Bial huap bible quiz leh hla kûtpuihman a ni dawn

Hlimen the 28th Feb., 2016 (Pathianni) : Bial KTPConference Vawi 51-na Rorel bawhzuiin Bial KTP Committee chuan Bial huap Bible Quiz leh Hla Kûtpui hman dan tur ruahmanna a siam ta.
Bial KTP Committee ruahman ang chuan Bible Quiz leh Hla Kûtpui hi hmun leh hun khata hman turin a rel a, programme pawh hetiangin a ruahman :-

A hun : May 28 – 29, 2016
A hmun : Saikhamakawn Kohhran Biak In
Dt. 28.5.2016 (Inrinni)
Dar 7:00 PM : Pathian biak inkhawm

Hruaitu : Tv. Lalkhawmawia, Leader, Bial KTP
Tantu : Nl. F. Lalrintluangi, Saikhamakawn Branch
Report : Bial Secretary
Thuchah tawi : Pu Jeff Lalhmingsanga, Treasurer, Bial KTP
Zaipawl : Melthum Kohhran leh Hlimen Vengthar Kohhran

Zan inkhawm ban – Quiz Competition
A hmun : Kohhran Hall
Hruaitu : Pu Lalhlimpuia, Committee Member, Bial KTP
Quiz Master : Nl. Mimi Zohmingmawii, Asst. Secretary, Bial KTP
Participants : Branch tin atangin mi 2 theuh

Branch pum huap

Bible Quiz : I & II Korinth
Audio & Visual : Fakna hla leh Bible Film atangin
dt. 29.5.2016 (pathianni)
Dar 10:00 AM : Pathian biak inkhawm
Hruaitu : Pu Zahmuaka, Fin. Secretary, Bial KTP
Thuchah : Tv. R. Lalawmpuia, Committee Member, Bial KTP
Zaipawl : Hlimen Kohhran, Melthum Kohhran, Saikhamakawn Kohhran,
Hlimen Damveng Kohhran leh Hlimen Vengthar Kohhran

Dar 1:30 PM : Pathian biak inkhawm
Hruaitu : Pu Lalremruata, Committee Member, Bial KTP
Thuchah : Pu H. Zothansiama, Committee Member, Bial KTP
Zaipawl : Hlimen Kohhran leh Hlimen Damveng Kohhran
Chawhnu inkhawm ban – Praise & Worship
Hruaitu : Pu Lalthlamuana, Committee Member, Bial KTP
Praise Gr. Leader : Pu Rony Zodingpuia, Director, Bial Zaipawl
Praise Group : Bial Zaipawl atangin mipa 5 leh hmeichhia 5
House Band : Saikhamakawn Branch

Dar 7:00 PM : Pathian biak inkhawm
Hruaitu : Pu Lalduhkima, Asst. Leader, Bial KTP
Thuchah : Pastor C. Sapkaia, Bialtu Pastor
Lawmman sem : Bial Secretary (Sr.)
Zaipawl : Bial Zaipawl & Saikhamakawn Kohhran

Zan inkhawm ban – Fellowship
Hruaitu : Pu C. Lalnunsanga, Committee Member, Bial KTP
Items : Branch tin atangin 2 aia tam lo
Introduction : 2016 – 2018 Bial Zaipawl Member

Hriattur pawimawh

1. Bible Quiz atan hian Holy Bible Mizo (Lushai) OV Reference hman tur a ni ang.

2. Quiz atana zawhna leh chhanna bakah tul dangte lo ruahman turin heng mite hi ruat an ni :-
a) Nl. Mimi Zohmingmawii, Asst. Secy. BKTP (Convener)
b) Pu C. Lalpiantluanga, Methum Branch
c) Tv. F. Laldingliana, Saikhamakawn Branch
d) Pu Lalrohnuna, Hlimen Damveng Branch
e) Tv. R. Lalhminghlua, Hlimen Vengthar Branch

3. Quiz Time Keeper – Pu A. Lallawmsanga, Comtt. Mem. BKTP a ni ang a, zawhna 1-na chhan hun atan second 15 a ni ang.

4. Quiz lawmman hi lawmman 1-na chiah siam tur a ni ang a, 3,000/- man hu dekchi pek nise tih a ni.

5. Zai hruaitu leh Musician hi thlengtu Branch kutah dah a ni a, Praise Group-te nen hla pawh lo zirho tura beisei an ni a, an hla zirna senso hi Bial-in a tumsak ang.

6. Thlengtu Branch tanpuina  1,000/- hlan nise tih a ni.

7. Fellowship-a item hi a theih chin chinah Live Music hman nise tih a ni a, item neih turte hi May 10, 2016 ral hmain Bial Secretary hnenah report nise tih a ni.

8. Kohhran Zaipawl-te hian hlapui leh hla pangngai rem tura beisei an ni a, hlapui 2 an rem thei a nih chuan thil lawmawm tak a ni ang.

Branch tlawh
Kumin chhung hian Bial KTP hruaitute chuan Bial chhung Branch tin tlawhchhuah leh an tum a, programme hetiangin an siam :-
June 20, 2016 (Mon) – Hlimen Branch
Thusawitu – Pu Robert Lalchhuanliana, Secretary

July 18, 2016 (Mon) – Melthum Branch
Thusawitu – Nl. Mimi Zohmingmawii, Asst. Secretary

Aug. 15, 2016 (Mon) – Saikhamakawn Branch
Thusawitu – Pu Zahmuaka, Fin. Secretary

Oct. 17, 2016 (Mon) – Hlimen Damveng Branch
Thusawitu – Pu Lalremruata, Committee Member

Nov. 21, 2016 (Mon) – Hlimen Vengthar Branch
Thusawitu – Pu John Vanlalpeka, Committee Member
Bial hruaitute Bial fan programme-ah hian Bial Zaipawl-te zaia rawngbawlna nei tura beisei an ni.

Conferene speaker leh thupui
Kum 2017 Bial KTP Conference Vawi 52-na, Melthum Kohhran Biak Ina neih turah Speaker atan Rev. Dr. Vanlalchhuanawma, Laipuitlang chu biak a niin a rem tawh thu dawn a ni.
Kum 2017 Bial KTP Conference thupui atan ‘Taimakna’ II Petera 1:10) tih chu thlan a ni bawk.

Jubilee blood donation
Kumin Bial KTP Golden Jubilee puala Blood Donation Camp neih tura ruahmanna lo awm tawh chu Jubilee lawm hun lai bawr vela hun a awm loh avanga tih a nih tak loh avangin hun dang ruat tawh lovin, tih loh mai nise tih a ni.

Thuvawn :-
Sam 1:2
“A lawmna chu LALPA danah a ni zawk a; a dan thu chu a chhun a zanin a ngaihtuah thin”

CHANCHIN TAWI

@ Feb. 27, 2016 (Sat) hian Kohhran Hall-ah ‘Khuang vuak training’ neih a ni.

