THAWHLWHNA CHANGTUTE

(Rom 6:5)

“A thihna anpuiin amah nen kan inzawm tawh si chuan
a thawhlehna anpui pawhin kan inzawm bawk ang.”
Vawiin, Isua thawhlehni champha kan lo thlen hian, rilru thar, thlarau thar pu-in ke pen kan zir thar a ngai hle. Isua thihna leh thawhlehna tawmpuitute hian, kan dam chhungin zir tur kan neih reng avangin, vawiinah hian he thu – Thawhlehna changtute nun dan kawng hnih lek atang hian i lo zir leh teh ang u :-
1) Thlamuanna : Zirtirtu ber mana a awm a, khenbeh a niha thlana zalh a nih meuh chuan Gethsemani huana Isua tana huaisen taka lo dotute meuh pawh hlauvin an khur a, tuma hriat lohvin hmun khatah an awm khawm a ni. Thlamuanna mamawh mihringte hnenah Lal Isua nungin a inlar a, lei leh vana thuneihna zawng zawng a hnena pek a nih tawh thu a sawi a nih kha!
Vawi khat chu lawng lianpui mai hian a tum ram Newyork lawng chawlh hmun a pan mek laiin thlipuiin a rawn nuai thut mai a, a chhunga chengte pawh an mangang em em a. Lawng a pil loh nan an bungraw hlu tak takte tuipuiah an paih lut chum chum mai a; mahse, thlipui chuan ban zai reng a rel thei lo! Tuifawn chuan a chimpil tep tawh chu a ni!
Lawng captain mangang chuan room tin fangin anmahni pathian theuh au turin a ti a. Chutia room a fan lai chuan room pakhatah hian pitarte hi thlamuang em em in fakna hla a lo sa a! Chutia a thlamuan chhan a han zawh chuan, “He lawng chawlh hmun hi him takin thleng ila, Newyork-ah kan tunu-in min lo hmuak dawn a, chumi hmun chu thleng lovin vanram kawtthler pawh thleng zawk ta ila, Lal Isua’n min lo hmuak dawn a ni!” tiin a lo chhang a!
Hei ngei hi a ni thlamuanna, thawhleh thiltihtheihnain min pek chu! Thlamuan ngai mihringte hnenah thlamuanna Lal Isua nun pek kan ni!

2) Keini zawng thil kan hmuh leh kan hriatte kha sawi lovin kan awm thei lo! Tirhkohte 4:20-ah he thu hi chiang takin kan hmu a. Zirtirte (Tirhkohte) khan an thil hmuh leh hriatte, sawi lova an awm theih loh thil chu – Chanchin Tha (Lal Isua chanchin) a ni. Sanhedrin hmaa Petera leh Johana-te kha an thusawi avangin hruaiin an awm a, Isua hminga thu sawi lo tur leh zirtir lo tura an tiha an chhanna a ni.
He thu-ah hian engnge zir tur kan neih? Vawiinah hian engnge kan tuipui a kan sawi tam? “Thinlunga khat liam chu ka-in a sawi thin a sin (Matthaia 12:34),” tiin kan Pathian thu chuan a sawi a. A tlangpuiin KTP-ah chuan mi thil tih dik loh te, mi tih that tawk loh te, kan tih that; mite’n min fakna kan tuipui nasa hle.
IT hmasawnnain min nan hnu phei hi chuan he thil hi a va lar ta em! Isua chanchin aia tuipui leh sawi tam hi kan ngah lutuk ta a, kan Kristian nun hian than ngaihna reng a hre ta lo va, ringtu nun khawngkhawbai takin kan kal chu a nih ber hi!
Isua chanchin aiin mi dik lohna hai lan, mi that lohna tarlan, mahni inhaivurna, mahni mawina tarlan tumna, mahni tih dan tha bera ruatna avanga inphochhuah thlengin kan hmanhlel ta chu a ni!
Heng hian Krista thawhlehna tawmpuitu kan nihna hi a lo hliah leh thin avangin keimahniah nunga che tur reng a lo awm lo leh thin a ni!

CHANCHIN TAWI

@ April 3 (Sun) hmang hian Bialtu Pastor chuan kan Kohhran min tlawh dawn a, Pathianni chawhnu inkhawmah Baptisma Sakramen a awm ang. 

@ Branch Diamond Jubilee pualin March 28 (Mon) zan inkhawm banah Special Committee neih a ni dawn.

@ Branch Diamond Jubilee puala Sub-Committee din te’n kan Sub-Committee sum ruahman leh thil dang kan ruahmanna ziakin Secretary hnenah March 27, 2016 (Sun) ral hmaa thehluh tur a ni.

@ March 28 (Mon) zan inkhawm ban hian March thla Branch KTP thlatin thawhlawm chhiar tur a ni dawn a, a khawntute leh Branch Committee kim taka kal khawm tur a ni.

@ Easter Sunday chawhnu dar 2:00-ah hian Bial Masihi Sangati-te Bial huapin Bial Biak Inah an inkhawm dawn.

@ Upa Thangkima Gr. te’n an Group sum tuak nana Pickle an siamnaah tlawmngaia hnatlanga chhuakte leh tlawmngaia lo leisaktu zawng zawngte hnenah lawmthu an sawi tak meuh meuh a ni.

Lay Leader’s Training
tluang takin zo

Hlimen the 27th March, 2016 (Pathianni) : March 21 – 23, 2016 chhung khan Synod Multipurpose Training Centre buatsaih Lay Leader’s Training Vawi 189-na Synod Conference Centre-ah hlawhtling tak neih a ni.

Tun tum Lay Leader’s Training-ah hian Presbytery 8 atangin Kohhran Upa 38 an tel thei a.

Training hawnna inkhawm hi Rev. Vansawma, Programme Director, SMTC-in a kaihruai a. Tv. R. Lalvenhima’n fakna hla a sa a. Rev. P.C. Pachhunga, Executive Secretary i/c SMTC-in Training hawnna leh thuchah a sawi bawk.

Tun tum Lay Leader’s Training-ah hian thu pawimawh chi hrang hrang an zir a. Rev. Lalhluma Sailo hnen atangin Bible zir dan te, Thuthlung Thar zirna te, Kohhran sum enkawl chung chang leh Kohhran chawmna te an ngaithla a; Rev. C. Lianhmingthanga hnen atangin Kristian thurin te, Kohhran inrelbawlna te, Thuthlung Hlui zirnate leh Kohhran hrang hrang chanchinte an ngaithla a; Rev. Vansawma’n Pathian biak leh thuhril chungchang a zirtir a; Upa Vanlalhuma’n sum vawn dan a zirtir bawk.

