehni zan
Hruaitu : Pi Saidingluaii
Tantu : Pi Lalthannguri
Thusawitu : Pi Lalzikpuii

KOHHRAN PAVALAI PAWL
Dt.12.5.2016 : Ningani zan
Chairman : Pu Thanthuama

Tantu : Pu Lalbiakvela
Thusawitu : Pu Laikunga