@ Feb. 27, 2016 (Sat) zan khan kan Kohhran-a rawngbawltu zawng zawngte inhlantharna hun hman a ni a. Kan Kohhran-ah hian rawng-bawltu mimal 200 kan awm mek.

@ Upa Vanlalzuia leh a Team te’n Khawlailung Bangla Veng Kohhran-a rawngbawlna an neih chu hlawhtling takin an zo ta.

@ Feb. 24, 2016 (Wed) zan inkhawm ban khan Branch KTP Committee leh Group O.B.-te atan Account & Minute Training neih a ni.

@ Upa Kûtdênga Group -te chuan Feb. 23, 2016 (Tue) zan khan Letter Box siamin hnatlang an nei.

@ Upa Pengthangvunga Group-te chuan March 1, 2016 (Tue) hian sangha an zuar dawn a. Tlawmngaia lo dawr theuh turin Kohhranhote an ngen.

@ Upa Thangkima Group-te chuan ar sa an zawrh chu a man an rawn khawn leh dawn a, tlawmngaia lo laksaktute lo remchang hram turin an ngen.

EDITORIAL

Kan hruaitu hmasate chuan, “KTP chu Pawl ropui ber, Pawl zawng zawng chunga leng leh Pawl zawng zawng hnuaia leng a ni, KTP-a inhmang turte chuan an kut ding lamin Holy Bible an keng ang a, vei lamin Daily Newspaper an keng tur a ni,” tiin an sawi thin.
KTP chu Kohhranho tha tichak tura din kan ni a. Kan kal hmang pawh a Kohhran viau rualin Fellowship kan ni tih erawh kan theihnghilh loh a tha. Pawl zawng zawng chunga leng kan nihna chu Lal Isua avang a ni a, Pawl zawng zawng hnuaia leng kan nihna chu Lal Isua vang tho a ni. Lal Isua avanga nung leh che kan nihna hi kan theihnghilh tur a ni lo.

Thangthar hmasawnna hi lo dan chi a ni lo va, a hman dan kan thiam leh kan inzirtir a ngai mai chauh a ni.
Tunlai khawvel hmasawn-na hi kan kut vei lama Newspaper kan ken atangin kan lo hria ang a, chu chu a dik em tih leh kan tan a tha em tih kan kut vei lama kan Holy Bible ken hmangin kan teh fo tur a ni ang.
Mi dang aia kal fawr bik leh hnufum bik hi a KTP lo va,mi dangte dinhmun hre thiamin, an ruala ke pen tura kan inzirtir leh kan kal thiam a ngai a ni.

March thla chanvo neitu tur
Meeting Chairman : Upa Vanlalzuia
Khuangpu : 1) Pu A. Lallawmsanga
                2) Tv. Siamthangpuia
Pianist : Tv. Pachhunga
Thawhlawm khawntu :
                1) Nl. Mimi Zohmingmawii
2) Nl. Lallawmkimi Renthlei
3) Nl. Zosangpuii
4) Nl. Lalremruati (B-7)

2016 – 2018 bial zaipawl
Kum 2016 – 2018 Bial Zaipawl tura ruahmanna siam mek zel a ni a. Hetiangin member inruat dan tur leh enkawltute an ni ang :-
Director – Pu Rony Zodingpuia, Comtt. Mem.
Conductor – Pu Lalrohnuna, Comtt. Mem.
Asst. Conductor – Pu H. Lallawmsanga, Hlimen Branch
Members inlak dan tur :-
Branch Soprano Contralto Tenor Bass Total
HE           2  1 2 1         6
M3 2 1      1 2        6
SKK- 2 1 1 2 6
HE DV _ 2             1 1  4
HE VT    1               –                – 1        2
Total 7 5 5 7 24
Bial Zaipawl member tur hi Branch tin Committee-in a la ang a, Bial Secretary hnenah a hriattir ang a. Bial Secretary-in Zaipawl enkawltute leh Standing Committee-ah a la hriattir leh dawn a ni.
Bial Zaipawl term thar hi kumin Bial Inkhawmpui zawh atang hian a ding lehnghal dawn a ni.

Music video
Bial Zaipawl term kal lai mek chuan tunah hian Music Video siam tumin hma an la mek a, kan Kohhran Biak In leh Hall bakah Tuirial lamah shoting an nei a. Tun atanga hun reiloteah Cable TV lamah kan hmuh beisei ila. Bial Zaipawl Music Video siam tur hi ‘Lal Isua chaknaa innghatin’ tih Kristian hla bu no. 149-na a ni.
He an Music Video siamna atan hian kan Kohhran Hall chu Branch KTP Committee te’n an tifaisak.

Ktp kalphung inzirtir
Branch KTP-in KTP kalphung inzirtirna neih nise a lo tih angin a hnuaia mi ang hian hun hman tum a ni :-
A hun : March 14, 2016 (Mon) zan inkhawm
A hmun : Biak In
Hruaitu : Tv. Lalchhandama, Asst. Leader
Tantu : Nl. Lalremruati, Upa Kûtdênga Group
Sawi hawngtu : Tv. R. Lalawmpuia, Leader
Bible Reading : Tv. Lalzopuia (B-10)
Special items : Upa Rokunga Group

Music lamah
Branch KTP Music Sub-Committee Member atan Pu Lalthazuala chu ruat thar a ni a. Kuminah hian Branch Diamond Jubilee pualin Group tin Beat Contest neih tum a ni bawk. Hetah hian Junior Group KTP-te pawh a hranga tel tura beisei an ni.march thla chanvo neitu tur
Meeting Chairman : Upa Vanlalzuia
Khuangpu : 1) Pu A. Lallawmsanga
                2) Tv. Siamthangpuia
Pianist : Tv. Pachhunga
Thawhlawm khawntu :
                1) Nl. Mimi Zohmingmawii
2) Nl. Lallawmkimi Renthlei
3) Nl. Zosangpuii
4) Nl. Lalremruati (B-7)


PROGRAMME

Dt.28.2.2016 : Sunday School
Tantu : Pi Zopari
Zirlai : ‘Pathian Thlarau leh lalte’

Dt.28.2.2016 : Pathianni chawhnu
Thusawitu : Upa N. Siamliana

Dt.28.2.2016 : Pathianni zan
Thusawitu : Upa C. Zothanliana

Dt.2.3.2016 : Nilaini zan
Tantu : Pi Lalsangpuii (B-6)
Thupui : ‘Rom hovin mihring an ngaihdan’
Hawngtu : Pu K. Pakunga