Training kharna inkhawm hi March 23, 2016 zan khan neih a ni a. Rev. Vansawma, Programme Director-in kaihruaiin Nl. Baby Malsawmtluangi’n zaia rawngbawlna a nei bawk.Synod Moderator-in thuchah sawiin training-te hnenah Certificate a hlan bawk. Hemi zan hian Rev. Lalhluma Sailo-in lawmthu sawina hun hmangin Rev. C. Lianhmingthanga’n malsawmnain a tin ta a ni.

SMTC hian Lay Leader’s Training hi kum 1966 atang khan a lo kalpui tawh a. Kohhran Upa 5965 lai a train chhuak tawh a ni.

CKTP hruaitu thar charge hlan an ni

Hlimen the 27th March, 2016 (Pathianni) : March 22, 2016 khan Central KTP Office Bearer-te chuan charge an inhlan.

Charge inhlan hma hian Central KTP Meeting Vawi 686-na chu Leader Rev. J. Lalremsiama’n kaihruaiin report hrang hrang ngaihthlak a ni a. KTP General Conference thlirletna hun an hmang bawk.

KTP General Conference hman zwah tak Pandal thiahna avanga chhiat tawh thu-ah SAY leh TKP te leh Branch leh Bial atanga tuarpuina an hlan leh tawngtaina tinreng an dawng chu lawmawm kan tih thu an tarlang bawk.

Hemi zawh hian charge inhlan a ni a. Charge inhlan zawh hian hruaitu hlui leh tharte’n chawhlui an kilho nghal a.

Zanriah kilho a nih hnu zan dar 7:00-ah Leader thar Rev. Zothansanga kaihruaina hnuaiah Central KTP Meeting Vawi 687-an chu neih nghal a ni a.Central KTP hruaitute leh Mizoram Synod Choir sawmna hrang hrangte an thlirho nghal a, KTP General Conference Rorel bawhzui dan turte an ngaihtuah nghal bawk.

Kristian Thalai Editor atan Pu Lalchhuanliana ruat a niin Mizoram Synod Choir Director atan Pu K. Lalruatpuia chu ruat a ni bawk.

Central KTP hruaitu tharte hian May 13 – 14, 2016 hian Synod Conference Centre-ah Orientation Cum Retreat an hmang dawn bawk a ni.

EDITORIAL

Vawiin hi Isua thawhlehni champha Pathianin min hruai thleng leh hi a va’n lawmawm tak em! Pathian hnenah lawmthu i sawi mawlh mawlh ang u.

Kum danga kan lo hman tawh thin dan thlirlet ila, kan hman tur reng a nih avanga hmang nge kan nih a, he thawhlehna hian ka nunah thuk zawka nghawng a neih theih nana tawngtai leh dil chungin he hun hi hman kan tum?

Kan ram hi ‘Kristian ram’ kan ti a, a ram mipui cheng mila teh chuan a dik hle ang; mahse, kan nun dan erawh a ‘Kristian’ viau si lo! Incheina atan bak kan Kristian tha peih ta meuh lo niin a lang ta!

Hetihrual hian, mi thahnemngai tak tak leh Lalpa pawl reng mai mi tlem erawh kan la zawm zel a, hei hi chu a lo kal leh hun thlenga awm tur a ni.

Vawiin, a thawhlehna champha kan hmanah hian thawhlehna hian kan nunah awmzia nei se, lamtual leh biak in kan chhuahsan hlat poh leh lang tulh tulh zawk se; kan eizawnna leh vantlang thil tihna kawng tinrengah lo lang chhuak se, tun aiin rah duhawm zawk a chhuah zel a rinawm.

APRIL THLA CHANVO NEITU TURTE

Meeting Chairman : Upa C. Zothanliana

Khuangpu : 1) Pu Chhuanvawra

                2) Pu Zosiama

Pianist : Tv. Zarzokima

Thawhlawm khawntu :

                1) Nl. Remlalmuani

2) Nl. Lalmalsawmi

3) Nl. Lalruatfeli (B-10)

4) Nl. Zonunmawii (B-9)

SUNRISE SERVICE

Isua thawhlehni champha zing karah Sunrise Service hman leh a ni dawn a, programme pawh hetiangin :-

A hun : March 27, 2016 (Pathianni) 6:00 AM

A hmun : Biak In Varandah

Hruaitu : Pu H. Lallawmsanga, Comtt. Member

Hun hman dan : Tawngtai rual leh rilru sawi

PAWL LAK DAN TUR

April, 2016 chhunga Puitling Sunday School zirtirtute pawl lak dan tur hetiangin :-

Pawl No. 1-na : Pu Lalengmawia

Pawl No. 2-na : Pu Lalmuanpuia

Pawl No. 3-na : Pu Robuanga

Pawl No. 4-na : Pu R. Lalngheta

Pawl No. 5-na : Pu George Lalzahawma

Pawl No. 6-na : Pi Vanlalchhuangi

Pawl No. 7-na : Upa Rinngaia

Pawl No. 8-na : Tv. Pachhunga

Pawl No. 9-na : Upa Lalengliana

Pawl No. 10-na : Pi Zothanpari

Pawl No. 11-na : Pu Lalllawmzuala

Pawl No. 12-na : Tv. Lalremliana

Pawl No. 13-na : Upa Lallianzama

Pawl No. 14-na : Pu Lalrinchhana

Pawl No. 15-na : Pu C. Lalhmingliana

Pawl No. 16-na : Upa Chalhnuna

Pawl No. 17-na : Pu Saikapkunga

Pawl No. 18-na : T. Upa N. Zokunga

Pawl No. 19-na : Pu Lalnghakliana

Pawl No. 20-na : Pu Vanlalzawna

Pawl No. 21-na : Pu Laltluanga

Pawl No. 22-na : Pu Lalawmpuia

Pawl No. 23-na : Pu Lalthlamuana

Reserve turte :-

1. Pu K. Pakunga 2. Pu Lalremmawia

3. Pu H. Zomuanpuia 4. Pu Lalrampana

5. Pu H. Ralkapthanga 6. Pu N. Zonunmawia

SAKRAMEN THEHTUTE

Kumin Moundy Thursday-a Bial chhunga Sakramen thehtute :-

Hlimen : Rev. H. Biakthansanga

Melthum : Rev. C. Sapkaia

Saikhamakawn : Rev. Lalchungnunga

Hlimen Damveng : Rev. Vanlalvena

Hlimen Vengthar : Rev. Ramngaihawma Khiangte

PRORAMME

Dt.27.3.2016 : Easter Sunday chawhma

Chairman : Upa C. Zothanliana

Thupui : ‘Thihna chelh hlen theih a ni lo’

Sawitu : Pastor C. Sapkaia

Zaipawl : Kohhran Zaipawl

Dt.27.3.2016 : Easter Sunday chawhnu

Chairman : Upa Vanlalzuia (Meeting Chairman)

Thupui : ‘Amah ngaitute hnenah a inlar’

Sawitu : Upa Rinngaia

Dt.27.3.2016 : Easter Sunday zan

Chairman : Upa Lalhmuchhuaka

Thupui : Amah angin kan tho leh ang;

Sawitu : Upa Lalengliana

Dt.30.3.2016 : Nilaini zan

Tantu : Pi Lalbiaktluangi

Thupui : ‘Mipaah leh hmeichhiaah a siam’

Hawngtu : Tv. P.C. Lallawmzuala

Dt.2.4.2016 : Inrinni zan

Hun hman dan : Pastor Bial fan

Thusawitu : Pastor C. Sapkaia

kristian thalai pawl

Dt.28.3.2016 : Thawhtanni zan

Hruaitu : Nl. K. Lalrawngbawli,

Committee Member

Tantu : Tv. Malsawmdawngkima,

Upa Thangkima Group

Thupui : ‘Chin lai khawvel laka danglam ngam’

Hawngtu : Nl. Zoremtluangi, Comtt. Member

Bible Reading : Tv. C. Lalrinpuia (B-1)

Tawngtairual : 1) Project – Missionary dilin

                2) April thla chanvo neitute tan

Zai hruaitu : Pu H. Lallawmsanga

Musician :Tv. Lalkhawmawia

Tv. Lalawmpuia Hauzel

Tv. C. Lalruatfela

Tv. Vanlalnghaka

Thawhlawm khawntu

: Nl. Mimi Zohmingmawii

Nl. Zosangpuii

kohhran hmeichhia

Dt.29.3.2016 : Thawhlehni zan

Hruaitu : Pi Laldingpuii

Tantu : Pi Lalramlawmi

Thusawitu : Pi Zothanpari

kohhran pavalai pawl

Dt.31.3.2016 : Ningani zan

Hruaitu : Pu Zoramthanga

Tantu : Pu Lalawmpuia

Thusawitu : Pu Thanthuama

TRAINING ZO TA

Pu Lalengmawia s/o Lalchhawna (Bial 3-na), thla ruk chhung England rama Fresham khua – Ellel International-a Healing & Deliverance training nei pawh tluang takin a lo haw leh ta. Ram hrang hrang 12 atangin mi 35 an training a, India ram atangin 2 an kal a, full sponsored an ni. Training Fee hi India pawisa chuan nuai 4 vel a ni a, India aiawha kalte hian an thlawhna chuan man chiah an tum. Hetianga training thei kan nei hi kan vannei hle. An training-na hmun hi London atang darkar 1 kal vel a ni. A hnuaia In ding hi an training-na hmun a ni.

EASTER EGG

Kumin Easter Sunday chawhma inkhawm banah hian Kohhranho te’n thingpui ruai kan kilho leh dawn a. Kum danga kan la tih ngai loh angin a hmehah hian Easter Egg kan ei dawn a ni.

Easter Egg hi artui chhum hmin a ni a, a pawn lamah rawngin an lo chei vek dawn a, hei hi Junior KTP (Senior Department zirlai thenkhat) kutchhuak a ni dawn nghe nghe. Kohhranho te’n Krista thawhlehna hriat reng nan he hun hi hlim leh lawm taka kan hman tlan theih nan duhsakna sang ber kan hlan leh che u a, heng hian Krista thihna leh thawhlehna min hriatchhuahtir leh se.

KTP INKHAWM DAN

March 21, 2016 (Mon) zan KTP inkhawm dan :-

Upa Pêngthangvunga Group – 27

Upa Kûtdênga Group – 27

Upa Thangkima Group – 21

Upa Rokûnga Group – 24

Junior Group – 20

Mi dang – –

Total – 119

Thawhlawm – ` 2,635/-

Mi 1 thawh dan – ` 22.14/-

THLIRNA

Harsatna kawng hrang hrang avang pawh a ni ang, Gas a lo thleng khat hle.

March 17 & 18 khan tam tham deuh tak a lo thleng a, kan mamawh vek a nih avangin in tin deuh thaw atangin kan tlan khawm a ni deuh ber.

A ni khatna tukthuan eikham atanga kalkhawm kan ni a, ninawm khawp kan nghah hnu chuan a lo thleng ta!

A thenin bur 2/3 an lak laiin a then chuan kan chang lo nual mai!

A ni hnihnaah a lo thleng leh a, lak ngei tumin kan intlar put mai a. A hma ni-a late pawhin duh tawk lem nei lovin kan chuh leh nuaih nuaih mai a, kan mamawh vang pawh a ni mai thei. Dan pangngaiin a thenin bur 2 an pu haw leh ta nawlh nawlh mai a, chang lo kan kat leh ta nuk mai!

Heng hun tak hi a ni lawm ni kan Mizo-na leh kan Kristianna kan lantir hun tur chu? Kan Kristianna hian kan duhamna (Duhamna chu milem biakna) a tu-dai thei ngang lo chu a ni ber mai! Rawngbawltu leh tu lo pawh hi kan lo inang leh fo mai thin..!!

Thuvawn :-

Rom 6:5

“A thihna anpuiin amah nen kan inzawm tawh si chuan a thawhlehna anpui pawhin kan inzawm bawk ang.”

PTODUCTION STAFF

Editor : Lalkhawmawia

Jt. Editor :P.C. Lallawmzuala

David Rualtinkhuma

News Editor :Lallawmkimi

Siamthangpuia

A. Lallawmsanga

Cir. Manager :Vanlalnghaka

Zonunsanga

Zonunkima

BRANCH KTP COMMITTEE

March thla THUREL THENKHAT

Hlimen the 20th Mar., 2016 (Pathianni) : March 17, 2016 (Ningani) zan khan March thla KTP Committee (Committee Vawi 4-na) neih a ni a, chuta rorel thenkhat hetiangin :-

1. Bial KTP Bible Quiz Meet neih turah kan Branch aiawha Quiz-a tel turin Nl. R. Zonunmawii leh Tv. F. Laltlanhlua-te ruat an ni.

2. Bial KTP Bible Quiz Meet-ah kan Branch atanga item atan Live Band (i/c Pu H. Lallawmsanga leh Tv. Zarzokima) leh Musical Film @ Live on stage (i/c Tv. Lalkhawmawia)-te thlan a ni.

3. Branch Diamond Jubilee puala Music Video siam turah Diamond Jubilee zawh lamah hmalak nise tih a ni.

4. Evangelical Cell lama hmalak zel nan ‘hmun fang tawngtai’ neih leh nise tih a ni a, September thla Committee-ah rel leh nise tih a ni.