Dt.5.3.2016 : Inrinni zan
Hun hman dan : Tawngtairual leh rilru sawi

Kristian Thalai Pawl
Dt.29.2.2016 : Thawhtanni zan
Hruaitu : Nl. Lalengzami, Comtt. Mem.
Tantu : Pu Lalthazuala, Upa Rokunga Gr.
Tawngtairual : March thla chanvo neitu turte tan
Thusawitu : Tv. F. Laltlanhlua, Comtt. Mem.
Bible Reading : Tv. Zoremtluanga (B-7)
Zai hruaitu : Tv. Siamthangpuia
Musician : Tv. Zarzokima &
Tv. Zonunkima
Hla hriltu : Nl. Lallawmkimi
Thawhlawm khawntu
: Nl. Lalruatmawii &
Nl. Zosiampari

Ktp inkhawm dan
Feb. 22, 2016 (Mon) zan KTP inkhawm dan :-
Upa Pêngthangvunga Group – 30
Upa Kûtdênga Group – 36
Upa Thangkima Group – 27
Upa Rokûnga Group – 31
Junior Group – ?
Mi dang – 124
Total – 230
Thawhlawm – ` 2,896/-
Mi 1 thawh dan – ` 12.98/-


Kohhran Hmeichhia
Dt.1.3.2016 : Thawhlehni zan
Hruaitu : Pi Lalzikpuii
Tantu : Pi Lalchhungi (B-4)
Hun hman dan : Rilru sawi
Khuangpu : Pi Sangkhumi &
                Pi Lalzawni
Thilpek lakhawmtu
                        : Pi Lalremchhungi
Inkhawm ban : Bethel neih tur
Hruaitu : Upa Bial 9-na atangin

Kohhran Pavalai Pawl
Dt.3.3.2016 : Ningani zan
Hruaitu : Pu Lalhunthara
Tantu : Pu Zoramthanga
Hun hman dan : Sharing

General Conference
KTP General Conference-a kal tum zawng zawngte February 28, 2016 (Pathianni) zan inkhawm banah Kohhran Hall-ah inhmuhkhawm leh tur a ni a, kal tur zawng zawngte kim vek tur a ni ang. Kal tum, kal leh thei lo tur an awm avangin an ai kal theih a ni dawn a. Kal duh turte a rang lama in report tur a ni ang.
Kal man hi ` 500/- a ni ang a, kal lamah tiffin paiin kawng lakah ei tur a ni a, haw lamah Hotel-a chawlhna man ` 150/- in rin tur a ni ang.

Hriatthiam dilna
March 3 (Ningani) – 6 (Pathianni), 2016 chhung hian KTP General Conference Champhai-ah hman a ni dawn a. He hunah Kohhran Entu Editorial Board Member-te kan kal deuh vek dawn avangin Kohhran Entu hi a chhuak thei dawn lo va, tlawmngaia min lo laksaktute leh Kohhranhote hnenah ngaihdamna leh hriatthiamna kan  ngen e.
Sd/-
Editor
Kohhran Entu

Leader dam lo
Branch KTP Leader Tv. R. Lalawmpuia chu khawsik, tlun leh lu na avangin in lamah enkawl a ni a. A dam mai loh avangin Feb. 26, 2016 (Fri) tlai khan Special-ah Doctor entir a nih hnuin in lama enkawl tura hawpui leh a ni.
Hetihrualhian, Tv. Zonunmawia s/o Lalchhuanga (L), (B-1) chu Feb. 26, 2016 (Fri) chawhnu lamah khan Newlife Hospital panpui leh a niin an lo admit leh niin thu kan dawng.

Solfa zir turin thlang
Tv. Siamthangpuia s/o Lalrehlova (L) leh Pu David Rualtinkhuma s/o Lalremmawia (B-2)-te chu Synod Worship Committee hnuaia Solfa zir tura thlan tlin an ni.

I tawngtaipui ang u

Kumin KTP General Conference-ah hian kan Bial atangin Nl. Brigette Zonunmawii, Saikhamakawn chu hla hriltu atana ruat a ni a. Member tinte’n i tawngtaipui theuh ang u.

THLIRNA

“Rawngbawlnaah hian engnge pawimawh ber?” tiin zawhna inzawt ila, kan chhanna chu a inang lo hlawm hle mai thei.
Rawngbawlnaah chuan mi dangte dinhmun hriat-thiamna leh mahni aia mi dangte tha zawka ruatna aia thil hlu hi a awm tam lo khawp ang.
Mihring reng reng hi mahni indah tha leh mi dangte thil tih tha aia tha lo hmu lian zawk mi kan ni hrim hrim mai a. Chu chu Isua neituteah chuan rah chhuah hauh lova nitina hneh theih a ni.
Ringtu kan nih tak hnu hian chu thil chu a bo vang vang ta chuang hauh lo mai pawh ni lovin, sualin hmanruaa a rawn hman ngat phei chuan chhungrilah hian a rik hian a ri ut ut reng mai a ni a.
Chu thil chu keimahni tan chauhva hnawk a ni lo va, kan bula mite leh kan rawngbawl-puite tan pawh a hnawk em em a, ringtu ni siin; nun kha takin kan awm reng thei tlat. Hengte avang hian nitina kan thih nawn fo hi a ngaiin chu chu Bible zirtirna pawh a ni.

PRODUCTION STAFF
Editor : Lalkhawmawia
Jt. Editor : P.C. Lallawmzuala
H. Lalbiaksanga
David Rualtinkhuma
News Editor : Lallawmkimi
Siamthangpuia
A. Lallawmsanga
Cir. Manager : Vanlalnghaka
Zonunsanga
Zonunkima

Group hmingputute pual inkhawm neih a ni leh dawn

Hlimen the 21st Feb., 2016 (Pathianni) : Kum 2015-a kan lo tih tawh angin kumin pawh hian kan Kohhran Upa, chatuan ram min pansan tate hriatrengna nipah fawmin Branch KTP hnuaia Group 4 dinah, kan Upate (Chatuan ram min pansante) hming chawiin Group hming vuah a ni a.
Hemi pual hian programme pawh siam a ni leh dawn ta. Kohhranho a tam thei ang ber inkhawm turin kan insawm a ni.
Kum 2016 Branch KTP hnuaia Group hmingputute :-
1) Upa Rokunga f/o Pu R. Hmingthansiama (B-6)
2) Upa Kûtdênga f/o Upa Zakamlova, Hlimen Damveng
3) Upa Pengthangvunga f/o Upa Chalhnuna (B-3)
4) Upa Thangkima f/o Pu Robuanga (B-5)

Heng Group hmingputute puala inkhawmah hian an chhungte rawn inkhawm tura sawm an ni a, nunau chena inkhawm inthlahrung lo turin kan ngen
Programme pawh hetiangin ruahman a ni :-
Hruaitu : Tv. R. Lalawmpuia, Leader
Tantu : Nl. Lalmalsawmi, Upa Kûtdênga Group
An chanchin sawi : Upa Rinngaia
Thusawi : Group hmingputu chhungte atangin mi pakhat zel
Hemi zan bikah hi chuan Group tinte, a hranga thut vek tur a ni ang.
Inkhawm banah inkhawm zawng zawngte tan
thingpui ruai buatsaih tum a ni.