5. Cell hmalak zel nan Chhandamna Camping lut tur sawm nise, an kal man pawh a tul angin tumsak nise tih a ni.

6. Upa Pêngthangvunga Group te’n an Group sumtuak nana Darlung kaia Blanket suk an dil chu remtihsak an ni.

7. Upa Kûtdênga Group te’n an Group sum tuak nana March 22, 2016 (Thawhlehni) zana Khatla Branch-a Nimbu tui zawrh an rawn dil chu remtih a ni.

8. Diamond Jubilee puala Souvenir buatsaih turah Message ziak turin Central KTP Leader, Aizawl Chhim Presbytery Moderator, Mission Veng Branch Leader, Bialtu Pastor, Bial KTP Leader-te beisei an ni.

9. Diamond Jubilee puala Souvenir buatsaih turah article ziak turin Pu Lalnghinglova Hmar (Thalaite leh infiamna); Dr. Lalhrekima (Thalaite leh rilru hrisel); Upa Prof. Dr. Lianzela (Thalaite leh eizawnna) leh Upa Lalromawia (Thalaite leh rimawi) tihte ziak tura beisei an ni.

10. Souvenir-a sermon ziak turin Upa C. Ngurthantluanga leh ATC atangin beisei an ni.

11. Souvenir-a thlalak chuang turte : - Branch OB lo ni tawh zawng zawng leh ni mekte; Branch OB leh Group OB; Branch Committee; Sub-Committee zawng zawng; Kohhran Zaipawl enkawltute; Kohhran Entu Editorial Board; Kohhran Zaipawl.

12. April thla Committee hun hi Bial Inkhawmpui nen a in nan avangin April 26, 2016 (Thawhlehni) zan dar 7:00 ruat a ni.

13. Bial Inkhawmpui kan dawn turah Nomination Committee leh Rorel Palaite eisiamsak turah Inkhawmpui Ruai Committee-ah eisiam tura inhlawhna dil tum a ni.

14. Bial Inkhawmpui hunah Branch KTP aiawha palai turin Tv. Zarzokima leh Tv. Vanlalnghaka-te ruat an ni.

15. Good Friday leh Easter Sunday vuakvet chhunga thingpui lumtu ruat hi Branch Secretary-te kutah dah a ni.

16. Branch sumtuak nan April 11, 2016 (Thawhtanni) zan KTP inkhawm thawhlawm thawh hunah tum khat chaw ei hen thawhkhawm leh nise tih a ni.

KTP sport ruahmanna

Hlimen the 20th Mar., 2016 (Pathianni) : Branch Diamond Jubilee pual ni bawkin leh kum danga kan lo tih thin dan angin kuminah hian Branch Sport neih leh tum a ni a, ruahmanna pawh siam a ni ta. Hetiangin :-

A hun : 5th – 11th April, 2016
April 5, 2016 : Thawhlehni zan
Dar 7:30 PM : Sport hawnna
A hmun : Kohhran Hall
Hawngtu : Tv. Lalchhandama, Sport Sub-Committee Chairman
Beat Contest : Group tin atangin 1 theuh
Endiktu turte : Branch O.B.-te
Instrument. : Branch-in a neih bak chu Group te’n inngaihtuah tur
Refreshment : Branch kutah

April 7, 2016 : Ningani zan
Dar 7:00 PM : Indoor Games
A hmun : Kohhran Hall

Chess : Group tin atangin mipa 4 zel
         i/c Tv. Lalremruata chawngthu

Drough Board : Group tin atangin mipa 2 zel
                i/c Pu Lalrinawma Kawlni

Chinese Checker &  Musical Chair : Group tin atangin hmeichia 2 ve ve
                 i/c Tv. Lalkhawmawia

Computer Games
@ Fifa 2014 : Group tin atangin mipa 2 zel
                i/c Tv. Vanlalnghaka, Tv. Zonunsanga & Tv. Lalrohlua

April 9, 2016 : Inrinni chhun (Dar 10:00 AM)

A hmun : Hlimen Field
Foot Ball : Group tin atangin mipa team 1 (20 mins +20 mins)
                  i/c Pu H. Lallawmsanga & Tv. Siamthangpuia

Blind Volleyball : Group tin atangin hmeichhe team 1
                         i/c Tv. Zoramthara & Tv. Zarzokima

Death Ball : Group tin atangin mipa 5 leh hmeichhe 5
                  i/c Pu A. Lallawmsanga & Tv. P.C. Lallawmzuala

Relay Race : Group tin atangin mipa 2 zel
                i/c Pu David Rualtinkhuma & Tv. Lalchhandama

Spoon Race &
Sack Race : Group tin atangin hmeichhia 2 ve ve
                i/c  Nl. Zoremtluangi & Nl. Zoramchhuani

Vir kuala ball inpetsiak
: Group tin atangin mipa 1 leh hmeichhia 1 zel
i/c Pu H. Lallawmsanga & Tv. Siamthangpuia

April 11, 2016 : Thawhtanni zan
Dar 7:00 PM : Sport kharna inkhawm
A hmun : Kohhran Hall
Bible Quiz : Group tin atangin participant 2 zel
Bible : I & II Korinth
Quiz Master : Tv. R. Lalawmpuia, Leader
Lawmman sem : Hruaitu kutah
Refreshmet : Branch kutah

Group colour :
Yellow    - Upa Thankima Group
White - Upa Rokunga Group
Blue        - Upa Kutdenga Group
Red         - Upa Pengthangvunga Group
Green  - Junior Group

Note : 1) Group sumtuak nan thil zawrh loh nise
2) Ei leh in hi mahni intum nise
3) Position hi Medal Tally-a siam nise
4) Sport Banner tur hi Group tin te’n Rs. 200/- theuh thawh nise.
5) Beat Contest hla zir hun tur hi Branch O.B. te’n ruahmanna lo siam se.
6) Refreshment hi sum enkawltute kutah dah  a ni.
7) Lawmman sem dan tur leh lawmman tur hi Branch O.B.-te kutah dah a ni.

THLA TIN THAWHLAWM KHAWNTU

April – May thla chhunga Upa Bial tina thla tin thawhlawm khawntu turte :-
Upa Bial 1-na : Nl. Zoremtluangi
Upa Bial 2-na : Tv. Lalengkima
Upa Bial 3-na : Tv. Siamthangpuia
Upa Bial 4-na : Nl. Zoramchhuani
Upa Bial 5-na : Tv. Zarzokima
Upa Bial 6-na : Tv. F. Laltlanhlua
Upa Bial 7-na : Tv. Lalremruata Chawngthu
Upa Bial 8-na : Tv. Vanlalnghaka
Upa Bial 9-na : Tv. P.C. Lallawmzuala
Upa Bial 10-na : Tv. Zoramthara
Upa Bial 11-na : Tv. H. Vanlalrema

BIAL ZAIPAWL MEMBER THAR
Kum 2016 – 2018 chhunga Bial Zaipawl Member, kan Kohhran atanga tel turte heng mite hi an ni :-
Soprano : Nl. R. Lallawmkimi (B-4)
                 Nl. K. Lalrawngbawli
Contralto : Nl. Zoremtluangi
Tenor : Tv. Lalruatkima
            Tv. Siamthangpuia
Bass : Tv. Lalremruata Chawngthu

SUNRISE SERVICE
Kumin Easter Sunday zing karah Sunrise Service hman leh a ni dawn a, programm pawh hetiangin :-
A hun : March 27, 2016 (Pathianni) 6:00 AM
A hmun : Biak In Varandah
Hruaitu : Pu H. Lallawmsanga, Comtt. Member
Hun hman dan : Tawngtai rual leh rilru sawi

SUM KHAWN
  Bial KTP Golden Jubilee puala Tshirt leh Calendar siam zuartute leh Branch sumtuak nana arsa zawrh man khawntute’n kan khawn kim lohte avang lama khawn nise, a khawntute’n kan khawn tawhte a rang lama sum vawngtute hnena pek nise.

CHANCHIN TAWI

@ March 14 (Mon) zana tawngtai tlaivar neih zanah khan member 40 bawr vel kan kal thei.

@ Branch Diamond Jubilee pualin March 28 (Mon) zan inkhawm banah Special Committee neih a ni dawn.

@ Branch Diamond Jubilee Souvenir-a tarlan tur Group thlalak hi mahni remchang ang anga lak tur a ni dawn a, kan lak zawhah Branch Treasurer hnenah a soft copy thehluh tur a ni ang.

@ Kohhran Zaipawl te’n March 20, 2016 (Sun) zan hian Good Friday leh Easter Sunday vuakveta hla rem tur zir tur a ni a, member a tam thei ang ber hla zir tura sawm kan ni.

@ Upa Thangkima Gr.-te chuan an Group sum tuak nana Tumkau laktirtu Upa N. Siamliana leh Pi Lalrinkimi-te chungah lawmthu an sawi mawlh mawlh a ni.


@ Branch Diamond Jubilee puala Sub-Committee din te’n kan Sub-Committee sum ruahman leh thil dang kan ruahmanna ziakin Secretary hnenah March 27, 2016 (Sun) ral hmaa thehluh tur a ni.

EDITORIAL
Vawiin hi Tumkau Ni (Palm Sunday) a ni a. Zing karah Sunday School zirlaite leh zirtirtute’n kawng zawhin an au rual a, “Hosana, Lalpa hminga lo kal chu fakin awm rawh se. Ram lo thleng tur kan Pa Davida ram chu chawimawiin awm rawh se. Chungnung berah khian ‘Hosana’..!” tiin.
‘Hosana (Tunah chhandam rawh)’ tia auvin kawng hi thlasik anga khel lovin kan zawhin kan au thin a. Mahse, a autute bawk hi chhandam ngai kan ni tih kan hriat fo a tha hle.

Chhandamna hi kawng thum – Chhandam ngai, chhandam tawh, chhandam tur tia hrilhfiah a ni a. Chu chu Bible min zirtir dan pawh a ni a, a chiangin a fiah hle.

Chhandam ngai kan nihna hi Thlarau Thianghlim zarah lo chuan kan hre thei lo va, Thlarau Thianghlim tanpuina zarah ‘chhandam tawh’ kan nih tih kan hriat hnu hian kan thih ni thlengin ‘chhandam ngai’ kan nihna hi kan hriat nawn fo a tul.


Tin, he chhandamna min pek hian thih hnu piah thlarau khawvel chiah a kawk lo va, he leiah hian chu chhandam tawh kan nihna chu kan lantir a tul hle. “Ani saw a kai chuan ka kai sa,” min tih loh nan!

PROGRAMME

Dt.20.3.2016 : Sunday School
Tantu : Pi Lalchangliani
Zirlai : ‘Pathian Thlarau leh
Lalpa chhiahhlawh’

Dt.20.3.2016 : Pathianni chawhnu
Thusawitu : Upa C. Zothanliana
Thupui : ‘Lalpa hminga lo kal chu’

Dt.20.3.2016 : Pathianni zan
Thusawitu : Upa Lalhmuchhuaka
Thupui : ‘Lal inngaitlawm a ni’

Dt.23.3.2016 : Nilaini zan
Tantu :
Thupui : ‘Mihring chu Pathian anpuia siam a ni.’
Hawngtu :

Dt.24.3.2016 : Maudy Thursday
Thupui : ‘Gethsemani huana lungngaihna’
Lalpa Zanriah Sakramen
Thehtu : Rev. H. Biakthansanga, Kulikawn
Zaipawl : Kohhran Zaipawl

Dt.25.3.2016 : Good Friday chawhma
Chairman : Upa Rinngaia
Thupui : ‘Isua a ngawi reng’
Sawitu : Upa Vanlalzuia
Zaipawl : Kohhran Zaipawl

Dt.25.3.2016 : Good Friday chawhnu
Chairman : Upa Rualkhuma
Thupui : ‘Mite hmuhsit leh duh loh’
Sawitu : Pu Lalnghakliana

Dt.25.3.2016 : Good Friday zan
Chairman : Upa Lalengliana
Thupui : ‘A nakah thisen leh tui a luang chhuak’
Sawitu : Upa N. Siamliana

Dt.26.3.2016 : Inrinni zan
Chairman : Upa Chalhnuna
Thupui : ‘Kraws lo chu chhuan tur dang a awm lo’
Sawitu : Upa Lallianzama

Dt.27.3.2016 : Easter Sunday chawhma
Chairman : Upa C. Zothanliana
Thupui : ‘Thihna chelh hlen theih a ni lo’
Sawitu : Pastor C. Sapkaia
Zaipawl : Kohhran Zaipawl

Dt.27.3.2016 : Easter Sunday chawhnu
Chairman : Upa Vanlalzuia (Meeting Chairman)
Thupui : ‘Amah ngaitute hnenah a inlar’
Sawitu : Upa Rinngaia

Dt.27.3.2016 : Easter Sunday zan
Chairman : Upa Lalhmuchhuaka
Thupui : Amah angin kan tho leh ang;

Sawitu : Upa Lalengliana

KRISTIAN THALAI PAWL

Dt.21.3.2016 : Thawhtanni zan
Hruaitu : Tv. Lalruatkima, Comtt. Member
Tantu : Nl. Zothanpuii, Upa Rokûnga Gr.
Thusawitu : Tv. Lalchhandama, Asst. Leader
Bible Reading : Tv. Benjamin Lalnunpuia
Special Item : Upa Pengthangvunga Group
Zai hruaitu : Pu H. Lallawmsanga
Musician : Tv. Lalkhawmawia
Tv. Lalawmpuia Hauzel
Tv. C. Lalruatfela
Tv. Vanlalnghaka

Thawhlawm khawntu
: Nl. R. Lallawmkimi
Nl. Lalremruati

KOHHRAN HMEICHHIA

Dt.15.3.2016 : Thawhlehni zan
Hruaitu : Pi Lalfakzuali
Tantu : Pi Vanlalchhungi
Thusawitu : Pi Saihmingthangi

MUSIC VIDEO

Bial Zaipawl (2014 – 2016) Music Video siam tum chu shooting zawh a ni ta a. Editing tih mek a ni. Harsatna dang a awm loh chuan kumin Bial Inkhawmpui hma ngei hian zawh tum a ni.