Junior Group ktp din a ni ta:

Hlimen the 21st Feb., 2016 (Pathianni) : Branch KTP hnuaia Group 4 din tawh bakah Branch KTP chuan Junior Group KTP a din ta.
Junior Group KTP-te hi KTP member ni pha si, tuna KTP member la ni si lote atangin Group 1 anga din a ni a. Group dang ang vek erawh chuan activity pek an ni lo thung.
Junior Group KTP Incharge atan Tv. R. Lalawmpuia, Pu Lalrinawma Kawlni, Tv. F. Laltlanhlua, Tv. H. Vanlalrema, Tv. Lalruatkima, Nl. Zoremtluangi leh Nl. Zoramchhuani-te ruat an ni a. Tunah hian Junior Group KTP-ah hian member ?? an awm mek a. Heng member atan hian Office Bearer leh Committee Member-te an la thlangin an la inruat dawn a ni.
Kan hma lawkah hian Branch KTP Diamond Jubilee lawmna pualin KTP Sport leh Beat Contest nei turin ruahmanna siam mek a ni a. He Sport leh Beat Contest-ah hian Group dang ang bawkin Junior Group atangin a hrangin an rawn tel dawn bawk a ni. Tin, an Group Budget atan ` 2,000/- ruahmansak an ni a, an remchan ang angin he an budget hi an rawn tuak ve dawn bawk a ni.
Tin, January 22, 2016 (Thawhtanni) zan inkhawma Group hmingputute pual inkhawmah hian Junior KTP Group lawmna inkhawm neih pah nghal tur a ni a. Junior Group member zawng zawngte chu kim taka inkhawm tura ngen an ni a.
Amaherawhchu, zirlai an nih vek avangin harsatna an lo nei a nih chuan tumah inthlahrung lo turin an ngen a ni.

CHANCHINTAWI:

@ Feb. 20, 2016 (Sat) zan khan Bial KTP OB Meeting an nei. Bial Hla Kutpui leh Bible Quiz neih dan tur an ruahman.

@ Feb. 23, 2016 (Tue) zan hian Bial KTP Committee an nei dawn.

@ Upa Rokunga Gr.-te chuan Feb. 21, 2016 (Sun) zan inkhawm banah Nl. Lallawmkimi B-2)-te inah Fellowship an nei dawn. Hruaitu - Pu H. Lallawmsanga a ni ang.

@ Upa Thangkima Gr.-te chuan Feb. 19, 2016 (Fri) zan khan Kohhran Hall-ah Bethel hlawhtling tak an nei.

@ Kan member pui Nl. M.S. Dawngkimi d/o C.V.L. Sawma (L) chuan a hlawh atangin sawma pakhat KTP thlatin thawhlawm atan a rawn thawn thin dawn a, tunah hian KTP Account-ah a rawn thun fel ta.

A hmain Tv. C.K. Manga leh Nl. Lalsiammawii-te chuan sawma pakhat an lo thawh tawh thin bawk.

@ Kan Branch hruaitute zinga mi Tv. Zarzokima chuan Open Badmonton Championship, New Champhai-a neihah Mizoram No. 1 hnehin Gold Medal a rawn hawn.

EDITORIAL:

Kohhran Committee ruahman ang chuan kum 2016 chhunga Kohhran chhunga rawngbawltu zawng zawng inhlan tharna hun hman a ni leh dawn chu a ni a.

Rawngbawltu inhlan tharna hun hi kumtin neih thin ni lo mah se, kan hman tan atang kha chuan kan la nei ve deuh ziah a.

Kan programme-te a nihna ang taka kan hman tluan theih ringawt kha kan inhlan tharna a ni ringawt lo va, tih tur ang angte kan tih vekna kha kan inhlantharna pawh a la ni chuang lo.

He hun hi hmang miah lo pawh ni ila, khawi hmunah pawh, engtik hunah pawh Pathian hnena inhlan thar fo tur kan ni.

Ringtu hi tluk leh thawh fawma kal bek bek kan ni a. Chauh chang leh nghi chang, chak chang leh harh chang kan nei vek thin.

Kan thinlung ber mai hi kan hlan tak meuh meuh a pawimawh a ni. Mahni inhlan rual hian mi dangte hi kan thinlungah an lo lian duh hle. Mi dangte aia thawk tha bik, mi dangte aia inhlan bik, mi dangte aia tuar na bik nia kan inngaihna pawh hi kan hlan ral tel fo a ngai a ni.

Thuvawn :
Johana 17:3
“Hei hi chatuana nunna a ni, nang Pathian tak chauh leh I tirh Isua Krista hriat hi.”

Hlimen pastor bial inkhawmpui

Organising commitee thurel thenkhat:

Hlimen the 21st Feb., 2016 (Pathianni) : Kohhran Committee-in Hlimen Pastor Bial Inkhawmpui Vawi 51-na leh Bial Golden Jubilee kan dawn turah Organising Committee dinin hma lak a ni ta a. Organising Committee chuan ruahmanna siam lehin hetiang hian Sub-Committee leh an hna chanpual tur a ruahman a :-

1. Ushering & Reception Sub-Committee :

Chairman : Tv. Lalkhawmawia

Secretary : Pu A. Lallawmsanga

Members : 1) Upa Lalhmuchhuaka 

                   2) Pi Zothanpari

                3) Pu David Rualtinkhuma  

                   4) Pu B.K. Remmawia

                5) Nl. Lalrinhlui                          

                   6) Nl. Lalengzami

                7) Tv. P.C. Lallawmzuala

                   8) Tv. R. Lalawmpuia

Chan pual : Ushering & Reception, Badge, Inkhawmpui Minute etc.

2. Refreshment Sub-Committee :

Chairman : Upa Lallianzama

Secretary : Nl. Mimi Zohmingmawii

Members : 1) Pi Zonunkimi

                   2) Pi Vanlalchhuangi

                3) Pu R. Hmingthansiama

                   4) Tv. R. Lalawmpuia

                5) Tv. Lalchhandama (B-10)

Chan pual : Inkhawmpui chhunga ei leh in lam zawng zawng

3. Light & Sound Committee :
Kohhran Light & Sound Committee rin a ni a. Inkhawmpui chhunga Light & Sound lam zawng zawng an enkawl ang.

4. Deoration Sub-Committee 

Kohhran Decoration Sub-Committee rin nghal a ni a. A cheimawina leh Banner zawng zawng ah kutah a awm ang.

5. Sanitation Sub-Committee :

Chairman : Tv. H. Vanlalrema

Secretary : Pu Lalrinawma Kawlni

Members : 1) Tv. Lalchhandama (B-10)  

                   2) Tv. F. Laltlanhlua

                3) Tv. Laldawngliana

Chan pual : Faina kawnga hmalakna awm ang chi zawng zawng

6. Traffic & Security :

Hlimen Branch YMA-te tlawmngai tura ngenna an ni.