Bial Zaipawl Music Video shooting hi kan Kohhran Biak In, Kohhran Hall leh Muthi tlangahte neih a ni a, tun atanga reiloteah zawh theih an inring.

Bial Zaipawl term hi term khat kum hnih chhung a nih tak hnu hian term zawh dawn lamah Video an siam tlangpui a, hmasawnna lian tak a ni.

KTP INKHAWM DAN

March 14, 2016 (Mon) zan KTP inkhawm dan :-

Upa Pêngthangvunga Group – 21

Upa Kûtdênga Group – 21

Upa Thangkima Group – 19

Upa Rokûnga Group – 24

Junior Group – 5

Mi dang – –

Total – 91

Thawhlawm – ` 1,170/-

Mi 1 thawh dan – ` 12.85/-

THLIRNA

Harsatna kawng hrang hrang avang pawh a ni ang, Gas a lo thleng khat hle.

March 17 & 18 khan tam tham deuh tak a lo thleng a, kan mamawh vek a nih avangin in tin deuh thaw atangin kan tlan khawm a ni deuh ber.

A ni khatna tukthuan eikham atanga kalkhawm kan ni a, ninawm khawp kan nghah hnu chuan a lo thleng ta!

A thenin bur 2/3 an lak laiin a then chuan kan chang lo nual mai!

A ni hnihnaah a lo thleng leh a, lak ngei tumin kan intlar put mai a. A hma ni-a late pawhin duh tawk lem nei lovin kan chuh leh nuaih nuaih mai a, kan mamawh vang pawh a ni mai thei. Dan pangngaiin a thenin bur 2 an pu haw leh ta nawlh nawlh mai a, chang lo kan kat leh ta nuk mai!

Heng hun tak hi a ni lawm ni kan Mizo-na leh kan Kristianna kan lantir hun tur chu? Kan Kristianna hian kan duhamna (Duhamna chu milem biakna) a tu-dai thei ngang lo chu a ni ber mai! Rawngbawltu leh tu lo pawh hi kan lo inang leh fo mai thin..!!

PRODUCTION STAFF

Editor : Lalkhawmawia
Jt. Editor : P.C. Lallawmzuala
H. Lalbiaksanga
David Rualtinkhuma
News Editor : Lallawmkimi
Siamthangpuia
A. Lallawmsanga
Cir. Manager : Vanlalnghaka
Zonunsanga
Zonunkima

MIZORAM PRESBYTERIAN KOHHRANKRISTIAN THALAI PAWL

General Conference

Hlimen the 13th Mar., 2016 (Pathianni) : KTP General Conference Vawi 56-na chu March 3 – 6, 2016 chhung khan New Champhai Field-ah hman a ni a, thupui hi ‘Pathian Kohhran’ (Matthaia 16:18) tih a niin Speaker Rev. Vanlalbela a ni.
Kumin KTP General Conference-ah hian rorel palai 1037 te’n thahnemngai taka ro an rel hnuin heng agenda-te hi pawm a ni :-
1) Kum 2020 KTP General Conference chu Serchhip-ah, February 27 – March 1, 2020-ah neih tura tih a ni (2018 chu West Phaileng-ah a ni ang).
2) Youth Recreation Centre pualin sum thawhkhawm leh nise tih a ni a, Aizawl khawpui chhung tan ` 50/-, District Capital tan ` 30/-, a dang zawng ` 20/- a ni ang.
3) Youth Recreation Centre pualin KTP inkhawm zan khat thawhlawm lakkhawm leh nise tih a ni.
4) Presbyterian kalphung inzirtirna neih nise tih a ni.
5) KTP inkhawm hun khat thawhlawm hi Hospital Charity Fund atan pek nise tih a ni.
6) Chanchinbu enkawltute tan Work-Shop buatsaih nise tih a ni.
7) Ruihhlo ngaite leh hum sual daite pualin rampum huapin tawngtairual neih nise tih a ni.
8) Kum 2017 – 2018 KTP kumpuan atan ‘Thlen chin atanga hmasawn’ (Philippi 3:16) tih chu thlan a ni.
9) Kum 2016 – 2018 CKTP hruaitu thlante :-
Leader – Rev. Zothansanga (Synod ruat), Luangmual Bialtu
Asst. Leader – Pu Ngurhmingliana, Khatla Bial
Gen. Secy. – Upa Zonunmawia (Synod ruat), Mission Veng
Asst. Secy. – Pu P.C. Biakmuanpuia, Mission Vengthlang Bial
Treasurer – Pu Zonunsanga Ralte, Mission Veng Bial
Fin. Secy. – Pu Vanlalpeka, Chanmari Bial
Members – 1) Pu Lalhnehzova, Bawngkawn Bial
2) Pu Lalchhuanliana, Bawngkawn Bethel Bial
3) Tv. Joseph Lalsangzuala, chaltlang Bial
4) T. Upa Lalrinawma, Chanmari West Bial
5) Pu F. Lalremruata, Dawrpui Bial
6) Pu P.C. Lalropuia, Durtlang Bial
7) Upa Rosangliana, Electric Veng Bial
8) Pu Lalmuanawma, Kulikawn Bial
9) T. Upa Zomuana Ralte, Ramhlun Bial
10) Nl. Lalramkimi, Ramhlun Vengthar Bial
11) Tv. Robert Lalduhzuala, Ramthar Veng Bial
12) T. Upa H. Ramnunsanga, Tuikual Bial
13) Pu K. Lalruatpuia, Venghlui Bial
14) Dr. David C. Lalfakawma, Zemabawk Bial
15) Dr. Lalrotluanga, Zonuam Bial

CHANCHIN TAWI

@ General Conference Pandal chim avanga chhiat tawkte tanpui nan Territorial Salvation Army Youth chuan Central KTP-ah ` 5,000/- an hlan.

@ Kumin KTP General Conference-ah khan kan Branch atangin member 41 (Bus-a kalte) kan niin mimala kal 3 kan awm bawk.