7. Medical duty :

Duty turin Pi Lalsangpuii (B-6) leh Nl. Zochuanpuii-te ruat an ni.

Damdawi tul ang pawh lo ngaihtuah tura ngen an ni.

Heng Sub-Committee leh incharge-a ruatte hian a tul angin ruahmanna an lo siam ang a, sum an mamawh zat tur leh an hmalak tum dan nen February 27, 2016 (Inrinni) hmain Inkhawmpui Organising Committee Secretary Tv. R. Lalawmpuia hnenah ziaka thehlut tura ngen an ni.

Khuang vuak training

Feb. 27, 2016 (Inrinni) hian kan Kohhran Hall-ah ‘Khuang vuak training’ neih tur a ni a. Kohhran chhunga hla lama rawngbawlna hna chelh zawng zawngte leh he mi lama tui mi zawng zawngte chu kal vek tura ngen an ni.

Rawngbawltu inhlan thar

Feb. 27, 2016 (Inrinni) zan hian kum 2016 chhunga Kohhrana rawngbawlna hna chelh zawng zawngte tan ‘inhlan tharna hun’ hman tur a ni a. Rawngbawlna hna helh zawng zawngte inkhawm vek tura ngen kan ni. Thuchah hi Bialtu Pastor C. Sapkaia hnen atangin ngaihthlak a ni ang.

Rawngbawlna nei

Upa Vanlalzuia leh a Team-te chuan 2016 Khawlailung Bial Kohhran Hmeichhe Inkhawmpui hmanpui tura an sawm angin rawngbawlna an nei a.

He an rawngbawlna hi a hlawhtlingin Khawlailung Bangla Veng-ah Crusade neiin an chhunzawm a, Feb. 21, 2016 (Pathianni) thleng an cham ang a, a tuk thawhtanniah an lo haw ang. He rawngbawlnaah kalte :-

1) Upa Vanlalzuia

2) Tv. F. Laltlanhlua s/o F. Lalhmingliana (B-3)

3) Tv. M.S. Dawngkima s/o Zarzoliana (B-1)

4) Tv. Lalthanfala s/o Hmingthanzama (B-6)

5) Tv. Lalruatfela s/o Lalthantluanga (B-8)

6) Tv. Lalnunfela s/o Ramhmingthanga (B-9)

7) Tv. Zochhuanpuia s/o Zohmangaiha (B-7)

Diamond Jubilee pual sport

Kumin Branch KTP Diamond Jubilee pual hian Sport neih a ni dawn a, Sport Committee hetiangin ruahman a ni :-

Chairman : Tv. Lalchhandama, Asst. Leader

Secretary : Tv. Lalruatkima, Committee Member

Members : 1) Tv. Zoramthara

        2) Tv. Vanlalnghaka

        3) Tv. Zarzokima

        4) Tv. Siamthangpuia

        5) Pu H. Lallawmsanga

        6) Pu David Rualtinkhuma

        7) Tv. Lalremruata Chawngthu 

Sport Committee hian Sport chungchanga tul awm apiang an lo ngaihtuah dawn a ni.

Account & Minute Training

Branch Committee leh Group O.B.-te tan Account & Minute Training neih tur a ni a, training pe turin heng mite hi ruat an ni :-

Account-ah : Upa C. Zothanliana

Minute-ah : Tv. R. Lalawmpuia, Leader

A hun : Feb. 24, 2016 (Nilaini) zan inkhawm ban

A hmun : Kohhran Hall

Hemi zan hian pen leh note bu ken nise.

Thingpui leh a hmeh tui tak awm turah ngai ila!

PROGRAMME

Dt.21.1.2016 : Sunday School

Tantu : Pi R. Zothanpari

Zirlai : ‘Pathian Thlarau leh Roreltute’ &

         ‘Pathian Thlarau leh Hriak thih’

Khaikhawmtu : Pu Lalnghakliana

Dt.21.1.2016 : Pathianni chawhnu

Thusawitu : Upa Lallianzama

Dt.21.1.2016 : Pathianni zan

Thusawitu : Pu Lalthianghlima

Dt.24.2.2016 : Nilaini zan

Tantu : Pu Lalramthanga

Thupui : ‘Grik hovin mihring an ngaihdan’

Hawngtu : Pi Saidingluaii

Dt.27.2.2016 : Inrinni zan

Hun hman dan : Rawngbawltu inhlan thar

Thusawitu : Pastor C. Sapkaia

Kristian Thalai Pawl

Dt.22.2.2016 : Thawhtanni zan

Hun hman dan : Group hmingputute pual inkhawm

Zai hruaitu : Tv. Siamthangpuia

Musician : Tv. Zarzokima

                 Tv. Zonunkima

Hla hriltu : Nl. Lallawmkimi

Thawhlawm khawntu

: Nl. Lalengzami

Nl. Zoremtluangi

Nl. Lalruatmawii

Nl. Zosiampari

Kohhran Hmeichhia

Dt.23.2.2016 : Thawhlehni zan

Hruaitu : Pi Lalnuntluangi

Tantu : Pi Lalrozami (B-2)

Hun hman dan : Upa Lalhmuchhuaka,

                Kohhran Represent

Kohhran Pavalai Pawl

Dt.25.2.2016 : Ningani zan

Hruaitu : Pu Lalthantluanga

Tantu : Pu Lalrindika

Thusawitu : Pu Biakropuia

General Conference

Kal man ` 500/-

KTP General Conference Champhai-a lo awm turah kan Branch atanga kal turte kal lam leh haw lam Bus fare atan mi pakhatah ` 500/- ruahman a ni a. Sumo Service-in kalna leh haw lam hi ` 800/- vel a ni! Heti chung hian Branch-in ` 25,000/- vel a la tum belh dawn a ni!

Kal tur zawng zawngte March 3, 2016 (Ningani) zing dar 5:30-ah venglai atanga chhuah tur a ni ang a, kal lamah kawng lakah Hotel-a chaw ei lovin, tiffin pai tur a ni ang. Haw lamah erawh Hotel-ah chawl tura inruahman tur a ni ang a, Hotel chaw eina senso hi ` 150/- a ni.

Kal tur zawng zawngte February 28, 2016 (Pathianni) zan inkhawm banah Kohhran Hall-ah kim taka kalkhawm tur a ni. Heta kal lo chu General Conference-ah kal lo tura ngaih an ni ang. Engemaw harsatna tak avanga kal remchang thei lo kan awm a nih chuan hruaitute hnenah inhriattir tur a ni. Hemi zana kal turte pawh, General Conference-a thlengho tur in list chhuah nghal vek tur a ni ang.

Group  Information

Upa Kûtdênga Group-te Feb. 21, 2016 (Pathianni) chawhnu inkhawm banah member tlawhchhuah neih tur a ni.

Feb. 23, 2016 (Thawhlehni) zanah Letter Box siama hnatlang neih tur a ni.

Upa Pengthangvunga Group-te Feb. 25, 2016 (Ningani) zan dar 6:30-ah Kohhran Hall-ah Bethel leh Fellowship neih tur a ni.

Hruaitu – Tv. Lalawmpuia Hauzel

Solo – Nl. Baby Lalmalsawmi

Duet – Nl. Lalramnghaki & Tv. Rosangzuala

KTP member a duh apiang tan tel theih.

Feb. 21, 2016 (Pathianni) chawhnu inkhawm banah member tlawhchhuah neih tur a ni.

Upa Thangkima Group te’n Feb. 21, 2016 (Pathianni) chawhnu inkhawm banah arsa man ba khawn tur a ni a, member-te a tam thei kal tur a ni a. Tlawmngaia lo laksaktute pawh lo remchang hram turin an ngen.

THLIRNA

Kum bul kan tan emaw kan inth laiin kan lo kal leh ta duai mai. Dam chuan hun hi a lo kal chak a nih hi maw!

KTP pawhin kumin chu kan hunpui kan hmabak leh mek a ni a. Chumi atan chuan ruahmanna hrang hrang pawh kan siam leh tawh a ni a.

Hmanlai KTP leh tunlai-te hi khaikhin ila, kan hahin hmachhawp hi kan ngah em em reng mai a. Zantin hi inkhawm zawng zawng nena hmaih hauh loh phei chuan kan awl lo a ni ber mai.

Hetianga tul taka awm hi thil tha tak mai a nih rualin chatlak awm miah lo va kum 4/5 han kal meuh chuan kan tha a thumin engkim mai hi ngaia neih a awl duh hle bawk.

Kan thlarau lam dinhmun inang lo ang bawkin kan taksa chak leh chak loh dan pawh a inang lo thin a ni a. Ruahmanna siam thiam a ngai hle.

Tuna kan chak laia rorel kan chak ang ngawt hi mi zawng zawngah a lo dik ber fo lo va, mi dang en chunga kan hmachhawp turte kan rel thiam hi a ringtuzia hle tih kan man thiam a ngai hle.

PRODUCTION STAFF

Editor : Lalkhawmawia

Jt. Editor : P.C. Lallawmzuala

H. Lalbiaksanga

News Editor : Lallawmkimi

Siamthangpuia

A. Lallawmsanga

Cir. Manager : Vanlalnghaka

Zonunsanga

Zonunkima

Hlimen pastor bial kohhran hmeichhe inkhawmpui tluang taka hman mek a ni

Hlimen the 14th Feb., 2016 (Pathianni) : Hlimen Pastor Bial Kohhran Hmeichhe Inkhawmpui Vawi 51-na leh Bial Hmeichhe Golden Jubilee (Kum 50-na) ni bawk chu February 11, 2016 (Ningani) atanga tan khan tluang taka hman mek a ni a, February 14, 2016 (Pathianni) zan hian a tiak ang.
February 11, 2016 (Ningani) zan khan Palai lawm leh report inkhawm neih a ni a. Bial Secretary leh Kohhran tin atangin report ngaihthlak a ni a, Hlimen Kohhran Hmeichhe Zaipawl zai ngaihthlak a ni.
February 12, 2016 (Zirtawpni) chawhma lamah Rorel neih a ni a. Chawhnu lamah Kohhran Hall-ah Inpawlkhawm neih a ni a. ‘Nu mawhphurhna’ tih chu Bialtu Pastor C. Sapkaia hnen atangin ngaihthlak a ni.
  Zan inkhawmah Jubilee hawnna neih a niin Bialtu Pastor C. Sapkaia hnen atangin thuchah ngaihthlak a ni a, Bial Zaipawl leh Hlimen Vengthar Kohhran Zaipawl ngaihthlak a ni.
February 13, 2016 (Inrinni) chawhma dar 9:30-ah Golden Jubilee Dar vuak a ni a. Dar 10:00-ah Jubilee Monument Rev. Vanlalvena, Hlimen Damveng-in a hawng a. Dar 10:30-ah Pathian biak inkhawm neih a niin Golden Jubilee Souvenir chu Bial Chairman Upa Vanlalzuia’n a tlangzarh a. Hruaitu hlui chawimawina neih a niin Bialtu Pastor C. Sapkaia’n chawimawina Citation a hlan. He hunah hian Pi H. Lalpianthangi, General Secretary, Central Kohhran Hmeichhe Committee hnen atangin thuchah ngaihthlak a ni bawk.
Chawhnu lamah Variety Programme hman a niin Jubilee Cake zai leh Bati hal a ni a. Kohhran hrang hrang atangin Item hmuhnawm leh zirtir nei tha tak tak tarlan a ni. Hemi hnu dar 3:00 hian Jubilee Ruai ropui taka theh a ni.
Zan dar 6:30-ah Pathian biak inkhawm neih a ni a. Hlimen Damveng Kohhran Zaipawl ngaihthlak a niin Pi Lalrinkimi. Dawrpui hnen atangin thuchah ngaihthlak a ni. Inkhawm banah Jubilee zaikhawmpui neih a ni bawk.
Inkhawmpui rorel thenkhat :-
1) Kum 2017 Hlimen Pastor Bial Kohhran Hmeichhe Inkhawmpui Programme :-
A hmun : Hlimen Damveng Kohhran Biak In
A hun : February 10th - 12th, 2017
Thupui : ‘In kawngte chu chhut ngun rawh u’ (Hagaia 1:5)

2) Kohhran Hmeichhe Rorel Inkhawm palai tur atan Pi Zazawni, Hlimen leh Pi Seldingpuii, Melthum-te ruat an ni, an kalna senso atan ` 500/-ve ve a ni ang.

3) Kum 2016 – 2017 chhunga Bial Buhfaitham ziaktu atan Pi Lalhmangaihsangzuali, Saikhamakawn leh Pi Zonunsangi, Hlimen Damveng-te rawt an ni.

4) “Bialin Hmangaihna Ina naupang pakhat kan chawm hi kum 2016 chhung atan pakhat chawm belh ni rawh se,” tih chu pawm a ni.

5) “Kristian chhungkaw Campaign Bial hruaitute’n Kohhran tinah neih ni rawh se,” tih chu pawm a ni.

6) “Bial huapin Kohhran Hmeichhe Ni hman ni rawh se,” tih chu mahni Kohhranah theuh hman nise tih a ni.

7) “Bial Hmeichhia ten thilpek pe in Home engemaw ber tlawh ni rawh se,” tih chu pawm a ni.