@ KTP tawngtai tlaivar neih hunah hian zan laiah eitur tuihnai tak siam tum a ni.

@ Kohhran Zaipawl te’n March 13, 2016 (Sun) zan hian Good Friday leh Easter Sunday vuakveta hla rem tur zir tur a ni a, member a tam thei ang ber hla zir tura sawm kan ni.

@ Upa Kûtdênga Group te’n an Group sum tuak nana Letter Box an zawrh lo leisaktute leh hnatlang zawng zawngte chungah lawmthu an sawi.

@ Upa Kûtdênga Group te’n March 15 (Tue) zan dat 7:00 hian Bethel tlangah Bethel neih tur a ni a, hruaituah Tv. Lalthanfala a ni ang.

@ Upa Thangkima Gr. te’n March 15 (Tue) zan hian Bethel tlangah Bethel neih tur a ni a, a tuk March 16 (Wed) hian arsa zuara hnatlang neih bawk tur a ni ang.

KTP KALPHUNG INZIRTIRNA NEIH ANI DAWN

Hlimen the 13th Mar., 2016 (Pathianni) : Branch Committee chuan ‘KTP kalphung inzirtirna’ March 14, 2016 (Thawhtanni) zanah KTP inkhawmah neih nise a ti.
Kum 2015 khan Brach KTP Committee chuan, “Kum 2016 atana hmalakna tur Group-in rawtna thlen nise,” a tih angin rawtna thlen zingah, “KTP kalphung inzirtirna neih nise,” tih chu pawm a ni a.
Kum 2016 Branch KTP Committee chuan O.B.-te kutah dahin ruahmanna siam a ni ta a ni. O.B.-te ruahmanna chu a point chauh lo tarlang ila :-
1) KTP chu Fellowship kan ni.
2) Central, Bial, Branch leh Group inkhaidiat kan ni.
3) Group-a kan thahnemngaihna hian Branch leh Kohhran a thleng tur a ni.
4) KTP chu huho rawngbawlna a nih avangin rilru zau tak put a ngai.
5) KTP huang chhunga kan rawngbawlnaah hian kan tawngkam hman hi Kohhran taka hman thin nise.
6) KTP chu rawngbawl tura chhandam kan ni.
7) KTP thiltum ngaih pawimawh.
8) KTP chu mi taima, mi rinawm, hun vawng dik mi, chhuangkuaa mi tangkai leh khawtlangah mi dangte tan malsawmna a ni tur a ni.

TAWNGTAI TLAIVAR NEIH ANI DAWN
Hlimen the 13th Mar., 2016 (Pathianni) : Branch Committee rel angin March 14, 2016 (Thawhtanni) zan inkhawm banah hian KTP te’n tawngtai tlaivar neih tur a ni a. Programme pawh hetiangin ruahman a ni :-
A hmun : Biak In
Session I-na : Dar 10:00 PM – 11:30 PM
Hruaitu : Tv. Lalkhawmawia, Treasurer
Recess : Dar 11:30 PM – 12:00 Midnight
Session II-na : Dar 12:00 MIDNIGHT – A tul dan angin
Hruaitu : Tv. Lalchhandama, Asst. Leader
Musician : 1) Tv. Zarzokima (Piano)
2) Tv. Lalawmpuia Hauzel (Drum)
3) Tv. Vanlalnghaka (Guitar)
4) Tv. C. Lalruatfela (Bass)
Hla hriltu : Nl. Lallawmkimi
Praise Group : 1) Pu H. Lallawmsanga (Convener)
2) Tv. Lalruatkima
3) Tv. Zoramthara
4) Nl. R. Lallawmkimi
5) Nl. Zoremtluangi
6) Nl. K. Lalrawngbawli
Hemi zan hian ei leh in pawh awm tura ngaih a ni a. Tawngtai tlaivar tih a nih avangin zing khawvar thlenga tawngtai tihna lam a kawk lo va, zanlai dar 12:00 atang chuan a tul dan a zira kal tur a ni ang. Tawngtai kar lakah hian zaihona hun pawh awm tura ngaih a ni. Member a tam thei ang ber kal turin kan insawm a ni.

EDITORIAL
KTP General Conference chu a tiak ta. Tluang taka kan hman theih avang te, kawng leh a hnumah harsatna kan tawh loh avangtein Pathian hnenah lawmthu kan sawi e.
Kumin KTP General Conference-ah hian kum 2016 – 2018 hruaitu thlan dawna boruak chuan a kalte leh zoram khawvel min deng chhuak chiang hle mai, thil pawi tak a ni. A vawi khat thlenna a niin thleng nawn tawh lo se thil duhawm tak a ni.
A lo chhuahna Bial atanga nominate a inhnukdawk ngam te, a bial neitu an lang lo ngamte kha a va ropuiin KTP hi a leh lamah sual avanga hliam tuar chang awm mah se, a lo va thianghlim si em!
Hetiang thu lengvak hi a hma pawhin sawi a lo awm ve zauh zauh tawh a; mahse, hetianga thil lian tham thleng hi hmuh leh hriat tur a la awm ngai lo. Sual avanga hliama kan awm hian, kan hmalamah hmasawn leh chak zawka kal duhna min thlen sela, kawng thar duhawm zawk min thlentu hmanrawn pawimawh tak lo ni zawk se.
Hetiang hlauhthawnna avanga kan Bial agenda hiala lo lutte kha rilru chuan hre mah se, kan tana tha tura Roreltu chuan kan mamawh min pe zel ang.

BRANCH COMMITTEE
March 17, 2016 (Ningani) zan dar 7:00 hian Kohhran Committee Room-ah March thla Branch KTP Committee a thu dawn a, kohna sem mek a ni. Lehkha thehluh tur nei chuan a hma lamin Secretary hnenah pe turin kan inngen a ni.

TAWNGTAI TLAIVAR THUPUI
Tawngtai tlaivar kan neih hunah thupui tur hetiangin ruahman a ni :-
1) Kohhran hruaitute tan
a) Kohhran Committee
b) Kohhran Hmeichhe Committee
c) KTP Committee
d) Pavalai Pawl Committee
e) Masihi Sangati Committee
2) Branch Project : Missionary dila tawngtai
3) Kan Kohhran-a Missionary chhuakte tan
4) Khawvel hmun hrang hranga Missionary-te tan
5) Kan member hmun danga hnathawk leh zirna avanga awmte tan
6) Revival Team zawng zawngte tan
7) Kan Kohhrana rawngbawltute tan
a) Sunday School zirtirtu
b) Ramthar Committee
c) Social Front Committee
d) Building Committee
e) Light & Sound Committee
f) Kristian chhungkaw Committee
g) Decoration Committee
h) School Managing Board Committee
i) Kohhran thuhriltu, thupui hawngtu leh tantu
8) Branch Diamond Jubilee lawm tur pualin
9) Member hlate pualin
10) Kohhran hrang hrangte tan
11) Kan khawtlangah harhna a lo thlen theih nan
12) Ram hruaitute tan
13) Kan khawtlang hruaitu Local Council, NGO hrang hrangte tan
14) Sual thupha chawina leh mahni inhlan tharna

Zaipawl inkaihhruaina dan

1) Zaipawl hla zir/tanna hi Convener/Conductor-te kaihruai thin nise.
2) Hla zir chhungin zuk leh hmuam tih loh nise.
3) Tan hun ngai pawimawh lo leh hla zir laia ninhleite chu a tul anga zilhhau thin nise.
4) Hla zir laia phone khawih loh nise. A lo khawih lui chu laksak nise. A tul dan a zirin phone hi lakkhawm thin nise.
5) Hla zir laia chawlh hun kan siam tih lohvah chuan chhuah chhuah loh nise. Tul bik thilah chuan Conductor-te hriattir nise.
6) Hla zir zawng zawng atanga a zatve tal hla zir lo chu hla remtir ve loh nise. Harsatna bik nei, Conductor-te hriattir erawh chu hriatthiam an ni ang.

PROGRAMME
Dt.13.3.2016 : Sunday School
Tantu : Pi Lalsiamliani
Zirlai : ‘Pathian Thlarau leh Israel-te tundin lehna’

Dt.13.3.2016 : Pathianni chawhnu
Thusawitu : Upa Lalengliana

Dt.13.3.2016 : Pathianni zan
Thusawitu : Pu Thanthuama

Dt.16.3.2016 : Nilaini zan
Tantu : Pi Lalzawni
Thupui : ‘Mihring chu Pathian thil siam chungnung ber a ni’
Hawngtu : Pu Pachhunga

Dt.19.3.2016 : Inrinni zan
Tantu : Pi Vanlalchhungi
Hun hman dan : Tawngtairual leh rilru sawi

KRISTIAN THALAI PAWL

Dt.14.3.2016 : Thawhtanni zan
Hruaitu : Tv. Lalchhandama, Asst. Leader
Tantu : Nl. Lalremruati, Upa Kûtdênga Gr.
Thuzir : ‘KTP kalphung’
Sawi hawngtu : Tv. R. Lalawmpuia, Leader
Bible Reading : Tv. Lalzopuia (B-10)
Special Item : Upa Rokunga Group
Zai hruaitu : Tv. Siamthangpuia
Musician : Tv. Zarzokima &
Tv. Zonunkima
Hla hriltu : Nl. Lallawmkimi
Thawhlawm khawntu
: Nl. Mimi Zohmingmawii &
Nl. Lallawmkimi Renthlei

KOHHRAN HMEICHHIA
Dt.15.3.2016 : Thawhlehni zan
Hruaitu : Pi Lalfakzuali
Tantu : Pi Vanlalchhungi
Thusawitu : Pi Saihmingthangi
Khuangpu : Pi Sangkhumi &
Pi Lalzawni
Thilpek lakhawmtu
: Pi Lalremchhungi

KOHHRAN PAVALAI PAWL
Dt.17.3.2016 : Ningani zan
Hruaitu : Pu Lalbiakvela
Tantu : Pu Ramsanga
Hun hman dan : Sharing

BIAL-IN HMASAWN 

Kumin KTP General Conference-ah Central KTP report atanga a lan danin kan Bial chuan hmasawnna pawimawh tak mai kan tawng a, thil lawmawm tak a ni. Hetiangin :-

1) Hmun danga innei tamna Bial-ah 4-nate kan nih thin laiin kuminah chuan 18-naah kan tla thla ta.

2) Biak Ina innei tamna Bialah chuan 31-na kan ni thung.

3) Member atanga chhuta Branch sum thawhchhuah belhkhawm tam lamah Top 10-ah langin 7-na kan ni a. Kum dangah kan la lang ngai lo.

4) Kohhran-a sum chhunglut tam Bialah Top 10-ah langin 6-na kan ni bawk a. Hei pawh hi kum dangah kan lan phak lohna tho a ni.

5) Branch Missionary chawm belhkhawm tam lamah Top 10-ah langin 3-na kan ni a. Hei pawh hi kan vawi 1 lanna a ni.

LAWMTHU SAWINA

KTP General Conference-ah kan Branch atanga member kal zawng zawngte chungah Branch KTP Committee chuan lawmthu a sawi a. Conference hlawhtling tak hmangin thlen inah leh inkhawmna, kawng engkimah sawisel tur kan awm lote kha a va lawmawm em! Kawng tluana kan zinna leh kan cham chhunga min enkawla min hruaitu kan Pathian hnenah lawmthu kan sawi mawlh mawlh a ni.
Sd/-
(A. Lallawmsanga )
Secretary

KTP INKHAWM DAN

March 7, 2016 (Mon) zan KTP inkhawm dan :-
Upa Pêngthangvunga Group – 15
Upa Kûtdênga Group – 11
Upa Thangkima Group – 8
Upa Rokûnga Group – 12
Junior Group – 12
Mi dang – –
Total – 58
Thawhlawm – ` 820/-
Mi 1 thawh dan – ` 14.13/-


THLIRNA
Khua a lo lum tan ta. A hma ang bawkin Pathian biak inkhawm pawh a peihawm loh leh tan dawn ta, tan kan lak sauh sauh a ngai dawn niin a lang.
Pathian biak sawi takah chuan kan Pathian be tura kan kala kan inchei dan hi ennawn a tul ta khawp mai. A zawng zawngah famkim theih ni lo mah se, hmasawnna tur chu kan nei niin a lang.
Pathian be tura kan kalna leh kan khawlai nun incheina a inang deuh ti tih ta mai hi a fuh ber em? A thente hi chu kan ram hruaitute hmu tura kan kal dawna kan hak thin emaw, a thente phei chu kan hak duh loh tur ang chu hial kan seng lut em?
Khua lah a lum tan mek a, inthlahdah a awlin inkhawm loh pawh a awl dawn ta hle a. A inkhawmate pawh incheina kawngah a hma anga in uluk a har telh telh dawn niin a lang.
Kan incheina hian kan rilru a hruai nasa hle a, duh dah taka kan inchei leh zahawm taka kan inchei hian kan Pathian biak duh dan leh biak dan a hril thei a nia.

PRODUCTION STAFF
Editor : Lalkhawmawia
Jt. Editor : P.C. Lallawmzuala
H. Lalbiaksanga
David Rualtinkhuma
News Editor : Lallawmkimi
Siamthangpuia
A. Lallawmsanga
Cir. Manager : Vanlalnghaka
Zonunsanga
Zonunkima