8) “Bial huapin Kristian Chhungkaw Zan hman ni rawh se,” tih chu Standing Committee-ah thlen nise tih a ni.

9) “Inkhawmpui chhungin Hmangaihna In pualin thawhlawm Bawm dawh ni rawh se,” tih chu pawm a ni a, thlengtu Kohhran kutah dah a ni.

10) “Kum 2016 chhungin Central hruaitute sawmin Kristian Chhungkaw Campaign leh Leadership Training Bial huapin neih ni rawh se,” tih chu pawm a ni.

11) “Bialin Tirhkoh 5(panga) kan chawm hi chawm chhunzawm leh ni rawh se,” tih chu pawm a ni.

February 14, 2016 (Pathianni) programme
10:00 am : Pathian biak inkhawm
Hruaitu : Pi Khawlvuani, Bial Chairman
Tantu : Pi Ralliani, Saikhamakawn
Kristian Chhungkaw intehna lawmman hlan
Hlantu : Upa C. Lalmuankima, Bial Secretary (Sr)
Zaipawl : Hlimen Kohhran Zaipawl
Thupui : ‘I Pathian tawk turin inpeih rawh’ (Amosa 4:12)
Sawitu : Pi Zoramsiami, Hlimen Damveng

Inkhawm ban : Inpawlkhawm
A hmun : Hlimen Kohhran Hall
Hruaitu : Pi Lalduhawmi, Bial Comt Member
Thupui : ‘Kristian Chhungkua’

1:30 pm : Lalpa Zanriah Sacrament
Thehtu : Pastor C. Sapkaia, Bialtu Pastor
Zaipawl : Saikhamakawn Kohhran Hmeichhia

Inkhawm ban : Mual inkhawm
A hmun : Hlimen Kohhran Hall
Hruaitu : Pi Khawlvuani, Bial Chairman
Thusawitu : Pi Sangzuali, Durtlang Leitan

6:30 pm : Pathian biak inkhawm
Hruaitu : Pi Lalhluani, Vice Chairman
Zaipawl : Bial Zaipawl & Melthum Kohhran Hmeichhia
Thuhriltu : Pi Khawlvuani, Bial Chairman

Inkhawm ban : Zaikhawm
Hruaitu : Upa Lallianzama, Hlimen

CHANCHIN TAWI

@ Kohhran Hmeichhe Inkhawmpuikan dawn mekah palai thleng hmasa ber chu Upa C. Lalmuankima, Bial Secretary (Sr.) a ni.

@ Upa Thangkima Gr.-te chuan Feb. 9 (Tue) zan khan Group member tlawhchhuah an nei. Feb. 11 (Nngani) khan an Group sumtuak nan arsa an zuar.

@ Feb. 14 (Pathianni) hi Pathian Ram lakkhawm hun a ni a, Finance Committee te’n mahni Bialah theuh Pathian Ram lakkhawm tur a ni ang.

@ Pi Laldawli w/o Biakmawia (L), Hlimen Vengthar Kohhrana lawi mek chuan Feb. 11, 2016 (Ningani) tlai dar 5:25 khan chatuan ram min pansan.

@ Kohhran Hmeichhe Inkhawmpui-a Golden Jubilee Ruai hi Puia Restaurant siamsak a ni a, ruai sem hi KTP te’n an buaipui thung a, KTP-te hi Puia Restaurant hnuaiah an inhlawh thung a ni.

@ Bial Kohhran Hmei-chhe Golden Jubilee-a kum 50-na mawi tak tak kan hmuhte hi Pu Lalbiak-sanga (B-6) leh Pu Andrew Lalrinchhana (B-1)-te kutchhuak vek a ni.

EDITORIAL

“Education is all round development,” an lo ti thin a. Mizote’n ‘zirna’ kan hmelhriat dan pawh hi a la fuh tawk lo va; mahse, kan inherrem zel a, kan kal dik tan ve viau tawh zel e.
Hetiang bawk hian hringnun hi zirnain a khat a, kan lo pian atanga kan thihni thleng hian kan inzir a ni ber a. Thiam tawk a awm lo a ni ber mai.
Kan Kohhran Sound hi tun hma chuan Kohhran Upaho bulah amplifier awmin Upaho te’n an thutna atangin an enkawl mai thin a. Hmasawnna a lo thang zel a, kan hman dan leh kan duh dan a lo danglam zel a. Tunah chuan a enkawltu bik neiin khawl tak tak kan hung ta fer fur hlawm mai.
A enkawltu bik awm e ti lo chuan a entu kan tam viau tawh mai a, thiam leh thiam in ti thlengin kan awm a, hmasawnna a ni.
Mahse, engmah hi thiam tawk a lo awm thei lo a ni awm e, thiama inzir zel tur kan ni tih inhre rengin mi dang mitmei veng chunga hmasawn kan tum zel tur a ni dawn lawm ni?
Thil a lo danglam hian min her danglam thiam ve thin se, a hunlai mila inher danglam thiam mi ni zel tura rilru buatsaih chungin kan insiamrem ve zel hi zirnain a ken tel a ni.


Ktp thla thar committee
February 18, 2016 (Ningani) zan dar 6:30 hian Branch KTP thla thar Committee neih tur a ni a, kohna sem a ni dawn tho va, hmu lo kan awm a nih chuan hei hi kohnaa ngaih tur a ni ang.

Mission area thleng ta
Kan Kohhran atanga Synod Mission Board hnuaia Missionary atana kan thlah takte pahnih chuan an thawhna hmun tur an thleng ta.
Nl. Lalrinkimi d/o Laikunga (B-1)
February 8, 2016 (Thawhtanni)-ah chhuakin February 10, 2016 (Nilaini)-ah a thawhna hmun tur Nepal chu tluang taka thlengin report a rawn pek hun hi February 10, 2016 (Nilaini) chawhma dar 9:56 a ni.
Nl. K. Lalrinchhani d/o K. Pakunga (B-7)
February 9, 2016 (Thawhlehni)-ah chhuakin February 12, 2016 (Zirtawpni) khan a thawhna hmun tur Arunachal hmuna – ‘Roing’ hmun chu dam taka thlengin report a rawn pek hun hi February 12, 2016 (Zirtawpni) chawhma dar 10:24 a ni.

Lawmthu sawina
  Kohhran Hmeichhe Inkhawmpui Vawi 51-na hman leh Bial Kohhran Hmeichhe Golden Jubilee lawm mekah Jubilee lawmna ruai – Puia Restaurant (Prop. Pi Maii) te’n an buatsaihah KTP-te inhlawhna min siamsaktu Puia Restaurant neitute chungah KTP chuan lawmthu kan sawi tak meuh meuh a ni.

Group hmingputute pual inkhawm
February 22, 2016 (Thawhtanni) zan KTP inkhawmah hian kum 2016 Branch KTP hruaia Group hmingputute pual inkhawm neih a ni dawn a. KTP member, a tam thei ang ber inkhawm tur leh an chhung leh khatte inkhawm tura ngen leh beisei an ni.

Lawmthu sawina
  Upa Thangkima Group te’n an Group sum tuak nana arsa an zawrh, man man taka leitirtu leh tlawmngaia lo dawrtu zawng zawngte chungah lawmthu an sawi a. A man hi remchang hmasa berah rawn khawn an tum dawn a, tlawmngaia laksaktute lo remchang hram turin an ngen.

T-shirt leh arsa man
Bial KTP Golden Jubilee puala Tshirt man la khawn lo te’n a rang lama khawn tur leh a khawn tawhte pawhin a rang lama a man thehlut tura ngen an ni a. Tin, arsa man la khawn kim lo te’n a rang lama khawn leh tura ngen an ni.

Inkhawmpui usher
Bial Hmeichhe Inkhawmpui atana Usher tura ruatte, February 14, 2016 (Pathianni)-ah chuan ruat bik awm lo va duty tur a ni a. Usher duty tura ruat zawng zawngte, kim taka kal tura ngen an ni. Sunday chawhma lamah dar 9:15-ah kim vek tawh tur a ni ang.

PROGRAMME
Dt.14.1.2016 : Pathianni chawhma
Hun hman dan : Bial Hmeichhe Inkhawmpui

Dt.14.1.2016 : Pathianni chawhnu
Hun hman dan : Bial Hmeichhe Inkhawmpui

Dt.14.1.2016 : Pathianni zan
Thusawitu : Bial Hmeichhe Inkhawmpui

Dt.17.2.2016 : Nilaini zan
Tantu : Pi Lalchhungi
Thupui : ‘Juda te’n mihring an rin dan’
Hawngtu : Tv. Pachhunga
Report : Bial Hmeichhe Inkhawmpui
Report petu : Pi Zazawni

Dt.20.2.2016 : Inrinni zan
Tantu : Pi Rohlupuii
Hun hman dan : Rilru sawi

Kristian thalai pawl
Dt.15.2.2016 : Thawhtanni zan
Hruaitu : Tv. Lalengkima,
Committee Member
Tantu : Nl. Lalngaihawmi,
Upa Pengthangvunga Group
Thusawitu : Nl. Lalrinhlui,
Committee Member
Bible Reading : Tv. Joseph Lalthlamuana (B-6)
Zai hruaitu : Tv. Siamthangpuia
Musician : Tv. Zarzokima
Tv. Zonunkima
Hla hriltu : Nl. Lallawmkimi
Thawhlawm khawntu
: Nl. Lalruatmawii
Nl. Zosiampari

Kohhran hmeichhia
Dt.16.2.2016 : Thawhlehni zan
Hruaitu : Pi Lalremchhungi
Tantu : Pi Nunthari
Hun hman dan : Inkhawmpui thlirletna
Inkhawm banah Bethel neih tur a ni
Hruaitu : Upa Bial 8-na atangin
Hun hman dan : Sharing
Hemi zan hi Missionary pual inkhawm a ni ang a, thilpek lakkhawm pawh Missionary pual tur
a ni ang.

Rorel palai kal dan
Bial Kohhran Hmeichhe Inkhawmpui Rorel palai kal dan :-
1) Hlimen - 27
2) Melthum – 21
3) Saikhamakawn – 20
4) Hlimen Damveng – 16
5) Hlimen Vengthar – 14
6) Puipate – 6
7) Ex-Officio – 4
8) Buhfaitham – 2
9) Represent – 5
10) KTP aiawh – 2
Total – 117
Kumin hi Bial Kohhran Hmeichhe Golden Jubilee a nih avangin rorel palai hi kum dang aiin intirh hnem a ni.

Chibai bukna
Bial Hmeichhe Inkhawmpui kan hman mekah Inkhawmpui chibai bukna Pastor Bial 12 thawn chhuah a niin Pastor Bial 8 leh Kohhran mal 1 atangin dawn a ni.

General conference kal tur
KTP General Conference Champhai-a lo awm turah kan Branch atangin mi 58 kal tur kan awm thei a, a lawmawm hle. Kal lam leh haw lam senso atan ` 500/- vel lo inring tura ngen kan ni a. Kawng lakah chaw ei a ngaih dawn avangin kal lamah leh haw lamah ` 150/- ve ve lo inrin nise. Heng bakah hian inkhawm thawhlawm leh mahni mamawh leina tur inrin tel a ngai dawn a ni.
Kuminah hian kan Branch atanga member kal tur hi kan la tam ber tum a ni a. Bus pawh 2 kan hmang dawn a, member te’n ` 500/- kan thawh chung pawh hian Branch hian sing 3 chuang a sen a la ngai dawn! Chutiangin, Branch dang atanga kal tur pawh an tam ber tum a ni dawn nia sawi a ni!
Champhai Vengthlang-ah kan thleng dawn a, kan thlenna atang hian Pandal hi KM 2 bawr vel a ni dawn nia sawi a ni. Tin, kan Bial thlenna tur Champhai Vengthlang huam chhunga thleng tur hi thleng tam ber tur kan ni a. Kan thlenna hmun hi hmun nuam tak nia sawi a ni bawk. Pathian zarah KTP General Conference-ah hian kan Bial hi kan thleng chhe ngai lo hrim hrim a, Pathian malsawmna kan dawna ni.

THLIRNA
Kum 2015-ah kan veng chu MBL-ah kan champion a, kan tha leh zung kan seng tak meuh meuh. Hemi kum vek hian Krismas pual veng cheiah lawmman pakhatna la lehin thalaite kan va hah tak em!
Kum 2016 kan lo chuangkai a, Bial KTP Conference Vawi 51-na leh Bial KTP Golden Jubilee lawmin thalaite kan phar kawi leh a.
Tunah Bial Kohhran Hmeichhe Inkhawmpui Vawi 51-na leh Bial Hmeichhe Golden Jubilee ni bawk kan hmang mek a ni a, thalaite kan tha a thum deuh nge ni le?
March thla damtein kan chuangkai leh ang a, KTP General Conference hmang turin Champhai lamah kan ving chholeh dawn a.
April a lo thleng ang a, Bial Inkhawmpui Vawi 51-na leh Bial Golden Jubilee lawm turin kan inbuatsaih leh a tul dawn a ni.

June ni 10-ah Branch KTP Diamond Jubilee lawm turin kan inbuatsaih leh mek chu a ni a. Kawng engkimah thalaite kan tana tha kan thlah loh a tul hle dawn a ni.

PRODUCTION STAFF:

Editor :           Lalkhawmawia

Jt. Editor :   P.C. Lallawmzuala

H. Lalbiaksanga

News Editor : Lallawmkimi

Siamthangpuia

A. Lallawmsanga

Cir. Manager :Vanlalnghaka

Zonunsanga

Zonunkima